<EnJoY LiFe 58> - SeaFood
今日唔駛跳舞，本來諗住搵小炭頭去睇戲，
但係佢約左 Cell Group 啲人係鵝頸橋附近食海鮮。
有好野食，我緊係跟埋去食啦。
蒜蓉蝦好香，整得好好味，
啲聖子同賴尿蝦都好大隻，都好正！
我地 9:30 食完，先以極速行去紐約戲院買飛睇
9:40 場 <我和尋回犬的十個約定>，
一入到戲院已經見到隻好得意嘅狗仔係度跑黎跑去，
狗仔遠睇真係好鬼得意架，
不過唔好行埋我到，我會驚到彈開，哈哈！
套戲好好睇，個故事好好，好感人！
女主角亞嘉莉一天一天長大，開始忽略了邁向老年的襪子，
到最後當她發現襪子已經不知不覺中老去時，
襪子已經走到了生命嘅盡頭.......
亞嘉莉媽咪俾佢嘅其中一個約定好啱，
「你會有好多朋友，但係你係佢唯一嘅朋友」，
所以養寵物之前真係要好好諗下自己係唔係可以好好咁照顧好佢，
到佢死個日都要好好陪伴住佢。
套戲講到隻狗就黎死個陣，我哋三個女生都忍不住流下眼淚，
真係好慘，睇住陪伴自己多年心愛嘅寵物離去.....
所以就算狗仔係幾可愛，如果我唔驚嘅話，
我都係唔會養嘅，因為我唔想呢個場面發生係我身上。
That's my life! =D
VienneTTa 19-September-2008
-------------------------------------------------------------------------------
我和尋回犬的十個約定：
一，請耐心聆聽我的話語。
二．相信我，因我一直都與你同一陣線。
三．經常和我遊玩。
四．別忘記我也有感情的。
五．不要和我打架，因為終有一天我長大了，我便會贏的。
六．我不聽話的時候，一定是有原因的。
七．你上學，有朋友，但是我……就只有你。
八．我老了以後亦請繼續做我的朋友。
九．我只活大既十年，所以要珍惜一起生活的每一刻。
十．我不會忘記一起渡過的日子，我死的時候，請留在我的身邊。