有時候，不得不相信夢境的預言。
最近學會了耍太極，還越學越精，但總也有倦的時候。究竟美國還需要多少時間辦妥一切 setup 事宜呢？實在太……慢了！大家等著 claim garment 吧！ @.@ 真不知道那邊的人有沒有學過那個……不記得甚麼 theory了，MS 學過的，由尾數上來計算多少所需要完成工作的時間。真的忘計了~~~
放工後，與 Ada 吃飯，本以為仔也會到，誰知人在大陸，真的很想取消只因怕有 dead air 令場面尷尬不太好吧！誰知一吃便三個小時，說這說那又一餐飯了，本打算這餐自己做東，最後也由她付。其實，今晚已有心理準備聽她談保險，聽一聽無妨。保險，是時候買了。Daddy 也提過我應該開始為自己買保險。
汲取教訓後，學會了互相體諒，互相協調。知道波仔已為了很多貨忙著，我已盡可能將麻煩度減到最低，不想為他再添麻煩了。如他病倒了，我之後的貨怎算。@.@ 今天謝謝 Johnny！……這個訂單令我有一點點滿足感。
假期近，出糧近，心情特別好，做事也特別有活力。
Yancy 說把戒子掛於項鍊代表自己的另一半已不在世。um……不是將自己最愛的常掛在心上嗎？ ^_____^ 魯爾（希望沒有記錯名字。）、學友也是這樣呢！怎說也好，怎樣戴一枚戒子並不重要，而是那戒子本身的意義。
蠻喜歡《Joey: Nin9 2 5ive》內的插圖與文字。"Take a deep breath. Solitude can be a good thing. Give yourself some time to contemplate about life, friendship or even nothingness."
昨晚發了一個很奇怪的夢，夢見一個小男孩跑上扶手電梯，到超級市場找媽媽。媽媽找到了，卻被她邊罵邊趕出門口。……小男孩除著扶手電梯向下走，我從後望這小男孩變成了一個男人，還一拐一拐地走往一間日式屋……um……好像還有一個女孩輕拍了他一下，給他一個驀然回首……我睡醒了，還記得這個夢有背景音樂（？）很悅耳的，聽那些發音似是日文。……我第一次發夢有背景音樂伴奏。 ^_________^
吃了藥，睡意很濃，整天提不起精神。 ~.~
口才不太好，從來不覺得自己可以串到人，又或者串了別人也不自知……今天心情不太好，事後才知好「應」地串了別人多次。
要是我們細心的話，不難發現一事一物我們也會有所得著……依然記得 Old Man 說的名牌故事。
「給我一個大大的擁抱，什麼語言，I don't care.」《寓言‧張韶涵》
今天做事特別有幹勁，或者 holiday mood 和 出糧日子越來越近吧！
從張婉彤口中得知杜少變了很多，我喜歡 cool 的杜少多一些。 ^___^ 我們真的很久沒見面了，真的需要出來聚一聚。
發了一個很奇怪的夢，應該不是第一次了。解夢篇︰你的工作十分順利，並獲得上司讚賞，會升職加薪。 不知道最尾一句會否應驗呢？
這個世界從來沒有公平，我也沒有強求。只知道做好本份，全力以赴做好能力範圍以內的事。甚麼男女平等，甚麼種族平等只是一個有名無實的，理想化的概念。說到底，每個人生下來的時候已經各有不同，何來平等呢？
有時候會想自己會否結婚。結婚給我的感覺是幸福的……只是那一剎那，試問世上又會有多少愛侶真的可以執子之手，與之皆老？從來我認為子女是維擊夫婦的感情，試問又有幾多夫婦結婚數十年後的感情依然濃情化不開。如果不是有了小朋友，他們早就分開吧。人家說，另一半往往不是你最愛的，真的嗎？怎樣也好，他愛我便是了，但可不要讓我愛他多一點。結婚，不是兒戲。對我來說，結婚是為愛而生。要是我要結婚，首先改掉自己三分鐘熱度的性恪。 ~^____________^~
