好唔鐘意陰陰濕濕o既天氣。
忽發奇想，星期四代表山楂，maybe 韓文星期四o既讀音好似「莫」掛？yeah~~~仲有兩日半就放假。
提高員工士氣之一，搞聯誼。不過呢o的咁o既應酬活動就唔好預我啦~~~ 明眼人都睇得出係乜事啦。放假應該是完全屬於自己的私人空間，一切以工作性質為由的活動就免啦。
許生，戒煙罷啦~~~ take care la! 仔，你都係呀，食少o的啦。 ^o^
呢期要再稍為加長o的時間先得~~~ 開始聽到o的說話啦！唔理有心定無意啦。~~~
呢期膊頭好唔得閒，時不時冇端端俾人枕落o黎……雖則多肉o者。不過咁，我又覺得捱人o地個膊頭係一種信賴o既表現。
以前細個幾怕打雷，尤其是半夜三更o既時候。但唔知點解人大o左就唔驚，仲好鬼鐘意睇佢行雷閃電。o個一霎那o既閃光真係好吸引人~尤其是夜晚。Daddy 話日光日白，仲要唔係落雨天打雷，係不祥之兆喎！
Kate 教落︰「我食得好滿足。」唔好講飽喎，因為呢個世界仲有好多人冇o野食。記得老一輩都講過，成日嗌飽，死後會做餓鬼呢！
Monday Blue, 好唔想返工。
Kathleen 終於返o左o黎啦，今日佢做o左我o地個 sweet heart， o的松子糖好好味~~~ 仲有o個o的入口即溶的一口酥，好味好味。
講到偶像，要數的話就真係只有這兩位來自寶島的男孩—林志穎同埋周杰倫。迷上前者，貪佢靚仔……以o個時細個的眼光。迷上後者，鐘意他的性格和才華。
「如今已過了十七，天空中又下著雨，獨自漫步在雨裡，全身濕透我不在意。想起遙遠的過去，多少的童年伴侶都一一離我而去，最親切的還是雨。」~ from 《雨季》林志穎。
試整木糠蛋糕，還可以的，至少現在還未肚痛。……為o左整碎o的餅，搞到手指痛。 >.<
做一日半日「師拉仔」都唔錯丫，可以一心一意做屋企o野。
雨粉在澄黃色的街燈燈光下酒過，浪漫得很。這不只是少女情懷總是詩，Grace 也是這樣認為的。
葡文「飲醒」是「Viva」。 ~^.^~ Viva~~~
聽日要買得成材料試整先得！
《Six Feet Under》幾好睇，但私家豬話睇到心寒，我又唔覺。商業化的葬禮恍如一個變相的晚宴。那個Shake Shake 撒泥猶如 Nick 所說的把盬從盬樽裡撒出來。對我來說，死亡是一個新開始，我相信人或物死後會o係另一個世界生活，o個度會係一片樂土。在生的人為已離去的人或物流下眼淚是因為忍受不住這一刻的暫別，但其實終有一天，他們必定會重遇。所以，o係我本字典唔會有「訣別」一詞。
「唔會忘記，只係一時記不起。」
我係私家豬的亢奮劑？ ^o^"
整天都在忙，開始旺季 lu。
那個闊條千層麵只會在 Display 中最靚，最吸引。搵日o黎接我放工再食飯丫，o個間舖頭的 Pizza（次次食但都唔記得個名，Fanny 佢o地記住就得啦！）同肉排好好味！^o^
Happy Friday, 度度都多人。Paris, 仲諗住可以坐帳篷，Full~；Home place，full~ 呼吸 ，呼~最後諗住去張婉彤介紹的Cafe ，搵唔到。最後冇心插柳柳成蔭，去o左雅蘭o既還在裝條中的 Buddyz Coffee。裝修後的雅蘭靚好多~~~至於呢間Coffee shop ，坐得幾舒服，繁忙時段就唔敢包啦！甜蜜柚子茶味道不錯，飲o左就好想沖涼，hahhaah……因為有枝柚子 shower gel。哥利、大興、Lilian 同埋我分別叫o左 Mango Cream、New York、Tiramisu 同埋 Lemon cream，雖然大家都已經食飽飽……New York o個個幾搶手。
每次去親Coffee shop 或者 Cafe 就好掛住紅樓，專程為紅樓去一次台灣我都冇所謂，o個度實在太正，好掛住那杯玫瑰花紅茶和 Tiramisu，仲有那個超級無敵大海景。那個大海景，我現在還未弄清楚那是淡水河還是基隆河，唔……甚麼河也不緊要，最緊要景靚。~^____^~ 有機會的話，夏天去一趟。我想意境不錯呢！hehheheh……
