私家豬，生日快樂！~~~ 呢個係我有網上日記以來，第一次正正式式記下這個特別的日子。 謝謝你~~~ for what? 一言難盡。 ^o^
琴日唔記得打，話說前晚發夢見到自己大o左肚，勁驚，勁唔開心。唔知係咪睇得太多戰爭片，好唔想有BB，或許我對這個世界的將來抱著不太樂觀的態度，唔想BB o黎呢個世界受苦。話雖如此，又或者出於自私，自己不願承擔這一個重大的責任。
沒想到別人的幸福就是自己的幸福。thx u guys o既回應，有o的令我意想不到。^___^ 幸福定義冇對與錯，只要堅持對其的信念便是對了。
今日整日都係訓，訓，訓。 @.@ 訓到眼都有o的腫。
再睇返《布瓜的世界》，越睇越有味道。 ^o^
今晚特別有夏天feel~~~爭未食西瓜。 ^_____________^
好驚自己會甩底……但最後都好早起身梳洗去飲茶。 ^____^
"A promise is a promise." "Think before you talk and do anything." 這些都是一個患了SARS而離去的爸爸給他的兩位寶貝女兒的待人接物態度。
終於品嚐了那個「芒果情仁」，是有一點點驚喜的，不錯。
今天熱播 Edison 的《Please steal this alumn》，他的歌藝確是有進步，咬字比前清楚。碟內不少歌也是以近期的熱門新聞為題，而私家豬極力推介《香港地》。um……詞蠻不錯，「有人會睇到黃金片地，呢個係一塊福地。有人會睇到唔一樣，樣樣o野一敗塗地。有人會識得處身處地，有人會選擇逃避。有人會認為呢個係環境同人o既問題。你o地o既文化一潭死水亦會居安思危，七百萬隻螞蟻唔容易走埋一齊，向住同一個方向睇一定會搵到大前題。係同一種人，點解要將人睇低？係同一種人，可以學埋同一種語文，講第二種語文唔表示你係第二種人。」最尾o個幾句令我諗起近期熱門話題—愛國。《尼古丁》是全碟的唯一慢歌，一首聽得幾舒服的歌。 ^___^ 好鐘意胡蓓蔚o係《戰爭》o既表現。值得一提的是 MC 仁 同陳煥仁 RAP 同唱得好正~~~ 說真的，我不太喜歡聽這類型的歌，不過這隻碟真的很吸引。除了歌曲，還有那份製作這隻碟的誠意。早前看了陳煥仁的訪問得知與Edison 埋頭苦幹地 製作 Edison style 的音樂特輯，就是這份誠意令這張大碟再添色彩。
自從種了小雛菊同埋怕醜草，開始留意身邊的一花一草。很奇怪，真的很奇怪，奇怪這種生命的變化。我們似是看得到，感覺到它的存在，但事實我們又觸摸不到。今日一路行，一路望住前面o的樹，突然有一刻觸摸到那種虛無飄渺的生命力。那一刻，呆住了。@.@ 好強勁的一種生命力，真係好難忘。
心血來潮，想做一個以「幸福」為題的小勞作。 ~^_________^~
晏晝同另外八位同事同貓貓飲茶Fairwell，上次同佢o地飲茶嗌o左二十多籠o野我都已經覺得過份，但今次比上次更甚……四十大籠 （唔計飯後甜品）@.@" 我都唔知再俾乜表情好。我o地見到桌上一個搭一個熱騰騰的蒸籠也有點兒吃不消，大家只是少說話多做事。不消一會兒，桌上已變得一望無際。~.~ 飽死！你說女人多可怕？若果我是附近桌子的食客看見這場面，心想︰「好耐冇食o野？食窮老公。」總算給貓貓一頓難忘的什飯吧。 ^________^
