<EnJoY LiFe 60> - Octopus Kids
今日係「八達通育苗展才計劃」嘅結業禮暨啟動禮，
係我期待已久嘅一日，因為好想見番上次個妹妹。
佢地間學校學嘅係水墨畫同書法，唔駛綵排，
所以成一點先到，唯有睇住佢地嘅作品先。
今次活動我沒有被編排到跟上次間學校，
不過兩間學校到達嘅時間一樣，所以我都可以見到佢地。
一黎就見到大維喇，佢一見到我就話：「我認得你呀！」，
好開心呀，我仲玩佢話：「我記得，你係.....大雄丫嘛！」，
仲扁晒咀，我即刻補番句：「我記得架，大維嘛！」
佢媽咪都撘咀話成日都有人寫錯佢個名，
但係就係因為寫錯左，我先記得佢個名！^_^
佢好犀利，拎左聰明仔女理財遊戲嘅傑出表現大獎，
活動結束臨走前，佢仲同我講：「拜拜，下次再見！」
我一定會記得佢嘅，希望有緣再見。
至於寶玲，我係個場度尋覓左好耐都搵唔到佢，
我諗應該係佢暈車浪，所以今次無黎到啦......
今日畢業嘅學生，表演番佢地學左嘅活動，
有詠春，雜技，花式跳繩，英語話劇，同埋最正嘅非洲鼓。
今日我負責帶一間新嘅學校，佢地學緊雜技，
希望下次可以跟番佢地，咁就可以玩耐啲喇！^_^
That's my life! =D
VienneTTa 27-September-2008
-------------------------------------------------------------------------------
~ 施比受更有福 ~