TTT-Himnaro Cigneta (al la titolpagxo)

EPIFANIO

El la oriento venis saĝular'

From the Eastern Mountains

Kaj kiam Jesuo estis naskita en Bet-Leĥem de Judujo en la tempo de la reĝo Herodo, jen saĝuloj el la oriento vens al Jerusalem, dirante: Kie estas tiu, kiu estas naskita Reĝo de la Judoj ? ĉar ni vidis lian stelon en la oriento, kaj venis, por adorkliniĝi al li. : Mateo 2.1-2

Verkis (angle) : Godfrey THRING, 1873
Esperantigis : Agnes B. DEANS

Fonto : HE 40 = Ad 267

  1. El la oriento venis saĝular'
    Al la infaneto, Reĝo de l' homar'.
    Ili vidis lumon nokte sur ĉiel':
    Venis kondukataj de gvidanta stel'.

  2. En humila hejmo ili trovis Lin,
    Kaj kun adorado teren klinis sin.
    Ho, mirinda lumo, kiu el ĉiel'
    Ilin kondukadis: Dia gvida stel'!

  3. Nur en fojna trogo kuŝis Vi, Sinjor';
    Tamen super ĉio reĝas nun en glor'.
    Sed ankoraŭ multaj vivas en malhel':
    Ilin ankaŭ lumu Via gvida stel'.

  4. Ĉiujn forvagantojn revenigu Vi;
    Helpu perdiĝantojn Via lum-radi'.
    Al la nesciantoj pri la vivo-cel'
    Donu klaran lumon — brilu Via stel'.

  5. Tra malluma nokto daŭre gvidu Vi
    Per la sava lumo de l' evangeli'.
    Voku ĉiun genton hejmen al ĉiel';
    Ame kondukadu per gvidanta stel'.

Melodio : EVELYNS
Komponis : William Henry MONK, 19a jc.
MIDI LBR

Alternativaj melodioj:
SUTTON VALENCE
Komponis : S. L. RUSSELL : MIDI EH33*, © OUP
HE proponas ankaŭ du melodiojn, PRINCETHORPE kaj KIRKBRADDON, kiujn mi ne havas.
Se iu sendos al mi iliajn midiojn mi volonte aldonos ilin.
TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1