|
|
|
Marco Antonio Barrera |
|
|
| Ang banggiitang si Ricky Hatton sa usa ka kadaugan |
|
|
|
Ang madaugong si Humberto Soto |
BALITANG SPORTS
Barrera mitambag ni Manny pagpunting ni Hatton
|
||||
|
Ang Former WBC featherweight ug superfeatherweight champion nga si Marco Antonio Barrera nagkanayon miaging adlaw nga si Manny Pacquiao kinahanglang molikay una ni Edwin Valero ug Humberto Soto, aron magpabilin kini sa dinagko ug bug-at nga bangga batok ni IBO lightwelterweight titleholder nga si Ricky Hatton sunod tuig.
"Kun ako ang pngutan-on, Ingnon ko siya nga maghulat siya ni Hatton sa sunod tuig," matud pa ni Barrera.
"Ang mga fans gustong motan-aw ni Manny Pacquiao ngadto sa usa ka mahagitong pagpakig-away, dili usa ka mismatch. Si Valero dili maayo alang sa pagpa-init sa lawas gumikan kay peligroso kini ug uhaw sa pagpakig-away. Siguro pildihon gayod ni Manny si Valero gumikan kay taas man ang iyang eksperyensya. Si Manny utokan ra kaayo alang kang Valero kay nagsubang pa man lang kini. Si Valero dili pa andam ni Manny. Pero si Valero walay angay kahadlokan ug mohatag kutob sa ginhawa alang sa away."
Alang ni Barrera, ngadto ni Soto, si Pacquiao wala gayoy makuha sa pagpakig-away niini. Iya gani nga gibalibaran ang paglinya alang sa usa ka comeback bout batok ni Soto niadtong Septembre 16 didto sa Mexico City, bisan pa sa pagmantala niini ngadto sa website nga boxrec.com.
"Dili usab makiangayong hunahunaon alang sa ubang mga boksidor kung si Manny mopatol pa ni Soto, matud pa ni Barrera. Dili gani makapildi si Soto bisan pa ni (Joan) Guzman, ug migawas pa gani kini nga puno sa kontrobersiyang maingong (usa ka kapildihan gumikan sa diskwalipikasyon ngadto ni Francisco Lorenzo). Karon, ang WBC nakahuna-hunang tawgon siya ug naanghilan nga superfeatherweight champion."
"Kun si Soto makig-away ni Manny, ang resulta susama ra gihapon ngadto ni David Diaz, o kaha mas grabi pa. Si Manny wala magkinahanglan ni Soto. Kinsa ba gud si Soto? Kinahanglang molinya pa siya una, susama sa uban nga mibuntog sa mga dagkong pangalan sa pamoksing sa dili pa siya moangkon ug katungod aron mohagit ni Manny. Si Soto swerti lang nga anaa sa Top Rank. Kung wala pa, ambot mailhan ba kaha siya. Sa akong tan-aw, mas maayo nga si Manny moaway ni Hatton aron makaretero isip usa ka legend."
Si Jeff de Guzman, usa ka Pilipino physical therapist nga nagtrabaho sa Los Angeles, mao ang naghikay sa STAR overseas phone interview uban ni Barrera, kinsa mianunsyo dili pa lang dugay, nga pagputol sa promotional contract ni Barrera tali sa Golden Boy.
Si De Guzman nahimutang sa lawak didto sa Grand Wilshire Hotel sa Los Angeles uban ni Barrera ug sa igsuon niini nga magdudula nga si Jorge ug cutman Tony Rivera.
“Nahinabi nako si Manny ngadto sa telepono ug gipangutana ko siya kung pwedi ba kining ika-sabot alang sa usa ka negosyo inig abot niya dinhi sa Las Vegas alang sa bugno nila ni Cotto-Margarito karong umaabot Hulyo 26,” matud pa ni Barrera.
“Aduna akoy 20 ka mga boksidor sa akong mga kamot, gikan sa flyweights hangtud sa superfeatherweights. Nagplano ako nga mag co-promote uban ni Manny kabahin sa usa ka dako nga card nga magpasundayag sa bangga tali sa akong mga Meksikanong boksidor batok ngadto sa mga Pilipinong boksidor usab ni Manny. Ipahigayon kini namo sa Pilipinas o di kaha sa Mexico. Si Manny miuyon usab aron tukion ang mahitungod niini.”
Si Barrera, 34, nagkanayong depende sa mamahimong resulata sa ilang kasabutan, tingali moduaw siya sa Manila sayo sa sunod buwan.
“Daghan akog nadunggan kabahin sa Manila ug gusto usab akong masayod ug dugang kabahin sa mga Pilipino,” matud pa ni Barrera.
“Gusto usab akong mopahalipay ni Manny isip usa ka banggiitang kampyon atubangan sa iyang mga katawhan. Maayo ang iyang gipakitang katakos atubangan ni Diaz, paspas ug may kusog kini.”
Gipangutana usab si Barrera kung gusto pa ba kining mobalik ibabaw sa ring, siya usab mitubag nga mobalilk lamang kini atubangan sa usa ka takos nga kaaway.
