Homoj el tuta mond'

Homoj el tuta mond'!
Vivu en frata rond'
     Ĉiu naci'!
Longe la popolar'
Staris kun armilar':
Nun estu tuthomar'
     Pacimperi'.

Ni preĝas tie ĉi,
Ke ĉiam sekvu ni
     Vojon de bon';
Ĉiam al frata kri'
Kore respondu ni;
Paco, regadu ĝi
     Kun amo-kron'.

Patro en la ĉiel',
Venu la glora cel'.
     Monda fratar':
Mortu malamo for;
Staru por kunador' —
Amon en ĉiu kor' —
     La naciar'.

Ĉie de ter' kaj mar'
Ĝojo kaj laŭdkantar'
     Sonu ĉe ni!
Kantu la plena kor'
Kun anĝelara ĥor':
“Estu al Dio glor'.
     Paco al vi!”