|
Magwyd Dylan yn
Rhosllanerchrugog ger Wrecsam, yr ifancaf o bump o blant. Teulu anghyffredin
braidd, gan fod gan Dylan efell. Hefyd mae ganddo ddwy chwaer sy’n efeilliaid
a brawd. Gofynnodd i fodryb un tro beth oedd ymateb ei fam pan clywodd ein bod
yn disgwyl gefeilliaid am yr ail waith? Dagrau oedd yr ateb. Mae Dylan yn sicr
mae dagrau o lawenydd oeddent! Cerddoriaeth fu
cariad cyntaf Dylan erioed ac fe’i magwyd mewn teulu cerddorol. Symudodd i
Lundain pan oedd yn ddwy ar bymtheg i astudio yn y Laban Centre for Movement and
Dance. Fu yno am dair blynedd. Enillodd ysgoloriaeth i weithio gyda Moving Being
Theatre Company yng Nghaerdydd, ac yn y brif ddinas mae Dylan wedi
ymgartrefi; mae’n byw yno gyda’i wraig June a’i ferch Ffion. Fel canwr a
chyfansoddwr ifanc ymunodd Dylan gyda ‘Lynden Lewis a’r Jazz Ensemble Heavy
Quartet’. Fu’r grwp yma yn cyfeilio i Dylan am flynyddoedd a
chynhyrchwyd sawl demo tra’n perfformio o amgylch Caerdydd. Mae Dylan hefyd yn
teimlo dyled fawr i aelod arall o’r Heavy Quartet am ei frwdfrydedd a’i
ddawn,sef Rob Smith. Mewn amser sefydlodd
Dylan y grwp ‘Dylan Davies a’r Criw’ gyda Dafydd Saer,
Dafydd Wyn a Simon Adams. Dros y blynyddoedd fe newidodd yr aelodaeth, a bu Paul
Phillips, John Rea, Neil White, Paula Williams ac eraill yn rhan o’r Criw.
Defnyddiodd Dylan amryw gerddor a cherddor sesiwn ar gyfer prosiectau a recordio
pan fu angen. Ar label Sain fu’r
recordiau cynnar ac mae gobaith am ail-gyhoeddi y recordiau yma ar cd yn y
dyfodol agos. Recordiwyd Yr Afon ar label
Fflach, ac mae Dyfnach Na Dwfn ar label Naws.
Label Dylan ei hun yw Naws ac ar y label yma
fydd y cd sy’n cael ei recordio ar hyn o bryd yn cael ei gyhoeddi. Roedd Dylan yn aelod
o’r grw
p traddodiadol Carreg
Lafar tan yn ddiweddar, a bu’n teithio gyda’r band dros y byd gan
gynnwys Llydaw a Gogledd America. Penderfynodd adael y grwp i ganolbwyntio ar ei gerddoriaeth ei hun. Mae’n anodd
penderfynu pa fath o gerddoriaeth mae Dylan yn cynhyrchu ond wrth wrando arno
mae’n amlwg fod jazz, roc, soul a gwerin wedi dylanwadu arno. Beth sy’ ddim
yn anodd ydy cydnabod mae llais Dylan yw ei gryfder mwyaf. Mae gan Dylan y ddawn
i ysgrifennu caneuon hyfryd a thrawiadol ond yn bennaf mae ganddo’r ddawn i
ganu gyda llais eglur a theimladwy, llais sydd yn dod o’r galon.
© twndish 2003
|