BALITANG SHOWBIZ

Carmen Soo

SA katapusan, mitubag na ang usa sa duha sa mga dalagang gilambigit sa aktor nga si Jericho Rosales human gitug-an sa ex-girlfriend niining si Heart Evangelista nga usa ka third party ang kinaingnan sa ilang panagbulag.

Una, mao ang leading lady ni Echo sa international movie nga I Luv U Virus nga si Briana Evigan; ikaduha, mao ang kapares niini sa bag-ong teleserye nga usa ka Malaysian star nga si Carmen Soo.

Midangat dinhi sa Pilipinas niadtong Huwebes, Hunyo 12, si Carmen alang sa ika-15 nga adlaw sa taping nila ni Jerico.

Gitagbo dayon kini sa nagkadaiyang intriga pagatamak pa lang niya sa airport.

Nakatawa na lamang ang dalaga sa dihang gikuhaag pamahayag sa The Buzz ang mahitungod sa maong intriga nga gilambigit kaniya ngadto sa relasyong Jericho ug Heart.

Matud pa ni Carmen, nahibalo na daan siya mahitungod niini semana pa ang nakalabay.

Mismo si Jerico kuno ang nagtug-an kaniya sa dihang mikuyanap na ang maong balita mahitungod kanilang duha.

“Iya kining gipasabot kanako tungod kay gusto niyang masayod usab ako sa hinungdan niini, ilabina kay moanhi man ako sa Pilipinas. Gitug-an niya ang kabahin niini human siya mibalik sa Manila. Sa dihang mibalik mi sa Malaysia, nakahibalo na ako ug wala na malilong ang hinungdan niini,” matud pa ni Carmen ngadto sa The Buzz miaging Domingo.

Gipanghimakak ni Carmen nga duna siya’y kalabutan sa kontrobersiya nga hinungdan sa panagbulag ni Jerico ug Heart.

“Makalibog kaayo, kay wala man ako mahibalo sa maong hitabo hangtud niadtong, uhm…tingali 3 ka semana ang nakalabay? Pero niadtong higayuna, walay bisan usa nga nagngutana kanako kabahin niini. Mao nga wala usab ako masayod nga dunay nahitabo tali sa relasyon nila. Ug sa kalit lamang, nahimong akong usa sa gidudahang hinungdan sa panagbulag. Dako ang akong katingala, kay samtang nagsugod pa lang ko nga makaila si Jerico ug tungod lamang sa pag-arte, pagkauban kanunay ilabina sa pag-dala sa papel, nahitabo ang ingon niini. Gibati ko usab nga daw nabiktima niini.”

“Tinuod nga duol kami. Daw mitubo ang panaghigalaay namo ni Echo, gipaningkamutan namo kini kay maayo nga dunay hugot nga relasyon ang usag-usa aron magmalambuon ang mong trabaho,” depensa ni Carmen.

Gipangutana usab si Carmen sa The Buzz sa posibling relasyon ngadto kang Jerico ilabina karon nga nagbulag na sila ni Heart.

“Nagtutok una ako sa maong show sa pagkakaron. Gusto kong makasiguro nga maayo ang mamahimong resulta niini, well,” gisundan kini sa pagkatawa ni Carmen.

“Uhm…uhm, wala pa ako masayod. Dili ko gustong maghuna-huna kabahin niini,” matud pa sa dalaga.”

Mihatag usab ug mensahi si Carmen ngadto sa taga The Buzz alang ni Heart ug sa mga intriga tali nila.

“Personal kini nga problema tali nilang duha. Wala akoy kalabutan niini. Siguro na-timing lang ang panghitabo alang kanako, tungong sa shooting uban ni Jerico ug usab sayon itumbok kining butanga nganhi kanako.”

Sa lang bahin, gikuha usab sa The Buzz ang reaksyon ni Heart mahitungod niini pero gipili niyang dili una mohatag ug pamahayag.

Gabby giisnab sa pagpagawas sa CD ni KC
Ni: Helios Pusta
Hunyo 22, 2008

Si KC Concepcion mipagawas sa iyang gitawag ug Cassandra debut CD, ilalom sa Sony BMG Entertainment ug ASAP 08.

