Simbahang Katoliko vs. Estado
Ang baruganan sa CBCP sa Simbahang Katoliko sa Pilipinas kusganon nga misupak sa Reproductive Health Bill nga anaa gigaling pa sa atong Balay Balaoranan aron mahimo na kini nga usa ka balaod.
Sumala pa sa maong bill, aduna kini kalabotan sa family planning sa mga magtiayon. Wa kini maghisgot nga himoong legal ang abortion kon paglaglag sa taguangkan nga may kinabuhi na ang usa ka puya.
Ang mahinungdanong katuyoan sa maong bill mao ang paghipahibalo og pag-edukar sa mga magtiayon nga mosunod sila sa mga paagi o metodo inig-adaptar sa family planning sama sa paggamit og mga contraceptives nga mao ang IUD, condom, pills, injection og uban pa.
Ang atong Estado may lig-on usab nga baroganan nga mahimong balaod kining maong bill aron dili magkalisod-lisod kaayo ang magtiayon kon gamay ra ang ilang mga anak sa pagbuhi, pagpabiste, og labaw sa tanan pagpaedukar.
Adunay mga magtiayon momarka bahala kay di jud makakontrolar sa pagpalami sa kama, mao nga adunay magtiayon nga may anak nga napulo, dose og molabaw pa niini.
Adunay uban nga magtiayon nga nagpasalamat nga nadaghan ang ilang mga anak kay adunay nakahuman o mga kurso og maayo ang ilang mga trabaho.
Adunay uban tungod sa kadaghan og mga anak nabuyatyat, dili makapaedukar, dili makapalit og tambal kon masakit mao nga ang mga dagway maorag mga “malnourished”.
Ang mga kaobispohan sa Simbahang Katoliko hughtanon nga nag-awhag sa mga magbabalaod sa Senado nga dili mahimong balaod ang maong bill kay ang mga metodo nga gigamit sa family planning adunay “inclination” nga masumpo nga mahatagan og kinabuhi ang napalami-lami.
Adunay uban nga Obispo sa Simbahang Katoliko mideklarar nga dili magpakalawat nadto sa mga magbabalaod nga nipabor sa maong bill.
Si Cardinal Vidal, Arsobispo sa Sugbo mideklarar nga siya magpakalawat gihapon, ug anaa ra sa mga magbabalaod nga pabor sa maong bill og mopadayon gihapon pagkalawat nga sila makonsensya sa gibaod da Simbahang Katoliko.
Kining bahina nga magkabangi ang baruganan sa Simbahang Katoliko og Estado mahitabo jud kay lagi sa atong Batakang Balaod aduna may “separation of the power between the Church and the State”.
Ang mga kaobispohan sa Simbahang Katoliko nagpatunhay sa gitawag og “pro-life” dili ang paglaglag sa puya nga may kinabuhi na.
Sila ang mopatubo pinaagi sa pagkaon sa utok nga mopalambo sa mga espirituhanong pagtuo og sa pagbuhat, samtang ang mga magbabalaod sa Estado naglantaw nga dili kita ma- over populated aron dili magkalisod-lisod ang atong mga pagpuyo sa mga adlaw-adlaw nga panginabuhi.
Kinsa may atong sundon aron di magkayagaw ang mga Katoliko og dili magkatibulaag? Daghan man ang mga pamaagi sa Dios aron mapugngan ang over-populated sama pananglitan sa nahitabo bag-o pa lang sa MV Princess of the Star, mga baha o lunop, mga linog, mga suicide bomb sa mga terrorista, kining tanan nikalas og mga libo-kaliboan nga mga kinabuhi.
Unsang dalana nga maayo og tanos nga subayon alang kanato nga nagsubay sa tingog sa Dios, dan, adto kita mosubay.
Pila ka bala ka lang
Hulyo 13, 2008
Lain na usab nga hitabo sa pagpamusil sa niaging Hulyo 7 sa alas 6:55 sa kagabhion didto da Panas, Bridge sa San Agustin, Talibon, Bohol sa makaupat nga hugna mikalas sa kinabuhi sa usa ka Jaime Saldo y Aurit, 33 nga nagpuyo sa maong barangay.
Dugang detalye mabasa sa usa ka news item nga nag-ulohan “Gipusil Patay” dungan karong isyoha ning maong pamantalaan.