晏晝總算有事找上忙，終於……俾我清o左積存唔知幾多個月o既 debit notes。深深覺得自己似一個探員，從有限的資料和不大合作的「原告人」的有限對話，推敲出這張訂購單的來龍去脈。（沾沾自喜中……hehehh）但呢個世界冇完美，我對住o的數字就會死人。 ^o^ 一條簡單的數學題目經過我手後變得不平凡，把May 激死了。 (*.*) 好多時我o地對事和人都係想得太複雜，其實呢個世界又未必好似我o地想像中咁複雜。可以好簡單，好簡單。^o^
放o左工，同大興去睇《Cold Mountain》，冇想像中咁好睇。說它是一部戰爭片，總是欠缺那些千軍萬馬、殺戮的轟動、血腥場面。說它是一部感情片，又略嫌它太輕描淡寫，或者要短短兩個多小時交待戰爭帶來的禍害真是不易（我不應該將它與《雷霆傘兵》比較）。
戲中有一位瞎眼的老伯說即使有十分鐘給他看這個世界，他寧可不看。他不是害怕看見這世界醜惡的一面，而是害怕得而復失的痛苦。那一刻，我也寧可選擇甚麼也不看，原因與老伯相反。與其這樣，為何不給自己保留一直幻想的世界。……不過，看完這齣戲後，我會選擇「不在乎天長地久，只在乎曾經擁有」。或者我看完這十分鐘的世界，會更珍惜自己原有的一切。 ^.^
好鐘意Ruby 呢個角色。Number 1，活潑。Number 2，爽朗。Number 3，非常獨立。Number 4，有主見。Number 5，眉精眼企。Number 6，energestic。 ^_____________^ 真係好正，我覺得佢o係套戲勁搶鏡。
再join 埋女同哥利開飯都已經十點多，飽肚後，看他們篤波。坐了一會，與乖女歸家去。
yup, 每一日都係特別o既日子。^__________^
接o左貓貓o的account，真係好驚自己做得唔好。雖然未真正開始…… 我要加油啦。
今日睇到份工o既其中一個requirements「go out to the living room as well be able to enter the kitchen.」…… @.@" 真係睇到眼都突，咁都得？
「幸福，不在於你擁有多少事物，乃在於你用怎樣的態度去看待、享受自己現在所擁有的一切。」
琴晚發o左個夢，我都唔知係咪惡夢。隱約記得夢中o既自己好似睇緊電視，電視又好似做緊o的恐怖o野，嚷著要關電視……【中間唔記得o左】…… 見到有一個好似Edison o既男仔同自己拎住部相機o係學校左影右影，影得好開心。當拎疊相出o黎同班friends 分享之時，發覺相中o既佢唔見o左，好驚，即刻劈低o的相，離開張檯幾丈遠。過o左一陣，自己冷靜下來再拎返o的相睇，有點兒掛住佢……感覺到他就在自己身邊。【完】回到現實，近期呢種感覺好強烈，但我已不敢去肯定。
自從上次無意晒傷後，繼而甩皮，乘機換膚……而家要鍚住個面珠dum，唔再俾佢出事，否則再晒多次，再甩，再換。^___^ 殘忍？但我都幾享受？（傻o左~~~）好過搽咁多o野上皮膚咁傷。
諗住今日會多o的o野做，點知……悶足成日。 @.@
「……相信地球上每一個人總有點關係，只要能追溯至足夠的遙遠年代……」節錄自《明報》。我也相信。 ^.^
從沒想過看雲是一種運氣，看過一篇報導後才知道香港憑著其山多地勢令我們有福氣看到變化無端的雲彩。……我最鐘意羽毛雲，好靚，一大片時像天使的翼子覆蓋了天空。um……躺在草地上看最正。^_______^
阿 Old 話我開心o左好多！緊係啦，人總會變，何況呢三年經歷過唔少o野同埋識o左一班成日帶俾我歡笑同安心o既朋友。 ~^.^~ Fanny 話o的貓貓好有安全感時，就會「翻轉貓肚」訓。而我同你o地一齊o既時候，舒舒服服做返自己。