臨放工的時候，肚子劇痛，胃有點兒不對勁，吃了不乾淨的食物乎？……原因不明。 @.@
Monday Blue，昨天玩了大半天真的不想工作。
紅粉菲菲，神彩飛揚，我愛夏日長。 ~^___________^~
「小時候想長大，逃離不懂我的家。要翅膀自己闖，不讓誰決定方向……成熟不是心變老，是淚在打轉還能微笑。」《天邊‧張韶涵》
多雲，與高迪、安仔、KT 在淺水灣輕度乾煎人肉。最後自己晒到面紅紅，這正是我想要的，健康嘛，而且像搽了一層薄薄的胭脂。 ^____^
經過玩具街，再乘船到尖沙咀與 Taile 會合。最後一次的短途船是與 Old man 與仔乘坐的，$1.70 換來陣陣海風與美景。舒服！
每次經過重慶大廈，總要是過五關斬六將。原來我未曾與 KT、高迪在咖喱王吃咖喱，那上次與誰呢？山楂、安仔、小文、Marco……算吧！今晚與David、Taile、Ivan、KT、高迪吃有另一種氣氛。終於見到阿西說的Johnny，他的出現真令我們 (-__-") hahhahahha……但他介紹的串燒雞又真的不錯。我的最愛依然是巴辣雞。 ^.^ 由於 Johnny 替我們下了大半主意，所以到結帳的時候才知價錢，竟然這麼化算。
今晚明白了乘升降機也要講求技巧的。 ^___________^
再到 Haggen dazs 吃雪糕，那個蒙特卡羅太甜了。
回到家中，享受了一個充滿薄荷味的沐浴，感覺特別舒服。要好好睡一覺了，為明天努力。
薄餅的招聘日。
放工後與Taile 、高迪午飯，再到呼吸過了一個下午。"When I was just a little girl, I asked my mother what will I be. …… que-se-ra, se-ra, whatever will be, will be. The future is not ours to see, que-se-ra, se-ra, what will be will be." 十年後的我們會是怎樣呢？ ^___^
熱播張韶涵《Over the rainbow》，極力推介翻唱的《Over the rainbow》、《寓言》、《我的最愛》、《天邊》、《聽見月光》、《雨後》。
Dear old man,
How can I forget you this cheerful old man? I'm just afriad you forget this little girl. :) Yup, it's really long long time and sorry for missing the meeting again and again with you guys. I still not have a drink with you yet. Busy "Pak Tor" these few days with my work, just want to recharge at home after work.
How you guys to finish 2L sake? I believe Yuki didn't drink so much. Gary said you guys are "wing wing dei", isn.t it? ~^___^~
Take care ~ waiting for next meeting!
