Sports - Jappil Bantay Balita Newspaper

Ang mga mahiligon sa boksing naghinam-hinam na sa umaabot nga bugno tali nila ni AJ "Bazooka" Banal (17-0-1, 14 KO's) batok sa hingigo ug lumad taga Panama nga si Rafael "El Torito" Concepcion (10-2-1, 6 KO's) alang sa WBA super flyweight title.

Mao kini ang unang pagbuak sa Pilipino ngadto sa usa ka world title, ug ang tibuok Pilipinas nagsunod kabahin ning maong pasundayag.

Ang maong pagtamod adunay sakto ug igong rason nganong si Banal adunay batasang mopalukapa sa mga kaatbang inubanan sa makabungkag nga kusog.

Si "Bazooka" adunay duha ka pangumong knockout puncher, inubanan sa iyang katakos sa pag-depensa, ug makahimo usab sa paspas nga kombinasyon sa kumo tumong ngadto sa ulo ug lawas sa kaaway.

Siya usa sa nagsubang nga bituon sa pamoksing dinhi sa Pilipinas, ug kon magpabilin kini sa pagtutok niini, siguradong mapalukapa gayod niya si Concepcion tunga-tunga pa lang nga bahin sa ipahigayong bugno.

Pero, ang Panamanian nga kaatbang dili angay kompyansahan, ilabina kay nakadaug na usab kini sa nagkadaiyang 7 ka mga away, samtang 4 niini pinaagi sa KO.

Ang tataw lang nga kasaypanan sa panid ni Concepcion, kay wala pa siya makasulayg banggga gawas sa kaugalingong nasud.

Si Banal sa pagka-karon gibutang isip numero 3 sa World Boxing Association ug ingonman numero 1 sa International Boxing Federation samtang si Concepcion anaa sa ika numero 5 sa World Boxing Association.

Kon ang Pinoy nga boksidor modaug ning maong title match, pabiling mahuptan na gayud niya ang kampiyonato alang sa maong bakos sumala sa iyang kagustohan.

Makita nato ang dugang pa ning duha ka mga banggiitang boksidor sa ilang pagpanimpalad ngadto sa kadaugan sa kalibutan sa boksing samtang si AJ mitaak usab sa agi ni Manny Paquiao kinsa nakahatag dakong dungog ug naila sa tibuok kalibutan.

Sa mga fans, ibutang kini sa inyong kalendaryo: Hulyo 26, tuig 2008, ipahigayon didto sa Bag-ong Cebu Coliseum.

Kining dako nga pasundayag gihatod kanato sa ALA Promotion inabagan sa Golden Boy Promotions nga ipagawas sa ABS-CBN.

DENVER - Ang Denver Nuggets, NBA All-Star nga si Carmelo Anthony gisuspendi sa unang 2 ka mga dula alang sa sunod season gumikan sa pagkaaresto niini gumikan sa pagmanehong ilawom sa ilimnong makahubog niadtong Abril.

Gianuncio sa nahisgutang team niadtong Lunes, saw ala pa ang adlaw nga gitakda alang sa kansang paghangyo alang sa maong kaso.

Ang Bise-presidente Nuggets alang sa basketball operation nga si Mark Warkentein nagkanayon sa usa ka pamahayag, nga ang nahisgutang team magpadayon nga mosuporta ngadto ni Anthony samtang siya "naningkamot sa pagpuyong gilaoman sa kansang team" nga natanum sa Nuggets ug ngadto kaniya.

Si Warkentien usab nagkanayon kabahin sa pamahayag mahitungod sa nahisgutang team kabahin sa "pag-inom ug pagmanehong hubog" ug pasayon usab nilang dalhon ang maong butang sa hilom samtang dili usab kini mohatag komentaryo sa pagkakaron.

Si Anthony naaresto niadtong Abril 14 sa Interstate.

11 ka gidudahang stalker, gi-ban sa Wimbledon
Ni: Helios Pusta
Hunyo 29, 2008

Ang kapolisan didto sa All Englands Club wala mopatin-aw sa posibling risgo nga giatubang sa mga magdudula gikan sa mga kamot sa nagtinguha kanila.

"Adunay pipila ka mga gidudahang ilado na kaayo sa mga mata sa tinugyanan sa balaod, ang All England Club ug tinugyanan sa maong dula," nga si police superintendent Pete Dobson nagkanayon niadtong Lunes.

"Ang nahisgutang mga tawo, nahipatik na sa talaan sa awtoridad ug gi-ban na kini o gibabagan nga mosaksi o mosulod sa maong torniyo.

Usa ka membro ug sakop sa pamilya sa usa ka magdudula ang gisang-atan ug restraining order aron dili makasulod sa Wimbledon atol sa misunod 2 ka mga semanang pagpahigayon sa maong torniyo.

Ang kapolisan wala moasoy kabahin sa maong pamilya.
Ang nahisgutang tawo gituohang nag-sunod sunod o isip usa ka stalker ni 2004 champion Maria Sharapova ug gi-banned kini sa maong torniyo sukad niadtong tuig 2005.

NEW YORK – Kon wala makalimot ang kadaghanan, si Kobe Bryant wala gayud makasakmit og NBA title kon wala pa si Shaquille O’Neal, ang daw hiagante nga tawo sa iyang kiliran nga nakapahinuktok sa iyang galamhan karon.

Ang Phoenix Suns center makitang daw nag rap kabahin sa panultihong “ walay mahimo si Kobe kon wala ako” sa usa ka salida nga giposte sa internet ngadto sa celebrity new site ug taho nga namantala sa TMZ.com.

Ilawom sa duha ka minutos nga video, usa ka nagpasikat nga O’Neal mibutho ngadto sa giimproba nga rap samtang gitap-an ang bituon sa L.A. Lakers, diin siya misakmit sa sunod-sunod, 3 ka mga kadaugan sa NBA gikan pa sa tuig 2000 hangtud 2002 samtang ilalom pa kini sa mga kamot sa Los Angeles.

