|
|
| Ang aktor sa Austin Powers nga si Verne Troyer nga giila usab sa pangalang Mini-Me kinsa misang-at og kiha gumikan sa pagpang-apudapud sa sex tape diin naghulagway kaniya ug sa kanhi girlfriend. |
BALITANG SHOWBIZ
Mini-Me miatras sa $20-M nga kiha kabahin sa sex video niya ug sa iyang ex-gf
|
Si Vern Troyer (AKA Mini-Me) sa lilas nga Austin Power miatras sa $20 million lawsuit batok sa SugarDVD ug TMZ kabahin sa gikadungog nga sex tape.
Miatras kini human ang matag-panig nagkasinabot nga dili ibaligya anga maong video.
Matud pa sa abogado ni Troyer ngadto sa Los Angeles Times, “Nakuha na namo ang among tuyo: Usa ka permanenting injunction.”
Ang SugarDVD kinahanglang mag-agad sa permiso gikan ni Troyer ug sa co-star nga si Ranae Shrider sa dili pa ibaligya ang salidang giulohan ug bleu movie.
Ang maong tape magpabiling pribado ug wala pay planong ibaligya.
Matud pa sa taho, moingon lang siya niini pagkakaron, pero dunay nag-ingon nga
si Mini-Me daw nabitay na susama sa usa ka rabbit ning higayuna.
Kinahanglang mas dako pa siya kaysa niining mga tawhana (NSFW). Sa seryoso nga pagkasulti lang, basi sa nakasaksi, mas maayo pa nga dili na lang angay hisgutang ang kabahin sa dako.
Roxanne Guinoo busy nga bi-tuon sa ABS-CBN
|
Si Roxanne Guinoo mibalik isip cover girl sa Maxim Philippines alang sa ika-duha niini nga anibersaryo.
Si Roxanne Guinoo milabaw pa kaysa kang Kristine Hermosa ug Cristine Reyes isip mao ang mamahimong leading lady ni Willie Revillame sa usa ka lilas sa Octo Arts film nga “Mr. Housewife,” diin gisugdan na ang shooting niini miaging semana.
Ang “Mr. Housewife” orihinal nga alang unta nila ni Judy Ann Santos ug Ryan Agoncillo, pero temporaryo kini nga napakgang human si Juday ug Ryan mipiling modula sa apasumpay sa sikat nga Star Cinema movie giulohan ug “Kasal Kasali Kasalo.”
Ang “Mr. Housewife” mao ang lilas nga kabahin sa usa ka bana kinsa napugos sa obligasyon niini sa panimalay human ang asawa mipanaw ngadto sa gawas sa nasud (abroad) aron manrabaho.
Ang “Mr. Housewife” giderektahan ra usab sa suod nga hilagla ni Willie nga si Randy Santiago.
Si Roxanne mao ang bituon mogawas matag hapon nga soap nga giulohan ug “Ligaw na Bulaklak” diin mosunod human sa noontime show ni Willie nga “Wowowee,”.
Niadtong Hulyo 12, si Roxanne miduyog uban ni Willie ngadto sa “Wowowee” alang sa usa ka pasundayag nga ipahigayon sa Atlantic City.
Uban usab kanila mao sila si Kristine, Angelica Panganiban, Marielle Rodriguez, Pokwang ug uban pa sa mga naghatag kinabuhi ning popular nga game show.
Kaugalingong pelikula giisnab ni Heart?
Ni: Helios Pusta
Hulyo 20, 2008
|
Maka turn-off kaayong paminawon kun tinuod man ugaling nga si Heart Evangelista mao ra usab ang miunay pag-isnab sa kaugalingong pelikula?
Imagine, gihimo siyang bida ug gisugalan pa gayud kini sa bag-ong producer, pero karon, gibaliwala niya kini?
Duna ba kahay ingon niini nga klase sa artista? Pag-sure uy! Angay lang nga i-promote o tabangan niya ang gibidahang pilikula, kay kun ugaling mosablay gani kini, seguradong sablay usab ang mamahimong resulta sa tanan niini ug ang mga mosunod pa niini.
