Dire-gelt

Luo-pago, ve, ho ve!
Luo-pago, ho pere'!
Luo-pago, fi kaj ne!
Luon mi devas pagi.

Venas la dom-mastro,
levas la ĉapelon;
se mankas al mi luo-mon',
komencas li tuj kverelon.
      Luo-pago ..

Venas la ĝendarmo
kun polic-bastono.
Li portos litojn al la strat',
ĉar mankas luo-mono.
      Luo-pago ....

Kial por ĉi mizera
kuirejo pagi luon?
Uzeblan mi ja pagus, sed
ne tian aĉan truon.

Anonima
El al Jida trad. ABh 1986