“Wala pa matapos ang akong pangahon isip usa ka boksidor, matud pa niya. Pero dili usab ako interesadong makig away pa ngadto ni (Juan Manuel) Marquez bisan pa man kung ang mga husgado mihatag kaniyag gasa sa kadaugan bisan pa maong away diin wala siyay katungod nga moangko sa kadaugan niini. Dili na kinahangang mopruweba pa ako ngadto kang Marquez. Pero ang ika tulong away batok ni Pacquiao mao ang butang nga dili angay niya nga balilbaran. Usa ka dakong dungog alang kanako ang makig away ni Manny pag-usab,” matud pa ni Barrera.
“Sa pagkatinuod, gusto usab akong ipahigayon ang maong away bisan pa sa Manila.” Si De Guzman nagkanayon nga si Barrera gitugutan na sa kansang pagbiya sa Golden Boy CEO nga si Richard Schaefer human ang Oscar de la Hoya’s promotions outfit napakyas ngadto sa pagpahiluna kaniya alang sa usa ka away mga siyam na ka bulan ang nakalabay basi sa nakasaad sa ilang kontrata.
“Si Marco mitug-an kanako nga dili siya mouyon nga si Manny makig-away ni Valero kay si Valero iya man nga kompadre,” matud pa usab ni De Guzman.
Pero gamay ra usab ang tyansa ni Valero alang sa kadaugan, kay dili man siya ka level o katugbang ni Manny. Ang iyang sugyot lamang ngadto ni Manny, mao ang paglikay ni Valero kinsa usa ka makuyaw nga power puncher.
Ug wala usab siya magtuo nga si Soto mamahimong sunod ikaaway ni Manny. Iyang gitagna nga kung si Soto makig-away ni Manny, ma-knock down lang kini inig abot sa ika-7 nga round.
Away ni Boom-Boom nagkaduol na
Ni: Helios Pusta
Hulyo 20, 2008
|
MANILA - Ang kanhi world-title challenger nga si Rey "Boom Boom" Bautista makigtagbo ni Eden Marquez sa Novojoa town, Mexico ning umaabot Hulyo 30, didto sa Waterfront Cebu City Hotel, matud pa sa taho sa Philboxing.com dili pa lang dugay.
Ang bugnong Bautista-Marquez, usa sa ulohang bahin sa maong boxing card diin dinhi ipadayag ang pagdepensa ni World Boxing Organization (WBO) champ nga si Donnie Nietes' batok ni Eddy Castro sa nasud nga Nicaragua.
Ang maong bannga alang sa panag-ilogay World Boxing Organization Intercontinental super-bantamweight nga titulo.
Si Bautista, usa ka lumad nga Bol-anon, kinsa gitamod og dako isip sumusunod sa mga yatak ni Pacman inubanan sa makabungkag nga kumo, pero sa higayong natagbuan niini si Daniel Ponce de Leon, disgrasya ang gisangpotan niini ngadto sa unang round nga pagka-knockout, ug sa unang higayon natangtang ang pagka-undefeated niadtong Agusto 2007.
Ang 22 panuigon nga boksidor midaug sa duha ka mga away sukad niini. Si Bautista adunay 25-1 record, samtang si Marquez adunay 16 nga kadaugan 1 nga pilde 2 ka draw.
Rose sa Bulls gimultahan
gumikan sa over-speeding
Ni: Helios Pusta
Hulyo 20, 2008
|
CHICAGO - Ang numero unong draft choice nga si Derrick Rose sa
Chicago Bulls sad-an gumikan sa pagmaniho sa sakyanang labaw pa
sa 40 milya kada oras nga dagan nga milapas sa speed limit sa
Illinois highway niadtong nakalabayng April.
Ang Kane County Associate Judge nga si Robert J. Morrow mimando ni Rose sa pagbayad ug $1,000 nga multa ug pagpailalom ngadto sa traffic school, matud pa sa taho nga gikan sa county's state's attorney's office.
Ang dyutang kalapasan nga gipasaka ngadto kaniya nahitabo niadtong bulan sa Abril, human sa dihang ang State Police misukod sa gikusgon sa iyang gimanehong sakyanan, kinsa mibulhot sa gikusgong 106 milya-kada-oras sa kalsadang adunay 65 ka milya kada oras nga limitasyon sa Interstate 88 dito sa Kane County.
Niadtong Hunyo, ang Bulls mipili ni Rose sa katibuk-ang pagtamod nga No. 1 pick alang sa NBA Draft. Ang Lumad taga Chicago nga si Rose midulag usa ka season didto sa Memphis.
Siya ang nagulo sa Tigers niining tuiga nga NCAA Division I title game sa wala pa kini mahulog sa mga kamot sa Kansas.
Davenport mataktak sa
Bank of West Classic gumikan sa angol
Ni: Helios Pusta
Hulyo 20, 2008
|
STANFORD, Calif. – Ang nakasamok nga tuong tuhod ni Lindsay Davenport maoy hinungdan sa pag-atras niini gikan sa Bank of the West Classic niadtong Lunes.