謝謝Karen o既小冷球呢~~~雖算不上甚麼，但深深感受到那份誠意。
交頭淡正，我要好好享受埋今個禮拜啦。^.^
咦~ 我又真係冇諗過我o地兩姐妹個名可以咁玩喎。我諗Daddy 都唔知，hahhahah…… ^________________^
唔……第時o的姨甥仔女同埋侄仔女叫我咩好呢？我唔要姨姨同姑媽咁「娘」。^o^
放o左工，同Yancy 佢o地走o左去 CEO 唱K，講o左咁耐，終於成事。一唱到《你講你愛我》，一個二個唱到發晒癲，玩到high high 地。 ^o^
我對任何o野都有好奇心，不過人例外。或者覺得咁做好似一個「八婆」咁，同埋牽連甚廣。多一事不如少一事。
今日收到一個大驚喜，呢個世界真係好細，千祈唔好做o的衰o野。^____^ 話說今朝一早見到有個新同事行過，驟眼看，眼熟。心諗︰「唔係咁邪掛？」同時又忙於回憶那個眼熟同事的名字……完全冇乜印象。@.@ 直到 lunch 時，先猛然醒起呢位同事全朵。咩叫「嚇一跳」？今日完全表現晒出o黎。自從中七畢業過後，我o地真係冇再見過面啦。曾幾何時，我o地一齊沉著應戰，披荊斬棘。估唔到會o係度重遇。^____________^ 不過感覺怪怪的，或者正如高迪所說，有點兒焗促，不太習慣。
呢幾日同貓貓一齊放工，聽佢講o左好多o野，佢真係一個幾得意、活潑o既女仔。除o左Yancy 佢o地三個知道我o既期限係一年半載之外（或者大家都心中有數），貓貓係第四個，應該唔會再有人知道。
一訓訓到三點幾先起身。@.@
搞下o的相，又睇下張學友（百看不厭！^__^），又一日假期啦！
自從種o左罐頭花，兩位大人真係乜都試下種。蘋果、橙、西瓜……hahha，係我提議，佢o地陪我癲，但到頭來，o的種子晒都未晒乾就唔見晒。早排，媽咪放o左o的花生落土，竟然出芽。^__________________^
有相睇，去睇下！^o^
face-to-face 係最好o既溝通方法。^.^
搭正十二點即撇，趕住搵郵局寄o野。呢期唔知做乜，成日留低電話o係公司，落到樓下先發現……@.@ 日日咁行三十二層樓真係要我命，雖則「分段收費」。
新蒲崗郵政局真係……ok難搵。亂打亂撞，搵到劉德華間母校。因為第一次寄包裹，所以問o左個度o的職員。A職員的表情如我想像般—呆板，聲音一個tone。B職員的對答雖然顯得公式化，但多一個笑容係唔同o的o架！^______________^ 終於寄得出份禮物，希望趕得切小朋友的生日啦！
然後去荔枝角接高迪放工，我o地搵o左附近的一間酒樓hae。KT因為唔記得帶電話，所以陪我o地一齊hae。^o^ 飲飽食醉後，佢o地兩個帶我睇「小背心姐姐」，佢都唔係好黑o者！^.^ 再步行至石硤尾探小文班，KT同高迪滿載而歸。再上埋KT 屋企歇歇，玩下魔術，那個「空中懸浮」簡直一絕，hahhahahhaha……抖完後，再返學校hae。我見過那些小玩意，但唔會駐足觀賞，更加唔會掂，總覺得有點兒那個。不是尷尬，而是嘔心。@.@ 或者KT說得對，這些都是錢罷了。
um……有心情的話再執執呢度先。我知 layer 好用，但係我始終都仲未好好掌握個技巧。@.@ 要努力，努力。我而家先知「iframe」唔係度度support~~~ 又上o左一課啦，thx, KT。我希望可以train 好自己o既long-term mind o既同時，亦都希望掂到o的 e-marketing o既o野。