沿著四週滿佈「九龍皇帝」字體的樓梯行至頂樓，頂樓是一間帶有歐陸情懷的 coffee shop ，內裡以啡紅色為主，四處掛了相片。從高處望下，是歐洲的街頭景色。自己拿著相機為這些靚靚景物左攝攝，右攝攝。倦了，終於坐下來享受那盆賣相吸引的長通粉，當自己已拿起叉品嚐時……醒o左……前晚睇o左一堆好靚o既相相，結果o個晚發o左咁 o既夢。
一直唔主張食藥，除非迫不得已。我以為避孕丸只係避孕，舒緩經痛咋喎，乜仲可以調整返月經o既cycle？
薄餅搞緊 External referral, 作用是有的，但並不是解決問題的關鍵。開始體會到有o的管理階層話要從低做起o既箇中道理。
恐懼，就要面對。
Johnny 唔會恰我o地，我諗「兇手」唔會係佢。……但有o的咁o既流言真係有o的奇怪。
好坦白講，除o左拎起聽筒聽電話，我係完全唔識操作個電話。hahhaha……我仲以為 cut o左線添！都好耐冇咁傾電話囉！最後一次都好似係三仔「九母」凌晨時份一路督波，一路煲，煲到四五點。 ~^______________^~
呢幾日，一個二個唔係話北上就澳門，令我諗返起呢兩個地方旅遊o既回憶，好開心。 ^.^
前幾日終於可以完完整整地看了《千年等一天》。相識一天便結婚，我倒覺得沒甚麼大問題。一個字，緣。^o^
人情，我唔怕做，因為係開心事嘛。
Eddie 的求婚並不令我感到出奇，奇怪的是我感受不到他的喜悅。我算是一個因為別人幸福、快樂，我也會感到幸福和愉快，即使與自己擦身而過的陌路人。……「祝福一句，不講太多。」便是了。
oh no, 四樓開始爆，我又要努力追波仔貨。
我會感謝波仔（我諗無論朋友或同事之間，佢係唯一一個我令出口鬧人，鬧到自己喊o既人 ~^.^~）、Mark、Eric Chan、Ling Ling、Kathleen、Kate 同埋 May if I leave the company.
激勵員工士氣之一，BONUS。
由今日起，逢一、三、五就說普通話，二、四、六就說英語，改善我們的會話能力……Kate 的另一傑作。 ^___^ 唔錯丫！Practice makes perfect, 對嗎？
鐘意影人生百態，但唔鐘意影那些刻意造作的。影那個人的背影、影那個人的側面，甚至乎只影那個人的輪廓。今晚無意看到張婉彤的相簿，cool~~~ 而她又極力推介這個相相網頁，click it!!! 佢話呢個人影佢姪女影到出晒名，皆因姪女剛出世影到而家。唔知呢個小姪女長大後再睇返呢o的生活照會唔會有一種好奇怪o既感覺呢？我覺得佢真係好幸福。 ~^.^~ 曾幾何時，我有諗過為自己 o既BB由細影到大，然後將一幀又一幀o既照片放o係相簿，閒時自己翻看也好，BB 翻看也好，感覺真的不錯。唔知你o地有冇做過一條心理測驗題目是這樣的，當火警的時候，你會帶走相簿、錢包……仲有兩樣唔記得。做咁多次，我都會係揀相簿，錢唔見o左，可以搵返。但相簿裡面o既記憶點滴唔可以再搵返。 ^.^
今晚又有錢袋落袋啦，Over︰太光；Under︰太暗。
我未睇晒o的相，mainly 睇o左o的旅行相、風景相靚到爆炸！o係度幻想咁自己揹住個bag ，拎住部相機週圍影。有咁o既一天就好 lu。 ^o^ 今晚都係早o的訓，發個春秋大夢都好。hahahah……訓啦，早抖！heheheeh……
咁又一日啦，話咁快又到星期三，返埋聽日仲有兩日就放假。yeah~
May放低佢隻杯，說︰「我琴晚發o左個夢好似而家咁同你講o野」o下？都唔係第一次喎！ @.@ 有時，我會當佢係細妹看待。細妹？係呀！hahhaha……^__________^ 佢o的言行舉行真係好有細妹或者係獨女 feel。
蹺課的英文是 Play hooky。
雖說 Let forgones be forgones 即是 Forgive and Forget，但我認為過程唔同。至少後者多了一顆寬恕的心。 ^.^
Monday Blue, 整日都係呆呆滯滯。哈‧哈！笑都勉強過人。
我唔係幾鐘意人「慢三拍」，一而再，再而三都係咁！做人要爽快o的先得o架！