Ikatulo na kini nga higayon sulod sa unom ka semana nga ang kanhi numero unong magdudula sa tennis sa tibuok kalibutan gibira sa usa ka torniyo.
Si Davenport nakasaad nga modula batok sa ikawalo nga si Francesca Schiavone alang sa unang round nga torniyo sa miaging Martes sa gabii, pero nataktak human sa usa ka pag-warmup sa miaging Lunes.
Ang three-time winner nga si Davenport misulay sa pakigharong sa unang higayon sukad sa pagkataktak niini sa ikaduhang hugna sa bangga sa Wimnledon.
Ang 32-panuigon nga si Davenport nataktak usab sa Eastbourne tournament niadtong Hunyo 16, gumikan usab sa nahisgutang angol.
“Ang The Bank of the West maoy paborito torniyo nga gusto salmutang sa tibuok kong kinabuhi isip usa ka magdudula sa tennis. Pero walay swerte, ang akong mga tuhod wala pa maulii sa kansang pagkaangol niini sukad ang Wimbledon mitugot kanako nga makig asdang sa dula.”
Ang three-time Grand Slam nga kampyon, si Davenport kaniadto misakmit sa the Bank of the West Classic niadtong tuig 1998, ’99 ug 2004.
Ang Qualifier nga si Aleksandra Wozniak sa nasud nga Canada maoy mipuli kaniya sa usa ka draw ug makigtigi usab ni Schiavone.
Away ni Santillan adto sa
Tokyo
Ni: Helios Pusta
Hulyo 20, 2008
|
Ang kanhi OPBF welter champ nga si Rev ‘Gentle Giant” Santillan mibalik ngadto sa aksyon, ug ning higayuna sa usa ka non-title bout batok ni Yoshiharu Ikeda sa iladong Tokyo Korakuen Hall ang iyang suknaon.
Si Santillan misalmot ning maong away isip mao ang iyang ganghaan ngadto sa lain nga dalan aron sulayan pag-angkon ang nahanaw nga kanhi OPBF title, kinsa nailog ni Motoki Sasaki niadtong Pebrero.
Ang walhunon nga si Ikeda, kinsa adunay gitas-ong 6-ka tiil ug 1-purgada nakabintaha ilabina sa gitas-on batok ni Santillan, kinsa naghupot sa 10 ka mga kadaugan, 6 ka kapildihan, pero sertipikado usab nga mopahagba sa kaatbang inubanan sa 8 ka mga nasakmit nga knockout.
Si Santillan, usa ka boksidor nga namugna sa syudad sa Iloilo City, kinsa adunay 24-4-1, ug 17 ka mga KO’s.
Si Santillan garanti-sadong makaharong pag-usab ni Sasaki kung ugaling mabuntog niya si Ikida ning maong bugno.
Casamayor batok Marquez
Ni: Helios Pusta
Hulyo 20, 2008
|
Ang Ring Magazine World Lightweight Champion nga si Joel Casamayor (wala) ug si Former Two-Division World Champion, Juan Manuel Marquez (tuo) sa usa ka pagpadayag niadtong Hulyo 14, 2008 didto sa Los Angeles press conference aron opisyal nga ianunsyo ang ilang umaabot nga panagtakos karong Setyembre 13, 2008 alang sa Mexican Independence Day Weekend World Championship bout nga ipahigayon sa MGM Grand Garden Arena didto sa Las Vegas, Nev.
Samtang ipadayag nga buhi sa HBO Pay-Per-View.
Barrera mitaliwan na sa
mga kamot ni Golden Boy
Ni: Helios Pusta
Hulyo 20, 2008
|
LOS ANGELES—Human sa malampusong lima ka mga tuig nga relasyon, ang Golden Boy Promotions ug kanhi World Champion nga si Marco Antonio Barrera mahapsay nga miuyong putlon na ang katalian ngadto sa usag usa, inubanan sa pagpadayag ni Barrera alang sa promotional contract ug tapuson na ang posisyon niini isip kaabin sa Golden Boy Promotions.
“Si Marco andam na usab nga mobalhin sa lahi nga rota sa alang sa kansang boxing career,” matud pa sa Presidente sa Golden Boy Promotions, Oscar de la Hoya.
“Girespituhan namo ang iyang mga desisyon ilabina ngadto sa pag-usab. Among gilauman ang maayong mga butang alang kaniya ug amo usab nga gilauman nga ugma damlag mamahimong kalabot sa gihapon sa among promosyon.”
“Samtang dako ang akong pagrespito ni Oscar de la Hoya ug sa Golden Boy Promotions, nakahukom ako nga magpalahi sa dalan alang sa akon boxing career,” matud pa Barrera.
“Malipayon ako nga mobiya sa mga kamot uban sa panaghigalaay.” Ang Golden Boy Promotions nagtimbaya ni Barrera sa kalampusan ngadto sa kansang pagtaliwan, mapasalamaton ug mapagarbuhon sa gibubo nga Hall of Fame career samtang nahimo silang kabahin sa gikatampong kadaugan ni niini.