“I was freestyling. That’s all. Gibuhat lang kini alang sa kalingawan. Wala man tingali problema ang kabahin niini,” matud pa ni O’Neal ngadto sa ESPN.com niadtong Lunes.

“Mao man usab kini ang gibuhat ni MC. Nag-freestile sila sa dihang gitawag kini. Cool man ako ngadto ni Kobe. Walay may issue o panagbangi tali kanamo.”

Si O’Neal ug Bryant nagtambayayong sa dula niadtong tuig 2004. Human sa hataas ug pagkagisa ngadto sa panagbangi atubangan sa publiko, si O’Neal gibaylo ngadto sa taga Miami sa wala pa ang season sa tuig 2004-05, diin misakmit ug kadaugan sa NBA uban sa Heat niadtong tuig 2006.

Si Bryant ug ang Lakers wala makaabot sa Finals ug usab hangtud ning bulana, ilabina sa dihang ang Boston Celtics miparot kanila sa punto 4-2.

“Nakahibalo na kamo kung unsa gayud ko,” si Shaq samtang nag rap. “Miaging semana, si Kobe dili gayud makahimo kung wala ako.”

Si O’Neal, aduna nay record nga pito ka mga album, ug nagkanayon usab nga siya “ang deperensya sa una ug katapusan nga lugar” ug bisan pa misuntok sa kaniadto sentro sa New York Knicks nga si Patrick Ewing sa kakulangan niini sa championship rings.

Spain ug Germany magsangka sa kampyonato
Hunyo 29, 2008

Vienna, Austria – Ang Spain ug Germany mao na ang magsangka alang sa kampyonato sa European Football Championships o Euro2008.

Ang ilang duwa ipahigayon sa Ernst Happel Stadium, Vienna, karong adlawng Dominggo sa gabii (Lunes sa kadlawon sa Pilipinas).

Ang Spain milubong sa Russia, 3-0, kaniadtong Huwebes sa Ernst Happel sa ilang semifinal.

Samtang kaniadtong Myerkules nakalusot ang Germany, 3-2, batok Turkey sa ila pud nga semifinal didto sa St. Jakob Park sa Basel, Switzerland.

Sa duwa Germany batok Turkey, si Philipp Lahm miigo sa kinatapasun o ika-90 minuto aron pag-alsa sa iyang kuponan ngadto na sa final.

Miiskor usab silang Bastian Schweinsteiger ug Miroslav Klose alang sa Germany, samtang silang Ugur Boral ug Semih Senturk mitala alang sa Turkey.

Mga resulta:
Hunyo 20: Turkey 1 Croatia 1 (3-1 pso) (QF); Hunyo 21: Russia 3 Netherlands 1 (QF); Hunyo 22: Spain 0 Italy 0 (4-2 pso) (QF); Hunyo 23: Germany 3 Turkey 2 (SF); Hunyo 24: Spain 3 Russia 0 (SF). DM

Team USA ginganlan na alang sa Olympics
Hunyo 29, 2008

Denver, Colorado – Ang USA Basketball mipagawas na sa lista sa mga magduduwa ug coaches nga maglangkob sa Team USA alang sa umaabot nga Olympics sa Beijing, China.

Ang napili nga mga player pulos gihapon naggikan sa NBA.
Sila si Carmelo Anthony (Denver Nuggets), Carlos Boozer (Utah Jazz), Chris Bosh (Toronto Raptors), Kobe Bryant (Los Angeles Lakers), Dwight Howard (Orlando Magic); LeBron James (Cleveland Cavaliers); Jason Kidd (Dallas Mavericks), Chris Paul (New Orleans Hornets), Tayshaun Prince (Detroit Pistons), Michael Redd (Milwaukee Bucks), Dwyane Wade (Miami Heat), ug Deron Williams (Utah Jazz).

Ang coaching staff naglangkob nilang Mike Krzyzewski (Duke University), ug Jim Boeheim (Syracuse University) sa NCAA; ug Mike D’Antoni (New York Knicks) ug Nate McMillan (Portland Trailblazers) sa NBA. DM

Kaatbang ni Banal nagbansay sa Estados Unidos
Ni: Helios Pusta
Hunyo 22, 2008

Ang kaatbang ni AJ "Bazooka" Banal nga taga Panama alang sa World Boxing Association super flyweight nga titulo Rafael "El Torito" Concepcion, mobiya sa yutang natawhan aron mogikan paingon sa New York ning semanaha.

Ang Fight Beat mitaho nga si Concepcion makighimamat sa inilang magbabansay nga si Hector Roca ug Pedro Romero aron ipadayon ang pagbansay sa usa ka ilado nga institusyon sa pamoksing nga mao ang Gleason's gym didto sa Brooklyn.

Si Concepcion gidumala sa Optimum Sports Agency kinsa matud pa ni Damon de Berry, si Rafael siguradong makapasurpresa gayud sa daghang mga katawhan karong umaabot Hulyo 26.

Moadto kami sa ilang nasud ug kami maki-away sa ilang kampyon, pero mopauli usab kami nga dala ang kadaugan sa bangga.

Si Concepcion nagnandoy nga mamahimong usa ka world champion sukad pa sa pagkabata niini, pero ang maong damgo matinuod o dili mahimo kaha hinuon kining usa ka makalilisang nga daman batok sa walhunong si "Bazooka" banal kinsa padayon nagbansay nga mkakugihon didto sa ALA Gym sa Cebu nga gipanag-iya sa respitadong patron sa pamoksing nga si Tony Aldeguer.

Ang madasigong si Michael Aldeguer kinsa hilum nga misagop sa patigayon sa iyang amahan nga si Tony Aldeguer, miasoy ngadto sa Viva Sports/Manila Standard Today nga si Banal adunay kasibot sa pagbansay-bansay ug mipahigayon na kini ngadto sa usa ka sparring nga molanat sa walo ka round ngadto ni Weng Haya ug Bon Jovi “kinsa moduol kanimo.”

Si Aldeguer nagkanayon nga kontrolado ang timbang ni Banal ug wala pa kini sa 122 pounds.

