Woher soll das Brot für heute kommen
Kie preni panon por hodiaŭ?
Mankas ja labor' por pan-akir'.
Kelkaj ja eĉ kun labor' malsatas,
sed eĉ serĉi ĝin mi ne aŭdacas,
kiel serĉas ĝin alia vir'.
Kie la ripozo por vespero?
Detruebla estas la trankvil';
iun horon ili min arestos;
vane mi baraktos; min molestos
eĉ najbara pordo-sonoril'.
Kie la kuraĝo por morgaŭo,
se eskapas brav' eĉ el imag'?
Mi neniel povas min defendi,
mi min sentas en vakuo pendi;
vagi tra la ĉambro - sola ag', !
Nu, de kie venu el mi amo,
se por ami mankas cel' kaj fon'?
Pano kaj ripoz' por vivi gravas;
ambaŭ mi de longe ne plu havas,
sed bezonas amon ĉiu hom'.
Theodor Kramer, Wien 1938
El la Germana trad. ABh 1986
Dudek-dua Paĝo — Enhavlisto — Dudek-kvara Paĝo