Pinaagi sa imahin nga daw rakistang nakakulo’g buhok samtang nagsul-ob sa itom nga sapot, siya nagsugod pinaagi sa awit ni John Lennon nga giulohan ug “Imagine” diin naghulagway usab kini sa iyang pagkatawo kabahin sa karon ug sa umaabot.

Ang Megastar nga si Sharon Cuneta ug Senador Francis Pangilinan mihatag sa kaugalingong on-cam nga pakighinabi.

Pero, wala gayoy pamahayag gikan ni Gabby Concepcion.

Gibaliwala gayud kini sa gipahigayong importanti nga okasyon sa kansang entertainment career sa anak niining dalaga.

Kini maoy hinungdan kung ngano nga ang The BuzzBox nagtahap kung si Gabby dili ba kabahin sa pagpadako ug pagmatuto sa maong dalaga, kay tataw man sa mga mata nga daw dili sila duol sa usag-usa karon, ug dili usab ingon niini ang iyang batasan.

Siya mihunong na tingali sa pagpaningkamot alang sa usa ka hugot nga relasyon ngadto kaniya ilabina sa bata pa kini.

Ug karon daw gibaliwala na siya sa anak. Sa laing pagka-istorya, si Gabby daw wala pa maka move-on.

Misteryosang babaye mitungha sa lubong ni Rudy Fernandez
Ni: Helios Pusta
Hunyo 22, 2008

USA ka misteryosang babaye mitumaw alang ni Rudy Fernandez sa katapusang higayon sa paglubong niini.

Nakasuot ug itom nga shades, nagtabil sa itom nga tabon, ug kasamtangang mihilak usab.

Sa mga nakasaksi niini, nagtuo gayud nga siya mao ang sekretong hinigugma ni Rudy, kinisa mibisita isip respeto sa katapusan niyang pagtaliwan.

Pero, sa dihang mipaduol ang mga nakasaksi ngadto sa nahisgutang babayi, nakamatngon sila kung kinsa na kini.

Si Rufa Mae Quinto diay, kay nagsul-ob lamang kinig sando sa kansang pagbalik niini gikan London, nagtabon kini sa kaugalingon, susama sa usa ka babaying nagtakoban.

Gikan sa international airport, Parañaque City, mideretso dayon kini ngadto sa maong lubong didto sa Heritage Park, Taguig City.

Pero ang maong insedente daw usa usab ka tukma nga paagi sa pagtago.

Kay sa dihang mibida si Ruffa Mae uban ni Rudy sa katapusang lilas niini nga “Huli Mo, Huli Ko,” gidudahan man kining nahilambigit sa usag-usa.

Si Rufa Mae tingali naningkamot aron makatago sa mga mata ni Lorna Tolentino!

Winehouse na-ospital
Ni: Helios Pusta
Hunyo 22, 2008

London, UK — Ang sikat nga mag-aawit nga si Amy Winehouse nakuyapan niadtong Lunes sa iyang panimalay didto sa north London ug gidala sa tambalanan, matud pa sa tigpamaba niini.

Si Winehouse nawad-an sa panimuotm pero ang assistant niini nakasapwang kaniya sa wala pa kini mabundak sa salog, matud pa sa tigpamaba nga si Chris Goodman.

Dali usab kining naulian, ug ang iyang amahan nga si Mitch mao ang midala kaniya sa nahisgutang Ospital gumikan sa kabalaka, matud pa ni Goodman sa usa ka pamahayag.

Si Winehouse samtang nagperma sa mga autograph alang sa Canadian fans, nagtindog lamang kini didto sa gawas sa iyang panimalay.

Human mamauli ang fans, kalit kining naluya ug nawad-an sa panimuot.

Matud pa ni Googman, ang doctor wala pa masayod kung unsa gayud ang hinungdan sa pagka-lipong sa 24-anyos nga mag-aawit kinsa gipailalom pa karon sa usa ka pakisusi.

Gikinahanglang magpabilin kini sa ospital aron masiguro ang kahimtang, matud pa.

Piolo Pascual producer na
Ni: Helios Pusta
Hunyo 15, 2008

Kini ang unang higayon sa pagka producer ni Piolo Pascual inubanan sa iyang kaabag nga gikabig gikan sa duha ka kaaraang lokal nga mga lilas.