著唔著制服有樣睇麼？咁我又真係鐘意casual wear 返工喎！^o^
夜晚，同女、大興、Janice、哥利、肥忠、西補祝仔生日。^_________^ 玩到四點多就歸家。
搵日，同高迪佢o地仲有仔佢o地去占卜吧飲Long-Island，都係o個度最正。
其實，一班人難得出來聚一聚已是最好的禮物了。不是嗎？^o^
仔，謝謝你的貝殼風鈴呢。^____^ 話時話，上次Sidney 送給我的風鈴原來帶有「祝君好夢」之意，唔……咁我應該帶返屋企，擺床頭先得！^.^
今日high high 地，一句「玩通頂」出自我口令大興詑異。hehheh……自從返o左工後，都已經好少咁玩啦。It's a nice day~~~
懸疑事一椿，大興張卡同銅鑼灣櫃員機有仇？hahhahha……^___^ 真係好邪呀！
即使做一個過客也要做得投入，但有些時候，冷漠是需要的。
"True peace is not the peace of enslavement, nor a dead peace. True peace comes when all people can live meaningful lives." former US president John F. Kennedy
最近部份政界人士為了「愛國」一詞牽起了一場小風波（小朋友鬧劇？）。
Sidney，謝謝你的幾米月曆。
訓得太飽啦~~~唔……如果「0715」係magic time 的話，KTo既理論應該成立o架，但會唔會有點兒勉強呢？^__^ 0714訓，0715起身。^_____^ 我都係相信「生理時鐘」理論多o的。
相片背後的故事。記者盡了自己責任報導事實，但在人道立場上，又可付出自己的綿力幫助鏡頭中 / 眼前的人呢？
是次《文物建築保護政策檢討諮詢文件》硬銷集體回憶，內裡每一頁的圖片確實又使人緬懷一番，怪不得《時事解碼》主持人說這次的諮詢文件大賣情感。隨著社會急速發展，見證了香港百多年歷史的文物已經賣少見少。數年前，曾有人表示香港政府不善利用這些文物加以發展。是政府不為非不能也？還是政府不能非不為也？另一方面，市民也有責任保護文物。然而，利益衝突往往主宰了文物的生死。
文物留下來的目的是讓後世及遊客對我們的過去有一個認識，有關方面可將絕無僅有的文物以地區性分類，再為這些分類設計一個主題，而市民和遊客便不需要為了一個文物而舟車勞動。
歷史為每一個明天舖路
如果鐘意狗，男朋友就會係咁的話。咁鸚鵡呢？唔係雀仔喎，指定係鸚鵡喎！會係點呀？^___^ 多咀？貪靚？hahhahhaha……專欄作家，解釋下丫！^o^
Sidney 話︰「女仔食剩o的飯的話，老公塊面好多瘡瘡。」^.^" 好彩！Daddy 由細教落唔好食剩。^________^ 但私家豬就……um……
身在台灣o既仔，生日快樂。 ^o^
扮有o野做係好tired~~~一放工，狂訓，訓到而家。@.@ （19/2 早上後補）
和仔，生日快樂。 ^___^
今朝分別見到「JJ」同「KK」o既車牌，如果出埋「QQ」就真係一家親啦！^o^ 其實如果搭車唔訓覺的話，我鐘意四圍望，望到冇o野好望就睇車牌，有o的車牌幾得意o架！唔知以「KT」命名有幾多架呢？我眼見都好多部，仲要係唔同。我諗有排都先出到「WY」lu~~~又或者到時已唔再需要汽車lu。