Matud niya, si Banal mosaka ngadto sa usa ka sparring sa sunod semana ug mopailallum na sa 10 ka round ug sa dili usab madugay posibling sa 12 ka round sa unod semana.

Ang panagtigi ni Banal ug Concepcion alang sa World title ipagawas sa pinaka dakong broadcast network ning maong nasud, ABS-CBN “LIVE” gikan sa Cebu City Coliseum.

Ang Panama dunay 2 ka mga world champion ning higayuna, sila mao si Anselmo Moreno ug Celestino Caballero, samtang ang Pilipinas adunay 4 ka mga titulado nga gipangunahan sa gi-idolong si Manny Pacquiao, Gerry Penalosa, Nonito Donaire ug Donnie Nietes.

Ang Panama dili makalimtan ug nahinumduman sa kansang Hall-of-Famer nga si Roberto “Hands of Stone” Duran.

WIMBLEDON, England (AP) - Ang Five-time champion nga si Roger Federer ug ang nanghawod nga si Ana Ivanovic mao ang giilang numero uno sa Wimbledon niadtong adlawng Merkules.

Wala gayud ikatingala sa dihang ang All England Club mianunsyo sa han-ay alang sa grass-court, Grand Slam, diin pagasugdan karong Lunes.

Si Federer nagtinguha alang sa unom ka sunod-sunod niya nga Wimbledon title ug 13 ka mga Grand Slam championship.

Ang Wimbledon nagkasikit kabahin sa world ranking, ilabina sa mga babaying mga magdudula, usab kabahin sa pagpangita sa tukmang han-ay alang sa torniyo nga gikan sa resulta sa gipahigayong duha ka semana nga torniyo.

Si Federer gisundan ni No. 2 Rafael Nadal, usa sa nanghawod sa nakalabayng 2 ka semana, ug ang No. 3 nga si Novak Djokovic, ang Australian Open champion.

Samtang nagsunod niini mao si No. 4 Nikolay Davydenko, No. 5 David Ferrer, No. 6 ug ang two-time finalist nga si Andy Roddick ug No. 7 nga si David Nalbandian.

Sa mga babaye, Wimbledon nakahipno sa panagranggo niini gikan sa nag-unang 20 nga nalistang magdudula sa han-ay.

Ang lista gipangunahan ni Ivanovic, kinsa mao ang misakmit sa kadaugan sa French Open, sa kansang una nga titulong niini ug Grand Slam nga migawas No. 1.

Gisundan usab siya ni Jelena Jankovoc isip numero 2, ang kanhi kampiyon nga si Maria Sharapova sa No. 3, Svetlana Kuznetsova sa No. 4, Elena Dementieva sa No. 5, ang 2 ka higayong mananaog nga si Serena Williams sa No. 6 ug ang defending champion ug four-time winner nga si Venus Williams sa No. 7

Ang World Boxing Council light flyweight champion nga si Edgar Sosa nagkanayon nga gusto usa kining mopailalom sa usa ka optional defense sa dili pa makigharong sa biteranong Pilipinong nga si Juanito Rubillar, kinsa nakasakmit ug titulo human mipildi sa kanhi kampyon nga si Omar Nino sa usa ka bangga miaging semana didto sa Mexico.

Ang inilang magsusulat sa boksing ingonman TV reporter nga si James Blears mitaho nga si Sosa nagplano sa usa ka hamubong paglingawlingaw sa dili pa mobalik sa gym aron pangandaman ang nagkaduol nga optional defense ning bulan sa Agusto o sayo sa Septembre.

Siya nagkanayon nga ang maong away posibling ipahigayon didto sa Haite, Japan o di kaha sa Estados Unidos ug human niini andam na usab siyang makigtigi ni Rubillar.

Si Blears nagkanayon nga si Sosa nakig-away sa tanan niyang pagdepensa sulod lamang sa 14 ka mga bulan.

Samtang nakigtigi kini sa susamang card ni Rubillar, midaug usab kini sa ika-walo nga round pinaagi sa TKO batok sa walhunong Hapon nga si Takashi Kunishige.

Si Sosa wala makakita sa kadaugang split decision ni Rubillar batok ni Omar Ninor samtang kinahanglan usab niyang makit-an ang makapahinulong nga 2 ka titulong away ni Rubillar ngadto sa Mehikano nga si Jorge Arce.

Matud pa ni Blear, si Sosa nagkanayong susihon nila ang pamaagi sa pagpakig-away ni Juanito ug walay puas kini nga magbansay pagpangandam sa umaabot malisod nilang bangga.

Ang WBC champion naghulagway sa kansang hugot nga iskedyul isip epektibong pamaagi aron mamahimong igmat ngadto sa away ug tukmang matuman usab ang mga plano niini nga moaway tulo ka higayon ning tuiga o duha ka higayon sa dili pa kini mobalhin sa timbang nga flyweight.

Garcia-Condes rematch giplano na
Ni: Helios Pusta
Hunyo 22, 2008

Ang bag-ong gikoro-nahang IBF minimumweight champ nga si Raul ‘Rayito’ Garcia sa Mexico kinsa misakmit sa titulo gikan sa kanhi Filipino champ nga si Florante Condes sa miaging Sabado didto sa La Paz, Baja California Sur, nagkanayong andam na usab kining makigtigi ni Condes sa usa ka rematch, matud pa sa Puerto Rican manager ni Condes nga si Dante Ortiz.

Si Ortiz miasoy ngadto sa PhilBoxing.com nga nakahinabi na niya ang promotor ni Garcia nga si Edrulfo Castillo kinsa miingon niya nga ang panig ni Garcia’s andam mohatag ni Condes sa usa ka rematch.

Matag panig nagtutok sa posibling adlaw alang niini sa Nobyembre o di kaha sayo sa bulan nga Disyemre.

Si Ortiz nagkanayon nga si Castillo nangita usab ni Garcia aron mahatagag usa ka pagdepensa sa titulo sa dili pa makigharong pag-usab ni Condes.