Usa ka grupo sa non-showbiz nga mga negosyante ug si Piolo nagbira sa kansang tinubdan aron maka-produce sa usa ka lilas nga gibana-banang ipagawas ning tuiga.

Ang maong lilas giulohan ug Manila and it’s a twinbill sa duha ka estorya nga pinasikad sa 2 ka mga karaang lilas kinsa gi-derektahan sa duha ka hawod sa lilas nga Pilipinhon — Ang kang Lino Brocka nga Jaguar sa tuig (1979) ug ang kang Ishmael Bernal nga City After Dark niadtong (1980).

Si Piolo ang bida ning duha ka estorya. Ang unang estorya kinutlo gikan sa City After Dark (gitawag usab ug Manila By Night), usa ka Lilas sa Regal nga sinalmutan nila ni: Charito Solis, Lorna Tolentino, Rio Locsin, Alma Moreno, William Martinez, ug Cherie Gil.

Makauban usab ni Piolo ning maong estorya mao sila si Rosanna Roces ug Jodi Sta Maria. Kini pagaderektahan ni Raya Martin.

Ang ikaduhang estorya dinasig sa Jaguar, diin pagabidahan ni Phillip Salvador ug Amy Austria.

Sila si Jay Manalo, Anita Linda, Jiro Manio, ug Alessandra de Rossi ang makauban ni Piolo samtang pagaderektahan usab kini ni Adolf Alix Jr.

Dunay nanggawas nga mga taho nga kuno, ang maong proyekto gimugna alang kompetisyong “Cannes International Film Festival.”

Ning tuiga, misulod sa Director’s Fortnight si Raya Martin alang sa Now Showing.
Dali kining gitawagan sa PEP (Philippine Entertainment Portal) si Adolf, aron makomperma ang mahitungod ning maong taho o kaha posibelidad sa pag-entra sa Manila ngadto sa Cannes.

“Uy, walay ingon niini. Ipagawas kini ning tuiga,” tubag ni Adolf ngadto sa PEP.

Jessica Alba nanganak na
Ni: Helios Pusta
Hunyo 15, 2008

Si Jessica Alba ug ang bana niini nga si Cash Warren mihangop sa bag-ong natawong anak babaye.

Ang gihimayang si Marie Warren natawo niadtong Hunyo 7, didto sa Los Angeles, matud pa sa tinugyanan ni Alba nga Brad Cafarelli ngadto sa People Magazine.

Mao kini ang unang anak sa managtiayong Alba, 27 ug Warren, 31, nga gikasal niadtong Mayo 19 didto sa Beverly Hills courthouse.

Ang duha unang nagkahimamat samtang gipahigayon ang lilas nga “Fantastic Four,” diin si Warren mao ang director assistant niini.

Nagkahinigugmaay kini niadtong miaging Desyembre. Nakit-an kining nangumpra didto sa Los Angeles, ug usa ka tinubdan ang nagkanayong daw relax si Alba ug “andam na usab kini isip usa ka ginikanan sa iyang anak.”

Ang klase sa usa ka ginikanan nga gusto siyang mahimo, matud pa ni Alba “Dili siya gustong mamahimong amigo sa iyang anak. Gusto niyang mahimong usa ka ginikanan.”

“Pero gusto usab nako nga ang akong mga anak moduol nganhi kanako sa panahong dunay problemang angay pagahisgutan. Kini kabahin laman sa maong linya isip usa ka ginikanan.”

Ang ngalan ni Alba mipatigbabaw ngadto sa listahan sa usa ka men’s magazine isip pinaka-seksi nga babaye sa tibuok kalibutan.

Siya nahimong numero uno sa mga magbabasa sa iladong FHM Magazine miaging tuig, ug miubos ngadto sa ika numero 3 ning tuiga batok sa maanyag nga bida sa lilas nga “Transformer” nga si Megan Fox kinsa maoy nakasakmit sa pinakataas niini.

Ces Drilon, 2 ka cameramen gi-kidnap?
Ni: Helios Pusta
Hunyo 15, 2008

Migawas ang balita sa milabayng udto sa Hunyo 10, sa usa ka presscon sa Pinoy Big Brother Teen Editon Plus ang kabahin sa, matud pa, pagkahanaw sa News & Current Affairs host sa ABS-CBN nga si Ces Drilon ug duha sa mga kaubanan niini nga sila si Jimmy Encarnacion ug Angelo Valderama.

