EŬKARISTIO
ADVENTO

Ĉio karna nun eksilentu

Originalo : Σιγησατω πασα σαρξ βροτεια
Angla pont-versio : Let all mortal flesh keep silence

Sed la Eternulo estas en Sia sankta templo : la tuta tero silentu antaŭ Li! — Ĥabakuk 2.20

Originalo (greklingva) : Liturgio de s-ta Jakobo, 5a jc.
Angligis : Gerard MOULTRIE, 1864
Esperantigis (elangle) : ROS' Haruo, 1999

Fonto : RH

  1. Ĉio karna nun eksilentu, staru en tremanta timem'.
    Vin nenio tera nun tentu, ĉar kun mano plena de ben',
    Kristo nia Di' descendas, vokas al senfina Amen'!

  2. Vere Dio tamen naskita de Maria iam sur ter',
    Dia Vorto home vestita, Li en korpa, sanga ofer',
    Donis Sin al ni kredantoj, viva pano, vivo de ver'.

  3. Range staras la ĉieluloj, gardas laŭ la voj' en ador',
    Dum descendas Lumo de lumoj el la regnoj de luma glor',
    Ke l' infer-potenc’ malpura kiel ombro pasu jam for.

  4. Antaŭ Li seraf' sesflugila, kerubar', je l' epifani',
    Sin vualas pro Lia brilo, daŭre krias en simfoni':
    “Aleluja, Aleluja! Aleluja, plej alta Di'!”

Melodio: PICARDY
Anonima franca karolo, 17a jc.
MIDI TCH

TTT-Himnaro Cigneta
estas filia TTTejo de
Eldonejo Cigneto
Hosted by www.Geocities.ws

1