大家樂同益力多廣告好好笑。
遊樂場是一個快樂的地方，喜歡華麗的旋轉木馬，喜歡時高時低的犘天輪，喜歡輕鬆愉快的音樂。因此，看上了鐵皮的旋木馬，看上了曲奇餅罐大的摩天輪，勁愛《孩子王》這首歌。
呢幾日掛住o係網上探險而冇寫日記。
鐘意邊類型o既歌，邊類型o既活動，邊類型o既男仔，私家豬同埋 Fanny 最清楚。 ^o^
今期《飲食男女》介紹中式甜品，真係好想試勻晒呢！琴晚試o左個桑寄生蛋茶，可惜冇試埋清蛋糕。公和豆腐花，must eat at 深水土步那間。好想好想試那個紮蹄，好似幾得意。
復活節想去澳門，如去得成，今次主攻「乙水」仔，週街行。^__^ 仲要多一個假設係九、十號可以成行去大嶼山。十二號諗下做乜先……四日玩盡佢。咁三號玩唔玩好呢，都算有兩日半假期。度度先~~~
無端端諗o係佢，不知他現在可好？《愛，很簡單》《流沙》這些陶吉吉的歌都是他介紹給我，正~~~一路溫書，一路聽，舒服。由那刻開始，喜歡了陶吉吉。一個細心和有風度的男仔，那個女孩不喜歡？ ~^.^~ 雖說外表不重要，但多次證實過後，我絕對介意男孩子比我矮。
戒指，是一生一世的承諾。對別人也好，對自己也好。其實乜都可以係一生一世o既承諾，只要你賦予它一個名義。手上o既戒指時常提醒我要及時行樂，唔好亂發脾氣，這也是對自己許下的承諾。
耳濡目染，對Helen 同埋 Kristin 都係小心o的行事。費事冇端端有人同 May 講「pls educate her」。-__-" 今朝都好小心翼翼做好晒 o的 back up 同自己o野，因為今日冇人幫我。
放o左工走去染髮，係終於去染髮，拖o左成個月有多。染返o左深色o的，不過好唔慣。如果有日要我唔染髮返工，我都唔知點算。搞完一輪之後，本想去這個天文台一趟，但又想同 Daddy 食飯，最後折返。今朝睇天氣報告，那種 presentation skills 真係 perfect。當佢如常報導天氣，佢︰「點解天文台會預測今日同聽日天氣係咁，而家就有一個機會，今明兩日係天文台開放日，到時大家會明白天文台工作。」勁！ ^___^
三四點多，連戰領先。五六點多，陳水扁領先。某個專欄說，有幾多個總統會給人家看自己的肚皮呢？ ^____^ hahhahahahah……我只見過一個。
好想搬個鐵皮遊樂場返屋企。那個旋轉木馬，那個「fing fing 鞦韆」（海洋公園摩天輪隔o黎o個個）都係維他奶盒一半大小，真係好想買，然後疊o係幾米o個 set display 盒，正呀。望下望下，仲有摩天輪添，cool~~~ 不過呢個好大（大罐裝曲奇大少少），應該係會轉的，好靚o架！
o係阿西o個度食完一頓飯，再搭叮叮去上環。次次搭親叮叮都好鬼興奮，可能少搭吧！hehhehe……我鐘意o個種 feel ~~~ o係源記嗌o左碗桑寄生雞蛋茶，滋陰養顏，我最鐘意隻雞蛋。 ^____^ cool~~~ 仔話杏仁露雞蛋也是不錯的。 ^___^
再去銅鑼灣某桌球室呆坐。桌球這玩意，我不感興趣。 @.@
Daddy︰「前幾晚車到一個廿五六歲o既男仔，佢俾埋錢就話︰『司機可唔可以同你傾幾句？』於是佢話佢o係加拿大返o黎，而家賺返來的八千五又要交租，又要還錢，所剩無幾。老細成日又話呢又話路，好無癮………」跟住，Daddy 又搬o左我上檯安慰他。聽完之後，我o地咁多個算唔算係幸運的一群呢？
大興問︰「你有冇諗過同細佬妹搬出o黎住？」好坦白講，冇。就算出o黎住，都係諗住自己搬。 ^.^ 不過呢，我享受放完工返o黎做乜都得o既感覺。另一原因，係一闊三大啊。 ^o^
Yancy o既辭職念頭又萌生，如果有另一份比現在的工作等著她，我們也希望她有更加好的生活。誠然，呢份工有時難免令人產生這個念頭，尤其時工作做來做去都係o個o的而又未被人讚想過的時候。一年時間很快過的，轉眼間，我們將快做滿九個月了。我們加油吧！ ^___^
想不到人工作出了調整，現在才知道。 ^.^
擦過阿扁的肚皮，掠過呂秀蓮的右膝。發這一槍的人真是高手，好一場鬧劇。