Maayo na lang gani nga very cooperative ang co-star nga si Jao Mapa. Miuban pa gayud kini sa premiere screening didto sa Hawaii, Baguio City ug Urdaneta, Pangasinan.
Lakip usab si Maribel Lopez, mitabang usab sa pag-promote sa Ay, Ayeng. Unfair kaayo alang sa producer sa Aloha Pearl Films nga gipasagdan sila sa bida nila, di ba, Wendell?
Gretchen midepensa ni Claudine
Ni: Helios Pusta
Hulyo 20, 2008
|
Human sa 15 ka tuig, si Gretchen Barretto migawas na sa Maalaala Mo Kaya (MMK). Sugod niadtong Hulyo 19, ang MMK mogawas na matag Sabado.
Sa usa ka press conference sa MMK didto sa 9501 restaurant sa ABS-CBN, excited nga giasoy ni Gretchen ang iyang nasinati sa pagbalik niini pag-usab atubangan sa kamera.
Miangkon usab ang maanyag nga aktres nga naglisod usab siya sa pag-adjust labina sa oras sa taping.
Wala man god maanad si Gretchen nga maghago, ilabina kun ang trabaho ang pagahisgotan.
Alang sa nahisgotang episode sa MMK, gidala ni Gretchen ang papel sa usa ka minyo nga babaye nga nahimong usa kakabit sa mayor.
Sa dihang gipangutana kini kun naka-relate ba siya, sa bisan unsang paagi, ning maong estorya o kaha sa karakter nga iyang gidala, dali kining mitubag nga “Dili ko maka-relate, kay sa pagkatinuod, dili man ko minyo,” seryosong taho kini, “Wala koy bana.”
MIDEPENSA SA IGSUONG SI CLAUDINE.
Gituki-apil sa maong interbyu human sa presscon ang midagsang nga mga balita kabahin sa gikalambigitan sa igsuong si Claudine ngadto sa ABS-CBN star usab nga si Angel Locsin.
Matud pa sa nanggawas nga mga taho, nagkalalis kuno ang duha sa usa ka salon human mosumbong ang usa ka hairdresser ngadto ni Claudine sa gipakitang batasan sa lobo lead star sa dihang giasikaso kini.
Gitambagan kuno ni Claudine si Angel ug misangpot kini ngadto sa usa panaglalis. Duna usa’y mga reaksyon kabahin sa maong isyu nga kuno dili si Angel ang sad-an sa nahitabong mainit nga panaglalis.
Sayop kuno kini ni Claudine gumikan kay daw nanghambog kuno kini atubangan ni Angel. “Dili una ko mag-react kabahin niini,” daling nakatubag si Gretchen sa dihang gikuha ang reaksyon niini.
“Ang ako lang nga nahibaw-an, kugihan ang akong igsoon. Focused siya sa trabaho, maayo siya ug daghan usab ang iyang award.”
Naabot niya ang maong estado gumikan ra usab sa iyang pagpanigkamot. “Gitrabahoan niya ang unsay iyang naangkon, ug dili unta ingnon nga nanghambog kini tungod kay sa pagkatinuod si Claudine is Claudine,” depensa ni Gretchen.
Nahiubos gayud si Gretchen ngadto kang Angel, pero wala kuno usab kini maglagot niini. "Naluoy lang ako sa akong igsuon, syempre. Giakusahan nila si Claudine. Pero sayod ako nga kaya ni Claudine kining mga butanga. Ug magaingon ako nga, that’s part of being Claudine Barreto kinsa sikat ug puno sa pagtamod dinhi sa ABS-CBN. Gumikan kay dugay na siya nga nanilbihan sa ABS, gihatagan usab siya sa spesyal nga atensyon niini.”
Bukas sa kanunay ang panghuna-huna ni Gretchen, ilabina kung kabahin sa mga issue. “Ang side ni Claudine lang sa pagkakaron ang akong nadunggan, wala pa man usab ako makadungog sa kabahin ni Angel. Mao nga, lisod usab alang kanako ang mo-estorya kabahinin niini.”
