JESUO KRISTO

Rok' eterna, Dia Fil'

Rock of Ages, cleft for me

... Mi metos vin en fendon de la roko, kaj mi ŝirmos vin per Mia mano... : Eliro 33.22

Verkis (angle) : Augustus Montague TOPLADY, 1776
Esperantigis : William John DOWNES

Fonto : AK 254 = Ad 418

Rok' eterna, Dia Fil',
estu Vi por mi azil'.
     Estu l' akvo kaj la sang'
     el fendita Via flank'
por la pek' duobla pag';
savu min de l' morta plag'!
Faroj de la propra man'
ne min savos de Satan'.
     Eĉ se regus min fervor',
     se ĉiamus mia plor',
ne kompensus ĉio ĉi;
povas savi sole Vi.
Malplen-mana venas mi
al la kruc' sur Kalvari';
     povra, petas pri donac'
     el la font' de Via grac';
pek-makulojn lavu for,
pura estu mia kor'.
Dum mi vivas nun kun fort';
je la hor' de mia mort';
     kiam en ĉiel-salon'
     mi Vin vidas sur la tron':
Rok' eterna, Dia Fil',
estu Vi por mi azil'.

Melodio : TOPLADY
Komponis : Thomas HASTINGS, 1830
MIDI TCH

REDHEAD 76: Komponis : Richard REDHEAD, 1853 : MIDI TCH; (alternativaj nomoj: PETRA; REDHEAD (PETRA))

estas filia TTTejo de
Eldonejo Cigneto

Hosted by www.Geocities.ws