“Gusto nilang matagamtaman sa makadiyot ang usa ka kampiyon sa dili pa makigtigi ni Condes kay ang ika-duhang higayong tagbo ngadto ni Condes malisod gayud,” matud pa ni Ortiz.

Si Ortiz ug Castillo nagkasabot sa usa ka Garcia-Condes rematch nga makalingaw alang sa mga fans ug maayong negosyo usab, gumikan kay bisan pa sa kamubo sa panahon ni Condes didto sa La Paz, nakakuha man usab kini sa atensyon sa lokal nga nagtimbaya niini.

“Human sa usa ka split decision, samtang gianuncio ang resulta sa maong away sa dihang naglakaw kami gikan sa ring, sa layo nga paglakwan, si Condes gisugat sa masipa nga hugyaw ug pakpak sa mga misaksi nga mga katawhan, kinsa usab sa makabungog misinggit sa pangalang “Florante, Florante’ sa paglakaw namo.”

Si Ortiz, Uban ni promotor Sammy Gello-ani, masingkamuton usab nga mahatagan si Condes sa usa o daha ka away sa dili pa kini makigtagbo pag-usab ni Garcia. “wala ako mawad-ig paglaom alang ni Florante.

Inubanan sa saktong giya, pagbansay-bansay, masakmit niya ang titulo,” matud pa ni Ortiz.

Paghimong legal sa MMA wala mahinayon
Ni: Helios Pusta
Hunyo 22, 2008

Nasayaran sa MMAWeekly.com niadtong Myerkules nga ang Balaudnon 1-11458-A, kinsa epiktibo nga mohimo sa mix martial art nga usa ka legal didto sa New York, dili pa mabotohan sa mga magbabalod sa maong estado Torismo, Arts, ug Sports Development committee hangtod pa sa Enero 2009.

Si Elizabeth Nostrand, legislative director for Assemblyman nga si Steve Englebrecht, kinsa mao ang nag-isponsor sa maong balaudnon, nagsunod sa nahisgutang pagkapakgang niini ngadto sa sala sa mga magbabalaod miaging Martes, diin pipila sa mga membro sa komitiba misulay pag-usab sa ilang boto human sila ipahiuna niini hinungdan si Englebrecht nagkanayon nga ipaulahi una ang nagsunod nga mga boto alang sa maong balaodnon.

“Gipatik kini sa agenda sa maong komitiba, pero nakadesisyon kini nga mas maayong ipailawom una ngadto sa pakisusi aron makahatag ang tanan sa ilang rason ug pagtimbang-timbang kabahin niini ngadto sa mga partisipante ug sa mamahimong ikadalit sa estado sa New York niini, matud pa ni Nostrand.

Ang maong balaodnon epiktibong midugmok sa katuyuan sa Ultimate Fighting Championship nga mopahigayog pasundayag ngadto sa Madison Square Garden karong umaabot Disyemre.

Si Nostrand nagkanayon nga ang membro sa komitiba adunay daw nalibog mahitungod sa maong balaodnon, ug si Englebrecht nagplanong magpahigayon ug usa ka public hearing o kaha panaghisgot aron maidukar ang mga myembro sa maong komitiba kabahin sa pagpahiluna niini. Ang meeting gikatakdang ipahpgayon karong Hunyo 23.

Germany mi-abante ngadto sa semis
Ni: Helios Pusta
Hunyo 22, 2008

Basel, Switzerland – Mi-abante ang Germany ngadto sa semifinals sa Euro 2008 human ilang gilupig ang Portugal 3-2 sa ilang quarterfinal kaniadtong Huwebes sa St. Jakob-Park Stadium.

Mihaguros ang Germany 2-0 sa unang 26 minutos, apan ang Portugal mibalos sa wala pa ang halftime.

Unang mihansak si Bastian Schweinsteiger sa ika-21 minuto, ug gisundan ni Miroslav Klose sa ika-26.

Sa ika-duhang hugna, nahimong 3-1 ang tala, resulta sa header ni Michael Ballack. Nabuhiag paglaum ang Portugal human miigo si Helder Postiga sa ika-87 minuto.

Apan nahutdan og oras ang naka-pula nga Portugal.

Mga kompletong reuslta:
Hunyo 13: Netherlands 4 France 1; Italy 1 Romania 1.
Hunyo 14: Russia 1 Greece 0; Spain 2 Sweden 1.
Hunyo 15: Switzerland 2 Portugal 0; Turkey 3 Czech Republic 2
Hunyo 16: Croatia 1 Poland 0; Germany 1 Austria 0.
Hunyo 17: Italy 2 France 0; Netherlands 2 Romania 0.
Hunyo 18: Russia 2 Sweden 0; Spain 2 Greece 1.
Hunyo 19: Germany 3 Portugal 2 (QF). DM

Ang MVP nahimong MFP
Hunyo 15, 2008

CHICAGO, U.S.A. – Human maparot sa Game 1 niining tuiga sa NBA Finals nga gipahigayon niadtong miaging Sabado, ang L.A. Lakers sa ikaduhang higayon naparot na usab sa Game 2 ngadto sa mga kamot sa Boston Celtics sa puntos, 108-102.

Si Kobe Bryant ning higayuna, maoy giilang gikaintapan sa kalibutan sa basketball, pero nahagba ngato sa punto 0-2 karong best-of-7 NBA Finals series.

Ang kawalad-on nga nahiaguman sa kansang grupo seryosong makapasakit usab sa kasing-kasing.

Si Kobe mao unta ang mopadangat sa championship speech alang sa umaabot pipila ka mga semana, pero daw nawad-an kini sa kinabuhi.

Kini gumikan kay ang Lakers, pagka-karon, napatay man susama ni Wilt Chamberlain.

Napilian nako ang Lakers nga mao unta ang mamahimong mananaog niining unom ka hugna sa dula.

Samtang nagdahom usab nga usa ako ka utokan kabahin sa NBA, tingali angay na akong moundang sa negosyong pagpanagna.

Sa wala nako damha, kining Celtic, maayo gayud diay kaayo. Tataw nga banggiitan sa dula.