我係茱迪亞百特？！一頭冒水。@.@" 如果我好似佢讀書咁叻就好lu。
好眼訓，訓la~~~
奉貓貓喻，不可早走。早走是指準時放工。
今日終於的起心肝，將那一套的幾米公仔放入display 盒。看似簡單，但對於我這個粗心大意、笨手笨腳的人來說，足足花了三個小時才弄好。不過，好有滿足感，真係好靚。^____^
閱讀可以帶俾我一種滿足感，但咩滿足感呢？um……又up 唔出喎！總之書就好似寶藏，發掘過程中搵到一種新鮮感。
今日一行十人行山，好耐未試過咁多人行山啦。先坐o左唔知幾耐o既的士去西灣亭—我o地o既起步點，經過西灣村，再路過鹹田灣，以赤徑作為終點。出o左一身汗，舒服晒！
訓o係大草地，望住藍得好鬼靚o既天空，真係好舒服。同沙灘唔同o既係，呢度好靜同大風。~^.^~
行完山之後，好有夏天feel，彷彿夏天已經來臨。今日全程同陽光玩遊戲，手又唔覺晒黑o左，不過塊面就晒到紅卜卜同有o的痛。不過，痛都抵，太陽實在太可愛了。^o^
回程時，見到一個好靚o既鹹蛋黃……雖然坐o係巴士裡面。話時話，快o的搵次去南山路營，順路去鳳凰山（希望我冇認錯）睇日出。^___^ 有機會的話，睇日落都好！因為我未真正睇過日出同日落呢！
呢期睇到九巴o係車門貼上一則有關禽流感通告，讀到最尾，「向醫生告知你到過哪些國家」。雖然我中文唔係好過人，但我相信通告唔應該有呢o的咁o既「WWWWH」字眼。
今日搭車留意到唔少地方都豎立o左「喃嘸阿彌陀佛」，唔知外國地方會唔會有o的類似咁o既o野呢？
今日好開心。^o^
再睇返陶吉吉演唱會，正呀！突然好想觀看外國舉行的演唱會，想感受那些熱鬧投入的氣氛。^____^
今日自己唔爭氣，沒去郵局寄送包裹。希望下星期還能夠趕及他的生日吧！
有史以來，最低一次的卡數。為了慶祝這個難得的數額，我決定下星期一找數。^o^
要學懂拒絕和批評。
「我請呢幾日，你mark 低。」「哦！到時我都唔知仲o係唔o係度。」我喃喃自語。
我是一個百分百的中國人，不是日本人，不是甚麼華裔人士。^___^ 有時候，顧客的疑問令我哭笑不得。
晚上，七友、小文和David 出來相聚。從來沒喝過那麼難喝的 cocktail~~~ Manthann。@.@
雖說買花是浪費金錢，但女孩子到底也想嘗試收花的感覺。一次已足夠了~~~第二次已沒甚麼驚喜，甚至是一種負累。^.^ 姐妹們，襯自己仲有人為自己願意花錢買一束花的時候，要好好珍惜。否則，當你想收的時候，已經太遲了。~^__^~
謝謝，Talie。一直很想儲齊捷運推出的幾米車票，今日終於得到手lu！開心開心。 ~^__________^~
琴晚，同高迪諗o左一個另類小天使計劃，未有定案。而Talie o既 小天使計劃或者可以實行到，聽日再續。
小雛菊越開越大，開花以來最大的一朵。^___^ 可惜，每朝每晚只係見到佢收埋個樣，睇唔到點開得燦爛，期待著星期六。依稀記得罐頭上o既指示，佢只適宜十八度至廿五度o既溫度……我真係冇諗過佢會捱得過咁凍o既天氣，到頭來仲要開得咁鬼靚。唔知而家o既小花lum 又會唔會開得咁燦爛呢？^o^ 擺明貪心…… 小雛菊同怕醜草正好陪伴著出來社會做事的我，每天不斷成長。每天為它們打氣之餘，也為自己打打氣。^_________^
Ricky, thx lei！終‧於‧搵‧返‧個‧ViVi，放心好多lu。
突然好想玩返Johnson 個魔術，但我已經唔記得啦！將張紙左摺右摺都唔得。唔知仔仲記唔記得呢？