Batok ni Valero, si Pacman angayang magbansay og sayo
|
Kun ang banggiitang magbabansay nga si Freddie Roach ang pangutan-on, gusto niyang makit-an ang bag-ong gikoronahan (WBC) lightweight king nga si Manny Pacquiao ngadto sa Wild Card pito ka adlaw sa dili pa desisyonan ang kabahin sa panagtigi niini batok sa Venezuelan knockout king nga si Edwin Valero karong umaabot Nobyembre 8.
Si Roach miingon ngadto sa boxing herald.com nga sa panagtigi atubang sa may mabug-at og kumo nga si Valero, gikinahanglan ni Pacman nga motutok ngadto sa pagbansay-bansay ilabina aron makab-ot ang perpekto nga pamaagi pagbuntog sa naglagiting nga mga kumo ni Valero.
"Wala gayud kami magkompyansa niining maong away, mao nga kinahanglan usab nga mag-andam na kami," matud pa ni Roach, kinsa mao ang nagmanso ni Pacquiao aron makab-ot ang ika-9 nga round nga pagpalukapa ni David Diaz pipila ka semana na nga nakalaby didto sa Las Vegas.
"Angay gayud nga kahadlokan ang mga kumo ni Valero, ilabina kay aduna kiniy one-punch knockout power, ug gitamod usab namo kini," matud pa sa 48-anyos nga multi-awarded corner man.
"Kinahanglang magtutok kami dyutay kabahin sa depensa gumikan kay naigo man usad si Pacman pipila ka higayon ni Diaz."
Ang Top Rank Chief nga si Bob Arum nagtinguha nga ang Pacquiao-Valero nga panagtigi ipahigayon gayud sa Las Vegas ilabina kay nakasaad na kini alang sa kasabutan ngadto uban ni Akihiko Honda, ang Hapon nga promoter ni Valero, ang karong nanghawod sa World Boxing Association super-feather weight.
Si Pacquiao adunay makapalipong nga lakaw sa mosunod semana inubanan sa iyang pag-eskwela didto sa Notre Dame College sa General Santos City ug ingonman personal nga mga katuyoan kabahin sa negosyo.
Ang 29-anyos nga boksidor duna usay hamobong lakbitan sa Beijing sayo sa sunod bulan ngadto sa Olympic sa dihang ang organizers mi-aprobar na ni Pacman isip usa ka flag-carrier alang sa bandilang Pilipinhon.
Sa kasayasyan sa panag-away, si Valero wala pa sukad maparot sa 24 ka mga bugno niini, samtang tanan sa nasakmit nga kadaugan nakuha pinaagi sa knockout, kalabot lakip na niini ang 19 nga kadaugan sa una pa lamang nga round sa pagpakig-away.
Nagtuo usab si Arum nga siya ang usa sa mga tukmang katugbang ni Pacquiao, usa ka sertipikadong moilog sa korona, ug si Valero kinsa adunay daghang mga fans, makapaaghat usab sa pipila ka mga nagtimbaya kaniya sa tibuok kalibutan.
Si Arum magpaabot usab sa desisyon sa taga the Nevada State Athletic Commission kabahin sa aplikasyon ni Valero alang sa lisensya sa dili pa opisyal nga moingong kinsa, kanus-a ug asa si Pacquiao makig-away sa sunod nga bugno.
Orlando Magic mihangop ni shooting guard Mickael
Pietrus
Ni: Helios Pusta
Hulyo 13, 2008
|
ORLANDO, Florida - Ang Orlando Magic moperma alang ni French guard Mickael Pietrus alang sa usa ka multiyear deal, matud pa sa Florida Today sa kansang taho sa Web site niini niadtong Martes.
Ang maong kasabutan gikatakdang himuon nga opisyal sa dihang buksan na ang higayon sa pagpamerma sa NBA's free-agent sa Merkules.
Ang general manager sa Magic nga si Otis Smith mikomperma alang sa maong kasabutan, ug mialaumong ngadto ni Pietrus nga mopakita sa kabatid niini ug kamaayo sa pagpasulod ug pag-gwardy uban ilalom sa Orlando, kinsa nakaabot sa Eastern Conference semifinals sa nakalabayng season.
"Sa Eastern Conference gikinahanglan usab ang maayo nimo nga pagdepensa sa maong posisyon," si Smith nga nagkanayon ngadto sa newspaper.
"Dako ang among pagsalig nga siya makatabang gayud siya nga makab-ot ang kadaugan." Si Pietrus nakakab-ot ug 7.2 ka mga puntos sa 66 ka dula sa miaging season alang sa Golden State.
Pacquiao special envoy sa 2008 Beijing Olympics
Hulyo 13, 2008
|
SI Presidente Gloria Macapagal-Arroyo mihingalan kang World Boxing Council (WBC) lightweight champion Manny Pacquiao isip maoy special envoy sa nasud alang sa 2008 Olympics adto sa Beijing, China, karong sunod bulan.