害怕別人哭，一哭心也軟了。
總覺得這星期有很多奇遇，還是平時我沒有留意呢？
希望星期天也是這麼好天氣便好了。天氣好，心情好。
究竟我做了甚麼令人誤會我是一個高材生、「竹昇妹」，真的百詞莫辯，一笑置之。^.^
Referral 的計劃看似頗成功，不過，數月後才可見它的真正成效。我們常笑說，這個 Referral 是陷害自己敵人的最佳方法。 ^_____^
張婉彤，要放鬆自己，過份自責不能解決問題。我完全明白你的感受，自己也是過路人。
今天實在太累，很早便回家休息。 ~.~
二三十年前，寶島歌手在港紅遍一時，這潮流延續至今。
原來昨天是 Mark 的生日，趕快補上一句生日祝福。
整天忙著，很疲倦。
花生花開不足一天便凋謝，Daddy 說她會鑽入泥土結果……有住家花生吃。hahhahha……今晚又有一朵花苞，那麼現在有兩顆花生了。
推介張韶涵《寓言》，一個不錯的作品。
忙壞了，時間也忘記了；放下所有工作的時候，才發覺自己倦透了。
Mark 失驚無神問了一個奇怪的問題，謝謝關心，現在還好。離開的時候，我總會向他說再見。說到底，他真的幫了我不少。 ^____^ Fanny 與我心中已有一張要說再見的清單了。
數天前，Yancy、Fanny 與我想了一份好好的禮物送給自己，也送給 Grace Chan。正所謂物輕情義重，這份禮物真是不可看小，不過，我們何時才送得出去呢？ ~^_________^~
原來花生開出的花是芒果黃色的。日出像一朵小紅掌，日入像一朵馬蹄蘭。話說回來，這朵花的變化真的很大。昨天離家前才發現這小花苞，回家時發覺它加速長大，今早已開花了，生命就是這麼的變幻莫測。
謝謝小雛菊、怕醜草、白豆和花生讓我真正領悟何謂生命，她們每一天的成長變化確實令我思考了不少人生和生命的問題。只要環境和健康許可，我絕對贊成家長讓小朋友飼養寵物和種植。
想不到今天天氣這麼好，這是巧合嗎？ ~^.^~
這兩天在電腦面前埋頭苦幹，好讓尚未現形的網頁盡快出現。 ^___^ 喜歡動手做網頁的其中一個原因是那份滿足感。我的畫功是不堪入目的，幸好 這個世界有 photoshop，遲點再試試 Freehand 有甚麼好玩的地方（今日無意中才發覺自家的電腦已安裝了好一陣子，遲鈍！ @.@）。其實，一些簡單的幾何圖形加上顏色的配搭便構造了一幅「見得下人」的美術作品。滿足感也來自「新大陸」，有些功能從來沒有試用過的，偶然用了才知它的好，以後便緊緊記著這個「新大陸」。而建設中的網頁是以某 template 為藍本，雖則稍改 template 的內容便可以公諸於世，但我喜歡由零變有的感覺。想不到自己也可以做到，那種滿足感猶如成功解決了一條複雜的數學習題和深深體會何謂「工多藝熟」。 yeah~~~
昨天的極度天陰陰及今天超級勁好天打亂了我的計劃。最後大半天的時間與電腦為伴，餘下的時間與高迪他們一起當贖罪，說到底自己也算是「放飛機」吧！ ^.^
今晚去了一間名叫 Clock Work 的 cafe 用膳與消遣，這間 cafe 在我的 cafe 清單中最有住屋 feel。很久沒玩過的「生命之旅」和「大富翁」盡是我們今晚的玩意，這兩個玩意蠻有意思的。我的生活態度—平淡是福，享受生命。至於財富，它可以使家人和自己溫飽及有一點點的享受便足夠了。我不是一個好的投資者和生意人，這點我可以肯定的。
天黑黑，下了一場大雨，幸災樂禍的我很想行雷閃電，另一邊廂，又多麼渴望明天放晴可讓我與陽光玩遊戲。
整天吃，吃，吃。 ~.~
星期天的陽光與海灘的計劃滑鐵盧。 @.@