串唔起就唔好向我亂吠。
終於用張圖書證借出第一本書。其實，我都幾鐘意圖書館，貪佢夠靜。整日匿o係拉記我又未必得，半日都可以o架！^__^ 我鐘意睇書，只要唔好標明係課本，教科書，我會有心機睇。我呢o的係唔迫得o架~~~只會迫出禍。我能夠o係香港教育制度生存多年都算係一個奇蹟。^.^
o係商務見到《閱讀狩獵》，好似幾得意，得閒打下書釘先。
客串肥草份功課，一路討論，一路回味著埋頭苦幹的我們。做學生的，覺得我們好，因為唔使讀書考試。我，或者好多人都覺得做學生是最好的。^___^ 都係一句啦，要體驗過先會知。
究竟有冇人知ViVi o既下落呢？一個二個都唔知？有點掛心~~~
「生活穩定並唔係重覆自己，而係第一次感覺。」KT改編自《I'm loving it》廣告歌。好有feel~~~
要是願意做下去的話，或者我會因為他們的成績感到興奮和好奇。有時懷疑自己係冷血定反應遲鈍，前者居多。
好想食糯米雞~~~可惜媽咪唔俾，腸胃又唔爭氣。頂！等我好返，食返夠本！>.<
陽光，好靚o既陽光，好溫暖o既陽光，人都燦爛o的。^___^ 好期待夏天o既來臨呢。
昨日一場的馬拉松賽事令我感動，兩位跑手那種難能可貴的互相信任是值得讚賞。領跑員朋友沿路用一條小繩子帶者瞎的跑，直至完成賽事。瞎的曾經給與其他領跑員合作過，但他們常引導錯誤，使他不是碰傷，跌傷，便是刺傷。瞎的並沒因此而退縮，對人的信任未致於失去信心。現在他與兒時的朋友合作，成續更是有目共睹。這段友誼和互相建立的信任是日積月累，他們要好好珍惜呢？而那個瞎的對跑步的熱誠，我更加欣賞，佢學識去點相信一個人。呢一點，或者我o地呢o的明眼人都未必做到。^__^
今晚好似特別多星星。^o^
落雨濕濕，唔想週街去，匿埋屋企幫指甲扮靚（我終於開始掌握到最尾o個個step la~~~）。唔知幾時見到o的陽光呢？好掛住佢，唔鐘意陰陰沉沉o既天氣。
雖說不上自己是守時的人，但會係一個時間觀念好重的人。我唔多喜歡遲到，浪費時間。
畢o左業都已經差唔多半年有多，但睇完今晚o既《鏗鏘集》，又再諗下大學生o既價值。
天寒地凍，來一個熱烘烘的火窩。正呀~~~
雖然氣溫數字成日徘徊o係個位數字，但已經唔再覺得好凍。凍到麻木~~~ @.@
前幾日發現小雛菊又長出了一個小花lum，開心死！以為那朵含苞待放o既小雛菊係最後一朵，因為呢期天氣實在太凍，我怕佢捱唔住，點知呢幾日又俾一個驚喜。頑強生命力的表現。話時話，我真係相信同o的盆裁傾下計，佢會長得靚o的o架！^___^ 我日日都為小雛菊同怕醜草打氣，熬過嚴冬，再盛放。^o^
近日收到一個關於打工仔o既態度，我並不完全認同。企o係經濟角度睇，demand meets supply ，呢一點叫equilibrium pt。但現實世界並沒有可能掂到equilibrium pt，始終會有o的出入。要知道呢個世界你要付出先有回報，雖然有時唔係一分耕耘，一分收穫，但唔付出永遠都唔會有回報。我認為，問題o既出現往往唔係單一個原因。如果工作量多，或者管理階層有誤，但另一方面，打工仔自己有冇檢討自己處理工作o既過程都出現問題呢？打工仔成日投訴OT點唔好，究竟有冇自我檢討過又或者向有關人士反映過？
好一句「天生我才必有用」。個個都識講，但當有人賞識自己時，就埋怨工作多。打工仔有冇諗過人o地點解會咁做？可能大家第一反應係用到盡（當然啦，呢個世界壞老闆多的是。但企o係經濟角度睇，佢o地係o岩喎！有效率地使用資源。如果遇著o的咁o既老闆，就自己執生啦），但有冇試下再諗深一層呢？正所謂「玉不琢，不成器」，又有幾多人可以「一步登天」呢？