Mihimo ang Presidente sa maong pag-anunsiyo dihang ang sikat nga Pilipinong boksidor miadto sa Malacañang sa usa ka courtesy call pipila ka oras human siya miabot sa Pilipinas gikan sa Estados Unidos.
Si Executive Secretary Eduardo Ermita miingon nga si “Pacman” maoy modala sa bandila sa Pilipinas sa Beijing Olympics.
“Dungog ko usab ang magdala sa bandela sa Olympics,” miingon si Pacquiao.
Sa maong courtesy call, ang Presidente nagsundog-sundog pa sa mga sinumbagan ni Pacquiao nga nakapatumba kang David Diaz sa ilang away Domingo sa buntag (Manila time, Hunyo 29) didto sa Las Vegas.
Ang Presidente midalit usab kang Pacquiao og usa ka cake nga hitsura og kalibutan, nagbarug dinhi ang boksidor nga nag-gunit sa labing ulahing bakus nga iyang naangkon, samtang ang unang tulo ka bakus nakadayan-dayan sa ubos nga bahin.
Ang cake, nga ginganlag “Top of the World” milungtad og tulo ka adlaw sa pagbuhat sa mga in-house pastry chefs sa Malacañang nga sila si Ryan Otmana ug Harvard Quezon.
Sa wala pa mobiya sa Malacañang, si Pacquiao ug laing Pilipinong boksidor, si Dennis Laurente, nakadawat og certificates of recognition for excellence in boxing gikan sa Pangulo.
Si Laurente midaug batok kang Steve
Quinones sa Estados Unidos diha sa undercard sa Pacquiao-Diaz title fight.
Giubanan si Pacquiao pag-adto sa Malacañang sa iyang asawa nga si Jinky, ug mga
sakop sa Team Pacquiao. (PIA)
O’Neal giitsa ngadto sa Toronto
Hulyo 13, 2008
|
Sa NBA, giitsa sa Indiana Pacers ang ilang saligandong sentro nga si Jermaine O’Neal, ngadto sa Toronto Raptors sa usa ka pagbinayloay kon trade kaniadtong Myerkules (Hulyo 10).
Ang pagpabalhin ni O’Neal ngadto sa Toronto kabahin sa pag-otro sa lineup sa mga magduduwa sa Pacers.
Bugti kang O’Neal, ang Pacers
nakaangkon og upat (4) ka magduduwa gikan sa Raptors – silang T.J. Ford, Rasho
Nesterovic, Maceo Baston ug Roy Hibbert.
Kauban ni O’Neal padulong sa Toronto mao si Nathan Jawai.
Sa lain usab nga trade, ang Pacers nakaangkon nilang Jarrett Jack, Josh McRoberts, ug Brandon Rush gikan sa Portland Trailblazers bugti kang Ike Diogu ug Jerryd Bayless.
“We’re very excited about the trades we made,” matud pa ni Larry Bird, presidente sa Pacers, ug kanhi superstar sa Boston Celtics.
Tinguha sa Pacers nga makabangon sa maong liga human sa huyang nga performance sa nilabayng season diin sila mitala og 35 ka daug ug 47 ka pildi. DM
Human sa Rehabilitasyon,
Malignaggi andam na ni Hatton
Ni: Helios Pusta
Hulyo 13, 2008
|
Ang IBF junior welterweight champion nga si Paulie "The Magic Man" Malignaggi (25-1, 5 KOs) mipahulay una sa tuong kamot niini alang sa pagpakig-away niadtong nakalabayng Martes ug nagsugod alang sa rehabilitasyon.
Si Malignaggi gipailalom sa usa ka surgery sa kamot niadtong Mayo 28 aron mapaalim ang naangkong fractured metacarpal bone sa tunga-tunga nga bahin sa iyang tudlo sa tuong kamot, nga naangkon niini niadtong title-defense nga kadaugan pinaagi sa 12 ka mga round nga desisyon batok ni Lovemore N’dou.
“Maayo na ang akong gibati karon,” si Malignaggi nagkanayon sa uas ka pakighinabi didto sa kansang panimalay sa Brooklyn.
“Ang maong pagpailalom niini mao ang unang lakang, ug karon ang maong pagkaalim o rehabilitasyon nagsugod na. Wala mosakit o manghubag pa ang akong mga kamot . Pwede na ako nga makapadayon, salamat ni Dr. Margles, sinsa mao ang nagluwas sa akong pagkaboksidor. Nangita ako ug usa ka dakong away alang sa fall. Andam na usab ako nga makigtigi ni Ricky Hatton.”
Ang inilang espesyalista sa pangamot sa mga boksidor nga si Dr. Steven Margles, mao ang nag-opera sa kamot ni Paulie didto sa Lahey Clinic, Burlington, Massachusetts.
Siya usab ang nag-ayo sa kamot ni kanhi world champions nga si Vinny Paz, “Irish” Micky Ward ug Harry Simon, nga mao ang pipila sa mga iladong pasyente niya sa boksing.
