估唔到私家豬仲同佢keep contact，有點兒意外。^__^……查實我連佢叫咩名都唔記得lu。
整日都好眼訓 @.@
未來世界會唔會真係好似電影世界描繪的一樣呢？我o地o既食物會係一大堆五顏六色o既藥丸。我o地唔再可以親身感受到咩叫風，咩叫雨，咩叫陽光，因為我o地一個二個生活o係隧道互相穿梭o既密封世界。
《小飛俠》一百歲，說真的，我並沒有真真正正把這個故事看完，只記得那條傻頭傻腦的鱷魚、鐵勾船長、小飛俠、小仙女。而有報導指出，這個故事是一個不大開心的故事。小飛俠比喻作死亡，因為他將溫迪及其弟弟帶走往夢幻樂園，而夢幻樂園中的失蹤男童，就是已死的孩子﹔至於逼近庫克船長的鱷魚，其頭上的鐘也代表時間消失及人類的老朽死亡。
水瓶仔極需要自由自主（from 《東方日報》）
水瓶仔是創作力無限，是百分百食腦之人。（真的嗎？我又真係唔多覺喎！）如果你是他的波士，切勿擺出強迫的態度令他就範，對於他，是不能逼的，給他多少時間，他自然會交出令人滿意的功課。（全中！^o^）
他自有主張，不喜歡聽從任何吩咐。動之以情，講講道理，他反會接受。（depends la~）
你要他如何如何服從，跟大眾路線走，是多餘的，他跟本不會聽你的話，天性不能容許他這樣做。舊的不好，清除它就是了，進步就是這個樣子。（um……好o既留，唔好o既就out。跟唔跟大隊走，睇下咩情況啦！）
他會這樣對你說，「看看這個世界吧，每一個地方都有其本身的價值觀，根本沒有唯失獨的標準。」（非常認同。）你能夠說他不對嗎？
他需要的是自由與自主，你要他固定下來，聽聽話話是白費心機的。（全中，高迪佢o地完全感受到。^___^ 其實呢，所有風象星座的人都係咁，山楂都係。^o^）
沒錯，他不愁沒有朋友，他喜歡社交生活，也是說，朋友多的是，可是，知心的卻很少很少。（冇錯！^.^ 知心的總有幾個o既~~~又未至於冇。）
今日晏晝勁想食糯米雞，點知無得買， 一檔二檔都未開齊。 ~.~ 今日都係悶到就o黎訓得著，晏晝幫個電腦扮完靚靚就放工……呢個禮拜返工真係有o的蹉跎歲月feel~~~
放工後，同高迪佢o地入去黃金海岸o既Bella Vista 食意大利o野（幾鐘意o個度o的feel，不過再熱鬧少少就好啦 ^__^）。說真的，這是我第一次踏足屯門，所以難免有點兒興奮（傻o左~~~）。
再到市中心的Biji Biji Cafe 繼續下半場……返到屋企十二點多，好鬼tired~~~如果今晚通頂，聽日返工就真係訓。@.@
今個星期六一定要整好張卡卡俾小朋友做見面禮+生日禮物先得。^o^ 兩歲小朋友o既世界會係點呢？究竟斯里蘭卡又有o的咩特別呢？um~~~發掘下先。
特別鳴謝︰高迪、兔仔（越o黎越覺得同我細佬o既言行舉止好相似）、和仔、山楂、安仔、KT、Ricky，同埋匆忙趕來o既David。^______^
都係冇乜特別事做，睇怕二月先真正開工。
前幾晚睇《我的野蠻女友》，發覺女主角好眼熟……May 好似佢，真係好鬼似，不過May 靚好多。
今日Sidney 買o左個好得意o既電話繩俾我o地，我會好好隨身?帶。thxthx~~
今日好鬼tired~~~真係隨時恰得著。今晚早o的訓 ~.~
我牛一。~^________^~ 過了一個驚喜、高調且難忘的生日。
一大清早，收了一大紮靚靚鮮花，卡裡的肉麻字句……hahha……再寫埋o個兩隻字實估到係邊個。o係一個咁狹窄o既環境，要收藏花束再避過同事的耳目是實在難，係好難。一如以往，一有人收花就會起哄一陣。我被Karen、Kate 的追問下，搞到不好意思，實在太引人注目啦~~~不過，深深體會到甚麼叫「心花怒放」。（有點被整蠱的感覺呢！^o^不過大家開心就得啦！）好！只有我知，你知，其他人唔知。我o地俾呢個美麗誤會一直流傳落去。~^.^~
