Actividades de Senderismo

Dentro das actividades ocio-deportivas, unha das máis importantes que levamos a cabo é a de Sendeirismo, contando cada día cun maior número de participantes, polo que, tamén cada día , se vai elevando a dificultade e lonxitude das camiñadas.

Empezamos hai dous anos facendo rutas de entre cinco e dez quilómetros, e na actualidade facemos algunhas de 25 ou 30 quilómetros.Tamén empezamos facéndoas dentro da provincia da Coruña e, nestes momentos visitamos toda a comunidade galega e incluso facemos algunha por Asturias.

Para acompañar as rutas e para as persoas que non queren camiñar, ofertamos unha serie de excursións alternativas, tanto de ocio como culturais, que, ao coincidir no mesmo día que a de sendeirismo, nos axudan a reducir custos ao aproveitar o autobús.