暴走……完全任性地暴走。呢期好辛苦，同埋好有挫敗感。本來一切安排妥當，告一段落之時，又出現問題……心諗︰咁急趕批貨出o黎做咩呢？白做。自己甚少受人氣，而家乜氣都要受，我真係好唔「鋸」~~~冇法，鬼叫自己係CS。
「城大頂瓜瓜~~~」城宴金句，亦都係校長金句。「一‧一‧五……」校長用普通話朗讀得獎者的名單，「二‧二‧五‧二百二十五號……」男司儀緊接宣佈校長口中的得獎者，全場發笑。@.@ 兩個解釋，一、司儀太緊張了。二、校內的普通話課程未到水準。沒記錯的話，男司儀是BBA的學生，必修一個普通話課程，仲要係基本普通話。相信數字也是基本課程之一吧？
隨後，七友尚欠Talie 去「呼吸」hae。每次去親呢度都好舒服~~~一直hae 到兩點多。等小巴等o左成半粒鐘~~~tired 啦，乜都唔理就訓啦。^.^ 這星期沒好好的睡一覺。
唔知幾時可以清晒o的貓貓呢？@.@
呢期交上o左「見客運」，今日又見~~~唔忙o既時候都唔見，正一瘟神。仲要每次落單都話要兩日起貨，都痴線！預o左都唔會係靚仔，但通常都會事與願違。側面勁似王力宏，正面同style 絕對係Ivan Siu翻版。條友改名都衰過人，只有佢得o架咋！咩名？無謂爆人私隱啦，不過好易估o者~~~「只有佢得o架咋」^__^
為求聽日準時放工，不斷做，做到2130先走。媽咪心痛呢~~~無法啦，而家係咁o架啦，食得鹹魚抵得渴。
《衝上雲宵》，好睇。琴晚吳鎮宇失驚無神拉二胡（雖則係假）~~~絕對係笑位。hahhahahha……所以呢，點做到夜呢，都要返屋企睇呢套劇。
忙到趴街，都係一句，真係唔好以為我o地一收到單，click 個掣，o的貨就ready。係咁易就好啦，咁就唔使煩啦！
今日真係好tired~~~~~~~~未試過咁tired。
有時，我會好似o的小學生咁，因為留堂做功課而感到無奈，心諗點解做極都做唔完？諗下諗下又想喊！雖然我明白「長命工夫長命做」，但係半日時間可以做好多o野。~~~我再咁堅持咁做法，我就o黎癲o架啦，做死自己。
快o的放假啦，我真係好想抖一抖。我撐不來了……放‧假。~.~
都係忙~~~一追再追~~~
數字，係冇可能同佢脫離關係。今天滿腦子數字，不斷幫個韓國客整理佢o既payment。呢個客最好o既係，錢佢會俾，即俾，搞到而家overpayment，足足可以cover 幾張單。其實呢期o既工作勁train 我o既邏輯思維、數字邏輯（最討厭，但偏偏要正面交鋒），而呢o的範圍亦都係我一直最弱。
結果都要搞到七點先走得。貓貓病o左去唔到，Karen 佢o地先行，我同May 後join。如我所料，May 係不斷食，食，食，今晚終於聽到佢講︰「好飽~~~」。爭一隻生蠔就可以食足成打^.^"，生蠔怪。
我就最鐘意o個o的熱到噴煙o既葡撻，名正言順新鮮出爐。
乜警車、救護車同埋消防車o的be-bu 聲唔同咩？警車同消防車好似係~~~下次留意下先。
小雛菊個花lum已長出了兩星期有多了，還未開花。不只是我心裡著急，Daddy 也是呢！或者媽咪講得o岩，朵花花小氣，怕自己開o左，我o地就唔會成日望佢。
……呢幾日見新聞講加州大火（冇記錯掛？）燒毀o左好多林木，自己都有少少心痛。再諗下自己平時點用紙，shit……做成百幾世樹都未還得清呢筆債。希望有及時雨啦，快o的淋熄o的火。呢場火唔正止禍及樹，仲有動物、人同財產。
預o左今日忙到趴街，但冇諗到今日要見客……~.~ 諗住食完飯後有時間準備下，點知一返到o黎，韓國人等o左我好耐。由於第一次見客，我驚自己擺大烏龍，搵May磅住~~~今日做得最唔好係，就係最簡單o既o野—握手。經過呢一役，我終於知道卡片的用處，雖然會冇乜幾可用。um……我諗真係鐘意對人做o野多o的，一個短暫關係最perfect。