Lunch時，同Yancy佢o地食我o地最鐘意的pizza。次次去o個度食，真係飽到不得了。^o^ 食飽飽，佢o地安排o左尋寶遊戲俾我娛樂。雖說我的位子不是很大，但找那十二個幾米的扭蛋真是呢~~~足足用了兩個多小時搵晒。五分鐘己找了十一個，唯獨那一個……仲要係自己搵過十多次的地方o個度搵到，有點兒無奈。~.~Grace Chan 又幫手搵？^o^ 好似玩得大過頭添！ 咩叫做「遠在天邊，近在眼前」？咪就係呢o的囉。咁又玩o左一個晏晝啦，佢o地好似專登安排俾我玩，咁我先至冇咁眼訓，因為一個二個都未返工，無o野做。
夜晚，同碧琪、大興食上海o野。那個「月光寶盒」就真係好飽，見到都漏。不過我比較喜歡那些「角仔」，好好味！^o^ 唔知餐飯係咪落o左「笑菇」，我同個女邊食邊笑，真係笑到飽，我諗全場食得最開心係呢檯啦！大興？佢呀，當然都要跟埋我o地大笑啦！
記唔記得ING幫人的廣告？今晚大興就做o左主角，場面惹笑。^_____^
好tired~~~但真係好鬼開心~~~ 謝謝每一位祝福過我的人，更特別感謝Yancy、Fanny、Anita同埋Sidney。
開工大吉。似乎我o個個位係不斷收錢錢……^____^
冇乜特別事做，同Yancy 佢o地chat post。閒談間，大家再次感覺到「幸福唔係必然」。
放工後，約豬豬妹食飯。或者，今晚你一言一語已經係我o既最好生日禮物。^__^
假期的最後一日，冇乜特別感覺。^o^ 飲茶，打機，買衫，最緊要係睇《我的野蠻女友》。雖然睇過好多次，但依然覺得好好笑。嘗試聽楊千嬅配音，奈何先入為主，最後轉返聽韓文。媽咪印象最深刻就係o個一巴又一巴o既掌摑場面。^___^ 一個願打，一個願捱，無法。
Daddy 因為我o地而慢慢改變呢！^__^
友情與愛情只差一線。^____^
畢o左業啦，Daddy今年祝賀詞「升職加人工」「俾心機做」……而我自己心裡盤算著呢份工我仲會做幾耐。^.^……「蜜運成功」，well~~~我想應佢一句︰「哦，今年會結埋婚。」但減低聽訓話的機會，只回應「哦！」~^.^~
有報告指出笑十份鐘相等於緩步跑十分鐘所消耗的能量。咦？咁唔怪之得我日又坐夜又坐，仲要不斷咁食都未致於暴肥啦！我日日都唔只笑十分鐘掛？hahhahahhaha……而砌究遺指出，笑多o的，人都健康o的o架！好，一‧二‧三‧笑！^_______^ um……試下由心笑出o黎丫，會笑得更加舒服，更加開心o架。
幽默，係說話的最高藝術。咁又o岩喎，不少名人o係o的尷尬場合以幽默完場，不失大體。
有時會諗，如果佢o地仲o係度的話，會唔會俾Daddy 一句「禽流感」而放逐呢？^.^
一大清早，陪媽咪買開年送。一個女人拎住唔知幾重o既o野周圍走，咪話唔辛苦。我拎o個半個鐘都……~.~ 當然冇呻啦，無理由叫佢抽晒嘛，我出去都係想幫佢抽o野！^___^
我會覺得大家經歷種種，離離合合，友誼先有味道。um~~~當然啦，總有小部份的友誼建基於萍水相逢，卻可細水長流。總而言之，大家有心，友誼便可以長存。
我諗過可以點樣對人同事熱情o的，但……我係咁喎！又唔可以話我冷漠o既，只不過我o既熱情真係維持o係o個一剎那，只可以話自己係三分鐘熱度o既人。
諗到畫乜俾個小朋友做見面禮啦~~ ^___^
媽咪話越o黎越有新年氣氛，我就盡可能拍下現有僅餘的新年氣氛俾我o的姨甥仔女、侄仔女睇先。
肥草~ so surprise 呢！hahhahah……冇乜人會叫我做「媽媽」，一估就估到你啦！hehheheheh~~~
仲以為同《同一屋簷下》無緣添！super 正~~~thx，細佬。~^o^~
話時話舊年有冇拜神許願呢？……我真係唔記得，媽咪話要還神喎！oh no……我真係唔記得。車公好似舊年冇meet 過佢 ，媽祖……好似有，文武廟，有呀有呀~~~有心唔怕遲，路過先還啦。^.^
今晚煙花冇特別驚喜。
