Cha Till E Tuille - Cumha MhicCriomain
Séist Cha till, cha till, cha till MacCriomain,
An cogadh no sìth cha till e tuille,
Le airgiod no nì cha till MacCriomain,
Cha till e gu bràth gu là na cruinne.
1 Dh'iadh ceò nan stùc mu eudann Chuilinn,
Is sheinn 'bhean-shìth a torman mulaid,
Gorm shùilean ciùin 's an Dùin a sileadh,
O'n thriall thu uainn 's nach till thu tuille!
2 Tha osag nam beann gu fann ag imeachd,
Gach sruthan 's gach allt gu mall le bruthach,
Tha ealtainn nan speur feadh geugan dubhach,
A caoidh gu'n dh'fhalbh 's nach till thu tuille.
3 Tha'n fhairge fa dheòidh làn bròin is mulaid,
Tha'm bàta fo sheòl, ach dhiult i siubhal;
Tha gàirich nan tonn le fuaim neo-shubhach,
Ag ràdh gun dh'fhalbh 's nach till thu tuille.
4 Cha chluinnear do cheòl 's an Dùn mu fheasgar,
'S mac-talla nam mùr le mùirn 'ga fhreagairt,
Gach fleasgach is òigh gun cheòl, gun bheadradh,
O'n thriall thu uainn 's nach till thu tuille
Legend has it that this song was composed on the departure of Donald
MacCrimmon,
piper to the Laird of MacLeod, in 1745 by his sister. He never returned.
Return
This page hosted by
Get your own Free Home Page