雖然今天是 Happy Friday, 但整天忙著，放工後最想即刻歸家。家，自有她的魅力。
近期不少書籍以必到地方為題，身在香港的自己不其然翻看香港那一部份—州際酒店，全因一個天台的泳池伴著無敵大海景（但願我沒有記錯吧！）山頂、維多利亞港。我相信這顆「東方之珠」值得欣賞的地方還多的是，至少她的歷和文化也吸引人吧。
謝謝 Sidney 的手信。 ^___________^
原來小朋友生日那天發高燒，現在已沒大礙了。每個媽媽都想給自己兒女最好的，我看不懂信中一圈又一圈的文字，但明白她的感受（這裡要謝謝那位翻譯人員）。每個媽媽都想自己兒女有出息的一天，而這個媽媽同時也希望這個小朋友長大後能夠對自己的社會作出貢獻。
我喜歡收朋友們寄來的信，因為可從字裡行間、字體得知他們最近的生活。可惜，我從來沒有寫信的習慣，因為懶惰之過，而身邊的朋友們也看似沒有這個習慣。
今次要認認真真地回信。
這數晚，深夜咳得很厲害，幸好 Daddy 給我倒了一杯暖水，我才可以繼續睡到天光。 thx, Dad ~^.^~
《翡翠戀曲》是一套很長氣和婆媽的電視劇，看到自己心也煩。這套劇集令我想想故宮博物館的白菜，真的很漂亮和有心思。
星期天間中有大雨及狂風雷暴，怎麼搞的？為甚麼每次想與陽光玩遊戲的時候，偏偏這樣對我？莫非要我發功不可？ ^_____^ 我要陽光與海灘。
Yancy, 生日快樂！心想事成都唔係好貪心o者，呵~~~ hahahhah ^___^
唔知點解琴晚臨訓前到今朝起身都凝住今日係星期四，放假放到冇乜時間觀念，明明臨返工前一晚數過自己仲要返幾多日，係四日，點解咁快星期四o既？……醒返 lu，今日回魂 lu。
我唔會係一個好領袖，但我會係一個好 supporter，好backup。 ^.^
我係唔係攬得太多o野上身呢？義氣唔可以當飯食。
終於收到由大澳寄出的明信片，開心極了，但私家豬話我無聊。享受生活，便要在生活中的瑣事發掘樂趣。 ^_________^ 張卡真係好靚o架！
我要發功，我要星期日好天去沙灘同陽光玩遊戲。 ~^.^~
「學生最沒有資格批評特首。」羅范椒芬。羅太，咁請問邊個最有資格批評特首呢？講o野都唔經大腦。
一個二個都未回魂，好唔想做o野。 @.@
放o左工，o係 Starbucks 等 Fanny 放工（我真係唔想 heir o係公司）買禮物。 ^___^ 我地都覺得 J's o的介指幾吸引，搵日再睇下先。
總覺得劉愷威o係《皆大歡喜》做大哥大略欠說服力，年、月做佢大佬就差唔多。
KT o的 web template 簡直令人著迷。 通常人o地會寫好大綱、設計先動手，我就比較鐘意一路做一路執，因為我知自己有排 plan，plan 完都未必做，與其係咁，不如邊做邊執。……唔知幾時先整完呢？雖然我只要寫返o的函就搞掂，但我堅持配件係要自己整……不過好傷神呢！
病到瘟瘟鄧鄧，腳步浮浮，出街唔記得拎身份證，行街死扯住私家豬，真係好 tired。
買唔到外套，但買o左件風褸，我至愛的藍色。
KT 隻碟真係引死我，睇晒 lu，對 border 認識又多一點點。好想重新大裝修個 hp 添！ ^__________^
有相睇~~~
都係一句，計劃係用o黎打破。今日同KT、Ricky 去深圳，全程係開心同埋「棟棟 -__-lll」o架！hahahhahah……