Nagkadaiyang mga taho ang nanggawas sa nagkalain-laing pamantalaan, radio ug telebisyon. Aron malinaw ang mahitungod sa migawas nga taho, nakadesisyon ang ABS-CBN nga mopagula ug opisyal nga taho mahitunod niini.

Mao kini ang opisyal nga pamahayag nga gipadala sa ABS-CBN ngadto sa PEP (Philippine Entertainment Portal):

“Tulo ka mga tigbalita sa ABS-CBN ang nawala sa Sulu – sila mao si Ces Drilon, Jimmy Encarnacion, ug Angelo Valderama.

“Gibuhat na ang tanan aron sila makit-an ug makapauli sa labing dali nga panahon. Samtang giusisa pa ang tanang detalye niini, mihangyo usab ang ABS-CBN News sa isigka tigbalita nga unta magbantay usab sa ilang ipagawas nga mga taho kabahin niini, alang usab sa kaluwasan nila ni Ces ug sa mga kakaubanan."

“Nakigtigum usab ang ABS-CBN News sa mga pamilya ug gipangayo usab niini nga respituhon usab ang hangyo nila nga dili mopakita atubangan sa medya.”

Kini ang hinungdan kung nganong gipili sa PEP nga dili usa mopagawas ug bisan unsang pamahayag mahitungod sa pagkahanaw nila ni Ces hangtud wala pay signal o pag-uyon gikan sa ABS-CBN.

Guy ug Madonna, break na?
Ni: Helios Pusta
Hunyo 15, 2008

Gidugokan ang mitumaw nga huhungihong kabahin sa kampo ni Madonna dili pa lang dugay.

Daw espiso hunahunaon ang nagpalibot kaniya nga kabahin sa 8 ka tuig nila nga kaminyoon ngadto ni Guy Ritchie.

Karon ang magazine nagtahap nga ang magtiayong Madonna ug Guy anaa sa kagubot, basi sa daw dili hipno nga mga balita ug tabi-tabi.

Ang magazine nagka-nayon nga si Madonna nasigpatang nagsaulog sa opisyal nga pag-adapt niya sa iyang anak nga si David Banda sa duha ka sunod nga gabii miaging semana, diin wala sa kiliran niini ang iyang kapikas.

“Miisa kini sa iyang mga kamot ngadto sa usa ka litratista aron maklaro nga wala niya sul-oba ang iyang wedding ring ,” matud pa sa usa ka tinubdan.

Hinuon, matud pa sa nagpublisar niini, ang managtiayong Madonna ug Guy anaa pa gihapon sa linaw nga pagkabutang sa kaminyuon.

Ang tanan nga kabahin niini nakahatag usab ug kalibog sa ulo sa mga tigbalita.
Dili lamang kini mao ang unang higayon nga ang tinubdan sa medya miasoy nga ang kaminyuon ni Madonna anaa sa kagubot- samtang siya nagpaulan ug pipila ka mga butang nga makapangutana ang tanan kabahin sa kahimtang sa iyang kaminyuon uban ni Guy pipila na ka bulan ang nakalabay.

Ug sa gihapon walay tukmang ebidensya kabahin niini.

Cass Ponti, gikagubtan sa Maxim Party?
Ni: Helios Pusta
Hunyo 8, 2008

Dili lamang si Angel Locsin ang nangibabaw sa malampusong pagpahigayon sa gipasundayag nga Maxim Hot 100 Party miaging Mayo 29 didto sa A. venue Event Hall sa Makati.

Nakabira usab ang kadaghanang atensyon gumikan sa wala damhang panghitabo sa iyang gisul-ob ni Cassandra Ponti samtang mi-rampa kini sa catwalk.

Giasoy ni Cass (inubanan sa pagpadayag pinaagi sa kamot) ang rason kung nganong migula kini inubanan sa mapagarbuhong kasadya nga nagsuot sa seksing undewear nga nagtiniil lamang, ang tema man gud niini kabahin sa presohan.

