PASIONO KRUCUMO

Jesu amata! Kiel vi ofendis?

Herzliebster jesu, was hast du verbrochen?
Ah, holy Jesus, how hast Thou offended?

Alia traduko : Jesu amata, kion do Vi krimis? (el Ad)

Kaj ili vestis lin per purpuro, kaj plektinte dornan kronon, surmetis ĝin al li; : Marko 15.17

Verkis (germane) : Johann HEERMANN, 1630
Angligis : Robert BRIDGES, 1899
Esperantigis : Montagu Christie BUTLER

Fonto : AK 63

1. Jesu amata! kiel Vi ofendis,
   Ke peka homo juĝi Vin pretendis?
   De ĉiu forlasata kaj mokata,
        Afliktegata!

2. Sed kiu kulpas pri sufero tia?
   Ho ve! Vi mortas pro perfido mia;
   Ja estas mi la Via perfidinto
        Kaj krucuminto.

3. Porŝafe la Paŝtisto sin oferas;
   La sklavo pekis, kaj la Fil' suferas;
   Por homa pardonigo, malgraŭ ĉio,
        Propetas Dio!

4. Por mi, Jesuo kara, Vi kliniĝis;
   Por mi en homa formo enkarniĝis;
   Por mia savo konis Vi doloron
        Kaj mort-angoron.

5. Mi povos Vin repagi ja neniam,
   Sed Vin adoras, kaj alpreĝos ĉiam:
   Memoru en kompato amon Vian,
        Ne pekon mian!

Melodio : HERZLIEBSTER JESU
Komponis : Johann CRÜGER, 1640
(laŭ AK, prilaborante komponaĵon de Loys BOURGEOIS
laŭ Ad, prilaborante komponaĵon de Guillaume FRANC)
MIDI TCH

---

estas filia TTTejo de
Eldonejo Cigneto

Hosted by www.Geocities.ws