TTT-Himnaro Cigneta (al la titolpagxo)

ADVENTO

Ĝoju, ho Filino de Cion'

Tochter Zion, freue dich

Alia traduko : Ĝoju vi, Ciona gent'

Jen la Eternulo aŭdigas ĝis la fino de la tero : Diru al la filino de Cion : Jen venas via Savanto ; jen Lia rekompenco estas kun Li, kaj Lia repago antaŭ Li. : Jesaja 62.11

Verkis (germane) : Friedrich Heinrich RANKE, ĉ. 1820
Esperantigis : Guido HOLZ, 1986

Fonto : TK 113

  1. Ĝoju, ho Filino de Cion',
    Ho, jubilu laŭte vi, Jerusalem'!
    Vidu, via reĝo venas nun al vi,
    Vere jen alvenas Princo de la Pac'.
    Ĝoju, ho Filino de Cion',
    Ho, jubilu laŭte vi, Jerusalem'!

  2. Hosiana, Filo de David',
    Por Via popolo beno estu Vi!
    Regnon ĉiam-daŭran Vian fondu nun,
    Hosiana gloro estu en ĉiel'!
    Hosiana, Filo de David',
    Por Via popolo beno estu Vi!

  3. Hosiana, Filo de David',
    Ĉiuj ni adoras Vin, ho milda reĝ'!
    Staros por eterne Via paca tron',
    Ho amata Filo de la Patro-Di'.
    Hosiana, Filo de David',
    Ĉiuj ni adoras Vin, ho milda reĝ'!

Melodio : MACCABAEUS
Komponis : George Frideric HANDEL, 1747
(en la oratorio Judas Maccabæus)
MIDI TCH

TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1