Esse quid hod dicam, quod tam mihi dura uidentur
� strata, neque in lecto pallia nostra sedent,
et uacuus somno noctem, quam longam, peregi,
� lassaque uersati corporis ossa dolent?
nam, puto, sentirem, si quo temptater amore -
� an subit et tecta callidus arte nocet?
sic erit: haeserunt tenues in corde sagittae,
� et possessa ferus pectora uersat Amor.
cedimus, an subitum luctando accendimus ignem?
� cedamus: leue fit; quod bene fertur, onus.
uidi ego iactatas mota face crescere flammas
� et uidi nullo concutiente mori.
uerbera plura ferunt quam quos iuuat usus aratri,
� detractant prensi dum iuga prima, boues.
asper equus duris contunditur ora lupatis:
� frena minus sentit, quisquis ad arma facit.
acrius inuitos multoque ferocius urget,
� quam sui seruitium ferre fatentur, Amor.
en ego, confiteor, tuam sum noua praeda, Cupido;
� porrigimus uictas ad tua iura manus.
nil opus es bello: pacem ueniamque rogamus;
� nec tibi laus armis uictus inermis ero.
necte comam myrto, maternas iunge columbas;
� qui deceat, currum uitricus ipse dabit;
inque dato curru, populo clamante triumphum,
� stabis et adiunctas arte mouebis aues.
ducentur capti iuuenes captaeque puellae:
� haec tibi magnificus pompa triumphus erit.
ipse ego, praeda recens, factum modo uulnus habebo
� et noua captiua uincula mente feram.
Mens Bona ducetur manibus post terga retortis
� et Pudor et castris quicquid Amoris obest.
omnia te metuent, ad te sua bracchia tendens
� uulgus 'io' magna uoce 'triumphe' canet.
Blanditiae comites tibi erunt Errorque Furorque,
� assidue partes turba secura tuas.
his tu militibus superas hominesque deosque;
� haec tibi si demas commoda, nudus eris.
laeta triumphanti de summo mater Olympo
� plaudet et appositas sparget in ora rosas.
tu pinnas gemma, gemma uariante capillos,
� ibis in auratis aureus ipse rotis.
tum queoque non paucos, si te bene nouimus, ures;
� tum quoque praeteriens uulnera multa dabis.
non possunt, licet ipse uelis, cessare sagittae;
� feruida uicino flamma uapore nocet.
talis erat domita Bacchus Gangetide terra:
� tu grauis alitibus, tigribus ille fuit.
ergo cum possim sacri pars esse triumphi
� parce tuas in me perdere uictor opes.
aspice cognati felicia Caesaris arma:
� qua uicit, uictos protegit ille manu.

<< back