Makita sa dagway nga wala malipay ug nalagot gayud si Kobe inubanan sa pagpangasaba sa kansang mga sakop sa gipahigayong press conference human sa Game 2.

Dayag usab ang mangil-ad nga mga pulong nga gisabwag niini susama sa nagkadaiyang kanta nga rap.

Buot unta imantala sa tagsulat ang mga pulong nga gipagawas ni Kobe, pero ang maong kolum usa man ka rated PG, mao nga wala na lang kini isulat kay basin unya’g malisang pa ang kababayin-an ug kabataan.

Sila mao ang nagposas kaniya aron dili makapuntos taliwala sa dula. Si Kobe nakabaton ug 30 puntos sa game 2, pero gihatagan usab siyag kalisod sa matag-puntos nga iyang makab-ot.

Sa iyang pag-ilog, kanunay kini maulahi, maabtan sa shot clock, ug samtang mosulong kini aron maka-ipsot ngadto sa puntos, dali usab kining alirongan sa nagpunsisok nga mga tig-depensa sa Celtic.

Sa laing bahin, si Kobe nahulog lamang nga daw usa ka uyamot nga jump shooter, kinsa makahimo ug 11 ka puntos sa sagad nga 23 nga makab-ot niini sa field goal.

Siya nahimong 1 sa tulo gikan sa gilay-ong tulo ka puntos, diin kanunay kining nabalhog sa free throw line pito ka higayon sa maong dula.

Ang Lakers siguro makapahulay o makabintaha na gumikan kay ang Game 3, 4 ug 5 ipahigayon man didto sa the Staples Center.

Pero ang homecourt dili usa ka bintaha kung dili usab buhaton sa Lakers ang mosunod:

1) Hatagag Lugar si Kobe--Kinahanglang ayudahan si Kobe aron luag ang lugar niini ngadto sa mga puntos.

2) Maayo nga pagpasulod—Ang Lakers nakahimo ug 32 sa unta 77, (41.6 porciento lamang) ngato sa nataran nga angay gayud likayan.

3) Lig-on nga pagdepensa—Ang Lakers nagkinahanglag igong kapasidad aron masanta ang Celtics ngadto sa pagpasulod-puntos ilabi na sa free throw.

Ang mga mata sa Three-weight world champion nga si Manny “Pacman” Pacquiao karon nagtutok alang sa usa ka showdown batok ni Ricky Hatton human sa bugno nila ni David Diaz.

Nasakmit ni Pacquiao ang world titles nga flyweight, super-bantamweight ug super-featherweight – bisan pa sa nahitabong kontrobersyal nga draw inubanan ni Juan Manuel Marquez sa bugnong featherweight, diin tulo ka higayong nalukapa ang gikaintapang Meksikano sa unang 3 ka hugna sa maong away.

Ang bangiitang Pinoy karon motikang na pataas ngadto sa lightweight alang sa WBC nga panagbangga batok ni Diaz karong umaabot Hunyo 28 nga ipahigayon didto sa Mandalay Bay, sa Las Vegas.

Hinuon, ang Pacman gusto usab isaka ang kansang timbang ngadto sa 140 lbs aron ikasangka niini si Hatton.

Siya nagkanayon ngadto sa Ring magazine: “Human ni Diaz, gusto kong makigtigi ni Hatton. Kini ang maayong away alang kanako.

“Ako anaa na sa 150lbs na karon. Sa kanunay, ang akong mga sparring partner motimbang og 140 ngadto sa 150 lbs. Mao nga dili usab kini problema alang kanako. Ug dili usab ako mobata pa. Nganong dili?”

Si Hatton dunay pipila ka kapilian alang sa posibling away: ngadto ni Paulie Malignaggi o dili kaha ngadto ni Oscar de la Hoya nga malagmit possibling ikabangga.

Si Freddie Roach wala magtoong si Manny Pacquiao makapalukapa ni David Diaz sulod lamang sa hamubong takna sa higayong magkaabot ang masigka-dalan alang sa panagtiging (WBC) lightweight nga korona karong umaabot Hunyo 29.

“Wala ako magtuo nga ang maong away mahuman lamang ug sayo,” matud pa ni Roach nga gikan pa sa gipahigayong pagbansay ni Pacman didto sa Los Angeles.

“Si Diaz usa ka lig-on nga boksidor, wala akoy nakitang posibilidad nga ang maong away mahuman lamang sa sayon nga paagi,” matud pa sa 48 panuigon nga magbabansay.

“Sa gihapon, si Roach malaumon nga ang Pinoy nga si Pacman mogawas nga mananaog sa kaulahian ning maong bugno”

Matud pa usab ni Roach, malipayon siya ilabina sa gipakitang kalambuan ni Manny samtang nagdagan ang panahon alang sa pagbansay-bansay bisan pa sa hamubong panahon nga sila nagkauban.

Si Pacquiao, kinsa mitaya sa nahuptang WBC super-feather nga korona dili usab angay kabalak-an alang sa 12-ka round nga panagsukliay sa komo nga ipahigayon didto sa Mandalay Bay, Las Vegas, kay nagpakita man kini sa Wild Card Boxing Club niadtong Mayo 13 inubanan sa pinitik sa pakig-away dinuyugan sa naghaguros nga mga kumo atubangan sa sparmate sulod sa napulo ka mga adlaw.

Si Roach nagkanayon nga ang panahon nga gitagana alang sa pagbansay ni Pacquiao makompleto na tumoy ning semanaha o sayo sa sunod nga semanaha sa dihang mopailawom na kini sa 12 ka round.

Sa katapusang pipila ka mga sparing session, si Pacquiao nakakuha ug napulo ka round batok sa boksidor nga susama o miawat sa mga lihok sa 32 panuigon nga si Diaz.

Sa dili pa mobiya si Pacquiao padulong sa Las Vegas karong Hunyo 23, mopailalom usa kini sa 120 ka mga round.

Sa dihang nagpaugnat si Pacman miaging Sabado, si Roach nagkanayon nga mitimbang kini’g 139 lbs.