“Akong gikuha ang cast ug mihimo kog x-rays,” matud pa ni Dr. Margles. “Wala na kiniy sakit ug ang maong fracture naalim na. Ning tungura, andam na kini alang sa away sumala sa iskedyul.”
PPV sa away ni Pacquiao dyutay ra
Ni: Helios Pusta
Hulyo 13, 2008
Usa ka makasubo nga hinisgutan sa kalibutan sa boksing mao ang mahitungod sa tahong seryoso nga pagkalintuwad pinaagi sa nagkadaiyang nasagap nga impormasyon nga kuno ang PPV sa bangga nila ni Manny Pacquaio ug David Diaz nakahakot lamang sa daw dyutay o kudlit nga kantidad sa palit nga gibana-banang ubos pa sa 200,000.
Walay opisyal nga taho kabahin niini gikan sa HBO kalabot sa tukmang gidaghanon sa mitan-aw sa maong away.
Espanya numero uno sa kalibutan… RP ika-169
Hulyo 13, 2008
Human sa ilang impresibong kadaugan sa bag-o pa lang nahuman nga Euro 2008 championships, ang Espanya nakaangkon na usab og laing “titulo.”
Kini mao ang titulo nga “Numero Uno” nga nasud sa tibuok kalibutan, sumala sa FIFA world rankings. Sumala sa website sa FIFA (www.fifa.com), sa rankings alang sa bulan Hulyo 2008, ang Espanya nag-una nga adunay 1,557 ka puntos.
Gisundan kini sa Italy nga adunay 1,404 points. Ang nasulod sa Top-10 mao ang Spain, Italy, Germany, Brazil, Netherlands, Argentina, Croatia, Czech Republic, Portugal ug France.
Sa mga confederations sa matag kontinento, ang Spain nag-una sa Europe (UEFA), Brazil sa South America (CONMEBOL), Cameroon sa Africa (CAF), Mexico sa North/Central America (CONCACAF), New Zealand sa Oceania (OFC), ug Japan sa Asia (AFC).
Samtang ang Pilipinas tua sa ika-169 nga pwesto sa world rankings, ug ika-33 sa Asia. Apan kini usa ka maayong balita, sumala pa sa mga opisyales sa Philippine Football Federation.
Kini gumikan kay sa milabayng mga bulan, ang Pilipinas misaka og pipila ka mga ang-ang. Sa Hunyo, ang nasud naa sa ika-170 human sa paglayat og 19 ka pwesto gikan sa ika-189 sa bulan nga Mayo. DM
Kinsay nahadlok ni Valero?
|
||
|
LAREDO, Texas - Sa boksing, ang importante dili ang gidaghanon kon dili ang kalidad. Kalidad sa kaatbang, dili ang gidaghanon sa nakaatbang.
Gipruweba sa kasaysayan nga dili ang tanang mga boksidor kinsa nahimong undefeated ug ingonman nagdala sa bansagong usa ka knockout artist dili na matarog.
Sa usa ka paghugway, aduna gayoy katapusan ang pagdomina sa usa ka manggugubat taliwala sa hawanan sa pagpakig-away; ang record nagpakita gayod sa peligrosong pagkaparot ngadto sa usa ka panagbangga sa kampyonato.
Ang kanhi World Boxing Council (WBC) light middleweight champion nga si John "The Beast" Mugabi sa Kampala, usa sa promininting hulagway nga tukma niini.
Si Mugabi, maingontang-punga, mao ang gikaintapan ug gikahadlokan sa mga boksidor nga midangat sa middleweight division niadtong tunga-tunga nga bahin sa katuigang 80's, 25-panuigon pa kini sa dihang mitagbo sa ngadto sa gikaintapang si Marvin Hagler, nga kaniadto mao ang undisputed crownholder sa middleweight titles, WBC, World Boxing Association (WBA) ug International Boxing Federation (IBF).
Tungod kay si Mugabi mao man ang giilang numero 1, ang contender (o boksidor nagtinguha nga moparot) ilalom sa tulo ka lawas sa boksing kinsa nagtangag sa limpyo ug gikahadlokang record sa away nga 25-kadaugan, walay pildi ug sulod sa 25 nga panagbangga gisakmit kini pinaagi sa knockout.
Nagtuo ang mga oddsmakers nga ang gibansag nga 'The Beast' mao na ang kulang aron maundang na ang pagpanghawod ni Hagler sa maong dibisyon.
Nasayop diay sila niini. Niadtong Marso 10, 1986, si Hagler (62-3, 52 KOs) mibungkag sa Ugandan sa ika-11 nga tikang sa maong panagtagbo nga molanat sa 12 ka round ngadto sa panagsukliay sa kuno alang sa panag-ilogayng undisputed middleweight championship sa tibuok kalibutan nga gipahigayon didto sa Caesars Palace in Las Vegas.