今日係我去幾次深圳行得最多地方（穿街過巷）o既一次，tired but enjoy，旅行應該係咁o架！想睇多o的o野就要行，我從來唔當深圳係一個行街o既地方~~~ 書城必到，唔買又買就係我啦！^___^ 去親旅行總要玩失蹤，但我冇心~~~只係想睇其他o野 ^o^ 之後，佢o地兩個係提出好多縛住我個方法以防走失……我相信係冇用，我一定會想盡辦法去擺脫。hahhahahahhah…… ^____^
去 illy 飲杯咖啡歇一歇，不過o的咖啡同 Tiramisu 有改善o既空間。再到「電腦城」，我唔想用括號，但唔用又真係有點兒那個~~~唔知點講啦，總之一句講晒，吹脹。
最後一站係狗不理，o的o野食都 ok 唔錯，如果有埋豆腐就最 perfect 啦！可惜冇貨丫，但奇就奇在冇椒鹽豆腐，但有紅燒豆腐喎！…… 最後侍應小姐醒覺話呢個都冇 -__-lll 再點一個炒西蘭花……冇晒~~~但炒螃蟹蛋有呢個伴菜（唔記得啦！）~~~ 或者最後一棵西蘭花就係咁樣用o左啦！
返大陸或者去台灣，首先要學識過馬路。今日過馬路真係過到……@.@ 今日麻煩晒兩位啦！如果深圳城市規劃再做好o的，我會覺得係一個唔錯o既地方， I mean 金鐘隔離就係深水步，配搭怪怪的。又或者咁先係佢特別之處。其實深圳可以發展成一個娛樂城，集所有娛樂於一身，還掂咁多地方，「手泵」骨、桑拿、Disco、酒吧、桌球室、賭場、保齡球場、coffee shop、賽車場……不過首先要整整個市容先。仲有一樣，就係大型遊戲機中心，鐘意打機o既人應該會被 Fantawild Funplex 裡面o既遊戲機（o係東門）吸引。
真係好 tired~~~ 腳仔軟，thx Ricky and KT. ^____^
理想旅行︰歐洲遊，必到北歐，因為我覺得北歐係一個神秘o既地方，或者少讀佢o地 o既歷史吧！再去俄羅斯，然後搭火車經內蒙古（遲o的去，大草原都冇埋！……沙漠化……），再去北京，再去廣洲探阿姨舅父，回港。希望遲多幾年我可以實現呢個理想旅行……因為咁玩法實在需要時間同埋錢錢。要努力，努力。 ^_________^ 如果 Sidney 知道我咁玩法，肯定話我找辛苦。~~~ 不過學張婉彤話齋，呢o的可能受到 Miss Wong 影響，我o地唔試唔安樂，我o地鐘意咁體驗旅行樂趣。 ^o^ 有少少似《百份百感覺》中的楊千嬅四處流浪。
工作，為生活而工作，為享受而工作，為自己理想而工作。
坦白說，呢四日所使費用當係去一次短途旅行，所以有咁豪玩咁豪。 ^__^
感冒了~~~幾驚發燒過唔到關。 @.@
續……因為太累，只係打o左一部分。
其實大家而家做緊o野，又難得一聚，食好o的，試多o的係值得o既。 ^__^
計劃係用o黎打破。原定今日同大興佢o地上深圳，變o左大嶼山一日遊。此遊對我o黎講幾新鮮，因為我從來未去過睇大佛同大澳。不過呢，大半程都係o係巴士上訓o架~~~ 由碼頭坐o左成粒鐘車先見到大佛，真係山長水遠，當中有段小插曲，對我同個女o黎講係非常嘩然，此乃家教乎？
大佛下o既樓梯俾我想像中少，而大佛個樣又真係幾慈祥同埋好好笑容。 ~^__^~ 唔知點解我會鐘意香港o個o的佛樣多過泰國、郭煌o個o的，因為我覺得後者有點兒恐怖。
再搭車到有「香港威尼斯」之稱o既大澳。我未到過威尼斯，所以我唔敢話似定唔似，但係肯定o既係唔係我想像中o個個大澳，或者太多遊客熱鬧一番吧。吃了下午茶再四處蕩，路過郵政局，把剛才買下的明信片（真係幾靚，topic 係船）寄回給自己，快點星期二、三。
再步入村內，感受到一片寧靜，舒服。不過，一日起兩日止，長期咁o既生活我又唔慣。
再乘車到東涌，再轉去火炭德記吃雞粥。那個套餐又真的不錯~~~
Today is enough, not busy at all.