“Tataw nga anaa gayud siya sa tukmang dalan nga buot niyang padulngan,” matud pa ni Roach.

Ang limitasyon sa lightweight anaa sa 135 lbs. nga gimbug-aton ug si Roach naglaum nga ang 29 panuigong si Pacquiao makapa-anod ngadto sa opisyal nga panagtimbangay sa dili pa magsugod ang maong bangga.

Sa laing bahin, si Pacquiao nahidangat sa San Diego alang sa usa ka promotional gig niadtong Hunyo 11, nga gisugdan sa usa ka bukas nga work-out nga dayag sa Los Angeles niadtong Hunyo 14.

Sa umaabot Hunyo 23, ang Top Rank chief nga si Bob Arum mopasiugda ug usa ka luncheon press conference didto sa Los Angeles, sa dili pa si Pacquiao ug Diaz mopaingon ngadto sa makasasalang syudad sa Estados Unidos.

Si Kobe Bryant nanguna sa Lakers pagsakmit sa 24-puntos sa second-half inubanan 30 ka puntos nga deficit, upat ka rebound ug walo ka mga assist.

Pero ang Lakers migawas nga daw naalkansi niadtong Domingo tungod sa 108-102 nga puntos sa pagkaparot batok sa Celtics.

Sa pagkatinuod, si Bryant nagpakita sa mga maayo nga pag-rebound gikan sa makapasubo nga pamuntos sa Game 1, sa nasakmit niini nga 11-23 gikan sa nataran.

Ang sunod tulo ka dula sa maong series, ipahigayon ngadto sa nataran sa Los Angeles.

Sa naangkong kaparutan sa Lakers nga (0-2), gilauman nga si Bryant mopadangat gayud sa iyang katakos pinaagi sa opensibong pamaagi sa kaugalingong nataran.

PARIS – Nasakmit ni Rafael Nadal sa Spain ang kampyonato sa Men’s Singles, ug ni Ana Ivanovic sa Serbia ang Women’s Singles sa French Open sa nilabayng Dominggo, Hunyo 8.

Gilampaso ni Nadal sa ika-tulong hugna ang iyang kaatbang sa Final nga si Roger Federer, 6-0, aron modaug sa maong duwa, 3-0 sa eskor 6-1, 6-3, 6-0.

Ang tropeyo maoy ika-upat nga Grand Slam title alang kay Nadal, ug iyang ika-upat nga sunod-sunod nga titulo sa French Open.

Samtang si Ivanovic miparot kang Dinara Safina sa Russia, 6-4, 6-3, aron makuha ang iyang ika-unang Grand Slam.

Sa ubang mga kampyonato, si Pablo Cuevas (Argentina) ug Luis Horna (Peru) mipildi nilang Daniel Nestor (Canada) ug Nenad Zimonjic (Serbia) alang sa Men’s Doubles.

Sa Women’s Doubles, silang Anabel Garrigues ug Virginia Pascual sa Spain mipukan nilang Casey Dellacqua (Australia) ug Francesca Schiavone (Italy).

Sa Mixed Doubles, silang Victoria Azarenka (Belarus) ug Bob Bryan (USA) milupig nilang Katarina Srebotnik (Slovenia) ug Zimonjic.

Uban pang mga kampyon:
Juniors: Boys’ Singles - Tsung-hua Yang (Taiwan); Girls’ Singles - Simona Halep (Romania); Boys Doubles - Henri Kontinen (Finland) & Christopher Rungkat (Indonesia);
Girls Double - Polona Hercog Slovenia) & Jessica Moore (Australia)

Wheelchair: Men’s Singles - Shingo Kunieda (Japan); Women’s Singles - Esther Vergeer (Netherlands); Men’s Doubles - Shingo Kuneida (Japan) & Maikel Scheffers (Netherlands); Women’s Doubles - Jiske Griffioen (Netherlands) & Esther Vergeer (Netherlands). DM

Euro 2008
Croatia sulod na sa quarter finals sa Euro ‘08
Ni: Helios Pusta
Hunyo 15, 2008

Klagenfurt, Austria – Pasok na ang Croatia sa quarterfinals human ilang gilumpag ang tournament-favourites nga Germany, 2-1 kaniadtong Huwebes (Hunyo 12) sa padayon nga mga duwa sa European football championships, kon Euro 2008.

Mibalos ang Germany sa ika-79 minuto pinaagi ni Lukas Podolski, apan wala na nila maapsi ang Croatia.

Samtang ang Portugal, pasok usab sa quarterfinals human sa paglubong sa Czech Republic, 3-1, sa niaging Myerkules.

Mga kompletong resulta sa torneyo:
Hunyo 7: Czech Republic 1 Switzerland 0; Portugal 2 Turkey 0
Hunyo 8: Croatia 1 Austria 0; Germany 2 Poland 0
Hunyo 9: France 0 Romanio 0; Netherlands 3 Italy 0
Hunyo 10: Spain 4 Russia 1; Sweden 2 Greece 0
Hunyo 11: Portugal 3 Czech Republic 1; Turkey 2 Switzerland 1
Hunyo 12: Austria 1 Poland 1; Croatia 2 Germany 1. DM

Paris – Ang pagpabilin ni Maria Sharapova alang sa pinaka-taas nga lumbay sa French Open hayan matapos na.

Si Sharapova gibalhin isip numero 2 sa dihang si Justine Henin kalit miretiro miaging bulan.

Human sa kaparutan sa ika-upat nga round niini didto sa Roland Garros, si Sharapova nabiyaan na ug dunay gipuli nga bag-ong Numero 1 - nga walay lain kon dili ang karong ika-numero 2 nga si Ana Ivanovic sa nasud nga Serbia, No. 3 Jelena Jankovic sa Serbia o di kaha si No. 4 Svetlana Kuznetsova sa nasud nga Russia.

Sukad kaniadto, wala sa nahisgutang tulo midaug sa torniyong French Open o kaha gitugahan sa ranggo nga Numero 1.

Ang pinaka simple nga paghulagway: kung usa kanila ang modaug sa Sabado, siya ang mapuli ngadto sa top spot sa dihang ipagawas na ang bag-ong linya sa han-ay sa mga nagharos alang sa adlawng Lunes.