Bisan pa man gipalukapa niya ang tanang kanhi 25 ka mga kaatbang, si Mugabi wala gayoy ikasarang ngadto sa banggiitang si Hagler, ug ngadto sa 31 anyos nga panuigon, nahimong inila sa kansang kapanahunan.
Si Hagler nanghawod sa iyang nataran nga walay igong nakatarog bisan pa halayo ra kini itandi sa kang Mugabing gikahadlokan nga record.
Ang ‘The Beast’ dili susama kaniadto human kini miagi sa mga kamot ni Hagler. Napildi na usab kini pinaagi sa technical knockout (TKO) ngadto ni Duane Thomas sa misunod nga away, nga usa ka WBC light middleweight nga pasundayag sa susama gihapon nga lugar.
Niadtong Nobyembre 3, 1984, ang kanhi WBC super bantamweight champion nga si Jaime Garza nga naghupot sa 40-0 inubanan sa 38 ka mga knockouts sa dihang giparot kini sa una lamang nga round pinaagi sa knockout ngadto sa wala damha nga si Juan Meza kinsa adunay 41 ka mga kadaugan ug lima ka naangkong kapildihan.
Ang gikahadlokang lumad taga Venezuelan nga si Edwin Valero, 26, mao ang nakaaghat sa atensyon sa Top Rank promoter nga si Bob Arum gumikan sa pagsakmit sa makapanganghang 24-0 nga kadaugan, diin 24 niini pinaagi sa knockout (18 sa unang round).
Siya ang nagsunod sa kampyon nga si Manny Pacquiao alang sa WBC lightweight. Ang mga eksperto nagkanayon nga si Valero mamahimong susama ni Jaime Garza o di kaha maparot susama ni John Mugabi.
Pero si Pacquiao (47-3, 36 KOs) nagkanayon nga isip usa ka boksidor, buhaton lang niya ang kutob sa iyang mahimo ug sa walay puas magbansay, ug dili mamunit lamang sa kansang gusto nga ikaparang.
Pagretiro ni Mayweather molungtad kaha?
Ni: Helios Pusta
Hulyo 6, 2008
|
||||||
Si Floyd Mayweather, Jr., mianunsyo sa iyang pagretiro ug pagtaliwan sa kalibutan sa boksing, aron matapos na ang pagdomina sa makapahinulong niyang kasaysayan taliwala sa ring.
Usa ka maayong boksidor ug ingonman maayong maglilingaw; si Mayweather nakasakmit sa unom ka mga nagkadaiyang titulo, nakadaug sa bronsi nga midalya sa nakalabayng 1996 Olympic, misalmot usab sa Dancing With the Stars" ug, dili pa lang dugay, nakigharong sa mala-higanting si Big Show sa sa gipahigayong pasundayag sa WrestleMania XXIV.
Pero magpabilin kahang reterado si Mayweather?
Bisan pa man ang kansang career niini nagbarog man sa 39-0 (39 kadaugan, 0 pilde), kinahanglan ba kaha siyang makigharong sa usa ka bangga ngadto ni Oscar De La Hoya sa katapusang higayon aron masemento na sa kasaysayan ang iyang ngalan isip usa sa gikaintapan?
Ug kung makig-away man siya pagbalik, asa man usab ibutang ang iyang ngalan ilalom sa best of all time?
Sulod sa 44 ka tuig, Espanya kampyon sa Euro 2008
Hulyo 6, 2008
|
Vienna, Austria – Human sa 44 ka tuig, nahimo na gayod nga kampyon ang Epanya sa usa ka dako nga torneyo sa football.
Ug ila kining nahimo batok sa labing malampuson nga nasud sa Uropa – ang Germany.
Si Fernando Torres mi-iskor sa ika-33 nga minuto sa ilang championship game batok Germany nga gipahigayon kaniadtong Dominggo (Hunyo 29) sa Ernst Happel Stadium.
Gilutsan ni Torres ang bangag sa depensa sa Germany, lakip na ang goalkeeper Jens Lehmann aron makatala sa iyang ika duhang goal sa torneyo.
Pagsulod sa bola sa goal area, layo na kaayo si Lehmann, kinsa nisuway pagbabag ni Torres.
Apan ang Liverpool FC striker mipalupad sa bola ibabaw sa ulo ug mga kamot ni Lehmann.
Adunay daghan higayon ang matag kuponan nga maka-iskor sa duwa, apan nahutdan og swerte ang Germany.
Ang kampyonato maoy ika duha pa lang nga tropeo alang sa Spain sa ilang kasaysayan.
Midaug sila kaniadtong 1964 sa European Nations Cup apan sukad niadto, wala na sila maka-isa og tropeo.
Samtang ang Germany nakaangkon na og 3 ka World Cup ug 3 usab ka European nga titulo.
Sa Euro 2008, si David Villa sa Spain ang migawas nga top-scorer nga adunay 5 ka goals. DM
Masaysayon nga kadaugan ni Pacquiao
Hulyo 6, 2008
|
Dili lamang hari sa pound for pound, nakab-ot usab ni Manny Pacquiao ang kalamposan nga wala makab-ot ni Flash Elorde ug uban pang banggiitang boksidor sa Asya, ang pagkahimong unang Asyano nga kampyon sa upat ka division sa natad sa pamoksing.