其實今日一早都ok「文曾」，雖然已放了兩日假……當一知道要見人的時候，不斷提醒自己呢次meeting o既 purpose，我o地係要解決方法，唔係追究o既時候。
聽日要準時收工，同貓貓佢o地buffet。真係好想知May 係咪又係不斷咁食？我一直好奇想問︰「你有冇擔心咁食法會肥呢？」^___^ 佢真係anytime 都係食，食，食。hahhahahha…… 唔知下個月係咪BBQ呢，十月未過，已經諗定十一月。^.^
《衝上雲霄》第一集大玩緣份遊戲，不過呢套戲真係幾吸引人，將會成為我力追的劇集。不過呢，石修同吳鎮宇做父子真係欠缺說服力喎！^o^ 仲有o既係，吳鎮宇個頭好搞笑呀。
o係度順便覆埋貓貓……屋企o既自己。唔……我真係好介意自己o係屋企講粗口，但有排講得多得滯，返到屋企都爆，雖然冇俾人話，但好似唔知點咁。而家，真係好激氣o既時候，就會毫無避忌講。其實屋企o既我同你o地面前o既我應該會係差唔多，發脾氣，ok需要人take care、「乙水」。
其實，我真係好唔想將工作，甚至工作上o既情緒帶返屋企。但係有時真係好唔順氣，谷住谷住，就會搵o的自己信賴o既人發洩。我知咁做唔o岩，但我真係忍唔住。
轉工？我會，但唔會係短期內，我諗至少做o左一年先走，起碼resume 都算靚o的丫！
至於係「七友」好？「七小福」好？開頭我會揀後者喎，但係呢，一諗到七個小矮人個名，就好似好o的喎！唔……我諗sleepy 似我掛？雖然我都成日發嬲。高迪點會似Sleepy呢？Talie？o下……唔係化？你睇我丫，去到邊訓到邊，幾嘈都訓得著。訓得幾飽都可以繼續訓。我諗呢個理由夠充分啦掛！ ^_^ 無人能及o架啦，放棄同我爭啦！hhehehheheh……其實，我一直懷疑自己係咪患上渴睡症。ZzzzzZZzzzzzzzzzzzzzzzzz
醒起前幾日想寫咩啦！我o地三個o既style 都差唔多，成日o係完全無com 過之下，著埋同一款式o既衫，真係幾好笑o架，仲要大家都係心血來潮。我仲想寫o既係《豪情》最有印象係Kenny G。hahhaha ^__^
聽日要準時放工，加油！^_^
沙律，謝謝！~^.^~ 沒事的，發完脾氣便沒事了。你呀，take care啦，病‧人！記‧住‧戒‧口，仲有呀，多o的休息。 ^3^
逛o左陣旺角，實在太多人啦，行o左陣就返屋企。星期日，
我會喜歡留o係屋企，做乜都好。玩下紙黏土又好，煮飯仔又好，心情靚到爆時執屋乜都好，起碼真係有一日絕大部份時間stay at home。平時返工都已經冇o左時間o係屋企，放工食完飯沖完涼就訓覺，冇真真正正感受到家o既感覺。
再試下自己包餃子，好玩~~~
好耐冇掂過部DC，搵日啦~~~天時地利人和先可以影到靚相。
唔知出年生日可唔可以旅行中渡過呢？我好想……問題係時間~~~ >.<
一放工，o係又一城等山楂一齊買送……好彩冇買汽水，拎死！
今日試o左三個第一次。第一次真真正正學洗菜，仲要俾山楂笑（^.^"）。第一次包餃子，包到好鬼樣衰。第一次整吞拿魚批，總覺得好似玩紙黏土咁，好好玩呀！煮飯仔都係玩下好啦~~~
o係山楂屋企hae 完，再出銅鑼灣join 大興佢o地。實在太tired，同埋o個間bar 俾我感覺實在不太好，坐o左陣就走~~~
sorry~~~ （10/26 後補）
都係忙，唔知第幾次甩底，……點樣樣？>.<
夜晚，同KT、高迪、基睇《豪情》，冇咩特別驚喜。套戲話係勵志片，唔……爭o的。大膽？唔覺……
sorry~~~我都係好「文曾」，就o黎激死我啦！（10/26 後補）