Kathleen 下星期放假，希望佢玩得開開心心。工作上，我會好掛住佢。私底下，我都會好掛住同埋好錫佢，因為佢係一個好好o既大姐姐。 ~^o^ ~
係時候要六點多先走，要慢慢控制返而家o既工作量。
21/3寫︰幾日前o既o野，已經冇乜印象。正係記得 May 無端端跳 Camp Fire，呢個就係我個 super 啦！ (@.@)"
我 nice and well? hahhaha……Kalvo，太誇獎我啦！^___^ 佢一定聽 Fanny o的胡言亂語啦！我有時o係度諗 Kalvo 會唔會係我諗那個金生呢~~~把聲都有o的似。不過，我唔想去證實啦！因為我同 Fanny 認為最好唔知佢係咩樣，留返o的幻想空間。 ^___^ 佢o係我o地心目中，係 A/C o既大好人，有求必應。 ^o^
開頭睇到哥利日記大大隻字 "toilet"，以為一開波係講廁所經歷，hahahha……他的日記名稱—my toilet。佢正正寫出我對廁所o既睇法，完全屬於自己的空間，完全放鬆自己的地方。hahhaha……所以呢，廁所一定要高歌，尤其是沖涼時候。同埋好鐘意佢咁樣介紹日記︰「所以我會當呢度係一個廁所, 響呢柯ga喇!!」cool 到爆呀！^_____________^
如果呢個世界係完美的話，咁就冇對與錯。有對與錯o既時候只因大家o係同一件事上有唔同睇法。即使大家搵到一個雙贏方案，但呢個世界冇免費午餐，總有trade-off 的。要是做到面面俱圓的話，自己首先做好本份。
鐘意《Always with me》可能因為佢o的曲調好似《Pachelbel Canon》。 ~^.^~
Taile, 恭喜你呢！^___^ 我o地咁多個都要加油！
點樣為之彩霞呢？^.^ 今日見到一條長長的泛橙泛紅煙霞（查實我都唔知係乜，但我諗o的雲層效果再加埋夕陽餘暉做出咁o既效果，但好似幾難咁，因為佢實在太圓滑啦，最衰冇帶相機 >.<）劃破天空呢，好美呀！再加埋o的花草樹木，正呀！唔經唔覺，木棉樹o的葉開始變黃lu，棵樹變o左交通燈，因為佢係紅黃綠色的。hehehehh……
又係幾日前的事，好似係星期六新聞，連戰五體投地。well, 我就不太接受這個激烈的行為，尤其是在政治舞台。
舊年o既今日，大家可記得出街返學要與口罩為伍？諗諗下，因此一役，我都係第一次戴口罩。原來停課期間也去過不少地方，街外的情形和心情仍然歷歷在目。而伊美戰爭舊年今日進入最後通牒階段，戰事一觸即發。
今朝一早就頭痛、手痛（呢個要小心o的…… @.@）。
琴日私家豬話做人一定要有目標，o岩！ ^___^
theory 就大把，但講到真係落手落腳做生意的話，我應該唔係幾適合，最多打本俾人做。 ^___^ 至於買屋理念，我會好似KT咁，要有一定錢錢做後備 whatever la，一定唔會得返幾個先剩。hehheh……有時玩o的PC game 開舖，我一定要有一個後備基金。Let's say, 開新舖所需o既雜費要二十萬，咁我會o係而家o的店舖先搵夠四十萬（其中二十萬當作後備）。不過，當舖頭越開越多時，呢o的後備基金會減少 to speed up my kingdom and revenue ^___^ ，of course 我肯定自己所持業務樂觀先咁做啦，一般情形都冇問題o既。唔……我諗呢個都符合經濟邏輯。 ^.^
一個二個都話我幸運，唔知呢，但我總算在這裡過得不錯吧！
記得好幾個月前問 Kate 有沒有進修，她說因沒有時間而沒有進修。今天她問我有關進修的問題，其實自己也不太清楚其他途徑讀Degree，我只可以將自己極度有限的資料提供。是的，做學生是最幸福的 ~^o^~ ，不過，我們往往是第三者的時候，才深深體會。 ^.^
睇埋《魔戒3》上半部，沒甚麼特別，或者沒有一氣呵成地看。
hehhehehe……終於搵到首歌《Always with me》（《千與千尋》主題曲），thxthx 細佬同私家豬。 ~^.^~
今日仲要謝謝一位姨姨同一位先生。今次失策，我唔記得增值！ >.<
Work, not busy but enough today.
