Apresentaçom da ediçom galega.
O texto que apresentamos é umha compilaçom que recolhe textos procedentes do Prefácio e dos capítulos VII, IX, X, XI, XII e XIV da obra da feminista británica Ann Foreman A feminidade como alienaçom: as mulheres e a família no marxismo e a psicoanálise, 1977. Traduziu-se a partir da versom espanhola em La feminidad como alienación: marxismo y psicoanálisis, colecçom Tribuna Feminista de Editorial Debate/Editorial Pluma, 1977. Com base na lectura de conjunto e na linguage da época do feminismo anglófono fixerom-se algumhas correcçons pontuais de forma.
Com exceiçom dos capítulos XII (A teoria económica marxista: a sua aplicaçom às contradiçons existentes na posiçom que a mulher ocupa na sociedade capitalista) e XIV (Feminismo e Revoluçom), dos demais reproducem-se só fragmentos, co objetivo de centrar mais a análise e evitar excessivas repetiçons. Os distintos apartados entre colchetes som desta ediçom.
Para sinalar os cortes do texto original, temos marcado «***» entre linhas quando se suprimiu algun parágrafo e «(-)» quando se suprimiu somentes parte dumha linha. Ali onde foi indispensável acrescentar algo para manter a conexom entre os parágrafos puxo-se entre colchetes.
As notas numeradas som da ediçom original e vam situadas ao final do texto, porque som quase todas bibliográficas. As notas sinaladas meiante signo mais número som aportaçons nossas e vam inseridas no texto meiante requadros.