 |
PSALMS O' DAVID |
The Lord is my shepherd, in nocht am I wantin'
23rd. Psalm in Scots
Psalmo 23
Anonima versa reverko
Fonto: Skota TTTejo
The Lord is my Shepherd, in nocht am I wantin';
In the haugh's green girse does He mak me lie doon
While mony puir straiglers are bleatin' and pantin'
By saft-flowin' burnies He leads me at noon.-
When aince I had strayed far awa in the bracken,
And daidled till gloamin' cam ower a' the hills,
Nae dribble o' water my sair drooth to slacken,
And dark grow'd the nicht wi' its haars and its chills. -
Awa frae the fauld, strayin' fit-sair and weary,
I thocht I had naethin' tae dae but tae dee.
He socht me and fand me in mountain hechts dreary,
He gangs by fell paths which He kens best for me. -
And noo, for His name's sake, I'm dune wi' a' fearin'
Though cloods may aft gaither and soughin' win's blaw.
"Hoo this?" or "Hoo that?" -- oh, prevent me frae spearin'
His will is aye best, and I daurna say "Na". -
The valley o' death winna fleg me to thread it,
Through awfu' the darkness, I weel can foresee.
Wi' His rod and His staff He wull help me to tread it,
Then wull its shadows, sae gruesome, a' flee. -
Forfochen in presence o' foes that surround me,
My Shepherd a table wi' denties has spread.
The Thyme and the Myrtle blaw fragrant aroond me,
He brims a fu' cup and poors oil on my head. -
Surely guidness an' mercy, despite a' my roamin'
Wull gang wi' me doon tae the brink o' the river.
Ayont it nae mair o' the eerie an' gloamin'
I wull bide in the Hame o' my Faither for ever.
Tune: BLACKLANDS
Komponis: Ray STEADMAN-ALLEN
MIDI TCH
- Alternativa melodio :
- DUNDEE ROAD
- Tradicia Skota Popolkanto The Road and the Miles to Dundee
(Esperantigis Auld kaj Hill : La Voj' al Dandi')
MIDI FSK* - HANDFUL OF LAUREL
- Tradicia Irlanda Popolmelodio (i.a. uzata por la uson-vakera kanto La Stratoj Laredaj)
MIDI KFI* - KREMSER
- Anonima nederlanda melodio, 16a jc., ar. Eduard KREMSER, 1877
(tradicia melodio de la teksto Wilt heden nu treden)
MIDI TCH
estas filia TTTejo de
Eldonejo Cigneto