剛剛踏入猴年，先來個驚喜……最唔想見的，偏偏撞到正，仲要最近距離接觸。@.@
行大運。自己一直跑跑，再搭捷運去台北車站（冇記錯的話，正係好記得係轉車站），跟住再繼續跑，跑，跑。跑到上山，對住個海，幾舒服o架。見到碧琪放風箏，仲放得好高。^___^ 而個仔問我行山要帶乜，o下？^.^" 好似你清楚過我喎！歇o左陣，再跑，跑返去車站，實在太多人啦，迫唔上車，唯有再等下一班。等車之際，見到個傻佬o個軌道中間放炸彈，唔係，係屎彈，一個二個即刻彈開。第一個爆完，佢又放第二個，不過今次係「屎導彈」，o係咁追住我，我即刻搵個「三五識七」擋住，兩條友一齊走，不過惡人有惡報，個導彈o係個傻佬到爆，笑到我……醒o左！^______^
切記，慎言。
都係好鬼無聊過o左一日……inbox 維持三個出入，以「吉box」收市。
琴日先講開話薄餅唔係慳到唔擺盆桔呀？點知今朝一返去桔四圍都係，桃花一大棵……唔好再遲o的？^o^
今日一個二個諗住今日四點可以準時走，點知……傳聞話Grace Chan 心情唔多靚喎~~~點都好啦，四點半先走得。
羊年最後一日。um……其實過年如過日，對我o黎講，新年只係放假罷了。
oh no, 唔係真係變得咁慘同潺弱呀？雖然我都覺得係~~~希望新一年健健康康啦。
今日辛苦母親大人了。^.^
天氣寒冷……@.@
冇咩做，清理貓貓到發呆……時間過得好慢，好眼訓~~~好彩四點多有o的o野做下先冇咁悶。
五點七走，放假後又再搏殺。^.^
韓國人o的單清到七七八八，yeah~~~
今日冇乜o野做，適逢年廿八，幫個mailbox大掃除。
究竟兩歲小朋友o既世界係點o既樣呢？……又或者我將問題複雜化o左。^___^"
我唔係愛心爆棚，而係我呢個星座係博愛嘛。^o^
訓得好唔好，質素最重要。^___^ 訓得好舒服，仲笑醒添。幾驚今朝唔知醒遲到，結果八點多就起o左身。
原定同大興、乖女去赤柱，點知落雨，取消~~~真掃興。既然出o左門口，去附近商場行下，點知表姐o黎o左香港，而我就好順理成章等位飲茶o既先鋒。^o^ 我同小朋友相處有自己的一套方法，萬試萬靈，就係聊佢玩啦！跟住佢就會對你整古做怪。呢個小朋友真係相對而家同齡o既小朋友好乖，連佢媽媽都係咁話，或者英國唔同香港掛？^______^ ……唔知點解，對住呢個小朋友好有一種「過客」feel，係生命中o既「過客」。^o^ 我o地生命中真係出現唔少過客，又或者呢o的過客其實成日o係自己身邊出現，這個感覺很奇妙。
款待完佢o地，自己走o左去shopping，亦都有收獲。^__^
雖然今日天氣唔多好，但心情靚爆。
「笑容常在，心常在。」阿虫。
「知福，自然福常來。」阿虫。
沒有打擾，可以專注搞韓國人條數，完成o左三分二。
晏晝返o左屋企抖抖先到Annual Dinner。
今晚我o地三個盡興而返，或者我o地三個抱住最後一個薄餅的Annual Dinner。^___^ 席中，我o地三個為自己預祝臨做夠一年時可以搵到另一份自己想做o既工。誠然，薄餅總算對我o地不薄，如果認真計條數，唔止雙糧，有十四個月糧。同埋人事冇咁複雜，我o地總算做得好開心。不過，人向高處望，給自己一個限期，一個機會。^.^ 既然咁開心，大家都啤一啤先。^__^
抽獎環節，司儀都忍唔住講︰「又係…」、「仲係…」、「依然係…」可見o的獎品真係好鬼行。^o^
七分醉三分醒，好好訓一覺。佢o地兩個見我飲咁多都擔心返唔返到屋企~~~放心啦，小意思。
It's a good day. ^____^
一個二個趕住做o野，又要趕住交功課。由於自己呢幾日冇乜特別事、訂單要做，自己就拎住份notes 邊睇邊做。跟住，做o左她們的小老師，真係驚自己會教錯，牽連甚廣。~.~ 自己衰就好，搞埋人o地就無謂啦，希望我係o岩o既！^________^
