|
LA CANSON DE LA PRIMAVERA
Primavera, ocieti grisi
Come usertole sul muro,
gran busie che te me disi,
gran canaia che te si�
Gh�è i putei che i vien çercandote,
ma ti, furba, te i confondi
e le viole te le scondi
per tegnertele par ti!
Primavera, così siora
così bianca, come feto
a levarte su a bon�ora
co sto fresco a girondar?
- Mi, camino sora i àlsari,
dove gh�è i osei che siga,
a insegnarghe con fadiga
la maniera de sgolar! �
Primavera, come feto,
così bianca, così siora,
a levarte su dal leto
quando tuti i sta a dormir?
- Mi, camino sora i àlsari
dove sbocia qualche fiora,
per giutarla a vegnèr fora,
par no vèdarla a patir! �
Primavera, çento basi
te voi dar su la manina;
dirte quando te me piasi,
proprio dirtelo no so�
Ma in campagna soto i àlbari
che ne i fossi zo se specie,
�bisi, bisi� in te na recia,
primavera te �l dirò�.
Pian pianin, che nissun senta,
voi contarte le passione,
che da un toco me tormenta,
che me lagrima sul cor�.
E in campagna, soto ai àlbari,
tra i formenti ancora in fasse,
dimandarte quella passe
che me incanta sto dolor.
Cercarò soto l�ombria
de le foie che se sveia,
çercarò la poesia
da indolçirne sto figà�
E scrivendose le lètare
sora ale de poeia,
pianteremo una fameia
su do pèrteghe de prà!
Berto Barbarani.
|