Sa dihang gipangutana si Gretchen kun tagdon ba niya si Angel kun ugaling magkatagbo kini sa bisan asang dapit, dali kining mitubag: “Wala pa ako masayod. Nahadlok ko, basin awayon usab ako niya! Basin singgit-singgitan niya ako. Oh my, God! Wala koy panahon!”
|
2008 MISS UNIVERSE |
||
|
|
NHA TRANG |
|
|
SEMI-FINALISTS |
||
|
|
|
|
|
|
|
|
|
FINALISTS |
||
|
|
|
|
|
|
|
|
| 4th RUNNER-UP | 3rd RUNNER-UP | 2nd RUNNER-UP |
|
Elisa Najera (Mexico) |
Vera Krasova (Russia) |
Marianne Cruz (Dominican Rep.) |
| 1st RUNNER-UP | WINNER | |
|
Taliana Vargas (Colombia) |
Dayana Mendoza (Venezuela) |
|
Madonna ug Britney Spears naghiusa na usab og pwersa
|
NEW YORK (AP) – Si Madonna mikuha ni Britney Spears ngadto sa usa ka dayag nga paggawas sa iyang umaabot nga tour.
“Adunay paghulagway sa maong tuor uban ni Britney pipila ka higayon ning semanaha alang sa umaabot nga pasundayag ni Madonna nga (Sticky & Sweet) tour,” matud pa sa publicist ni Madonna nga Liz Rosenberg, pinaagi sa usa ka e-mail nga gipadala niadtong Martes ngadto sa Associated Press.
“Mao lang kini ang mahatag nako nga impormasyon. Ang uban niini pabilin nga sekreto.”
Si Rosenberg mihimakak usab sa mga tahong si Spears, 26, nagpahigayog music video.
Si Madonna nahimong kalabot sa single alang ni Spears nga “Me Against the Music” niadtong tuig 2003.
Ang duha ka mga mag-aawit nakakutaw sa kontrobersiya niadtong tuiga gumikan sa nakitang tataw nga kiss o lips to lips nga gipakita taliwala sa MTV Video Music Awards.
Hmm. kinsa kaha ang tomboy nilang duha? Si Madonna, 49, mopasupot sa tour ning umaabot Agusto 23 didto sa Cardiff, Wales, ug mobagyo ngadto sa distinasyong Uropa diin kalabot na niini ang dapit sa London ug Paris sa dili pa mopadulong sa Estados Unidos ning umaabot Oktubre.
Reeves gidugang sa My Girl!
Ni: Helios Pusta
Hulyo 13, 2008
|
SI Keanna Reeves diay ang gidugang nga cast sa “My Girl”. Siya ang modala sa papel isip adoptive aunt ni Hannah (gidulaan ni Nicole Uysiuseng).
Suwerte si Keana gumikan kay nahilakip siya sa papel nga midula sa primetime toprater sa ABS-CBN.
Perpekto usab si Keanna alang sa maong role gumikan kay aduna siyay talinto sa pagpakatawa.
Gikan sa pagkahimong kontrobersyal nga seksing bituon, usa ka seryosong personalidad ang pagadalhon ni Keanna karon.
Daghan na usab ang mitamod sa iyang abilidad isip aktres. Sukad niadtong nahimo kining big winner sa “Pinoy Big Brother Celebrity Edition”, ang kinabuhi ni Keanna dili na susama kaniadto.
Ilabina kay karon anaa na siya sa mga kamot sa iyang manager nga si Boy Abunda.
Usa kini sa pinaka-maayong nahitabo sa iyang career. Ubanan nato si Keanna ug sa iyang mabulokong pagkatawo sa pagsulod niya sa hit nga “My Girl” sa Primetime Bida sa ABS-CBN.
Hancock misakmit og P45.48M dinhi sa Pilipinas
Ni: Helios Pusta
Hulyo 13, 2008
|
Ang mabulokon ug ma-aksyon nga pagpanimpalad ni Hancock (usa ka gamhanang linalang nga adunay lahi nga personalidad), gibidahan ni Will Smith mibukas pinaagi sa makabungog nga No. 1, grossing ug misulbong pinaagi sa pagsakmit og P45.48 milyones sulod lamang sa upat ka adlaw ubos sa 1 ka semanang pagpasalida niini gikan Hulyo 3 ngadto sa Hulyo 6 sa 137 ka mga sinehan dinhi sa Pilipinas.
