Kristana hom', ek al batal'

Kristana hom', ek al batal'
kun kredo pri venkado!
Ĉi tie en la lukto-val'
ne estas ripozado.
Se vi ne luktos, ne la kron'
al vi doniĝos ĉe l' Di-tron'.

Satano venas, malamik',
prezentas mondon vantan,
por logi karnon per taktik'
kaj kapti vin, kredantan.
Se ne heroe luktos vi,
kaptita estos vi de li.

Pripensu, ke vi je l' standard'
de via Estro ĵuris,
kaj ke vi en la kreda ard'
ĝis nun laŭ Kristo kuris.
Pripensu, ke sen ŝvit' kaj pen'
neniu venkas en l' aren'.

Batalu vi do kun kuraĝ',
persistu ĝis la fino,
streĉante fortojn sen domaĝ',
strebante kun obstino.
Se cedos vi en la batal',
vi restos al Satan' vasal'.