今日落單又學多o左一樣o野，um……其實咩叫EDI呢？咁我今日呢張算唔算呢？if so, 咁我就趴街啦，冇聽到新system 點入呢份單，又要睇Manual？oh no~~~求神拜佛，唔好玩咁多花臣住。等我熟o左個system 先越玩越複雜。
實在太喜歡那本Cityprint，唔睇都要帶埋佢返工。
好想放假前KO 韓國人條數，佢條數真係亂到不得了。等我再幫佢重組下先。放假後再冇咩時間俾我重組o架啦！等我諗下仲有乜o野做先，o個個勁似Ivan Siu 張單啦，且看一個月production leadtime o既牌點樣可以用兩個禮拜完工啦！又要做婆仔，日鵝夜鵝。仲有咩呢？閃閃令令o的牌新年走唔走得切。好似仲有……唔記得啦！有o野做，諗下o野，時間易過好多。^o^
埋門一腳趕份單，搞到七點三先到樹記同拉燊食飯慶祝生日。今次一來，個個都返工lu，唔知仲有冇機會呢？仲會唔會咁齊人呢？^___^ 見到一班又一班的師弟師妹路過，就好似望返我o地以前咁，感覺蠻特別的。^.^
餘興節目，呼吸。
今期的CityPrint 令我愛不釋手，除了它的封面吸引人之外，內容蠻不錯。翻到某頁，「幸福」二字簡潔而整齊的印在白白的紙上，「幸福」就是這麼簡單。可惜，偏偏越簡單的，越難得到。我堅持「知足，幸福」，但我覺得這還未夠全面……um……應該是這樣說，「懂得享受人生中的一點一滴是幸福的。」你的字典裏，「幸福」是甚麼定義呢？^___^
「你一生中有沒有遺憾？」一句對不起。
總覺得這期Cityprint 是自我反省篇，我覺得真的很不錯。Im loving it.
無覺好訓，痛到趴街。@.@
聽日追睇RoadShow先得。
水仙花開lu，遲多幾日開多o的的話，夜晚同清早傳來陣陣花香呢！好鐘意水仙花味~~~ 好舒服。
一月十三日，阿門。
都係諗唔通陶吉吉同梅艷芳有乜關係。
Oh no, 乜我真係殘得咁緊要？shit~~~六個月時間o者！唔可以咁！
雖說梅艷芳希望親朋戚友哭成淚人，呼叫她的名字，但誰願意與最親最愛的人說離別，何況訣別？不禁憶起數年前某一天，那一刻的悲傷從來沒有離開過我。夜闌人靜的時候，想起一切一切，淚兒悄悄落下，把枕頭哭濕了。雖然一次又一次承諾不可再哭，但一次又一次壓抑不住心中那一絲絲的掛念。
或者這壞透了的心情，發了一個不大愉快的夢。
不愉快的心情並沒有影響自己的工作，我總想令自己的客人感到我的歡樂。^______^
我總是不能夠把年份好好記住，只記得月和日。我試過刻意記著那年份，但往往不能刻在心中。事隔多年，仍抹不去心中的掛念。一月十三是我最難過的日子，最想刪除的日子。
唔知係咪耳濡目染之下，覺得梅艷芳o係舞台上真係有一種懾人魅力。雖然佢唔係我偶像，但佢o的歌真係一首又一首膾炙人口，完全哼得出佢o的歌。而我對佢o既印象，有義氣，堅強，好專業的一個藝人。……阿彌陀佛。
好幾個月冇行過山，今日由西灣河起步，以陽明山莊為終點。千幾級樓梯簡直要我命，行唔夠二十級抖一抖，仲慘過行斜路。勁驚行到抽筋，結果往巴士站途中，大腿抽住~~~嚇死。一個人頂住上，放步慢慢行。tired 到不得了。@.@
好享受行山o既過程，因為行山o既過程就好似人生咁~~~
頭痛到不得了。~.~
呢幾日興玫勃勃地工作，明明六點閃得。做，做，做到八點先走。@.@ 難道o的藥係興奮劑？
巴士上，旁為一名男子，成陣異味，仲要不斷補充水份，周身郁。想撤退又唔得，樓梯口俾人塞住，全程只能夠維持有限度呼吸。落車時，即時吸一大口新鮮空氣，so fresh~~~
上堂仲傷神過返工……tired 到不得了。
兩堂training，真係有好大o既改善空間。
好tired~~~~~~~~~ @.@
今日開行turbo 做o野，做到收工先知咩叫tired。一上到巴士就訓，十點多返到屋企。腰酸骨痛~~~聽日上堂hae 下先。