去食印度o野做晏晝，老闆（？）俾優惠我o地，我o地又唔會貪呢o的屋村生意便宜o既，一貪就大貪o的啦！ anway, 今日o個個蜆肉意粉幾好味，遺憾o既係食唔到芝加哥辣批，老細話買唔到o個隻專用沙律醬。……次次去親o個個一定食得好滿足。 ^________^
今晚好熱鬧，難得咁齊人相聚一刻。十七人……等我數下先，七友、聰、Pinky、Ling、佢男朋友仔、大衛、和仔、兔仔、小龍、拉燊、佢女朋友仔 o係 La Cusisine De MEKONG 同山楂慶祝生日同埋享受一頓極之豐富o既晚餐。我鐘意o個個冬蔭公、吊燒雞同埋青咖喱。晚飯過後，捧 Suanne (咁串？) 同 Alex 場。今晚玩得咁開心，要多謝 serve 我 o地 o既 Cow，冇o的咁好玩 o既 waiter的話，氣氛就好唔同了。要多謝 Suanne 同埋 Alex o既演出同熱情，情緒高漲只因有你。 ~^________^~ 基於呢o的同其他原因，我o地就將之代替原訂「鯉景灣之夜」。
好多人都會問「WHY」，但亦都會有好多人唔會繼續問「HOW」，冇「HOW」又何來「DO」呢？
好眼訓，訓啦，早抖。 @.@
7/4/2004 (WED)
山楂，生日快樂。祝你健康快樂~ ^____^
應承過 Karen 會整o野俾佢食，結果整o左個 Tiramisu。又話可以做六至八人分量……五個咋喎！唔知係咪落o的牛奶唔夠呢？但私家豬話少o的仲好……咁即係點呢？查實我整完都冇試過，我唔知咩味道，但佢o地一個二個話好食就得啦！最緊要 Karen 鐘意呢份小小 Farewell 禮物啦！希望冇食到肚痛啦！ ^____^
某程度上，我會好我行我素，唔會跟大隊，就算大局係點都好。亦都可能因為咁令人誤會，如果呢個誤會可以加我人工的話，咁我又唔拘。最衰冇清楚留意 Grace 講乜，聽得半桶水……月尾就知啦！anyway, 我真係唔多喜歡呢o的咁o既形式活動，除非我係 organizer 啦！呢o的咁o既活動一次起兩次止，唔想受咁多人恩惠，然後奉旨幫佢做多o的o野。
《我的野蠻女友》其中一幕令我印象深刻和感動—車太賢在餐廳細數全知賢的一點一滴。
唔記得多謝乖女添，thanks for your Micky 杯墊，o係屋企大有用武之地，咁我媽咪以後唔使成日搵報紙墊住我隻杯睇書睇雜誌啦，皆因佢怕我倒瀉o野喎！ ^___^
應承過 May 同 Yancy 佢o地整 Tiramisu，我會，不過係遲早問題o者。 ^.^
完全回唔到魂，下星期三先可以回魂返工。 @.@
今日薄餅 server 中晒毒，我o個部托賴就冇出現咩大問題，算係做晒o野，如果唔係，今日有返等於冇返。
同Karen 食飯，先知道 Yvonne 係中學 o既師姐，有o的搞笑。仲聽到好多薄餅花邊新聞，呢o的o野聽下就算，唔想加把口。記住，慎言。
結果係整o左 Tiramisu 俾 Karen 食，已經叫定佢帶定止痾丸以防萬一。o岩o岩先整完，我唔知有冇結果o架！ ^___^ 呢次係我第一次整o野食當作禮物咁送俾人，獻醜啦！希望佢將就下啦！ ^.^ 唔知聽日一別，幾時先可以再遇呢？
連續玩了兩晚，很久沒玩得這樣痛快。今天要好好休息一天，雖然今日好想出去買衫。~~~~但都走o左去訓覺。 ^.^
繼續昨天的話題，我o地要識問 WHY 之餘，仲要學識問 HOW，然後一手一腳落實。
去睇下相相丫，今次純粹加o左字，乜都冇再搞，因為佢o地本身已經做到我想要o既o野啦！ ^___^
為o左同太陽伯伯見多幾面，十點鐘已經起o左身。
一起身就不斷咁食o野，麥當當完，又食飯……另一至愛蕃茄湯。