Matud pa ni Cass, ”Duna kami’y jumpsuit ug gikinahanglang hubuon usab kini namo tungod kay nagsuot man kami ug inner costume nga itom ug puti alang sa pag rampa.”

“Sa akong pagrampa, dili nako kini makuha!”

Unsay hinungdan? Ang iyang bag-o nga sapatos nga gihatag sa walay lain kung dili si Kris Aquino.

Wala na mabalibari sa seksing actress sa dihang giingon ni Kris nga gamiton niya ang nahisgutang, taas ug heel nga sapatos, ilalom sa gipahigayong Maxim party.

Tungod niadto, nahitabo gayud ang gitawag nga “Custume Malfunction” sa dihang nasabit kini sa jumpsuit nga gisul-ob niya.

“Sa akong kaugalingon, sayod ako nga maulawan ako, mao nga nagdarama na lang ako.”

“Ang akong gibuhat, gikuha nako ang maong sapatos ug nagtiniil ko!” matud pa ni Cass.

In fairness, nadala man usab niya kini samtang todo nag-cheer ang kadaghanan tungod sa daling ediya.

Matud pa ni Cass, “Anaa ka na sa taliwala sa maong dapit, di ba? So pauyon na lang sa anod niini!”

Willie ngadto ni Pooh: ‘Wala siyay utang kabubut-on’
By: Helios Pusta
Hunyo 8, 2008

Kalit nakatindog gikan sa gilingkorang bangko ug nakugang sila si Ogie Diaz samtang misaksi sa Wowowee.

Si Willie Revillame samtang nakig-estorya ni Pokwang.

“Dunay show kamo ni Pooh, ingna siyang paarion nako siya.”

“Wala siya’y utang kabubut-on’ kon dili siya moanhi. Dinhi siya nagsugod, mao nga kinahanglan unta, mobalik siya diri.”

“Ingna siya, kamong duha, mag-perform mo.”

“Lipaya ninyo ang tibuok kalibutan,” matud pa ni Willie.

Medyo napa-ouch silang Ogie samtang nakadungog niining mga pulong “wala silay utang kabubut-on.”

Nasayod si Ogie nga dili kadto mao ang buot ipasabot ni Willie, pero unta, next time, bantayan niya ang matag pulong nga mogula sa iyang mga baba.

Nasayod usab ang tanan nga daghan ang mga tawo nga napalipay ni Willie, pero unta, dili niya angay e-diktar ang “pagtan-aw ug utang kabubut-on,” tungod kay ang susamang imbitasyon puwedi man lang isulti ngadto sa mga talent coordinator ug dili angay isingit pa aron madunggan sa tanan.

Sa Maxim ‘Hot 100’, Marisa Miller naulaw sa iyang pagka numero uno
Ni: Helios Pusta
Hunyo 1, 2008

LOS ANGELES — Ang lumad taga Californian nga si Marisa Miller mikayab susama nila ni Jessica Biel, Scarlett Johansson, Eva Mendes ug ingonman ngadto kang Heidi Klum pinaagi sa pagsakmit niini sa pinaka-taas nga punto sa Maxim magazine’s “Hot 100” ka mga maanyag nga nalista alang sa tuig 2008, pero ang nakugang nga supermodel daw wala kaayo mosyagit sa kalipay sa pagkasayud niya sa maong taho.

Ang nahisgutang supermodel, nga nakugang ug sa susamang paagi naulaw usab niini—nahimo siyang numero uno sa usa ka paindigay pero gibati usab niya ang tumang pressure mahitungod niini, matud pa niya ngadto sa Pop Tarts niadtong Martes sa gabii kinsa naila isip matinud-anon ug mapa-ubsanong starlet nga natagbuan sukad sa PopTarts.

Sulod sa pipila lamang ka mga bulan, si Marisa gitugahan isip numero uno sa bikini body, kinsa gipasundayag dili pa lang dugay ngadto sa tabil sa Sports Illustrated Swimsuit Edition inubanan sa pagkapili niini isip tigpamaba sa Victoria’s Secret.

