ADVENTO |
Originalo : Hark, a thrilling voice is sounding
Verkis (angle) : Edward CASWALL (1814-1878)
Esperantigis : Giles Leigh BROWNE
Fonto : HE 25
Aŭdu! forta voko sonas:
Kristo proksimestas nun.
Foren ĵetu noktinkubojn
Vi infanoj de la sun'!
Ho vekiĝu pro l' admono!
Sklavo monda, levu vin:
Kristo, pekon forĉasante,
Sun' matena, montras sin!
Jen Savonto atendita
El ĉielo kun pardon',
Ni rapidu do kun pento
Al akcepto de la don'.
Estu beno, povo, gloro,
Al la patro, al la Fil',
Kun Spirito la eterna,
Dum jarmiloj post jarmil'.
Melodio : ST. OSWALD
Komponis : John Bacchus DYKES
MIDI TCH