鐘聲慈善社胡陳金枝中學
- 1A, 2A, 3A, 4D, 5D, 6B, 7B
o係同一間中學由F.1讀到F.7, 讀左8年, 一定係咩感情都o係晒度... 仲記得o個時我升中派位派左去一間我以為係母語教學o既中學(但原來唔係), 雖然o個間成績品行聲譽都好過晒而家lee間, 但係.. 唔知係神推鬼恐定還是又係因為我家姐讀緊, 開左學之後我就轉左黎lee間人稱爛仔學校o既鐘聲... 不過, 我好慶幸當時做左lee個決定!
o係lee度, 我搵到我o既興趣, 我o既潛質, 我o既寄託, 我o既朋友, 我成日都諗, 如果我唔o係度讀, 可能就冇機會識到咁多咁多人, 仲要係個個都超好玩, 如果我唔o係度讀, 可能我只係一個自閉o既書蟲, 又點會打波, 點會知道自己可以有少少運動潛能?!
lee間學校o既最大特點, 就係師生關係特別好, 有時同d miss阿sir仲好玩好傾過d同學, 返學唔會有壓力, 但係又唔至於失控, 人地覺得我地學校壞, 但係我讀左咁多年都係見過少部份係咁o者.. 有邊間學校冇丫?!
當然.. 凡事都冇兩全其美, 讀到中四開始, 已經覺得自己讀書唔夠人地黎, 因為.. 實在讀得太輕鬆, 不過我覺得如果要我放棄晒以上咁多好開心咁好o既野而換10條A返黎, 我寧願拎10個U... 話我安慰自己又好點都好啦, 總之我就好鍾意鍾聲, 好鍾意d老師, 即使係d校工書記canteen阿姐都好鍾意! 我冇後悔過ga~ yeah!!
小林 : 由F.1同班到而家o既只得2個, 佢係其中一個。 同佢傾親偈都會好開心, 而且仲會話題源源不絕, 所以我好鍾意同佢一齊ga~
圓圓 : 而佢呢, 就係另一個我o既"老同學", 佢同小林已經合而為一, 即係叫一個名等如嗌兩個人o個隻... 不過圓圓比較靜少少, 如果唔係點同小林起化學作用丫~
林曦 : 雖然我F.6先識佢, 但係同佢都好岩傾, 可能係因為有相同興趣 - 話劇&睇小說啦~ 不過佢高層次好多... 我真係好欣賞佢ga
阿廣 : 佢係我所有朋友之中第三高o既一個, 當時佢人稱孖八, 但係而家唔叫得lu... 因為佢已經去到189cm高喇~ 佢志願係做一個鹼濕o既婦科醫生, 不過佢而家並唔係讀緊lee科... 好在!!
John(ny) : 同佢做左5年同學, 但係性格特變!! 每年好似都會有一個全新o既性格, 真係得意... 男仔之中我同佢都算 friend, 不過中七之後已經少左好多聯絡lu~
阿Ben(xx) : 佢第一年入黎讀o個年我都冇同佢講過野, 因為覺得佢個樣好惡, 好囂張, 但識落左, 佢o既內心竟然係咁純潔, 試問一個鍾意比卡超o既男仔會惡得去邊?! 就算佢剪左個大佬頭都係掩飾唔到ga喇~
黃堅 : 又一個令我震驚o既性格! 睇佢個樣怕怕羞, 文文靜咁, 一同佢熟左d就比佢狂串!! 唉~ 而家d肥仔真係"堅"! 中學之後又同佢讀埋同一間IVE, 不過讀左幾個月佢就去左美國喇... 真係幸福!
達 : 佢o係我心目中永遠都係有個不羈頭o既叮噹!佢真係無時無刻都可以比到人地多到掉o既歡樂, 個樣又得意, 仲係無法想像o既好人tim! 不過如果佢識o係影相前梳下個頭咁就好喇。
Ricky : 難得一見o既wave咀! 點扮都扮唔到... 可能咁樣係對講粗口有暢通流暢o既神奇功效啦~
源 : 人稱飛機源, 擁有一雙永遠都唔會訓醒o既眼睛, 個人特技係講單字表達同埋同咳聲冇分別o既笑聲... 成日唔抵得我廋而人生攻擊我, 真係可憐~ 死肥肥!