記不起了……忙。
很「文曾」~~~ 又話今日ready，頂，又甩啦！>.< （10/26 後補）
忙……
以前覺得檢查貓貓、回覆貓貓是很討厭的事，但現在漸漸覺得它已是我的生活一部份，或者這樣說罷，不由得它成為我的一部分，三分一時間檢查、回覆貓貓，這只是工作上的。回家後，再看看自己的私人貓貓，又花了不少時間。已慢慢習慣了……^___^
忙……記不起發生了甚麼事了。
Grace Chan 教了我們整冰糖士多啤梨，她說很容易呢！我也想試試看，不過首要條件是一隻易潔鑊。22/10 後補~~~
20/10/2003 (MON)今天May 放假，做完手上的工作便走。
「七友」^___^
《Shining Friends》終於得到手了，愛死了。~^.^~
學識多了，思想也變得複雜了，這是合乎情理的。偏偏越學得多，懂得多，便越想追求簡單的生活。
今天May 放假，做完手上的工作便走。
「七友」^___^
《Shining Friends》終於得到手了，愛死了。~^.^~
學識多了，思想也變得複雜了，這是合乎情理的。偏偏越學得多，懂得多，便越想追求簡單的生活。
好耐冇試過一覺訓到兩點……訓到好飽呀！^o^
「龍咁威」~~~好！Matrix與Magic，只有我o地三兄弟姐妹先知！俾隻私家豬激死。
今晚私家豬搵返黎明o的舊作聽，最愛《傻癡癡》。
《鏗鏘集》‧孩子不見了。節目內的受訪者沒有計劃生育，是因為責任問題，害怕自己不能夠好好照顧BB（錢錢、壓力）。是的，even 我結了婚，也會基於這些原因不想生BB，雖然好鐘意BB，但生兒育女是一生一世的事。不過，要是傳宗接代也是一種責任的話，你會怎樣選擇呢？^o^
因果循環，要是出生率仍保持這個增長，香港的未來發展真的不敢想像。
兩日假期咁又過o左啦。>.<
今日回校取畢業袍，心情難免有點兒興奮。
取袍過後，到闊別多久的Canteen 下午茶。未見過David 這個look 喎！車仔麵o個個哥哥仔都唔知係咪想搞事，哥哥仔︰「姐姐，要乜呀？」姐姐︰「er……」哥哥仔︰「姐姐，有雞翼、豬紅…」姐姐︰「咁呀，我要雞翼同豬紅啦！」哥哥仔︰「姐姐，冇晒米粉，瀨粉得唔得？」姐姐︰「哦！」哥哥仔︰「姐姐，你等陣先啦。姐姐，得啦！」站在姐姐旁邊的我自不然笑了出來啦！肯定哥哥仔玩o野啦！雖然他隔著口罩，但他的奸笑我是看到的，hehheheheh…… ^____^
今晚又到了talie 媽咪屋企食飯（我差點兒忘記了！），真的不好意思呢！麻煩了她和uncle 再煮雞扒給我。~~~不過好味道，雞肉很嫩滑，那些酸酸甜甜的蕃茄汁更令人開胃呢。還有那個Pear in Red Wine也不錯啊，酒味不重，再沾上少許煉奶（定花奶？我分唔到，總之係奶）和巧克力醬，其味無比。yummy yummy~~~
飯後，我和山楂他們外出買宵夜。回程踏入門的第一步，見到一班大男孩坐在門前的感覺是很奇怪的。這班大男孩成熟了許多呢，不再是以前那班亂吵亂嚷，係又唔係都要con人的臭小子了。在我們三個女孩子眼中，你們真的長大了。而我和山楂倒不覺得自己有甚麼變，或者旁人眼中的我們又變了許多。 ^_^
順道回覆貓貓，亦回應下《who I am》「94. 我從來唔相信「友誼永固」，但我想試下……」我想過當我們成家立室後，大家會否保持聚會。劈低仔女，由佢o地自己玩，而我o地一係坐埋一邊談天說地。我希望可以keep 到。~~~really~~~Please note that Yan really wanna have it, wanna know what the feeling of FRIENDSHIP FOREVER is.