唔知你o地 dream house 會係點呢？曾幾何時我又真係好想擁有一層樓，但除o左樓價之外，計埋雜費有一大筆。雖然錢賺返o黎係要使，但都要識得享受！為o左層樓而花不少時間搵錢，當中可能錯過o左好多o野！唔敢話擁有一層係一個夢想，可能第日都會有幾塊屬於自己o既階磚o既 if 中o左六合彩。想擁有一間屋都只不過想擁有一個屬於自己o既屋企、家庭，其實，擁有一個溫暖、舒服o既屋企會唔會實際o的呢？至於，擁有一間屋只不過是錦上添花！ ^___^
2019年 o既我o地會係點呢？
"I have my home. The decoration of the home is
simple, mainly white, light brown with many glasses so that I can feel
the sunlight and stars all the time. Many friends come to my house to
enjoy the holiday even I like to sit somewhere and not join the activities
with you as I just want u guys are here.
I have my lovely work. No work in office but at home. I don't mind work
with the computer all the time.
I visit many places that explore myself."
雖然今日係星期一，但係冇咩Monday Blue feel！~~~ 皆因自己整日都幻想緊自己o既 dream house. ^o^
今日爭o的整唔見私家豬，最後冇事……嚇死！同佢去o左附近食埋飯補習，食物不算是好味道，但o個度o的阿姐好鬼nice~~~ ^.^ o個杯荳漿都唔知係唔係維他奶。^.^
始終都係搵唔返o個首歌 >.<
Jando, 生日快樂！ ^_^
基本上，攤o係張床睇乜書都會訓，even 本書幾好睇好笑，都係會訓，分別在於自己可以維持到幾耐。所以以前溫書，睡房永遠唔會係第一個選擇。 ^__^ 訓到矇矓之際，聽到一首好好聽o既歌，我好似o係屋企聽過，歌曲名稱欠奉，只記得旋律，唯有嘗試逐隻逐隻歌聽……但仲未搵到。呢次係第二次聽，但係咩歌呢？ @.@ 唔知有冇可能聽到第三次呢？……search 返個節目睇下有冇先。
睇o左一半《魔戒3》，不過覺得個結局拖得太長，um……可唔可以話係畫蛇添足呢？ ^___^" 點都好丫，等呢套o野出埋DVD，真係好想搵一日，我o地三個坐定定睇晒三集呢！hahahahh……如果我o地三個仲係學生的話，這個將會是最佳的暑期活動。試想想，雪糕、西瓜（切半個用spoon 食，or 媽咪已切成一粒粒）、凍飲，對住電視機又一日。hehheh……不過而家一個二個都大個lu，好難再有咁多時間大家都可以o係一齊做同一樣o野，所以我會特別珍惜三個一齊o既時間。再遲o的，大家各自有自己o既家庭，大家相聚o既時間更加少之有少。我有時真係好唔想長大，係因為唔想身邊最親o既人離開自己。
《楊鐵樑留言信箱》，估唔到楊生都可以咁風趣喎！^o^ 不過話時話，我成日覺得佢李家誠好似樣。如果閱讀是一種興趣，你會樂在其中。^___^ 贊成！
今日晏晝發o左一個幾得意o既夢，見到老鼠、Joey、Daddy、一個爛賭而不拘小節o既司機，故劓地點係大陸某地方（唔知邊度，但好似成日見過咁！）
滿心歡喜地可以好好享受陽光與海灘的時候，總是天有不測之風雲。結果，整日都係訓，訓，訓。
正所謂眼不見為淨……有時唔知好過知。 ^.^
《20‧30‧40》蠻不錯，不過略欠細膩。
好耐冇去過品香樓開飯，依然熱鬧，隔離檯仲有洪潮豐添！ ^_^ 好掛住大大粒又好有蝦味o既蝦蛟。