Ang Hancock mao ang kabahin sa usa ka super hero kinsa walay nasayran kabahin sa iyang kagahapon sa wala pa kini mobangon sa ospital inubanan sa gahom nga gihuptan niini.
Dunay kalagot sa katawhan sa iyang palibot gumikan usab sa mahimo niyang kadaut ilalom sa makalilisang nga gahom.
Padayon pa usab kining gisalida sa mga sinehan dinhi sa dakbayan sa Tagbilaran.
Joe Francis milantad sa ‘Girls’ tape ni Ashley Dupre
Ni: Helios Pusta
Hulyo 13, 2008
|
Karon nga si Ashley Dupre miatras na sa $10 milyon nga kiha batok sa nagpasiugda sa “Girls Gone Wild,” ang founder/CEO nga si Joe Francis nakahukom na usab nga ipagawas ang makapaukyab nga video mahitungod sa matud pa call girl ni Eliot Spitzer, kinsa nakuhaan niadtong spring sa tuig 2003.
“Klaro kaayong gipasaka niya ang maong sumbong aron makakuhag publisidad,” matud pa niini sa usa ka pakighinabi.
“Karon nga ang babag sa maong kiha nahanaw na, samtang wala pa ako makabalos niini, sa gihapon, ihatag namo ngadto kaniya ang nagkadaiyang publisidad nga walay igong kabutangan nga iyang gipangita.”
Si Dupre gikatahong namakak mahitungod sa pagtug-an sa iyang edad ug mipagawas sa mini nga impormasyon kabahin sa iyang pagkatawo, mao nga ang “Girls Gone Wild” kaniadto wala mahatagig footage nga ikapakita alang sa publiko.
Niadtong Marso, mipa-saka kinig kiha batok sa kompaniya diin sa reklamong paghugaw-hugaw sa iyang reputasyon, pero miatras usab kini niadtong nakalabayng Biyernes.
Parker ug Broderick pabiling adik sa sigarilyo
Ni: Helios Pusta
Hulyo 13, 2008
|
Sila si Sarah Jessica Parker ug Matthew Broderick padayon sa pagpanigarilyo matag panahon, ug ang 5-anyos nila nga anak nga lalaki tingali “matakdan niini” isip usa ka adik sa nicotine.
Sa gipahigayong screening sa bag-ong lilas ni Broderick nga gioluhan ug “Finding Amanda,” ang aktor nagkanayo ngadto sa New York magazine: “Ako kanunay manabako ug segarilyo, ug padayon niini hangtud karon. Ako na unta kining gibiyaan, pero sa matag panahon matintal gihapon ako niini.”
Si Broderick nagkanayon nga ang iyang asawa, aktres sa, “Sex and the City” nga si Jessica Parker, “mas grabi pa kay kaniya mahitungod niini.”
Ug human niini, ang 5-anyos nga anak nila nga lalaki nga si James Wilkie, daw nahimong curious usab niini.
Kanunay kining maka-kita’g basiyo sa segarilyo ug mangutana kung unsa man kana?
Nganong manigarilyo man ang mga tawo? Nakita gayud ang bag-ong mibukad nga hinigarilyo usab sa ilang atubangan.
Teacher Monet miangkon nga naglibog ni Laarni
Ni: Helios Pusta
Hulyo 13, 2008
|
Si Teacher Monet, ang Voice Mentor nga gitugyanan sa responsibilidad sa sulod sa balay tungod sa rasong moako sa pagplantsa sa makalibog ug utok sa PDA scholar nga si Laarni.
Aron masulbad kini, si Teacher Monet nakighinabi sa mga scholar, gawas lamang ni Laarni niadtong Martes sa gabii.
Ilang gituki ang pamaagi aron masulbad ang relasyon tali ngadto ni Laarni. Si Laarni gibutang sa counceling room samtang si teacher Monet nakighinabi sa ubang scholar.
Si Teacher Monet mihatag og panahon sa matag usa ka scholar ug misugyot kini nga pasensyahan una si Laarni aron usab malikayan ang panaglalis ingonman likayan ang mga pulong nga posibling makasugod away ug dawaton na lang nila kung unsa siya.