Dihay laing krimen nga pagpamusil dugay-dugay na diha mahitabo sa national highway sa barangay San Jose sa Talibon.
Ang nakapait sa mga panghitabo walay kriminal nga matumbok og mabilanggo. Tingali adunay mga suspetsado og gituhoan mga kwartahan.
Ang mga tawo nga patyononon nga magsakay og tricycle o motorcycle abyam lang sa mga kriminal nga magsakay usab og tricycle ug inig-abot sa mga hilit nga dapit, tikloon sa kinabuhi ang patyononon.
Da, sama ra sa usa ka mananap nga sayon ra ang pagpatay sa tawo. Bisan unsa pa ka salbahis ang mga kriminal og ang nagsugo sa pagpatay aduna jud ni silay nahabiling tanlag.
Tinuod nagmalampuson sila sa pagkutlog kinabuhi og nagmaya, apan kon motuo mog Diyos og Langit sa Iyang mga pinili seguro jud nga dili mo Niya dawaton, naghulat ninyo si Satanas sa impiyerno.
Ang atong mga kapolisan sa Talibon, Trinidad og Getafe kinahanglan maghimog mga lakang nga human sa krimen nga moikyas dayon lulan og tricycle masangit sa pukot sa ilang mga bag-ong sistema sa kumonikasyon ug teknolohiya aron madakpan diha-diha ang mga kriminal.
Ang atong kagamhanan dili magpabaya niini, hinuon hatagan kini og dakong pagtagad aron aduna nay pagpanagana sa pagbuhat ug pagpatay og tawo sa pila ka bala lang.
Hulyo 6, 2008
Angayan bang paphaon sa trabaho ang Coast Guard officer nga nag-isyo’g permiso nga makabiyahe ang MV Princess of the Stars?
Sa lindog ‘Kon Ako’y Pangutan-on” ni Rey Anthony H. Chiu sa gula Hunyo 29, 2008 ning mantalaan, “gipapha na sa trabaho ang natungdang opisyal sa Coast Guard samtang gipugos sa Presidente pagpatuman sa pagpugong sa tanang byahe kon kini moagi duol sa bagyo.”
Pagkaluoy nimoTe/Dodong kon tinuod man nga gipapha na ka sa trabaho. Sa imong kaldero nga nakulob, nahasol og naproblema na karon ang imong pamilya sa inyong matag adlaw nga mahinungdanong panginahanglan.
Pagkakusog o pagkadali nga desisyon nga ikaw paphaon sa imong trabaho! Hinuon, ang tagsulat niini wa pa makakita og dokumento nga ikaw napapha na.
Kon tinuod man kini, sa ubos nakong panghunahuna, di jud ni maayo kay basin unta makapahimulos ka sa atong balaod sa “due process”.
Kinahanglan nga aduna ikaw legal counsel nga modepensa kanimo sa atong hukmanan aron mapadungog ang imong mga rason aron masaa sa hukmanan kon ikaw may salaod ba o wala sa kaso unta nga isampa batuk kanimo.
Gani, gipahigayon pa man ang Marine Board of Inquiry nga maoy gitahasan sa pag-utingkay sa trahedyang panghitabo sa Princess of the Stars aron mogula ang hingpit nga kamatuoran nga maoy usa nga basehan nga mapadayag sa hukmanan ang tinuod nga paghukom niini.
Gipalawig ang barko kay matud pa sa balaod, mapugngan lang sa Coast Guard ang paglawig sa mga barkong ubos sa 2,000 toneladas kun may storm signal number 1.
Ang Princess of the Stars dunay 23,824 toneladas, matud sa Sulpicio. Kon diha na unta kadtong Presidential Order nga walay barkong palargahon kon ang ruta niini masulod og maduol sa bagyo, na hala pamutos nalang kay gilapas nimo ang PO, apan karon na lang kini himoa sa Presidente human sa maong trahedya.
Alang nako, maayo ning balaora, malayo-layo na pud sa katalagman sa kadagatan. Lain na usab nga sugilanon, kon sa paglarga sa barko linaw-kaayo ang panahon ug way kisdom ang kalangitan, apan sa taliwala sa lawod, mikalit pagbutho ang bagyo.
IGO NA ARCHIVES:
Hunyo 2008
Mayo 2008
Abril 2008
Marso 2008
Pebrero 2008
Enero 2008