點解你o地個個認為我會閃電結婚，要仔唔要公o既？^o^最弊連相識不久的同事都係咁認為，我係咪真係咁任性呢？……閃電結婚？我唔排除，但亦都唔排除唔結婚。要仔唔要公？咁又唔得，最多我會領養細路o者。不過好多o野都係估我唔到o架，一想就要做。 ^o^ 或者連我自己都估唔到。
Happy Friday~~~ even 三部戲都未落畫，都輕輕鬆鬆handle。留返下星期一先發癲。如果唔係應承買o野俾細佬食，我諗會做晒所有o野先走，even 過o左1730 貓貓一樣受理。永遠放假o既時刻在即，我先係開turbo o既時候。
今日晏晝又去o個間好好味o既小店食o野，三個放肆地慢慢食到1345。由於店內氣氛實在悠閒，我一路食，一路諗，o係度坐足一個下午，慢慢食，幾舒服呀~~~不過先撇除出面車來車往o既馬路。嘆~~~^___^ 今次o既肉排依然好好味，薄餅唔使講啦，好食到飛起。^o^
雖然每一日起身刷牙時，對住鏡中自己講︰「今日要加油！」原來我一直冇o係放工時同自己講多謝自己一日o既努力。由琴日開始，我放工同自己講︰「今日辛苦晒啦！」Kate 教o既~~~好似o係日本公司做o野咁。 ^__^
又唔知幾時開始，返o黎第一件事就係開outlook 睇「新聞」啦！真係好新鮮o既新聞，有時真係睇到笑，呢期最精彩的一句係︰「OK丫，錢唔係一個問題。」文仔好豪呀~~~~ ^___^ 有時睇到o的o野想覆，但覆貓貓，佢o地第二朝先睇到，out o左咁！icq又唔人齊喎~~~最後我都係會選擇日記打。
上星期已預告這星期有好戲上演，原定的戲突然殺出一個程咬金，唔係，係兩個，搞到我呢兩日忙到趴街，粗口滿天飛。三部戲同時開拍，我呢個導演仔點死出O黎丫？真係SHIT!!! 不斷覆，不斷追，覆，追，覆，追，做O左我最唔鐘意做O既O野~~~催人，狂搵人。呢三部戲未拍完，仲要拍……
可能Kate 坐我隔離，見我講粗口都冇咁大驚訝。今日可能我真係火得好緊要，好大壓力，講得大聲o左，Karen 同 May 聽到，佢o地好鬼出奇。~~~小意思啦~~~你o地都有講啦，火o既時候。
今日條橡筋真係拉得好緊，好辛苦，想暴走都唔得，唯有一路食，一路做。本來好想喊，但同自己講唔衰得，咁又pass o左啦！
今日都係忍唔住問May︰「明明個客錯，點解係要話自己錯，幫佢執頭執尾。雖然客人永遠是對的。」May︰「錯啦，唔係客人永遠是對的。只不過做CS就係要盡可能幫得就幫，當然係o係合理情況下啦。一方面幫佢o地趕貨，一方面要俾佢o地知道我o地個situation。」……我要慢慢參透。說真的，我而家條氣真係好唔順。
可能呢幾日壓力真係好大，搞到琴晚訓唔夠兩個鐘問私家豬︰「哥仔，返o左工未？」，我驚自己唔知醒返工……好記得問過佢，then之後o既o野就冇印象啦。
呢期私家豬同我講成日發開口夢，仲要係大笑o個隻，我連有冇發夢都冇印象啦~~~ 我正係知一個人成日發開口夢係釋放緊壓力。好想快o的見下你o地舒服下。
雖然同Fanny 唔係識o左好耐，但總算佢好清楚我。我鐘意邊種旅行，佢都會知。係，我鐘意o的無咁城市化o既地方旅行，去o的偏僻地方我都唔會介意。^.^
「人各有志，的確有人覺得學生會係無需要出現,但係點解就永遠無人敢出黎做野，而家有system係解散學生會架,如果解散學生會真係一個大勢，民心所想，相信只要有一張紙係民主牆出現，,話『希望解散學生會既請寫名』，應該好快會收集到幾千個名，咁大家吾想見到既學生會應該好快會消失，但係如果集吾到，係咪代表保留學生會係多數同學既希望，多數人都覺得一間大學係應該有佢既學生會呢？或者其實大家只係覺得學生會做得吾夠好,而吾係覺得吾再需要學生會呢？希望真係好快會出現個張解散學生會既紙，黎到證明學生會仲有無需要存在,亦都證明左之前口口聲聲話吾要學生會既同學，係一個敢作敢為既城大學生，吾係得把口。」copy from newsgroup on October 16.
