قالوا ترى ما لك أمل

في قربها لو يوم

أبعد و جنّب دربها

هذا هو المقسوم

قلت إتركوني واسكتوا

خلّوا العتب و اللّوم

ليتني غرقت في بحرها

ولا عاد يفيد العوم

قالوا ترى في حبّها

ويل و أسى و هموم

قلت إن قتلني حبّها

حسبي تقول مرحوم

قالوا لي أنسى ذكرها

ما إنت بها ملزوم

قلت أبشروا يا عاذلين

ما أنسى لذيذ النوم

قالوا بتلقى غيرها

و إترك هواها اليوم

قلت العفو يا حاسدين

ما أبدل القمر بنجوم

قالوا لغيرك حبّها

قلت الجواب مفهوم

دام إنها متهنيّه

إشلون أصير محروم

بأقضي الليالي أنتظر

صابر على المقسوم

متعلق بطرف الأمل

يمكن يجيلي نوم

قالوا ترى في حبها

مالك أمل لو يوم

قالوا ترى ما لك أمل

في حبها لو يوم

إبعد و جنب دربها

هذا هو المقسوم