Limiar
Os autores que tenhem seguido
um método de aproximaçom analítica para o estudo da opressom feminina, tendem a
centrar a sua análise em duas áreas de conteúdo aparentemente nom relacionadas
entre si: no que se tem denominado "economia política do trabalho
doméstico" ou no problema da sexualidade. A primeira tem-se apoiado
fundamentalmente no marxismo, mentres que a segunda tem utilizado como ponto de
referência a análise feudiana.
Segundo parece, a investigaçom
desenrola-se seguindo linhas paralelas. Mas este delineamento bifurcado do
problema nom é exclusivo dos últimos anos. Polo contrário, ao estudar a história
do movimento marxista tenho podido observar que a separaçom entre sexualidade e
economia foi umha constante. A resultas deste descobrimento, comprendim que o
problema de desenrolar umha teoria sobre a opressom da mulher nom se resolvia
acrescentando algo ao pensamento socialista e marxista já existente, mas pondo
em entredito a totalidade da sua tradiçom segundo nos soe ser apresentada.