楓
之 日 記
7月31日 (星期日)
7月31日, 曼聯係apm既counter擺放最後既一天, 終於'得閒'去到大開眼界, 基本上, 係無咩特別, 但想睇好耐了.
7月29日 (星期四)
無奈地要管p.cash, 2日唔駛就用左4千幾蚊, 追廣告報既kelvin張單, on居居擦損隻手, 見哂紅, 好痛
放工好開心可以係7點3就放到工, 去左cb間峰壽司食迥轉, 都ok既
7月25日 (星期一)
很幸運, 8點半要close door, so可以走人, 不過要屋企人等自己等到9點先食到飯, 真係好sorry.
呢2個月既非人生活, 令我同屋企人關係好似生疏左, 個人仲愈來愈燥., 朝朝都好早扎醒, 壓力好q大; Richard結婚又去唔到, 想去深圳又去唔到, 明明想買隻3328, 又永遠趕住做野唔得閒攪 :p. 最麻煩係, 唔得閒陪妳, 一星期只見一次實在不太多, if可能的話, 我儘量"早走"啦, 希望妳可以體諒啦 ><. 不曉得怎樣捱到年尾.
不曉得y其他人只需做一範, 而我要做operation同ipo兩範; 不曉得y其他人可以claim ot, 而我不但沒得claim, 還要被迫ot. 有的只是虛名, 實利卻少之又少, 世上沒有免費的午餐
7月24日 (星期日)
一早起身做個floor area分析, 做到下晝就去左書展, 多人到暈, 排隊都半粒幾鐘, 無咩收穫, 不過都ok多野睇, 今日係書展只是用了五十元, 當中四十元是入場券, 呵呵~
晚上等阿雄篇comment, 等到十一點九佢先e到俾我, 於是又做功課, 做到差不多兩點, 唉
7月23日 (星期六)
曼聯 2:0 港隊 --> 悶波一場
皇馬 3:2 北京現代 --> 伍生好唔掂, 阿叔好寸
今天是這幾個月來較為舒服的一天, 在放工剪個煩惱絲後, 可以"悠閒"地睇波, 不過食過晚飯後, 又做公司野
7月20日 (星期四)
今次來過七點幾先開會...
7月19日 (星期三)
正式搬入房, 感覺好唔慣, 好似無左自由咁, 懷念以往周圍找人吹水的日子...
7月18日 (星期二)
Susanna last day, 元祿+pizza hut+富華, 今日屈左Rachel請飲仙跡岩
六點幾先來開會!!! 攪到9點7先走到!!
7月16日 (星期六)
睇"荒失失奇兵" 起碼訓左半粒鐘? 夜晚係'suzuki'食野見到"theo"同一個女仔捧檯腳, 坐正佢對面, 但佢望住我毫無反應, 睇真d, 佢件波衫係利記, so我斷定佢係theo既孖生大佬
生日快樂
7月15日 (星期五)
放工去左安基苑的嘉豪酒家farewell susanna, 去既人只有四哥, erica , queenie & me, 果個時代既人走剩愈來愈少了. d野都幾好食, 起碼好過花園金閣
7月14日 (星期四)
lunch已經丁完飯, 突然joyce請食lunch, 於是兜飯就咁丟左
又o到9點半
7月13日 (星期三)
一返到公司, 坐唔夠半個鐘又要開會, 最後開到2點鐘, 一個上晝咁就無左
屈左威廉請仙蹤林
食左半個鐘lunch就趕返去做野, 差不多4點又要開會.
差不多6點才有自己的時間做野, so最終都去不到itpk的飯局, 抱歉
已經連續做公司野做左廿幾日
7月12日 (星期二)
又係開會presentation, 開到lunch, 救命, 難道d高層永遠都係開會唔駛做?? 大佬, 我好多野做架 ><
阿靜加人工後, '知恩圖報', 請左我,susanna同tony去食目黑, 不柱我咁睇佢 :p
7月11日 (星期一)
Erica請食許留山, 正
開會presentation, 9點開到11點, 因pwc d人來左要暫停, 5點3再開, 開到7點8因頂唔順休會
7月10日 (星期日)
8點被迫起身, 食過早餐又溫書, 仍然都係完全唔知d standard up咩, 抽象到暈. 眼訓至極點. 到下晝仍然無進展, 終於決定缺席Richard既婚宴, 由mum代我送禮俾佢. 好害怕明天的presentation啊, 乜都睇唔明, 肯定三句都up唔到 >.<
7月9日 (星期六)
放工慶祝Erica生日, 蛋糕小不免, 最高興既係, 有好多薯片食!!
