Doon Po Sa Amin
      
 Doon po sa amin
 Bayan ng San Roque,
 May nagkatuwaang
Apat na pulubi

Nagsayaw ang pilay,
Nanood ang bulag,
Kumanta ang pipi,
Nakinig ang bingi

Sa Libis Ng Nayon

Kahit na gabing madilim sa libis ng nayon,
Taginting nitong kudyapi ay siyang himatong;
Maligaya ang panahon sa lahat ng naroroon,
Bawa’t puso’y tumutugon sa nilalayon.
Puno ng kawayan ay naglangitngitan,

Lalu na kung hipan ng hanging amihan
Ang katahimikan nitong kaparangan,
Pinukaw ng tunay nitong kasayahan.
Kung ang hanap mo ay ligaya sa buhay,
Sa libis ng nayon doon manirahan;
Tagabukid man may gintong kalooban,

Kayamanan at dangal ng kabukiran.
Ang liwanag ng buwan at kislap ng bituin,
Ay nag-alay ng aliw;

Kung ang hanap mo ay paglalambing,
Awit ng parang ay dinggin.

Ang pag-ibig mandi’y ditto nagsusupling,
At kapag nasiphayo’y luksa ang libing;

Kaya’t ang payo ko, kung inyong susundin,
Bukid ay dapat na mahalin.

Paruparong Bukid

Paruparong Buikid, na lilipad lipad,
Sa gitna ng daan, papaga-pagaspas,
Isang bara ang tapis, isang dangkal ang manggas,
Ang sayang de-kola, isang piyesa and sayad.

May payneta pa siya uy!
May suklay pa mandin uy!
Nagwas de-ohetes ang palalabasin,

Haharap sa altar at mananalamin
At saka lalakad na pakendeng-kendeng.

Sit-Si-Rit-Sit

Sit-si-rit-sit, alibambang,
Salaginto’t salagubang,
Ang babae, sa lansangan,
Kung gumiri’y parang tandang.
Santo Ninyo sa Pandakan,
Putoseko sa tindahan,
Kung ayaw kang magpautang
Uubusin ka ng langgam.
Mama, mamang namamangka,
Pasakayin yaring bata,
Pagdating mo sa Maynila,
Ipagpalit ng kutsinta.

Dalagang Pilipina

Ang dalagang Pilipina,
Parang tala sa umaga,
Kung tanawin ay nakaliligaya,
May ningning na tangi at dakilang ganda.

Maging sa ugali,
Maging sa kumilios
Mayumi, mahinhin, mabini ang lahat ng ayos;
Malinis ang puso, maging sa pag-irog
May tibay at tinig ang loob.

Bulaklak na tanging marilag,
Ang bango ay humahalimuyak;
Sa mundo’y dakilang panghiyas,
Pang-aliw sa pusong may hirap;

Batis ng ligaya at galak,
Hantungan ng madlang pangarap;
Iyan ang dalagang Pilipina,
Karapat-dapat sa isang tunay na pagsinta

Sarung-Banggi

Isang gabing maliwanag
Ako’y naghihintay sa aking magandang dilag;
Namamanglaw ang puso ko,
At ang diwa ko ay laging nangangarap,

Malasin mo giliw ang saksi ng aking pagmamahal,
Bituing nagniningning, kislap ng tala at liwanag ng buwan
Ang siyang nagsasabi na ang pag-ibig ko’y sadyang tunay,
Araw-gabi ang panaginip ko’y ikaw.

Magbuhat nang ikaw ay aking inibig,
Ako ay natutong gumawa ng awit;
Pati ang puso kong dating matahimik,
Ngayo’y dumadalas ang tibok ng aking dibdib.