Kur'ani - Fjala e Zotit

Zoti komunikoi gjatë gjithë historisë me njerëzimin nëpërmjet të dërguarve të tij. Profetët përcollën tek popujt fjalët e Zotit. Disa profetëve iu komunikua Fjala e Perëndisë në libra të veçanta; Ibrahimit, Musait, Isait, Daudit, Muhamedit. Si rezultat i rrethanave të mëhershme këto libra të mëparshme që përmbanin Fjalën e Perëndisë ose u harruan, ose u shtrembëruan e u ndryshuan.

Me ardhjen e Muhamedit ishin pjekur rrethanat historike që Zoti të komunikonte Fjalën e Tij njerëzimit e cila do  të ruhej ashtu si ishte shpallur.

Edhe armiqtë më të mëdhenj të Islamit e pranojnë se Kur’ani është po ai i njëjti të cilin e përcolli tek njerëzit Muhamedi në shekullin e shtatë pas Krishtit.

Kur’ani është kushtetutë jete. Me të si Fjalë direkte të Zotit drejtuar secilit nga ne mund të jetojmë një jetë të kuptimshme në lidhje me Zotin dhe njerëzit.

Nëpërmes tij Zoti flet me secilin nga ne, na e ofron shansin e pendesës dhe shpëtimit.