Gothic Style Merewether Pavilion - Shahi Bag

Khadim Hussain Memon - The Legend Bureaucrat of Sindh/Shikarpur Died Last Night

ويا سي وينجهار

(خادم حسين ميمڻ جي ياد ۾)

مان جڏهن به ڪي وکريل ڳالهيون ڪندو آهيان ، مونکي لڳندو آهي ته ڪجهه نه ڪهه ضرور ٿيندو، مان رات کان بيچين هوس، من ۾ هورا کوري هئي، دل ٻڏي رهي هئي، لڳي پيو ته ڪجه غير معمولي ٿيڻ وارو آهي، نيٺ رات جو يارنهين وڳي خبر پئي جڏهن ڀيڻ لاهور مان فون ڪري ٻڌايو ته ”ڀاءُ، ماما گذاري ويو“

ماما خادم حسين ميمڻ جيڪو سي ايس پي هو ۽ هن جي ايلوڪيشن انڪم ٽيڪس ۾ به ٿي هئي ته پاڪستان ريلوي ۾ به، پوءِ هن تڏهوڪي ڊپٽي ڪمشنر رحمت الله ميمڻ کان صلاح ورتي هئي ته هو ڪهڙو گروپ جوائن ڪري. رحمت الله صاحب کيس چيو ته جي پيسا ڪمائڻ ٿا چاهيو ته انڪم ٽيڪس جوائن ڪريو نه ته ريلوي. پوءِ هن ريلوي جوائن ڪئي ۽ آخر تائين ريلوي ۾ ئي رهيو ۽ اتان ڪجهه سال اڳ رٽائر ٿيو. 

هي منهجو مينٽر هو، مهنجو اتساه هو، منهنجو فخر هو، مان هن جو اولڙو ۽ عڪس آهيان.18 مئي 2009 هن جي زندگيءَ جو آخري ڏينهن ثابت ٿيو. هي منهجو ماسڙ هو پر اسين سڀ کيس ننڍي هوندي کان ماما ئي چوندا هياسين

 هو هڪ اسڪالر هو، هو معتبر ماڻهو هو، هو لائق ماڻهو هو، هن جي موت جو تمام گهڻو صدمو پهتو آهي. هو پاڪستان کان لڳ ڀڳ 8 سال وڏو هو. هن جي پيدائش جو سن8 آگسٽ 1939 آهي، ۽ هن پنهجي زندگيءِ جا 70 سال هڪ باوقار ماڻهوءَ جهڙا گذاريا،

 ڪن ماڻهن جا نقش زندگين تي اڻمٽ هوندو آهن، جن جي موت جي خبر اسانجي پرواز ۾ ڪوتاهي پيدا ڪري ڇڏيندي آهي، مان رات جو 11هين کان سوچيان پيو ته ماما تي ڪجهه لکان پر لکي نه سگهيو آهيان.

 سنڌ جي ڪامورن ۾ هي هڪ ليجينڊ هو، هن تي مان هڪ ڪتاب لکڻ ٿو چاهيان، هڪ ويب به آن لائين ڪندس. ڇو ته مان هن سان پيار ڪندو هوس. ها اڄ ئي ته سوچيو هو ته مان ماما سان ملڻ ويندس، جلد هن سان ملندس، گهت ۾ گهٽ 5 سال ٿيا هيا نه مليا هياسين، ڏاڍي دل ماندي هئي، پر ڪجهه مسئلن ڪري هن سان ملي نه سگهيس، مون پنهنجي ڪزن سان پروگرام به ٺاهيو هو ته هن سان ملڻ گڌجي هلبو، لاهور مان ڪڏهن ويو به ناهيان پر ماما جي بهاني لاهور به ڏسب انهيءَ گهر ۾ منهنجي ڀيڻ به آهي ان سان به اتي ملبو پر منهجي اها ديرينه خواهش هڪ حسرت ئي ثبت ٿي 

افسوس مان سنڌ جي ليجينڊ جو منهن به ڏسي نه سگهندس، افسوس جو هن جو آخري ديدار به مونکي نصيب نه ٿيندو. مان رهجي ويس، مان گم ٿي ويس، مان الوپ ٿي ويس،کوڙ سارا سوال هن کان پڇڻا هيا، هن جي اندر ۾ کاٽ هڻڻو هيو، پر مان اهڙو ڪم ڪري نه سگهس ۽ هو سمورا راز ۽ نياز سان اڪيلي اڪيلي پاڻ سان کڻي ويو

اسين زندگيءَ ۽ ان جي مجبورين جا قيدي آهيون، معاش جي مامرن اسانکي کي قيدي ڪري ڇڏيو آهي، اسين هر دفعي رهجي وڃون ٿا

اسين رهجي ويل مسافر آهيون، 

Hisam Memon [19/5/2009

Wood Work Bablani Family

Sindhi Adabi Sangat Shikarpur

Artist Sami Channa

Anwar Soomro sect. SAS

Mumtaz Mangi's Poetry

شهيد شيراز باڊي شڪارپور

Online book of Nazar Lakhai

Online book of Z.A Bhutto