| Pantun Melayu Kupang Oleh: Yohanes Manhitu |
| ===================================== I Naek bemo turun pi Kupang ada nona Rote senyum manis Nasib baek bisa baruntung kalu sonde, siap manangis II Anak Timor pi ketu mangga dapa tangkap dia kena papoko Nona Ambon jato dari tangga son bisa jalan, sapa pi koko? III Daging se'i bagandeng katemak laru putih isi ponu di gelas Mau dame, son boleh batembak cuci hati ko barisi ke' kapas IV Kota Kupang, kota batu karang buat rumah son usah gali dalam Katong musti pake hari sakarang tapi tetap inga cerita tadi malam V Hari Minggu mandi di Lasiana Baguling bebas di pasir putih Mana bisa tetap pulo cendana Kalu pohon su jao dari tanah VI Teluk Kupang pung aer tenang Bagan ikan dong badiri babaris Inga katong kalu lu su menang Son boleh katong tetap manangis VII Jalan pi Soe musti lewat Takari Oto masok hutan keluar hutan Sapa pung hati son bisa menari Bagitu puisi su jadi spontan VIII Anak manis kuliah di Undana Abis wisuda mau jadi dosen Hidop ini ada seribu rencana Tuhan yang tau seratus persen IX Patung Sonbay di tengah kota Ada badiri badeka deng gereja Buat apa bagarak kalu hati buta Lebe baek diam ke besi baja X Oto trek datang dari Buraen Sampe di Kupang pagi-pagi Lebe baek be cari yang laen Kalu yang ini su suka babagi XI Pigi Penfui lewat Liliba Kembali, singgah di Oeba Slama hidop trus takut coba Karmana katong bisa dapa? XII Konkordia, benteng Portugis Pindah lai pi orang Balanda Kenapa ade su cepat tangkis Waktu beta baru kasih tanda? XIII Maen di Camplong hari Minggu Katong manyanyi di bibir kolam Beta sonde bisa sabar batunggu Apalai ini rasa su talalu dalam. XIV Sikumana lewat dari Oepura Dari situ, jalan pi Amarasi Kenapa lu musti pura-pura Jangan buat diri babo terasi XV Duduk siang di Ketapang Satu Lihat ombak pukul pi-datang Coba kalo katong bisa bersatu Pasti hidop ini bisa jadi enteng XVI Beta beli sasando di Oebelo Waktu pulang lupa di ojek Lu masok di hati bilang halo Ma lu keluar pake baejek XVII Usu bacuri masok penjara Bini dapa dengar, batareak Kalo bugil son ada perkara Lama-lama dunia jadi rusak XVIII Mau pi Tim-Tim pake visa Mau balanja, pake dolar Dulu di Timor banyak rusa Tapi abis diburu orang lapar XIX Tinus marah pegang parang ma bagitu sadar dapa hajar Kalu kesempatan su pi orang mangkali sonde bisa dikejar |
 |
| Pantun Melayu Kupang Oleh: Yohanes Manhitu |
| ===================================== I Naek bemo turun pi Kupang ada nona Rote senyum manis Nasib baek bisa baruntung kalu sonde, siap manangis II Anak Timor pi ketu mangga dapa tangkap dia kena papoko Nona Ambon jato dari tangga son bisa jalan, sapa pi koko? III Daging se'i bagandeng katemak laru putih isi ponu di gelas Mau dame, son boleh batembak cuci hati ko barisi ke' kapas IV Kota Kupang, kota batu karang buat rumah son usah gali dalam Katong musti pake hari sakarang tapi tetap inga cerita tadi malam V Hari Minggu mandi di Lasiana Baguling bebas di pasir putih Mana bisa tetap pulo cendana Kalu pohon su jao dari tanah VI Teluk Kupang pung aer tenang Bagan ikan dong badiri babaris Inga katong kalu lu su menang Son boleh katong tetap manangis VII Jalan pi Soe musti lewat Takari Oto masok hutan keluar hutan Sapa pung hati son bisa menari Bagitu puisi su jadi spontan VIII Anak manis kuliah di Undana Abis wisuda mau jadi dosen Hidop ini ada seribu rencana Tuhan yang tau seratus persen IX Patung Sonbay di tengah kota Ada badiri badeka deng gereja Buat apa bagarak kalu hati buta Lebe baek diam ke besi baja X Oto trek datang dari Buraen Sampe di Kupang pagi-pagi Lebe baek be cari yang laen Kalu yang ini su suka babagi XI Pigi Penfui lewat Liliba Kembali, singgah di Oeba Slama hidop trus takut coba Karmana katong bisa dapa? XII Konkordia, benteng Portugis Pindah lai pi orang Balanda Kenapa ade su cepat tangkis Waktu beta baru kasih tanda? XIII Maen di Camplong hari Minggu Katong manyanyi di bibir kolam Beta sonde bisa sabar batunggu Apalai ini rasa su talalu dalam. XIV Sikumana lewat dari Oepura Dari situ, jalan pi Amarasi Kenapa lu musti pura-pura Jangan buat diri babo terasi XV Duduk siang di Ketapang Satu Lihat ombak pukul pi-datang Coba kalo katong bisa bersatu Pasti hidop ini bisa jadi enteng XVI Beta beli sasando di Oebelo Waktu pulang lupa di ojek Lu masok di hati bilang halo Ma lu keluar pake baejek XVII Usu bacuri masok penjara Bini dapa dengar, batareak Kalo bugil son ada perkara Lama-lama dunia jadi rusak XVIII Mau pi Tim-Tim pake visa Mau balanja, pake dolar Dulu di Timor banyak rusa Tapi abis diburu orang lapar XIX Tinus marah pegang parang ma bagitu sadar dapa hajar Kalu kesempatan su pi orang mangkali sonde bisa dikejar |