忙，忙，忙。有時我唔係怪個客改完又改，佢o地有權係做貨前改貨，但係佢o地都有責任check 清楚所有o野先落order。或者係佢o地buyer 問題，總之大家好做的話，唔該資料清楚o的先得o架~~~又話urgent，等佢revised又等到頸長，revised 完啦我又要幫佢check清楚，尤其是班韓國客，佢o地真係check 清楚o的先得，revised 完都可以仲錯，一係send 錯file……shit~~~又o徙o左半日時間。明明個item 要十二個工作天先做好，頂佢個肺丫，兩日ready，想o的牌花o既，我咪送貨俾佢囉！但問題唔係我話confirm o左個order，一click 個掣就有貨o架嘛！revise 都足足用o左一個星期多時間……你話丫，check 清楚先擘過o黎咪好囉，搞到而家倒瀉籮蟹。Ball 仔盡晒人事都嘔唔到咁多貨出o黎啦~~~要知道order 不斷增加，但production o個邊係冇多到o架，其實呢個係公司問題。薄餅真係要諗清楚佢o地點發展啦，一o的都唔balance，再係咁都係得失o的客。
今日真係好火，講極都係唔明……我已經忍忍忍。一波未平，一波又起，o的貨又未走，shit！真係仆街。乜操口都爆晒~~~ 不過Martin 咁o既語氣我有o的驚呀下~~~最後當然走o左貨啦，如果唔係聽朝一早又「srlb」「srlb」聲，唔「srlb」都妖。
聽日繼續韓國，再加個台灣。今日有衝動想拎個case 返o黎睇，但都係打消念頭，我要放鬆。再咁做，我真係死~~~冷靜，我唔係seven eleven廿四小時營業。
好好味o既魚蛋，yancy 媽咪親手打o既魚蛋真係好好味呀~~~~ ^o^
聽日要加油~~~
呢期睇newsgroup，有好多voice，好事！有唔少同學仔一味話su 冇俾渠道佢o地express their feeling，但我想問你o地又有幾多個會積極發表意見呢？你話支莊點唔得都好，你又冇voice 出o黎？只係收收埋埋，唔向有關方面提出，佢o地係永遠都唔會知。要知道，支莊唔係你o地肚裡面條蟲乜都知。當然啦，有關方面亦都有責任promote 渠道俾同學發表意見。
今日主打依然是Sinmyung，一時又Sue，一時又HeeJung。失驚無神彈過Alex……佢o的口音都唔似韓國人o既，好好聽o既英文。明天繼續加油~~~
太子爺︰「做咩越食越少人o既？」Yancy︰「落緊o黎！」其實，還有「手查」lift 叔叔也問我們……有時聽到他們這麼一說，心裡總是很不舒服。當然，我希望自己同事朋友越做越好，亦希望自己也是這樣。最近，Fanny工作非常忙碌，她的家人已有點不滿，甚至叫她放棄這工作。當然她也想過，想過這份工作是否適合自己。我和Yancy只可以對她說努力吧，要是找到比現在更好，更適合自己的工作，即管去吧。而Yancy 早前in 空姐，有second-in，我也希望她成功呢！o岩晒佢呀。^__^ 而我自己，也想過，想過轉工。但細心想一想，那麼輕易便轉工，是對自己現時的工作不負責任，少少辛苦也捱不下去。如果工作是這麼易的話，老闆又怎會花錢錢聘人呢？當然啦，若果有份工作是很難得的，我會盡全力in。說實在的，想多些經驗，繼續讀書……不是一個學位便何以，還要至少兩至三年工作經驗才可以報讀。~.~ 要加油啊！
今日主打韓國客……大鑊！係佢o地，我幫得就幫啦。我要做一個professional CS. 或者自己有少少偏心啦，那個HeeJung是新來的，我明白她為何給我錯漏百出，改完又改的訂購單。希望我真的幫到他們。
迫自己說多些普通話，難為了人家呢！^__^ 不過，我有進步啊！^o^
《勉強幸福》、《當四葉草碰上劍尖時》的主題曲是這期的最愛。
Garrick 返o左o黎？miss call~~~
整天做「豬」~.~ 但昨晚倦到沒有洗澡便睡覺了（很髒！^.^），那時只是將近十時……
為了宣傳香港，舉行了兩場煙花匯演，今晚是最後一場。日本與美國，我較為喜歡日本，尤其是夏天一幕，那一刻的彩虹色彩的煙花簡直是難以忘記。沒有看上星期的那一場，但細佬妹說香港與意大利相比，香港真的比下去。不知道那一隊會贏呢？
