個人財務計劃

一個好的個人財務計劃，是成功理財的第一步，好多人會覺得做財務計劃好煩，好花時間，無論計劃幾複雜，都係終身受用。

提供一個財務計劃五部曲： 

一.  分析個人財務狀況； 

二.  擬定個人財政目標； 

三.  建立財務計劃及預算； 

四.  執行計劃； 

五.  定期檢討及修訂計劃。

首先應列出個人財產淨值表，將收入、資產及負債等列出，了解自己「身家」或負債，然後分析消費支出模式，評審整個財政藍圖， 個人資產身家唔難計算，而消費支出就較彈性，例如一年買幾多奢侈品，去幾多次酒樓、卡拉OK、出外旅行等、要花幾多錢？唔買或減少消費可唔可以？慳出來錢可以儲蓄幾多等，都是可以彈性控制。

第二步要訂下個人目標，你想做乜，例如買樓、買車、子女教育、去旅遊等，可以列出每項目標成本同代價，訂明係長、中、短期目標，然後設定一個日期，講明幾時需要幾多錢去完成目標，同時有乜方法或投資去達標。

有了目標後，就可以建立財務計劃和預算，每人目標會有不同，有些只希望兩餐溫飽就可以，咁佢計劃就可以簡單；如果想住大屋、靚車，咁就要刻苦，同埋要識得投資及儲蓄。」何教授表示計劃好後就要落實執行，執行時要做到克制、節約、遵守，「想日後有好生活，依家就要節制，完成自己財務目標，但並唔係要做守財奴。最後可以周期性重溫進度，找出需要調節地方，或者重新修訂新計劃，來滿足個人需要。