Hunyo 28, 2008 maoy usa ka dakong kausaban sa kasaysayan sa boksing.
Si Pacquiao adunay rekord (45-3-37 knockouts) mipalukapa ni World Boxing Council Lightweight Champion David Diaz sa ika siyam nga hugna sa ilang away.
Si Pacquiao miigo kang Diaz og 230 ka mga suntok ug 180 power shots kontra sa 90 ug 59 nga gibuhian ni Diaz.
Bisag unsaon og paningkamot ni Diaz, wala kini nahimo sa kapaspas molihok ni Pacman, diin nagpungasi ang mga kinumo niini nga miigo sa bisan asang parte sa lawas ni Diaz.
Si Diaz gipalukapa ni Eric Morales niadtong miaging tuig, apan nagpabilin kining kampyon. Daghang usab ang midayeg ni Pacman tungod sa paghatag niini og bili sa natad sa isport nga boksing.
Sa ilang away ni Diaz, giduol ni Pacman ang referee atol sa time-out sa ikaunom nga round ug mihangyo kon mahimo ihunong na ang away tungod sa dakong samad sa kilay ni Diaz.
Sa dihang nalukapa si Diaz sa ika siyam nga round, gikuha pa gayod ni Pacquiao ang tuong kamot ni Diaz nga daw naluoy sa gidangatan sa iyang kaatbang.
Daghang usab ang kombinsido nga si Pacquiao, maayong tawo ug walay kahadlok nga motahak sa bisan unsang dalan nga wala pa maagii.
Samtang gusto usab sa “pambansang kamao” nga magbakasyon ug mopauli dinhi sa nasud ug moduaw sa mga biktima sa bagyong Frank, aron sa ingon malipay ang mga biktima nunot sa gibati niining kagul-anan.
Naluoy si Pacquaio sa kahimtang sa iyang mga kababayan ug misaad nga mohimo og lakang aron makatabang gayod sa mga biktima sa bagyo.
Undefeated nga babaying boksidor, graduate sa nursing
Ni: Helios Pusta
Hulyo 6, 2008
Si Brenda Shaylor, usa ka undefeated nga babaying boksidor gikan sa Las Vegas, maoy mohatag ug dugang kasadya sa ipahigayong away "Laban na Banal: Panahon Na" card alang sa World Boxing Association super flyweight title nga panagtigi tali sa Pinoy nga si AJ "Bazooka" Banal batok ngadto sa banggiitang taga Panama nga si Rafael "El Torito" Concepcion nga ipahigayon sa Cebu Coliseum karong umaabot Hulyo 26.
Si Shaylor, 23-anyos ang panuigon, nagtapos sa kursong nursing ug natawo sa Reno, Nevada. Karon nagpuyo na kini sa Las Vegas samtang nagbansay ilalom sa mga kamot ni Tony Martin sa Pound 4 Pound Boxing Gym.
Siya giilang "usa ka maayong atleta isip usa ka hanginan nga soccer player, rock-free climber ug ingonman white-water rafter."
Siya adunay gitas-ong 5'4" ug nakigtigi ngadto sa122 pounds. Si Shaylor nakadaug sa tulo ka mga away sa pagka-karon.
Siya makigtigi sa usa ka batan-ong babayi nga taga Bacolod City, nga si Reynalyn Consejo Jacob. Ang maong away ilalom sa amateur rules nga molanat ug upat, duha ka minutos nga round.
Seattle Supersonics molayas na
Hulyo 6, 2008
Seattle – Ang Seattle Supersonics mikompirma na nga molayas na sila sa Seattle ug mobalhin na ngadto sa Oklahoma City.
“We made it,” matud pa sa tag-iya sa Sonics nga si Clay Bennett. “The NBA will be in Oklahoma City next season.” (Nahimo na namo. Ang NBA moabot na sa Oklahoma City sunod season)
Si Bennett mibayad sa syudad sa Seattle og US$75-milyones aron moimpaki sa iyang kuponan ug mosibat ngadto sa Oklahoma.
Kining kantidad bugti sa “termination of lease” sa Sonics ngadto sa syudad. Ang ngalan nga “Sonics” magpabilin gihapon, apan tataw nga ang kuponan mailhan na nga Oklahoma SuperSonics.
Ang paglayas sa Sonics naggumikan sa walay pagsabtanay sa mga opisyales sa Sonics ug sa syudad sa Seattle. Lakip sa panagbingkil ang pagdumili sa syudad sa pagbubo og pondo alang sa pag-renovate sa Key Arena diin ang Sonics nagpuyo.
Hinuon, si NBA Commissioner David Stern mipahayag nga ang syudad sa Seattle aduna pay higayon nga maka-angkon og NBA team. DM
SPORTS NEWS ARCHIVES:
Hunyo 2008
Mayo 2008
Abril 2008
Marso 2008
Pebrero 2008
Enero 2008