Hinuon, giangkon usab niini nga bisan siya gihaguan usab ni Laarni niadtong higayuna.
Ang maong issue kabahin ni Laarni nagsugod niadtong unang semana pa lamang sa Academy. Ang kanhi kauban niya sa One Voice (kay ang PDA scholars gibahin man sa duha ka grupo, One Voice ug Pupilars) dili na makasugakod sa iyang batasan, ug kasaypanan nalang niya ang kanunay makita.
Ang uban, sa sinugdanan pa lang naluoy ni Laarni, ilabina niadtong anaa pa kini sa Pupilars team—nagtuo sila nga gioto-oto lamang nila si Laarni.
Ang maong panglantaw, hinuon, nausab sa dihang si laarni gibalhin sa Pupilars ug susamang problema ang nahitabo. Maminaw kaha ang mga scholar ni teacher Monet?
O kaha sukdon nila ang makalibog nga batasan ni Laarni?
Valerie Concepcion, magnet sa mga DOM ug DYM?
Ni: Helios Pusta
Hulyo 6, 2008
|
Ang Wowowee co-host ug nag-indorsar sa Slenda nga si Valerie Concepcion tingali nag-awas tumang sex appeal gumikan kay kini karon nahimong magnet ngadto sa mga Dirty Old Men ug Dirty Young Men.
Ang pasundayag nga iya unta nga pagasalmutan napakgang gumikan kay ang giingong pinansyer niini gidudahang adunay dakong tinguha kaniya.
Giimbitar siya nga mohimog show sa usa ka yacht party uban sa ubang noontime show celebrity dancers.
Ang iyang inahan daw nakapanimaho’g hukos-pukos kabahin sa maong imbitasyon, hinungdan mibabag kini.
Ug dinhi masigpatan ang usa ka konektadong opisyales sa gobyerno kinsa nagtinguhang mopasayaw ni Valerie sa iyang atubangan samtang nagbikini lamang.
Ang manager nga si Becky Aguila dili ingon niini nga klase nga manager. Ang naglagot nga si Becky nagkanayon , “Hindi ako bugaw ‘no!”
Marian andam mo-pose sa FHM
Ni: Helios Pusta
Hulyo 6, 2008
|
Opisyal nga gi-anunsyo mismo sa editor-in-chief sa FHM Philippines nga si Allan Madrilejos ang pagkapili ni Marian Rivera isip Philippines’ Finest sa 100 Sexiest Women in The World 2008.
Gianunsyo ni Allan ngadto taliwala sa gihimong interview kaniya sa taga Showbiz Central niadtong Hunyo 29.
Matud pa ni Allan, Murag siya [Marian ] na karon ang sexiest Filipina sa nasud.
Record-breaking usab ang pagka numero uno ni Marian tugnod kay siya pa lang ang pinaka unang non-cover girl nga nahimong Philippines’ Finest sa FHM.
Gitataw usab sa editor-in-chief sa FHM nga kumo kay wala mag-pose alang sa cover ang usa ka artista sa FHM magazine, dili na pweding mapili pa kini.
Dili man usab kinahanglang aktibo ngadto sa tanang pasundayag nga ipahigayon sa FHM, sulayi ug tan-aw.
Kung kinsa ang gusto nilang botuhan nga bituon (ang ituboy sa mga fans dawaton. Siguro, si Marian ang nanguna, ug posibilidad usab kini nga malambuon ang dagan sa iyang career.
Mipasupot usab og pamahayag si Marian mahitungod sa pagtuboy kaniya isip Sexiest Woman. “Sobra nakong kalipay mahitungod niini! matud pa ni Marian. Gumikan kay wala man usab ako magdahom niini. Wala ako nag-cover, human diay nahimo akong numero uno. Makapakurat usab ug dinhi ko lang nahibaw-an nga ang mga fans nga nahigugma nako, sobang gihigugma nila ako ug walay puas sa pagbutar kanako.”
Gitaho usab sa Showbiz Central ang katibuk-an boto ug total nga nakuha ni Marian diin gipagawas sa PEP (Philippine Entertainment Portal).