與首領度度時間，我們很希望在何記拍畢業照。^_^
好一個歐陽逸，得過且過，無賴，但係一個好哥哥。^.^
總算平平安安過了這個上午，所有貨都ready，連原本下星期先返貨都返齊，但包唔切，走住先。
今天整個下午，在髮型屋中渡過。很倦，睡著了。老闆請我和私家豬食下午茶，那個星州炒米和炒飯簡直多得嚇人，二十塊錢的下午茶真是超值。雖然光顧這間髮型屋不是很多年，但老闆是認識很久了。由中一到現在出來社會做事，也會光顧他的，他總算看著我們長大。雖然現在已少光顧，但每次整負離子一定要這裡，時間長嘛，有個熟悉的人在場，自己也安心點，放心俾個頭佢搞，自己又可以好好睡一覺。 ^___^
前晚心情不大好，發小姐脾氣。因此，這幾天不斷見卡樂B 和朱古力手指餅的蹤影……這些都是私家豬告訴我。她還說，媽咪怕我再發脾氣，便將這些零食收埋，私家豬想食也被媽咪話呢……死啦，我o個次發完脾氣都知唔o岩，但都係一時之氣……
台灣假期，今天休市，而薄餅也顯得比日常平靜。正因為沒甚麼特別事做，所以便與高迪他們閒聊幾句。
May︰「咁快o既？仲以為佢同你講成粒鐘添！」我︰「Second round la！上次半粒鐘。」May︰「Grace Chan 有冇問到你屋企o野呀？」我︰「下？呢o的interview 一早問o左lu，見佢咁有興趣知，咪講多o的呢個俾佢聽囉！」May︰「咁醒？」我︰「佢叫我介紹下自己，乜都得嘛，例如屋企、朋友咁。我見佢講屋企先，咪講先，講多o的囉！」Maggie︰「佢有冇問你呢……」……我︰「你o地兩個簡直有晒Grace Chan o既神髓呀！hahhaha……」May︰「你遲早都會學到！」我︰「o下…… ^__^」
記起做評估的時候，需要填一欄「teamwork」，我給自己很低分，May也問我為何會給自己這樣的分數。那時候，我並不覺得CS是很需要teamwork 的工作。今天，我發現這種想法是絕對錯誤的。由於今天有張訂單務必明天要出貨，今天要安排所有事，收貨、包裝、船務都要安排得妥妥當當，絕對不可以有甚麼閃失。就是這樣，我覺得自己做了一個co-ordinator。對了，我除了是客人與公司的橋樑，還有公司內部與內部之間的橋樑。這便是CS的主要職責，這是May與Grace Chan 常與我加以強調。我會好好把它記好。^___^
Grace Chan︰「我有眼見你做o既o野，我會幫你fight 。」若果可以的話，真是皆大歡喜。怎說也好，現在的錢錢已經滿意了。^o^
明天要醒醒定定，自己要識得執生。May 放假，Kathleen 放假，Seline 放假，…………千祈唔好有差錯。
預告︰下星期將會係好戲上演。^.^……學o野啦，細路。
從師弟口中得知，何記又變了很多。學校附近建了一座建築物（說真的，很久沒去過那處了），蔡sir又轉了另一間學校（雖然他未曾教過我，但他會記得我，我也會記得他呢！他是一個中文人，好勁的中文人，而且是一個很幽默的老師 ^_^）。好！真的找一天回校看看。我想著住袍在孔子像前影相呢（相信沒有拆掉吧？）。唔……死仔包，記住話我知邊日有校友賽呀下！望下你都好嘛~~~~~~而家先同我講升到中六，搞到我心掛掛，問都唔知點開口呀！希望你俾心機啦，唔好俾o個兩隻o野搞到你禍。 ^o^
雖然小雛菊差丁點兒沒命，還給Daddy揮刀一剪剪去微開的花lum，但是可能這一剪便救了它一命，又有一個小小的花lum 長出來呢！ ^__^ 要健健康康呀~~~
不需要再擔心，你要加油啊！^__^
雖然今天沒甚麼特別事做，但是我也不想工作時間做私人事。^o^ 對不起自己呢。回家才覆他們……高迪，明天再send 給我丫！thxthx~~~
很倦，打死六點許便走。^o^
當自己疲勞的時候，是說外語最流利的時候。^____^
日子︰1月27日
朱古力︰酒心油酥餅（Squillionaire's Shortbread）
成份︰甜酒可可粉及朱古力
特性︰思想早熟
