Coisich a Rùin
From John Lorne Campbell's book
Coisich a rùin ó ill oró
Cum do ghealladh, o hi e bhó
Bheir soraidh bhuam ó ill oró
Dha na h-Earradh, bu hòireann ó.
Bheir soraidh bhuam ó ill oró
Dha na h-Earradh, o hi e bhó
Gu Iain Caimbeul ó ill oró
Donn mo leannan bu hòireann ó.
Gu Iain Caimbeul ó ill oró
Donn mo leannan o hi e bhó
Sealgair geòidh thu, ó ill oró
Ròin is eala, bu hòireann ó.
Sealgair geòidh thu, ó ill oró
Ròin is eala, o hi e bhó
Bric a nì leum, ó ill oró
'N fhéidh nì langan. bu hòireann ó.
'S fliuch an oidhche ó ill oró
Nochd 's gur fuar i, o hi e bhó
Ma thug Clann Nìll ó ill oró
Druim a' chuain orr' bu hòireann ó.
Ma thug Clann Nìll ó ill oró
Druim a' chuain orr' o hi e bhó
Luchd nan seòl geal, ó ill oró
'S nan long luatha, bu hòireann ó.
Luchd nan seòl geal, ó ill oró
'S nan long luatha, o hi e bhó
'S nam brataichean ó ill oró
Dearg is uaine, bu hòireann ó.
'S nam brataichean ó ill oró
Dearg is uaine, o hi e bhó
Cha'n fhear cearraig ó ill oró
Bheireadh bhuat i, bu hòireann ó.
Cha'n fhear cearraig ó ill oró
Bheireadh bhuat i, o hi e bhó
No fear deas-laimh ó ill oró
Ma's i as cruaidhe; bu hòireann ó.
No fear deas-laimh ó ill oró
Ma's i as cruaidhe; o hi e bhó
Beannachd 'n sin dha ó ill oró
'N t-saor a dh'fhuaghail i, bu hòireann ó.
Beannachd 'n sin dha ó ill oró
'N t-saor a dh'fhuaghail i, o hi e bhó
Dh'fhàg e dìonach ó ill oró
Laidir luath i. bu hòireann ó.
Dh'fhàg e dìonach ó ill oró
Laidir luath i. o hi e bhó
Aigeannach gu ó ill oró
Siubhail cuain i. bu hòireann ó.
'S gur tric a laigh ó ill oró
Mi fo d'earradh, o hi e bhó
Ma laigh, cha b'ann ó ill oró
Aig a' bhaile, bu hòireann ó.
Ma laigh, cha b'ann ó ill oró
Aig a' bhaile, o hi e bhó
Duilleach nan craobh ó ill oró
Bhith 'gar falach, bu hòireann ó.
Duilleach nan craobh ó ill oró
Bhith 'gar falach, o hi e bhó
Deatach a' cheò ó ill oró
Bhith 'gar dalladh, bu hòireann ó.
Deatach a' cheò ó ill oró
Bhith 'gar dalladh, o hi e bhó
Uisge fìorghlan ó ill oró
Fuarghlan fallain. bu hòireann ó.
Gura mise ó ill oró
Th'air mo sgaradh! o hi e bhó
Réiteach a nochd ó ill oró
Bhith 'nad bhaile, bu hòireann ó.
Réiteach a nochd ó ill oró
Bhith 'nad bhaile, o hi e bhó
Ma tha, 's cha'n ann ó ill oró
Gus do bhanais, bu hòireann ó.
Ma tha, 's cha'n ann ó ill oró
Gus do bhanais, o hi e bhó
Ach gus do chur ó ill oró
An ùir am falach, bu hòireann ó.
Ach gus do chur ó ill oró
An ùir am falach, o hi e bhó
'N ciste chinn-chaoil, ó ill oró
Saoir 'ga barradh. bu hòireann ó.
Return
This page hosted by
Get your own Free Home Page