呢期返工都係覺得自己虛渡時光，已經無o野做搵o野做，但都係冇o野做。~~~ Kate 話下個月就唔會咁o架啦！一日私人郵件數量可達至數百封，仲多過答客。 @.@
終於睇完《翹首振翅—香港機師首記》，對這個神秘的航空事業（我會覺得神秘，因為甚少機會接觸）有多一點點的認識。要是用一個詞語形容這個行業，「安全」最適合不過。雖然這本書算不上甚麼文學巨著，但那淺白易明的文字使旁人明白有關飛機的一切大小事及感受到他們那種苦與樂。 ^___^ 題外話，我絕對相信劉伯智呢位副機長係一個好鬼 energetic 同幽默o既人。唔睇佢個樣，正係睇佢字裡行間都feel 到。hahhahah……
波仔教日文？我仲以為佢整蠱我添！sor，原來係咁寫呀！ ^____^
年底，我o地可以自己砌一個o岩自己心水o既車牌。聽落去幾吸引，仲鼓勵多o的人 creative 添！但我就prefer 現有制度，方便好多o麻，至少差人叔叔抄牌都唔使咁煩丫。仲有呀，萬一真係有咩事上o黎，呢o的有一定規格o既號碼真係容易記同埋唔會混淆，方便查案嘛！但點都好啦，正如KT（後話，KT話唔係佢講喎！Ricky 講喎！唔理啦，總之有人講過啦！）所講，每一個車牌都係特別，點會有 duplicate 呢？……依我所見，而家o的車牌號碼已去到 "LF" 字頭啦！ ^.^
今日晏晝突然大一刻好掛念那杯長島冰茶。 ~^.^~
今日食o左好多o野，好有罪惡感。 ~.~ 再咁食落去，冇眼睇。所以我下定決心，食少o的，26層樓梯 is a must.
突然好想送樣o野俾 Karen，可能某o的事令我有o的咁o既衝動。
漸漸明白上班一族點解要早訓，以前的我是不會明白的。icq 變成一個留言信箱，已不多想理會來來往往的 message，索性將之縮小。（有時，我會覺得 icq 無聊。我竟然說它無聊。^__^ 用broadband for icq only~~~ ）對icq 漸漸失去興趣，便找其他東西代替，呢期鐘意睇書同埋在網上瀏覽、搜尋自己感興趣的網頁，樂趣和知識唔多唔少又有進帳。^o^
後補到冇乜印象要寫乜啦，所以隔日一日先寫日記，一本由機師寫的書頗吸引，再配合埋《衝上雲霄》的片段，更有趣味。
大家呢期留意下週圍o的花花草草，o的顏色好靚！又紅又大o既木棉花，又有橙色的木棉花（個樣好似……），翠綠o既嫩葉（春天o黎啦！ ^___^），粉紅色o既洋紫荊（定係宮粉洋蹄甲呢？唔理係乜啦，甩晒葉，棵樹只剩下一朵又一朵的粉紅色花。加o的想像，你都可以o係香港睇到櫻花！現在是櫻花時節呢！），仲有黃色，有o的樹結晒好似加大版o既荷蘭荳，黃澄澄的。將這些顏色擺放一齊的時候，是一幅色彩繽紛的一圖畫。即使是一個 tone 的，也是一幅蠻不錯的構圖啊！^o^ 現在才覺得春天是這麼美麗呢！ so sweet ~^.^~
有一刻衝動，將自己的屋企電話號碼告訴你們並將之儲存，好讓你們手提找不著我的時候，也可以試試屋企尋人。呢一刻衝動出於希望有人知道我生死，我傻了？是吧，這是剎那間的強烈感覺。有時o係度諗，如果我唔見o左手提，而我有冇keep 你o地電話，冇email同icq，而你o地有冇我屋企電話，從此我o地就好難再見到面。好唔鐘意呢個感覺，好可惜。
蕭偉文，生日快樂！ ^______^
pat pat 好痛 @.@
琴日同仔女佢o地 plan 緊復活節活動，有好幾個 plans。頭先大興 send o左有關渡假屋資料o黎睇，都唔錯！^o^ 如果o個排又有太陽的話，就好啦，可以日光浴啦！ ^.^ 我提議是次活動叫「獵祈團」。 ^________^ hehhehehhe………
o下？一個星期寫五六日週記o既人會比唔寫o個o的人睇少o的醫生喎！都唔知係唔人係？佢個原因係寫日記可以減壓喎！咁呢個又真喎！ ^o^
6/3 再續，實在太多o野想寫啦……
琴日行街o既時候，無端端發覺對中國文化o既心態又唔同o左！以前，我會係一個崇洋者，我覺得聽、講、寫英文好 pro, grand o的咁，所以有機會的話就會拋下書包。但近年，心態又唔同o左，可能睇得多旅遊節目同其他刊物，發覺中國文化真係博大精湛同埋好神秘，有o的 proud of 自己係中國人。 ~^.^~ 可惜丫，中國文化之一—普通話過o左咁多年一o的都學唔好。慚愧~