生日占卜︰你思想早熟，在青少年時期已擁有某種特別技能，觸覺敏銳（唔……睇下邊方面啦！古靈精怪會敏感o的！
^_^） ，時刻保持青春開朗唔（青唔青春就唔知啦，開朗我都唔知算唔算，但我正係知道自己好鐘意笑。^____^）。你很容易與人建立關係，只要是你看中的對象，都可以成功獲得。由於思想發展過早，心理上容易產生偏見，有時難以控制自己的情緒。所以你應學習忍耐，多聽取別人的意見（絕對講得o岩！）。
朱古力蜜語︰勇於承擔責任，永遠保持青春活力
忙到透不過氣……不禁叫了一聲救命，兩聲「仆街」（平時忍得就忍，但今日真係忍唔到，覺得自己花唔少時間做o的不切實際o既o野，但vendor 又要。雖然多番解釋，但佢o地都唔明，真係頂佢個肺！）。這做法實在太無聊，簡直費時，根本不夠efficiency，要想一想一個一家便宜兩家著的辦法。……這兩晚一邊做，一邊覺得自己做「庇護」，又想起我們一起做「庇護」的日子。但現在情況不同，甚麼也要快而準，凡事也要小心，小心，快極有限……
今日終於見到Martin 真面目了，yeah~~~給我猜中了，原來日日都看見他呢。樣子也不是很巴基斯坦呢！^o^
這幾天，已常常滋潤雙手，盡量減低再病發的機會。
明天又是忙的一天，努力！ ^___^
忙碌的一天，沒時間給我叫倦，停下來，只知道越忙越精神。
Karen︰「Yan，你張檯咁少o野o既？我俾個牛奶妹你丫！我o地個個人都有o架！」從今日起，這個牛奶妹成為我上班以來的第一個小擺設。不過，我最想擺放的是相相……讓我整理，整理一 下。 ^_^
一切看似定了下來，是時候計劃自己的下一步。想學o野……想執返好o的韓文。自己好又好，o的客開心下都好嘛！^o^ 他們回應你的話，那一刻的興奮真是難以形容，證明他們聽得懂。有個韓國客向來都是很拘謹（聽電話覺得……），今日say bye 時和他說聲再見，接著他便哈哈大笑，他︰「You know Korean？」我︰「just a little」他︰「an you！」第一次聽到他這麼輕鬆的語氣啊！^o^
小雛菊只是燦爛了數天，嚴格來說，只是稍微開了一點便不知就裡枯萎了。是扺受不住這稍涼的天氣，還是如Daddy 所說是我害了它呢？頻頻為它拍照，但我可沒用閃光燈。怎樣也好，也希望它重新地茁壯地成長……雖然我也不知道它可否渡過嚴寒。擔心……
原來芝姐已回港，明天還到薄餅見工呢。如果她和我一起上班的話，感覺頗特別的。^o^ 不過，她仍然很想找會計有關的工作。
Probation 最後一日，沒甚麼特別，只是見一見Grace Chan。總算三個月過去了，壓力？有，不過已經經學懂怎舒緩壓力。總而言之，這三個月，不多不少我總有得著。
今天沒有紮辮上班，她們不是說我剪頭髮，便是電髮。是時候負離子了。
第一次踩單車於大圍和大埔來回，倦~~~~ 好瘀呀！原來車頭調轉o左，唔怪之得感覺怪怪的啦，好彩冇發生意外……係撞瘀o左左右兩個膝蓋咁小事。 ^.^
之後，到西貢Sai Square 「晚餐」，太少選擇，同想像中相差好遠呢！
Talie︰「行出少少有漁人碼頭。」KT︰「咦，漁人碼頭o係邊？丫，我知啦，紅磡。」KT，又講得o岩喎！^________^
吃完滿記，我便回家了。很倦，要早些休息明天工作。
死啦！呢幾日唔知點解左邊身，尤其是腰部附近一坐得耐就好痛。>.<
《Shining Friends》
Little faith, brightens are rainy day. Life is difficult you can't go away. Don't hide yourselves in a corner. You have my place to stay.
Sorrow is gonna say goodbye. Opens up you see the happy sunshine. Keep going on with your dream. Chasing tomorrow sunrise. The spirit can never die.