Si Marian nakasakmit ug 316, 135 kumpara sa 123, 239 ni Katrina Halili,nga nagsunod kaniya. Kahinumduman, sulod sa 2 ka ngasunod nga mga katuigan, si Katrina ang nag-una isip Philippines’ Finest sa FHM.
Tungod niini, naugkat pag-usab ang kanhi isyu tali sa duha, pero dali usab kining gipanghimakak ni Katrina sa dihang nahinabi kini sa Showbiz Central.
“Okey lang, ingon gayud niini ang mga fans. Mao kini ang makaligaw nga bahin nila, diba? Gisuportahan nila kami. Pero, dilli unta nato himuon kining hinungdan aron sabungon kami. Dili ko kontra ni Marian. Wala usab kami mag-ilog niini. Pagbuot lang kini sa mga tawo o kaha gusto sa mga kadaghanan ang samang panghitabo.”
Matud pa usab ni Katrina, “nag-number one man usab ako, di ba? Ug sa gihapon, anaa man sa taas ang akong ranggo, number two man gihapon ako. Dili man siguro sa tanang panahon sa akong kinabuhi, mag-number 1 ko.”
Giangkon usab ni Allan niadtong didto pa lang siya sa soap sa TAPE Inc. Si Marian pipila ka higayong nakig-hinabi sa kansang manager nga si Popoy Caritativo kung unsaon, kanus-a, ug unsa ang angayng itaya aron mapadayon ang pag-cover ni Marian sa FHM.
Hangtud karon, padayon pa ang imbitasyon sa FHM ngadto ni Marian aron mag-cover kung kanus-a kini andam. Kini usab ang nahimong tubag ni Marian sa maong imbitasyon kaniya sa FHM: “Basta sa tanang butang, andam ako. Pero ang mag-pose nga sobrang sexy, wala pa masabuti nako ug sa akong manager. Ug sa kanunay akong moingon, aduna gihapoy limitasyon, ilabina kon maanindot ang concept, nganong dili? Pero sa gihapon adunay limitasyon kini. Ug usab, duna usab akoy mga kontrata nga giampingan, ilabina sa mga komersyal nga dili pweding sa mga ingon nini. So, kinahanglan ko gihapong ampingan ang imahin isip wholesome. Wholesome gihapon ako”
Nagpasalamat usab SI Marian sa tanan nga mga mibotar kaniya. Matud pa niya “Dawaton ko na ang maong kahigayunan aron pasalamatan usab ang tanang mibotar kanako. Utang kabobut-on ko kini kaninyong tanan, ug alang kanako, kamo ang matuod numero uno. Daghang salamat sa pagbotar ninyo. Kung dili pa tungod kaninyo, wala usab ako sa maong posisyon. Unta malipay usab kamo sa tanan nakong ginahimo, matud pa ni Marian.”
Jake Cuenca friend lang sila ni Bea Alonzo
Ni: Helios Pusta
Hulyo 6, 2008
|
Obvious kuno kaayo nga flattered ang young heartthrob nga si Jake Cuenca dihang gipahibalo kini nga crush siya ni Bea Alonzo.
Kini maoy reaksyon ni Jake atol sa ika-16th anniversary gala sa Star Magic nga gipahigayon didto sa Isla Ballroom, EDSA Shangri-La Hotel, Mandaluyong City.
Si Jake nagkanayon nga fan siya nila ni Bea ug John Lloyd Cruz, open usab kini sa iyang gibati ngadto sa young actress.
Dihay mga hungihong nga nakit-an sila si Jake ug Bea nga nagkuyog og pangaon apan wala kini gihimakak o gikompirmar ni Jake.
Matod pa sa mga tsismis sa showbiz, daw M.U. kuno sila si Jake ug Bea. Unsay M.U.?
Mutual Understanding? Matod pa sa usa ka bading. Dili, Murag Uyab. Bow.
Jessica Simpson gi-bundakan ni Pamela Anderson
Ni: Helios Pusta
Hulyo 6, 2008
|
NEW YORK — Gibundakan si Jessica Simpson ngadto sa Australian radio show sa Vegetarian ug PETA spokeswoman nga si Pamela Anderson tungod sa pagsul-ob “Real Girls Eat Meat” nga T-shirt o sa binisaya pa nga pagkahubad “ang tinuod nga babaye mokaon gayud ug karne.”