我o地唔應該正係將薪酬同工作量掛勾，亦要將工作o既質素同工作背後目的（我相信每一個人都有其工作目的）連埋。
總而言之，我o地並唔係賣身俾老闆，工作上，我o地可以投入，但要適得其所。
今日總算都有o的o野做，時間都易過o的。^.^
琴日食飯，大家講緊自己o既嫁衣裳，講到興起之際，Grace Chan 路過，望一望我o地畫到花晒o既紙……「咦~~婚紗喎！」~^o^~ 查實我o地畫到好花，咁都睇到，勁！hhahah………我同Fannu 絕對係簡約主義者，Yancy o個o的呢真係幾靚o架！^o^ 佢已經諗埋晚裝。hhehehhehe……大家諗起都開心。
見到Connie 個肚越o黎越大，就o黎生得lu~~~我o地驚嘆做媽媽o既偉大。托住一包米五分鐘都已經死下死下，何況要駝住個唔只八磅多重o既肚十個月？嘩~~~諗起都頭痛！@.@ 到生啦，嘩~~~一個人仔就咁出o左o黎~~~生命就係咁奇妙。我o地三個一諗到生o個一下，o下~~~ @.@" um……一次過搞掂就最好啦，龍‧鳳‧胎。^______^ 媽咪話我o地妄想喎！邊有咁易呀？hahhahaha……
《瘋狂初戀》比我想像中冇咁好睇，有點兒胡鬧。
Elton John o既《Heart in every girl》（希望冇記錯）幾好聽，好有Jess feel。
今年利是錢都幾可觀。^__^
天氣寒冷，大家take care la ~^__^~
琴晚睇《向男講‧向女講》，葛文輝o的言行舉止真係笑到肚痛。^___^ 我絕對相信佢做學生時所做o既一切，因為實在太小兒科啦！^o^
自從做完暑期工，我都已經冇好好用excel，o個o的function 已經都變得生疏。^__^ 不過microsoft好o既地方係佢o的小幫手，睇佢o的解釋又學識，得o左！
聽o左一個有點意外o既消息，又或者已經唔算係意外。
yeah~~~陶吉吉o的歌歌好聽，同有心。^o^
希望Sidney 快o的好返啦！^.^
三、四月份將會忙到趴街，今個月係honeymoon。
《Moulin Rouge》好鬼正，以前都應該寫過。呢度再重提，佢o的歌舞場景真係super 正！而《Elephant love Meledy》同埋《Come what may》簡直係我o既至愛~~~真係好正。睇呢套片o既時候，一直以為裡面所有歌係其他人唱，因為真係好正。點知睇返o的曲目，原來Ewan 同 Kidman 都有份參與，呢個係意料之外。另一首值得推介o既係《El Tango De La Butte》，配埋該場o既Tango，正！
繼《Sing in the Rain》，好期待《The Sound of Music》。如果佢來港上演，咁就好啦！
一直唔記得打，美國候選提名人之一—John Kerry有幾分似拉燊。^__^ 開頭對住本Times，凝望，眼熟，拉燊是也。hahhahah……
我有自己的原則。無傷大雅的，我寧可隨波逐流，何必斤斤計較呢？^__^
好眼訓 ~.~ 好唔舒服……
醫生話胃炎喎~~~呢期又做o左藥煲。>.<
上晝仲相安無事，但晏晝猛咁嘔，乜都嘔清，真係清腸胃 @.@ 冇覺好訓！~.~
估唔到《鐵翼驚倩》幾好睇，同《棋王》帶出o既o野都差唔多，如果人可以改變一切，咁預感唔可以作準。