Sun will shine my friend. Won't let you cry my dear. Seeing you, share the tear. Make my world diappear. You never be alone in darkness.
See my smile my friend. We are with you holding hands. You have got to believe. You are my destiny. We meant to be your friends. That's what a friendship be.
There is no free lunch in the world. 靚妹︰「你有我o地三個怕咩呢？」細佬︰「我唔希罕……」我︰「我寧願自己辛苦o的，自己買。」或者我們無法理解Daddy 的理據，或者這就是情意結吧。雖說他們是兩兄弟，是一對不常見面的兄弟， 但說到與錢錢有關的時候，我和媽咪一致認為「呢個世界冇咁大隻蛤九母隨街跳」。
聽說我的堂妹明年結婚，我沒甚麼大驚喜。……「有男朋友未呀？」（冇，係咪你養我先？）「幾時結婚呀？」（係咪講o左？你做大份o的人情先？）……呢類問題會陸續有來，要作好準備。^__^
"what I shoot"已經準備就緒，先由高迪和Talie為這個版面剪彩。^o^
不只是我，這個星期很多上班一族懷著holiday mood 工作。
今天做了appriasl，尚算不錯。所問的都是預料之中，聽聞遲一陣子我們三個要見Grace Chan。May︰「要做o既就要做個professional o既 CS……想做好一個CS，就要識得就地易處……」
下班後，與貓貓她們到荃灣打邊爐。十個女仔不斷點菜，不斷吃，絕對沒有想過手下留情……我想就算有這麼多男孩也不會這樣吃吧？^o^ 真的很意外。hahhahah…… 不過今晚我沒有吃肉，不知何時，慢慢習慣打邊爐只是吃丸、豆卜、豆腐、各式各類的菇和粟米。她們以為我吃齋呢！ ^_^
對於飲食，我絕對願意付出多一點，試試不同美食，不一定要大件夾底食。食肆食物的好與壞也要視乎氣氛和服務。
與她們吃過飯後，再與乖女他們於Inn Side Out 會合。說著說著，便談到水晶。我想Talie 應該可以幫到他們的。^_^ 仔……小心用錢呀！^o^
一時多，仔女他們直落唱K，我則到「呼吸」與高迪他們聚聚。是呀！星期二晚那間不知名的Cafe 叫做「呼吸」。^o^ 今次，六個人坐在露台。露台比內裡舒服呢！還以為會看到樓下的黃色招牌，但稍動一動腦筋，裝修也可化腐朽為神奇，很有田園風情feel，um……不是，不是，雜誌形容這類型室內設計很有東南亞resort feel。喝一口茱莉花綠茶（杯o野好靚，但係唔多覺有茱莉花味呢！），再「I」落張chair，仰望天空，微風送來，cool~~~鬧市中竟然有這麼舒服的環境。
很久沒有過山楂和安仔了，有很多事想與山楂說，但又不知怎說。不過我喜歡在我身旁的感覺，很舒服，喜歡見到她bilibala。^.^
說這說那，再重新討論我們的風褸，希望今次可以將之面世吧！
「幸福」︰福。 from 《常用新辭典》甚麼是福？怎樣才算福？每個人的定義也不同，但我認為人感到自己是幸福已經是最幸福了。^_^
四時，人家打烊了，我們也各自回家。
完全沒想過《大隻佬》會有驚慄成份。回家後，《Monday》把我嚇死，……頂！……但我又八卦喎，我唯有搵o野遮住個死人樣，睇埋其他內容。
Nice day~~~ feel so good！^_^
好倦，都是遲睡惹的禍。
我已經用盡所有方法告知斯里蘭卡重覆訂購，但死也不信。到頭來，一句︰「pls cancel the order, you know the reason.」頂佢個肺！
我覺得畫面有點兒悶，但想不到加上甚麼。想加Flash 的時候，又想不到弄出什麼花樣來。遲點再算吧！
將近三時才回家，四時多才睡覺。一整天不是睡，便是寫一百個關於自己的東西。想不到這樣一寫便用了六個多小時，原來這是最深奧的題目。一時感觸，寫出淚來。（瘀爆~~~ ^__^）
今次國慶煙花沒有甚麼大驚喜。較為印象深刻是意大利預演的開端，好靚同埋同音樂好襯。
數一數，原來我們尚欠一件綠色袍便可砌出彩虹了。^o^