Pero ang nahisgutang katanyagan nga naangkon sa matahom nga 29-anyos, dili igo aron mamahimo siyang koblan kabahin sa nagkadaiyang pag-ataki kabahin sa nagbikini niyang kalawasan sa bitchy blog nga websites – susama nila ni Britney Spears ug Mischa Barton, nagkinahanglang moantos sa mga nagkadaiyang pagsaway nga ilabay ngadto kanila ilabina ning nakalabayng pipila ka mga semana.

Ang Pinoy nga bersyon sa Koreanovelang My Girl nga gibidahan ni Kim Chiu ug Gerald Anderson, nga unang gipagawas miaging Lunes, Mayo 26, miposte sa ika-28 porciento sa rating nga nakasakmit sa ika limang posisyon sa matag-adlawng lumba ug sa dili malalis mao ang nahimong nanguna sa mga programa sa ABS-CBN.

Hinuon ang unang pagpagawas niini nga pinasikad sa rating maanidot man usab, samtang ang ginatamod sa GMA-7 nga Dyesebel, Joaquin Bordado, Babangon Ako’t Dudurgin Kita, ug 24 Oras—nagpabiling nanguna sulod sa top 4 nga posisyon.

Ang maong bag-o nga series, kinsa mipuli sa Maligno ni Claudine Barretto, sa kaulahiay mikayab batok sa Dyesebel nga naghupot sa (39.8 porciento) ug pipila ka parte sa Babangon Ako’t Dudurugin Kita kinsa mihakot (31.3 pporciento).

Ang programang gilikom sa tinuod nga kinabuhi sa ABS-CBN nga Pinoy Big Brother Teen Edition Plus, sa susamang paagi nakabenipisyo usab sa makusog nga intrada sa “My Girl” nga miposte sa hataas nga 26.4 porciento, kinsa nakasakmit sa ika-6 nga dapit sa rating.

Ang nangibabaw nga show sa Kapamilya nga “The Singing Bee” mikunhod ngadto sa ika-pito inubanan sa 25.8 porciento sa rating niini.

LOS ANGELES – Ang pinakabag-o nga bersyon sa lilas nga Indiana Jones nakabawi sa minilyong nagasto niini nga gibana-banang mikabat $311 milyones pinaagi sa global box office nga halin sulod sa pipila sa katapusang mga adlaw sa semana, matud pa sa mga pagbana-banang gipasupot sa studio niadtong Lunes.

Ang matag pamilya mogikan aron makaabot-pagsaksi sa “Indiana Jones and the Kingdom of the Crystal Skull,” usa ka PG-13 nga lilas gibidahan ni Harrison Ford isip ang nagdalag-latigo nga archaeologist kinsa naghulat ug 9 ka tuig aron mobalik ngadto sa dakong screen.

Ang Paramount Pictures mibana-bana ning maaksyon nga sumpay nakakab-ot ug $151.1 milyones didto sa Estados Unidos ug Canada gikan sa adlawng Huwebes hangtud sa Lunes inubanan sa $160 Milyones nga nahakot sa gawas sa nahisgutang nasud.

Mimarka kini sa ikaduhang pinaka-dako sulod sa usa ka semana ning tuiga, nagsunod sa “Pirates of the Caribbean: At World’s End,” kinsa nakahakot ug $153 milyones sa kaugalingong nasud gikan sa adlawng Merkules hangtud Lunes miaging tuig.

Dul-an ika-tulo sa mga misaksi niini mga ginikanan inubanan sa ilang mga anak, matud pa ni Rob Moore, Presidente sa Paramount Worldwide Distribution.

Christina Aguilera dili kinahanglang moagi sa mga mahait aron masul-ob ang E-Cup
Ni: Helios Pusta
Hunyo 1, 2008

Samtang daghan ang mga maanyag nga bituong makita sa Hollywood modangop ngadto sa pagpa-surgery aron mapun-an ang ilang “assets”, si Christina Aguilera mapasalamaton ngadto sa anak niya nga lalaki kabahin sa iyang nag-ugdo nga mga suso.

Ang nahisgutang prensisa sa pop miangkong ngadto sa Us Weekly nga kuno sukad sa pag-breast feed niya sa una nilang anak nga si Max Liron (kinsa natawo sayo niadtong bulan sa Enero), siya karon gikinahanglang magsul-ob na ug E-cup sa unang higayon sa iyang kinabuhi.