一個對錢同數字冇乜concept o既我，偏偏要處理這個茶煲vendor 條數。o的單改完又改，pi 改完又改，o的錢錢又不斷有入冇出……幫佢o地砌埋條數出o黎，又話唔可以，但又話要貨。三位小姐，你唔好玩我啦……唔正止你tired，我都好tired，我唔正止服侍你一個客仔o架！@.@ 而家都收晒火啦，見到都只係一句︰「又係你！」then, 埋頭苦幹。
其實，CS O既 turnover rate 係高，所以有同事離職，並不覺得出奇。
Thx, Kalvo. ^o^
冇返半日……五十七個貓……@.@
好多o野迫到埋o黎就唔輪到你話tired，今日做o左借單王……狂借單。
唔知係咪o的藥勁得滯，抑或食藥後冇休息呢，食到手震。~.~
聽日，第七個月開始lu~
一早搞掂o的o野，見冇乜特別事要跟，晏晝sick leave……頭重重，身興。@.@
今日Fanny 同我講有冇興趣做空姐，點知今日晏晝見到高迪佢o地又講緊Flight attendant，搞到自己心癢，不過都係o個個concern，咁深近視得唔得？@.@ 話時話，睇完cathy pacific，對於customer services 興趣較大o的呢！^__^
前幾日，大興又略略提過搬出o黎住……曾幾何時，我真係好想，但而家冇咁大意慾，都係一句「一闊三大」，再加上一放工乜都唔想做，屋企有個好媽媽倚賴下都好嘛。~^.^~
都係前幾日，收到一個email 關於夫婦相處之道，好有同感。唔知點講好呢……總之睇完會係會心微笑。^.^
嘩嘩嘩~~~棵辣椒花好鬼靚，食唔食得呢？下次去台灣的話，我要買蕃茄。yeah~~~ ^o^
唔知係咪病到「瘟瘟鄧鄧」，一早起身唔係整跌碗就整跌 spoon，跟住仲狠狠撞埋抽屜……瘀晒！都未到猴年就已經撞成咁………~.~
,琴日執唔成屋，今日執。雖然只係執o左小部份，但垃圾多到唔成比例。下星期再續。
唔記得多謝乖女的幾米cushion, thxthx~~ 好軟棉棉呢！
依然頭重重，好似仲有發燒。@.@
今朝返去 pack 文件，搞到自己心癢執屋。當然啦，計劃例必俾我打破o既，結果係訓覺。
諗住返去拎圖書證，但過o左office hour，白行一趟。再到銅鑼灣join 大興同碧琪食飯。一時興起，走o左蘭桂芳飲o野，今晚試o左Side Car，我覺得大興o個杯 Zombie 都幾正。^o^ 我都係第一次夜晚到蘭桂芳，不過冇我想像中熱鬧，或者早得滯。再到立法局外面影下相，寫下願望（有個願望好得意，「希望哥哥見少o的家長。」^____^）。仲諗住搭船過返尖沙咀，可惜太夜啦~~~如果唔係，今晚真係 perfect。
冷傷風，頭重重。@.@
back up 貓貓，做到近八點先走。
希望Kathleen 隻眼快o的好返啦！^__^
um……日記，雖然唔係事無大小我都會寫，但我都希望日記中的一點一滴都可以remind 自己要注意o的乜。以前我真係專係揀o的開心o野寫，但寫下寫下連唔開心都寫埋出o黎！Yelly，你講得o岩，我寫o的唔開心o野都係發洩，寫完條氣就順好多，隔o左幾日再睇返，原來令自己動氣的事只是雞毛蒜皮，禁不住自嘲一番。曾幾何時，我講過，這裡的日記不只是屬於自己，是屬於大家的。沒有你們，就沒有我的日記。^___^ 題外話，同Yelly 傾計、睇佢日記有種好得意o既感覺。我o地見面真係唔多，icq甚少，更不用說電話，但感覺與她相識了很久很久。^o^
今日突然好想染朱古力色，過多幾個月先！ ^o^
左link 右 link 終於搞掂日記o的links，真係搞到我暈陀陀，亦都因為咁，先知道_top, _parent 的分別。
"Go to the world"完整版不日上映，都係唔明自己改漏o左邊度，見唔到箭咀。>.<
平靜渡過二零零三年的除夕與二零零四年的第一天。對於除夕和新年已再沒有昔日的興奮，或者心境變了吧。^__^ 變，只因自己長大了，成熟了。