Rachel咀妙妙地道 :"係啊, Susanna講咩你都話岩架啦"
我黑哂面地道: "係啊, 岩既野永遠都係岩架啦, 好似你講既野, 我永遠都唔岩聽一樣"
都唔知以後點part佢??
係公司'讀書'讀到6點, 之後去官塘join狼狗佢地, 點知搭錯方向去左樂富先知, 我就來發瘟發到痴線了. 整天看不到3頁紙, 明天仲要去richard餐喜酒, 星期一點present??
晚上去左涉谷食野, just ok, 之後上左去布斯間屋剝花生食薯片吹水, 攪到十二點幾先走人
7月8日 (星期五)
Erica 生日, 成廿人上8樓叫送食飯
三點開會到夜晚差不多8點, 真係好難頂
硬係覺得Rachel好寸, 我不是寸人, 但不可以輸架嘛?? 人在江湖, 原來真係身不由己
Rachel : " 睇你個樣好似高層, 應該呃到人既.....雖然你唔係高層"
Fred : " 係喎, 我好認同啊, 好係你咁, 生得咁鬼死矮, 話你係高層都無人信啦"
Ling係側根偷笑, 並豎起隻拇指
Rachel向佢怒啤 :"我唔準我team既人, 封第二team既人做偶像"
Ling 無奈地dum哂頭, 我自顧地同其他人講野.....煩
7月7日 (星期四)
Susanna無啦啦遞信, 佢空左出來個位, Rachel虎視眈眈? 對於呢個位, 我沒有興趣
7月4日 - 7月6日 (星期一 至 星期三)
OT!!
終於係公司可以上網, 不過只許做正經野
7月3日 (星期日)
OT, lunch Joeie + Agnes請食元祿, 不過我沒食, 寧願早早做完早早放工. 回家, 6時睡到9時, 食過dinner 吽左一陣一點再戰周公
7月2日 (星期六)
o到3點就放工, 食過lunch就去左睇'強戰世界' , 無敵組合+無敵特技, 但故事內容"深不可測", 唔看d留言版都唔知套戲d疑感原來係有解釋...
1) 女兒手中有刺, 湯想幫佢拔出來, 女兒話唔駛, 刺會自然排出 --> 地球會自然排斥外星人??
2) 雀仔見到三腳怪物 , 竟然不是逃走, 而是撲向佢地度 --> 雀仔同人類一齊對抗外星人??
3) 噴血 --> 種紅根 --> 適合外星人居住 --> 外星人在太空船沒食物 --> 落地窖找東西吃 --> 中罪 --> 瓜柴?
4) y 咁多野都莫名其妙 --> 因為套戲係以湯作為著眼點, 佢見到既, 觀察自然見到, 佢看不到既, 就不會知道, so y佢個仔會沒事? 佢屋企人會沒事? ....統統沒需要交待
一套莫名其妙的戲, 一個'草草' 的結局, 一個悠閒的下午.
係德福撞到tony同佢honey
7月1日 (星期五) 最不知所謂的國慶回歸日
如題, 因為今日要ot
大街上, 一個人也沒有, 回到公司, 已經十點半, 係呀我, 我係'遲到'呀, 你試下扣我糧啦??!!!! 至憎d人, 人地已經好唔願意ot, 仲要比說話我聽, 精神病, 你估我好恨日日返來公司咩? 無腦架. 我相信我好快係公司爆粗.
今日到joeie萬歲請食pizza hut, 但條友..銀包只有5舊水! 我私人借左2舊比佢, 但明天一定追返佢, 呵~:p. 不過我相信佢, 佢人品真的不錯. ....但我只食左一件pizza, 咩都食唔落. 今天計薪部, 前線, 會計部有8,9成人返左, 今天我6點度走, 但已經係全公司第2'早走'既人, 好尷尬, 但真係頂唔住了, 好辛苦好很倦, 黎緊仲要一日假都無! 點捱???
極度懷疑公司未上市, 我已經resign左...
背景音樂 :
Single ~
楊 千 樺