曾幾何時提過以旅客身份遊香港係有另一種味道。真o架！當你行女人行時，你會覺得冇乜特別，你會好奇點解外國人會買「I LOVE HK」o既 T-shirt。但調返轉頭諗，你去外國時o既表現，其實o係外國人眼中不是與我們在香港所見所想一樣嗎？ ^____________^
講開旅行，琴日行街，我竟然聽到有個檔攤小販講︰「唔該…」「麻煩…」，我真係有點兒意外，不過這是我們今時今日所需的服務態度。再路過其他地方，有個外藉女子的提包鍊子還未拉好，她身旁抱著嬰孩的路人提醒了她，她便回贈了一聲「Thank you！」。雖說不上甚麼大事，但感覺真是不錯的（雖然我只係旁觀者）。 ^.^ 香港人要加油。
有人話過人開心o既時候，眼前睇o既o野都係靚，就好似一塊磁鐵咁。不過，我覺得「磁鐵」形容得唔夠貼切，同極排斥，異極相吸嘛。反而，我會覺得咁樣似一面鏡子。不是嗎？當你心情靚靚時，眼前所見的不是正反映著你的心情嗎？其實，我認為每一個人心底裡存有數款不同顏色的「心理過濾鏡」。心情好的時候，我們的眼睛、心都是透過一塊好bright 的過濾鏡看世界，所見所感的一切都是最漂亮的，心裡有一種說不出的幸福。 ~^.^~ 心情懷透的時候，我們的眼睛、心便隔著一塊灰沉沉的過濾鏡看身邊的人與事。怎說也好，我o地係「快樂」話事人，好好掌握吧！ ^___^
睇完Yelly 日記，我都好想學鋼琴。由細到大都好想學，不過如果睇五線譜同數理真係有關係的話，恐怕我真的學不成。皆因我係一個數學白癡。如果係咁o既話，咁我學社交舞好過啦！ ^.^
前日食飯，Yancy 無端端提起世界真係細，跟住我就好自然︰「o下？」Yancy︰「未入o黎做之前，我應該見過阿Yan 你o架！」@.@" 我 in o左唔係好多份工，你會見過我？Yancy 續說︰「你係咪in 過美聯？」我︰「係呀！」Yancy︰「你同一個長頭髮o既朋友一齊。」我︰「o個個係搭訕，傾得兩句。」……我真係完全無印象。yup，這個世界真係小小小，小得真奇妙妙妙…… ^o^
入正題啦……
大圍火車站大堂改到面目全非，靚o左好多，grand o左好多，好似機場咁！ ^____^
一行十人，大眾踩單車效野上……cool~~~ 今日天氣都幾適宜踩，又唔係太熱同太晒（不過都晒傷o左！換膚換得多都傷~~~所以搽o左一層薄薄o既蘆薈jel，舒服晒！）。
今次真係踩飽，大圍 <--> 大尾篤。勁呀！
跟住再折返火炭開飯。雖說是大排檔o者，都要識做生意，注意服務態度先得o架！都係德記好！ ^.^
其實踩完五個鐘車都已經好 tired，好想返屋企休息。但想見下仔女同大興，於是又走o左出去旺角同佢o地去 Paris 飲o野！原來 Paris 都開o左多一層，仲好有占卜feel，尤其是o個o的卡位蒙住一層薄紗，四周環境被蠋光和珠仔串成的掛飾包圍。
夜了，歸家了。好 tired~ @.@
細佬，生日快樂。 ~^___^~
山楂 send o個個星座分析，我o個個會真係幾準。學高迪話齋，心理測驗同星座分析都係一門統計學。追求自由，related to 心靈o既o野……好多個星座分析都係咁講，不過，呢個係真o架！至於其他，It's true to me. ^o^ 唔知你o地點睇啦！
琴日行唔成街，今日行o左轉，仲大出血……買o左之後又好內疚 ~.~ 都係搵返o的有意義o野做下補償返先得。話時話，原來個銀包爛o左少少~~ 心未搵到買手挽袋的藉口添！NO MORE EXCUSE，買o左仲要搵藉口，多餘。 @.@"
今日個栗子芒果蛋糕好好味，賣相都好吸引。 ^o^
堅持用心寫日記，不想草草了事便算。
「放得開能海闊天空，
放得開能胸襟廣闊，
放得開能少點煩惱，
放不開便總有得失，
放不開便總有成敗，
自在只因放得開。」from 阿虫（我都唔記得咁多，只記得咁多~）