Kon dili, bisan asa nila ni Ivanovic o Jankovic maoy mahimong No. 1 sa pagkapilde ngadto ni bisan kinsa gawas ni Kuznetsova sa final.

Si Ivanovic modula batok ni Jankovic sa semifinal karong umaabot Huwebes, samtang si Kuznetsova makigharong alang sa 49th-nga ranggo ngadto ni Kaia Kanepi sa quarterfinals niadtong Myerkules.

“Sa katapusan sa maong adlaw, ang panag-ranggohay maoy mopahiluna sa tanan,” si Ivanovic nagkanayon.

“Kung maayo ang dagan sa imong dula, o magmadaugon siya niini, ang panag-ranggohay modangat.”

Si Jankovic, sa wala damha, klarong naglingkod na karon sa pinakataas nga tugkaran sa maong pagranggo diin dako nga butang kini alang kaniya.

“Ang akong damgo mao ang mamahimong numero uno sa tibuok kalibutan, ug karon duol na ako niini,” matud pa niya.

“Mao nga buhaton ko ang tanan nakong mahimo, ug unta magmalampuson ako niini.”

Samtang nagkalingaw og tutok ang basketball fans sa tibuok kalibutan sa NBA Finals sa Los Angeles Lakers batok Boston Celtics, ang mga mahiligon sa football (soccer) magkamulo usab pagsunod sa laing kulbahinam nga torneyo.

Ang kampyonato sa football alang sa Europa, kon European Championships o Euro 2008, sugdan na karong adlawa didto sa mga nasud Switzerland ug Austria.

Kining maong torneyo pagalangkuban sa 16 ka mga nasud sa Europa, nga gibahin-bahin sa upat ka mga grupo.

Group A: Czech Republic, Portugal, Switzerland, ug Turkey.
Group B: Austria, Croatia, Germany, ug Poland
Group C: France, Italy, Netherlands, ug Romania
Group D: Greece, Russia, Spain ug Sweden.

Sa opening game, ang Switzerland makig harong sa Czech Republic, samtang ang Portugal makigsangka batok Turkey sa ika-duha.


	NBA FINALS GAME 1: Si Kobe Bryant sa Los Angeles Lakers misuway og layup batok sa Boston Celtics (ibabaw wala). Samtang si Kevin Garnett sa Celtics mihansak batok ni Pau Gasol sa Lakers (ibabaw tuo). Sa wala, si James Posey sa Celtics gakamang atol sa pag-iluganay sa bola. Ang Celtics midaug sa Game 1 sa NBA Finals, 98-88.

San Luis Potosi, Mexico – Si Fernando Montiel mipalukapa sa susamang taga Mexico nga si Luis Maldonado sa ika tulo nga round ug napabilin ang nahuptang super flyweight nga titulo didto sa Plaza de Toros Arena sa San Luis, Mexico niadtong nakalabayng Sabado.

Si Montiel naglisod usab ni Maldonado, kinsa nasipyat sa kansang paningkamot alang sa world title.

Ang maong kadaugan nagmarka sa ika-pito nga pagdepensa ni Montiel sa nahuptang titulo, samtang misanta sa kaatbang sulod sa 2:58 sa ikatulo nga round sa maong binakbakay.

Melbourne, Australia – Si Anthony Mundine mipilde sa parehong Australyano nga si Sam Soliman pinaagi sa usa ka unanimous decision niadtong Merkules aron mapabilin ang iyang World Boxing Association super middleweight nga titulo.

Si Mundine malam-pusong midepensa sa kansang titulo sa ika-upat nga higayon pinaagi sa 116-112, 116-112, 117-112 nga decision.

Ang tulo ka mga husgado, gikan sa Thailand, Pilipinas ug ingonman sa South Korea mituga kaniya isip mananaog bisan pa man sa nahitabong pag-boo ug singgit sa mga misaksi isip protesta alang sa panig ni Soliman sa dihang gi-anunsyo na ang maong resulta didto sa Vodafone Arena sumala sa Associated Press.

Unang motocross competition gipasiugda sa Isla sa Sandingan
Ni: Boy Luzon
Hunyo 1, 2008

GIPAHIGAYON sa unang higayon ang usa ka kompetisyon nga motocross didto sa isla sa Sandingan atol sa kapistahan niadtong Sabado, Mayo 24, sa pagpasiugda sa 8 ka mga kapitanes ug sakop sa Distrito 7 ni Kag. Ricky Masamayor.

Ang maong kalihukan gisuportahan ni Rev. Fr. Jorge Mante, Kora Paroko sa maong parokya ingon man ni Mayor Lloyd Peter Lopez ug Bise Mayor Edwin Ladeza.

Sa eksklusibong pakighinabi sa JBBN ni Brgy. Kapt. Pedro Literatus Jr, matud pa, giumol ang maong kalihukan aron pag-abiabi sa mga bisita, ug paghatag og talagsaong abilidad sa mga riders nga diin ipalupad ang mga motorsiklo atol sa ilan kompetisyon.

Unom ka mga kategoriya ang gipahigayong kompetisyon nga nagalangkob ning musonod: Expert cateory: 1st Edsil Gohetia, 2nd Rey Ytac, 3rd Edil Rebosura, 4th Nikko Redulla; Executive category: 1st Redan Suarez, 2nd Jun Escuado, 3rd Rey Ytac, 4th Edsil Gohetia; Beginners-A category: 1st Waway Ytac, 2nd Mackoy Lajot, 3rd Bembem Rebosura, 4th Jss Dosdos; Beginners-B category: 1st Clifford Racines, 2nd Saldwin Lao, 3rd Ado Daquio, 4th JF Palacio; Novice category: 1st Amay Labor, 2nd Bato Quiruson, 3rd Nikko Rebulla, 4th Louie Varquez; Panthera category: 1st Doro Quiroson, 2nd Nhel Ytac, 3rd Yangyang Taylaran, 4th Intchong Ruben.

