TTT-Himnaro Cigneta (al la titolpagxo)

PSALMO 23

Ĉar Dio, la Paŝtisto mia

Verkis (originale en Esperanto) : Clarence BICKNELL

Fonto : HE 109

  1. Ĉar Dio, la Paŝtisto mia,
    herbejojn verdajn donas,
    min ripozigas en trankvilo;
    nenion mi bezonas.

  2. Li min anime kvietigas,
    defendas en danĝero,
    kondukas min pro sia nomo
    laŭ vojo de la vero.

  3. Eĉ kiam tra malluma valo
    de morto mi promenos,
    ne timos mi, ĉar vi kunestas,
    bastone min subtenos.

  4. Por mi eĉ antaŭ malamikoj
    vi tablon plena faras;
    la kapon ŝmiras per oleo,
    kaj vinon vi ne ŝparas.

  5. La Di-favoro min sekvados
    dum ĉiu vivo-horo,
    kaj poreterne mi loĝados
    la domon de l' Sinjoro.

Melodio : WILTSHIRE
Komponis : George Thomas SMART
MIDI RH


TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1