ADVENTO

Mondsavanto, naskis vin

Veni, redemptor gentium

Verkis (latine) : Aŭrelio AMBROZIO (Aurelius Ambrosius) ĉ. 397
Esperantigis : Hans Amund ROSBACH
Eble surbaze de germana versio Nun komm, der Heiden Heiland, ĉu?

Fonto : AK 31 (= 100H 31)

1. Mondsavanto, naskis vin
   Pura, sankta virgulin'.
   Al Jesu'; miraklo jen
   Devis esti la alven';.

2. La miraklon vidis ni,
   Agis la Spirit' de Di':
   Viva Vort' sin vestis per
   Karno kiel hom' sur ter'.

3. Li naskiĝis, tamen sen
   Iu pek', kaj venis en
   Mondon kiel hom' kaj Di',
   Savon nun proponas li.

4. Venis Li de Di' al ter',
   Iris pluen al infer',
   Sidas nun kun venka kron'
   Ĉe la Patro sur la tron'.

5. Venkis vi per karna mort',
   Tia estas Dia fort';
   Helpu dum atakoj de
   La satana grand-arme'.

6. Lumon el ĉiela hal'
   Portis vi al via stal';
   Nokto, morto kaj mizer'
   Ne plu regas sur la ter'.

7. Dio Patro kaj la Fil'
   Kaj Spirito en la bril':
   Kun eterna laŭdo ni
   Dankos vin, ho sola Di'!

Melodio : NUN KOMM, DER HEIDEN HEILAND
Anonima, unue presita en Geistliche Gesangbüchlein de J. Walther, 1524
MIDI AK*
MIDI TCH (aranĝis J. S. Bach)

Rim.: AK indikas, ke la muzikon komponis Marteno LUTERO (Martin Luther), sed tiu atribuo ne estas ĝenerale akceptita de fakuloj. Krome, AK nomas la melodion (ĉe AK 87) Veni redemptor gentium, sed tiu nomo estas uzata ankaŭ por diversaj aliaj melodioj, precipe ĉantaj, ekzemple jena plejnkanta melodio (Modalo 1^a) el la 12^a jc.

estas filia TTTejo de
Eldonejo Cigneto