有時我會諗太空係咪真係咁漆黑一片呢？一o的色彩都冇？ ^___^ 究竟太空有幾大呢？唔……真係好大好大好大，大到……地球好渺小，自己好渺小。那一層神秘的面紗總是令人產生無限幻想。去呢度睇下 --> www.spacetelescope.org ， V838 塵埃雲好靚。 不過，話時話喎，我成日好懷疑呢o的太空照片係咪真？因為實在太靚，好似畫出o黎咁。 ^.^
「人要克服考驗先可以得到奇跡車票」from 《熱烈的中華飯店》
神情有點兒呆滯，因為實在太悶。幸好，晏晝有個客陪我消磨下時間……如果多o野做的話，我真係俾佢激死！and that's why 我係唔適合教書，雖然 Daddy 同 媽咪以前一直認為我係o岩做呢行，但事實並非如此。
放o左工想週圍逛，搖電話回家說晚點回家。剛掛斷線的時候，又改變主意……歸家。你說女人是善變的動物？或許是吧。唔……水瓶座o既言行舉止就是這樣令人摸不著腦袋，這是真的。
有事總好過沒事做，沒事做時更傷神。~~~ tired @.@
我相信阿May 知我有chat post。有時唔記得縮細 or click 去第二個版面，而我又同佢講緊o野，失驚無神彈o左好多中文字出o黎。佢咁精靈實知！^.^
今日同佢閒談間，原來佢除o左玩民安隊，o個o的行山、歷奇呢o的佢都有玩開，仲帶人添。hehhe……佢講得o岩，而我而家都 search 緊o的義工關於植樹或者同o的小朋友玩。咁多義工種類，偏偏揀呢兩個，清楚我o既人會好明白。 ^___^
Vicky 話我同阿Old 好唔同，唔知邊度唔同呢？我諗性格已經好唔同，佢真係好熱情。有陣時，我都好想同佢講 cool o的會比較好，尤其是o係呢度 ……但點開口好呢？ @.@
以前鐘意人o地嗌自己英文名多o的，grand o的丫嘛！但而家就鐘意人o地嗌我中文名多o的，親切o的嘛！我覺得名字係每一個人o既最好生日禮物，好多人o既名帶著別人o既希望同祝福。唔……我問過Daddy 點解改呢個名，佢話無咩特別意思，o個期興喎！ ^____^" 點都好丫，呢個名係屬於我o既，跟足我一世，走唔甩。 ^o^
就係因為咁，Karen、Kate 同埋我就互叫中文名，邊個嗌錯o左，一次一蚊，作為零食基金。 ^____^
呢期至愛《Fly Away》，「看著你就可以讓我茫茫人海裡感到安定」，唔一定要情人，朋友都可以。 ~^.^~ 係你o地呀！hehehhe……
KT，乖~~~ 價值觀唔係話變就變，或者有o的真係 fix 死o左！但係好多時候，我o地潛移默化之下俾週遭環境、經歷所改變。um……有時做人要瀟灑o的！ ^.^
今日睇o左一段好好笑o既片段，真係笑到肚痛。片中男主角，我服o左佢o的忍耐力，俾著我一早就會閃。~~~ 但我o地都有一個疑問，佢冇諗過俾人整蠱嗎？兩個女人都做埋差唔多o既o野。 @.@" 完全係笑爆肚。
今日天氣和暖，夏天衫出籠……正確點說，由頭到尾短袖衫從來未入過櫃。呢o的天氣真係好正，唔熱唔凍。 @.@
份生日禮物終於寄到小朋友手上，而我亦收到佢媽媽的回信（o的字型好奇怪呢~~~蛇蛇文）。 ^_______^ "Ayubowani" is a traditional way of wishing you long life in Sri Lanka.
好想買袋，好想買銀包，好想買iPod……成八個月都係得個「想」字，但又唔捨得買，因為覺得冇咁o既必要。儲埋儲埋做 / 買第二o的o野仲好過。
「假期過後，精神仍未恢復，星期一的心情特別沉悶，想趕走外國人所說的『Monday Blue』」from《明報》。
yeah~~~ 《Cold Mountain》o既 Ruby 拎o左最佳女配角。
KT，你有留過言俾我o架！ ^o^ 你咁睇得起我，我真係有o的驚。anyway, thx~~~ I try to explore myself and I try to find somethings that I can do it well.