走o左出去沙田，無心插柳柳成蔭，買o左件外套仔。再出銅鑼灣同個女行街，行到咁上下同黃黑波褲友仔o係「Herpa Cafe」食飯。從窗外一望便是一覽無遺的香港夜景，尤其是那幢中環廣場。由於座位位置的關係，倚著梳化望著對面的仔和大興的一言一語尤如安坐家中看電視一樣。hahhahhah……一做就做o左四十五分鐘。 ^____________^
哥利、Jenise 同 Dee o係 Paris join 埋我o地。哥利真係成熟o左，唔正止係衣著，係o個種……唔知點講，總之係滲出o黎啦！題外話，呢度o的玫瑰花紅茶好甜，甜到漏。
再轉去 La Casto 飲o野。自從出o左o黎做o野，大家話題離不開工作、住屋、結婚、人生目標。講開結婚，究竟我o地係為愛（人）而結婚，為面子而結婚，為一刻衝動而結婚，為層樓而結婚，為錢而結婚？講開人生目標，究竟係為錢？為生活？為開心？為愛人？定為自己呢？
一傾就傾到三點多，閃啦~~~
三個鐘是非常易過的。Kalvo ︰「乜你o係公司都會有朋友？」究竟Fanny 佢o地算唔算係我朋友呢？有時講親佢o地o的o野俾屋企人同你o地聽都窒一窒，應該點介紹好呢？anyway, 我會記住同佢o地一齊工作o既日子。……講到好似唔做咁！ ^.^
放o左工之後，油尖旺我玩晒。睇下書，睇下衫，睇下玩具，o係麥當當食o左個吞拿魚批（好掛住自己親手o個條「魚」 ^__^），o係無印買o左包材料整 Tiramisu （全為了 Karen 而整的）。好鬼free~~~
山楂終於放工，買完對鞋之後開餅。呢個世界好得意，刻意去搵，去諗o既時候，偏偏搵唔到，諗唔到。尖沙咀話晒都係 CBD，點會冇o野食呢？又或者太多選擇，又唔知去邊度好。結果，「六友」加小文、Mandy o係「上海坊」開餅。o個度o的服務唔錯，o的o野食 OK，同埋o黎得快。但唔知點解上海菜館會有「杯麵」食o架！ ^.^
高迪買o左對木乃伊鞋，搞到我都好想買。我要忍……唔可以亂使錢，儲錢，儲錢。
山楂有「任務」在身，要提早撤退。之前聽大興同同事講過諾詩佛臺這地方，但今晚是我第一次光臨這地方。我會覺得呢個正過蘭桂芳。 ^____^ 我o地去o左「La Cuisine De MEKONG」飲o野，該層佈置配合泰越緬東寮美食，好有東南亞 feel……restort feel 會比較貼切o的。兩位外籍人士唱歌娛樂大眾，而我o地坐得耐o左，人又 high o左，唱埋一份。全晚玩得最投入，最熱鬧的，非我們莫屬了。
以前去酒吧劈酒，然後「轉型」cafe，再轉型去酒吧傾下偈飲下o野。不久將來就去嘆茶。
今日看了一本書，「零」確實是令人摸不著頭腦的。其實，宇宙論同人生睇法絕對可以混為一談。
It's a wonderful day. Thanks all. ~^___________^~
對我好o既人，我一定會雙倍奉還。
Kate Ng 投訴我傳染o左「發癲症」俾佢。well~~~我由頭到尾冇承認自己正常過。或者咁講，我o既「正常」即係你話我「發癲」o既時候。當我一本正經o既時候，一定有事發生。……我o地要好好為個假期而努力。
琴晚發夢見到阿漢、何老師、陳靜雯（小學時代的小師妹）、中學的課室，但唔記得發生咩事啦！
小學時做風紀，睇住小一的豆丁們。咁冇記性o既我仲可以記得佢o地個名，龍鳳胎的陳靜雯同埋佢細佬，佢o地係我小學老死o既細佬妹，所以我特別照顧佢o地。顏小妹妹，膚色黝黑，肥o都o都，很可愛。峰峰是一個聰明伶俐的小男孩，一見佢就好想同佢玩，一句講晒，人見人愛。鄒淑雯，班長仔，一個幾盡責同埋有少少野心o既小女孩。如果順風順水，佢o地而家都考緊 A-level。 Anyway, 希望佢o地幸福快樂。
就係因為呢個夢，有一刻衝動想寄信俾小學時代o既朋友仔同埋上面提及o既小師弟妹。不過，自己又擔心佢o地己經唔記得自己。即使記得起自己，又害怕人家變成怎麼模樣，為自己惹麻煩。……人o既關係，有時我o地將佢複雜化o左，變得越o黎越疏離。
呢期一個二個都病晒，各位保重呀！