Bryant misakmit ug 25 sa second half, miparot sa Spurs sa puntos 89-85
Ni: Helios Pusta
Hunyo 1, 2008

LOS ANGELES - Ang idlas nga si Kobe Bryant misakmit 27 puntos human sa halftime, inubanan sa usa ka go-ahead, 10 ka tiil gihabugong paglukso sa linya ilalom sa 23.9 ka mga segundong nahimilin, diin ang Los Angeles Lakers mibangon gikan sa 20-puntos nga biya aron mapilde ang San Antonio spurs sa puntos 89-85 niadtong Merkules sa Game 1 sa Western Conference finals.

Ang Game 2 gipahigayon niadtong Biyernes sa gabii sa wala pa ang best-of-seven series motabok ngadto sa San Antonio sa ika-tulo ug upat nga dula.

Ang Lakers dunay 7-0 sa postseason didto sa Staples Center, diin nakasakmit kini'g 13 ka mga sunod-sunod nga kadaugan sa katibuk-ang bahin ning maong dula.

Ang lukso ni Bryant naghaw-as sa Lakers aron maapsan sa hingpit human sa 2 ka free throw gikan ni Manu Ginobili sulod sa 1:22 sa nahimiling minutos ug gisundan sa itsa ni Tim Duncan sulod sa 41 segundos nga nahimilin takna nga misangpot sa pagka-tie sa matag panig sa puntos nga 85.

Si Ginobili nasipyat sa pagpasulod ug 3-puntos, samtang si Sasha Vujacic nakahimog duha ka free throws sa 7.3 ka mga segondong nahimilin aron makompleto ang scoring.

Ang Lakers nakabintaha ngadto sa Spurs 24-13 sulod sa fourth quarter, sa dihang ang San Antonio nakapasulod ug 4 lamang sa 18.

Si Bryant dunay upat ka mga rebound inubanan sa 9 ka mga assist. Si Pau Gasol dunay 19 puntos ug pito ka mga rebounds, samtang si Vujacic ingonman si Vladimir Radmanovic nakapuntos ug 10 alang sa Lakers.

Si Duncan nangulo sa Spurs inubanan sa 30 ka mga puntos, 18 ka mga rebound ug 4 ka mga block shot.

Si Tony Parker mipuno ug 18 ka mga puntos, 10 rebounds inubanan sa 6 ka assists samtang si Bruce Bowen usab dunay 12 ingonman si Ginobili mipunog 10 alang sa Spurs.

Si Ginobili nakapuntos ug 3 lamang sa 13.

Condes determinadong magmadaugon
Ni: Helios Pusta
Hunyo 1, 2008

Ang International Boxing Federation minimum weight champion nga si Florante Condes kinsa miabot sa Manila human sa hipnong pagbansay-bansay didto sa inilang ALA Gym ni Tony Aldeguer sa Cebu, nagkanayong determinado siyang magmadaugon ug mapabilin ang nasakmit niining titulo batok sa inilog nga challenger nga si Raul “Rayito” Garcia karong umaabot Hunyo 14 nga ipahigayon didto sa La Paz, Mexico.

Si Condes kinsa midangat uban sa magbabansay nga si Danny Bactol gikatakdang motawag usab ni Bise Presidente Noli de Castro uban sa inilang promoter nga si Sammy Gello-ani ug ni international matchmaker Sampson Lewkowicz nga nag-ayud ni Condes aron makab-ot ang presyong $50,000 alang sa kansang titulo sa pagdepensa.

Ang iyaan ni Condes’ nga si Loy Valencia uban sa iyang bana nga si Larry kauban usab ni Condes sa maong pagdangat.

“Matud pa ni Condes nga siya anaa sa maayong kondisyon ug sa walay kukahadlok mosukol kini sa binakbakay” bisan pa sa timbang nga 109-110 pound wala kini problema alang kaniya.

Sa katapusang pagbansay-bansay niini didto sa ALA Gym, si Condes nakigtigi sa lig-ong si Along Denoy.

Ang magbabansay nga si Bactol nagkanayon nga si Condes magpailalom sa malisod nga pagbansay-bansay sa usa ka fitness gym didto sa Cainta samtang makig-sparring usab kini didto sa Tiger Gym didto sa Mandaluyong.

Matud pa ni Bactol, si Condes sa pagkakaron nahimo sa 58 ka higayong sparring samtang nagtutok sentro kini ngadto sa kansang kondisyon.

Matud pa ni Bactol, si Condes kusgan nga boksidor ug karon nagtutok sa “kaabtik ug kapaspapas.”

Samtang ang gikahitapang si Garcia usa ka Undefeated inubanan sa record nga 22-0-1 ug 15 ka mga knockout diin si Condes dunay 22-3-1 inubanan sa 20 ka mga knockout.

Si Condes misakmit sa titulong gihuptan sa kaatbang nga taga Indonesia nga si Muhammad Rachman pinaagi sa unanimous nga 12 ka round nga decision niadtong Hulyo 7 miaging tuig samtang si Garcia nakaangkon sa mandatory title shot pinaagi sa pagpilde ni Ronald Barrera nga taga Colombia pinaagi usab sa unanimous decision miaging Desiembre.

Mga kanhi Hawk-Eyes gitumbok sa kasong sexual abuse
Ni: Helios Pusta
Hunyo 1, 2008

Iowa City, IA – Ang duha ka kanhi University of Iowa football players giakusahan sa salang sexual abuse.

Ang University police nagpasaka ug arrest warrants batok nila ni Cedric Everson ug Abe Satterfield, parehong kanhi defensive backs sa dulang football.

Gipangita kini gumikan sa pagkalambigit sa maong insedente’ng nahitabo sa wala pa ang panahong winter.

Sa dihang nasakpan kini parehong gidala ngadto sa Iowa aron ipasaka ang tukmang kaso batok kanila.

Ang warrant alang kang Everson ug Satterfield gipaluyohan sa pito ka bulang imbestigasyon.

Ang kapolisan ingonman ang athletic department midumili usab sa pagtubag kabahin niini.