Hmm.. karne ba jud kaha? Sa dihang gipangutana kini kabahin sa iyang opinyon mahitungod ni Simpson, kinsa gikuhaan ug hulagway nga nagsul-ob sa maong t-shirt sa tunga-tungang adlaw sa bulan nga Hunyo, si Anderson nagtawag kaniyang “b-tch” ug usa ka “wh-re” ug nagkanayon ngadto sa “Kyle and Jackie O Show” nga siya wala magpasabot sa “aktwal nga manok ug baka, pero nagpasabot ngadto ni, you know, men.” Hmmm.
Sayod na kamo kung kinsa. Si Simpson nakaangkog pipila ka kudlit sa mga pagsaway gikan sa mga animal-right group nga PETA gumikan sa pagsul-ob sa maong t-shirt, kinsa usab nalista sa “Top Five Reasons Only Stupid Girls Brag About Eating Meat” sa ilang “PETA Files” blog ug mipagawas sa pamahayag nga “the woman who thought that Buffalo ‘wings’ came from buffalos would benefit from some good veggie brain food.”
Usa ka insider mahitungod ni Simpson mitaho ngadto sa OK! Magazine nga ang maong ti-shirt daw gikan sa boyfriend nga si Tony Romo nga tingali gipanag-iya sa ex niini nga si Carrie Underwod, kinsa usa usab ka vegetarian ug duha ka higayong gibansagan sa pangalan nga “World’s Sexiest Vegetarian” sa PETA.
Poohkwang, usa ka konsyerto nga puno sa pagpakatawa
Ni: Helios Pusta
Hulyo 6, 2008
|
Si Pokwang ug Pooh, ang duha sa pagkakarong pinangita komedyante o comic performers, nag-usa sa kansang talinto ug abilidad aron makahatag ug walay putol nga kalingawan sa usa ka bulan nga pagpahigayon sa Poohkwang Concert didto sa MusicMuseum sulod sa adlawng Biyernes ug Sabado sa bulan ng Hunyo.
Ang kansang konsyerto gibuhi pinaagi sa pag-usab sa mga kanta, pagsayaw ug pagdala sa papel ug nagkadaiyang arte sa intablado nga modagan sulod sa duha ka oras nga pasundayag samtang garantisadong makahatag ug “makapasakit sa tiyang kataw-anan.”
Salamat sa ilang dili ikalimod nga gasa sa paglingaw, nga maoy makapahupay sa kaguol nga gibati.
Ang mga tiaw-tiaw diin sila nagasandig, pang-masa ug sagad ang tanan makasabot gayud niini.
Nagsugod lamang sa usa ka komedy bar, si Pokwang ug Pooh naghupot sa bintahang kaabtik inubanan sa makapahimuot nga mga pulong nga mogula sa mga baba niini.
Usa sa makapadugok nga pasundayag sa maong konsyerto mao ang ilang pag-awat sa duha ka mga kontrobersyal nga personalidad sa showbiz.
Si Pooh misundog ni Manny Pacquiao, ang iyang alas nga maoy nagtuboy kaniya ngadto sa kalibutan sa showbiz. Sa laing bahin, si Pokwang misundog usab ni Annabelle Rama, usa ka personalidad nga sa wala malalis nakahatag bulok sa maong pasundayag.
Gikan sa maong pasundayag gipagula usab ang usa ka opening act nga linakipan sa pag-arsa ug makapanganghang sayaw ilalom sa kansang awit.
Si Pokwang ug Pooh seguradong nakahatag gayud ug malipayong takna gikan pagsugod ug pagkatapos sa maong pasundayag.
Ang dili makalimtang kalampusan sa Poohkwang Comedy Show padayon gipapon nga ipasundayag sa adlawng Biyernes ug Sabado ning bulan nga Hunyo didto sa MusicMuseum.
Ang ticket mapalit usab sa Ticketworld ug Ticketnet outlets.
SHOWBIZ NEWS ARCHIVES:
Hunyo 2008
Mayo 2008
Abril 2008
Marso 2008
Pebrero 2008
Enero 2008