楓
之 週 記
5月29日 - 5月31日
又調位, 今次調正個位對住joyce門口, 上面仲對住一個攝影機, 頂
5月31日, 第一天參與ipo過程, 一籌莫展
2個team壁壘分明, 青春團 vs 成熟隊
5月22日 - 5月28日
ipo 6人小組已經塵埃落定, 終於有"幸"被'抽'中入小組中. 也不曉得是福是禍. 本星期都係交待下身後事咁啦, 由Tony頂我d野, 我覺得好唔放心, 我肯定佢同d member會起爭執, 事實亦然. fd都係咁話. 唉~本星期見佢同阿珊阿靜手忙腳亂, 而自己就好似置身事外咁, 感覺好怪. 叫幫開自己既人唔好幫自己而去幫人, 原來感覺都幾難受.
會計部借機重組, 合併埋ar team, 終於完成統一大業. 而四個account team+1個ar team亦變成2個account team, 由四哥同阿雄統領, 好明顯強弱懸殊. 但我寧願係ipo special team做filing做打雜都唔想做阿雄個位, 試問有幾多機會可以參與由一間私人公司變成上市公司的流程, 係i記撻左q, 呢次終於得. 反正我有信心係ipo回歸之後可以坐返適當位置, 呢丁點兒信心我都係有既, 我不太信呢度會打完齋唔要和尚吧? 原則上我很相信大Frank...不過..到時我可能resign左...這是我心裡對白
居屋終於放寬買賣, 也不知是悲是喜, 但我覺得做人應該量力以為, 思前想後, 舒服地與勒緊褲頭地完全是兩回事, 俾人當水魚既感覺硬係怪怪的. 然而究竟最終會是康田康雅還是將軍澳, 到呢一剎那仍然沒頭緒..
白痴地以為星期六上ella屋企, 點知原來係下星期六; 周五同tony susanna 四哥一齊放工, 這夜行雷閃電, 果剎那真的很驚被雷劈, 同tony"護送"susanna去巴士站, 之後硬是迫他陪我去小巴站先俾佢走, 難道, 有人一齊先唔會被雷劈? 還是被雷劈之後身邊有人目睹會安全d? 定係一齊被雷劈比一個人被雷劈會覺得舒服dd? 神神化化似的.
最後, 衰心祝賀利記嬴歐冠杯, 你烏龜之名已經係我心目中除名了.
~ 執筆於5月29日凌晨2時15分, 這夜, 沒有雷電, 亦沒有暴雨, 有的, 只是一個想訓又訓唔著的傻佬 ~
5月15日 - 5月21日
公司攪ipo已經係鐵定既事實, 唔係吹水, 仲搵左幫bauhxxs攪上市既新熊雞幫手, 淨係搵佢幫手都要200粒?? 真定假架? 今次有份參與既6人小組, 除左fc同3個阿ger外, 仲要係會計部找2個幫手, 我希望能成為其中之一, 哼~
同d阿ger唸住去look ling, 點知8點3俾人租哂成個場, 去奧海城look?? 咪攪, 食完鐵匠即刻走人
魚一丁果個唔知咩魚生雜錦飯好似幾好食, 慳下錢再去過先...
加息半厘, 樓市快跌吧
曼聯四大皆空, 好, 快改革吧. 2004/05四大聯賽盟主: 車仔拜仁瓜菜祖記, 點解唔係曼聯多毛突ac.......>.< 下年再來...
5月8日 - 5月14日
俾fc召入房, 問我有沒興趣lead ar or payroll team, 我反offer佢想幫手攪ipo, 唔知有無計. anyway, 乘機叫佢加人工, 有無行呢? 只見佢面無表情, 哈哈哈
Queenie發哂癲咁鬧哂話resign, 算吧, 聽住先!
放棄伊度了, 好q悶呀條老野
去左apm palace睇"擁抱這分鐘"優先場, 間戲院好舒服, 頭有得挨, 腳唔會頂到, 最緊要係前面遮唔到. 套戲一貫韓國片強項, 先甜後苦, 灒人熱淚, 都幾好睇, 但有d草草了事. 去戲院個男廁, 繼apm商場裡面每個尿兜有電視機仔後有一巨獻, 竟然可以一路小解一路俯瞰成個官塘, 厲害.
係'赤丸'排成半粒鐘等食一向沒好感的烏冬, 奇哉. 係apm見到余文樂, 黃家諾
曼聯被收購了, 曼聯王朝呢次看來真係徹頭徹尾玩完了
激到成晚無訓
5月1日 - 5月7日
因母親節關係, 去左九龍城間金蘭花食泰國野
學習新果個ERP System中
終於追完大長今, 開始對醫道有丁點興趣
買樓真係一件好困難既事, 但我唔會放棄, 因為我相信呢樣野係必須既
背景音樂 :
長信不如短訊 " 楊千樺"
