 |
LAŬDO AL DIO |
Granda Di', ni laŭdas Vin
Großer Gott, wir loben dich
Te Deum laudamusVerkis (latine) : verŝajne, episkopo NIKETA de Remesiano (en Dacujo), 4a jc
Reverkis (germane) : Ignaz FRANZ, 18a jc
Esperantigis : Hendrik Arie DE HOOG, 20a jcFonto : AK 13
Granda Di', ni laŭdas Vin,
Viajn verkojn ni honoras;
- Kun la mond' ni klinas nin,
- Kaj pro Via fort' Vin gloras.
Tra l' miljaroj restas Vi
La eterna sama Di'.Antaŭ la eterna tron'
En la gloro de l' ĉieloj
- Sonas unuvoĉa ton',
- Ĉar savitoj kaj anĝeloj
Kantas en potenca ĥor':
"Sankta, sankta, la Sinjor'."Sankta, ho, Sinjor', Regant'
De l' ĉielaj regimentoj,
- Ĉiam estas Vi venkant'!
- Ter', ĉielo, maroj, ventoj,
Plenas do de Via glor',
Tial laŭdas nia kor'.Je honor' de l' Patro ni
Ĉie, homo kaj infano,
- Kun la tuta Eklezi'
- Himnas pri la Dia amo.
Kaj je l' tron' de la Savant'
Sonas nia laŭda kant'.Ho, Spirito, sankta Reĝ',
Kiu ĉiam nin instruas,
- Kaj konsolas; ni kun preĝ'
- Antaŭ Via glor' genuas.
Kun la Fil' kaj l' Patro Vi
Ja eterne estas Di'.
El Katholisches Gesangbuch, Vieno, 1774
MIDI LBR
[mi reviziis la midion el TCH laŭ la muziknotoj en AK]
estas filia TTTejo de
Eldonejo Cigneto