Patro nia! ni alvenis

Patro nia! ni alvenis
   Trans la tero, trans la mar';
Sed per unu lingvo laŭdas
   Vin, la Patron de l' homar'.

Kunlaboro, amo frata,
   Estas nia gvida stel';
La forigo de milito
   Estas nia sankta cel'.

Malaperis nun antikva
   Interhoma la baril';
Unu lingvo nin kunligas,

KK (Ad 921) reverkis la 4an kaj 5an strofojn jene:

Patro, ankaŭ niajn korojn same ligu pli kaj pli, por ke ni frataro estu — unu vera famili'. Ho, donacu vian benon nun al ni kaj nia rond', por ke nia kunlaboro semu amon tra la mond'.

   La komuna komprenil'.

Patro! Niajn korojn ankaŭ
   Ligu kune pli kaj pli,
Por ke ni frataro estu—
   Unu vera famili'.

Ho, donacu vian benon
   Nun al ni kaj nia rond',
Ke laboro nia sankta
   Semu amon tra la mond'.