Ricky，生日快樂！
今日個石板街蛋糕好食到不得了。yummy~~~
我唔鐘意人o地踩人，我更加唔鐘意人睇唔起自己。o個番說話令我心痛不得了，知道嘛，要人尊重先要尊重自己，做人唔可以冇自尊。
私家豬狂煲XX狂奔，仲話想玩添！我都想呢~~~
最後衝刺。可能影得實在太多，已經好膩~~~笑容帶點兒牽強，動作已經冇乜，正式成為人肉佈景板。^______^ 不過，好難得大家一齊聚一聚，開心。
Shirley專程o黎到City 同我o地影相呢，辛苦你了。一日走幾場。^o^ ~~~ 我又唔記得還返個bag 俾你啦！^.^
你話我記性唔好都唔出奇，有時見到o的人好面善，但又講唔出個名o既，都遇過唔少。但問題係自己可以同佢寒暄幾句後，依然唔知係邊個。er……今日個女仔唔係Michelle 咩？但佢好似唔係讀EN喎！……唔深究啦！^.^
今日竟然撞到女人，梗係同佢影返一兩張相先得。始終都同唔到ViVi 影。>.<
一個美麗的誤會。sorry~~~ 12/13補數，ok？
忙到趴街……上落都唔知幾多次。屈o左Johnny一次添，仲要聲大夾惡話佢，好內疚添~~~好彩佢都係好人一個，冇事！^__^ thx so much~~~
夜晚同大興佢o地食飯，乜我好耐冇蒲頭咩？唔係呀化？係喎係喎，我都唔記得幾米cushion 喎~~~ next time la。講開又講，Sidney去台灣，問我要唔要幾米手信。~~~我最想要捷運幾米車飛呢，但唔知而家仲有冇。
飯後，與仔、新抱仔去o左Paris飲o野。眼前兩口子煙煙「un」「un」^__^ 唔怪之得呢杯玫瑰花茶特別甜啦！……新抱茶喎！hahhahhahah~~~琴晚好早去，唔係好嘈，好舒服。有時o係度諗，坐o係咁舒服環境，嘆下茶舒服到爆，諗下以前、而家、未來o既o野都幾好。之前o係山楂屋企，攬住個cushion，捱住個梳化，睇住電視，山楂話似過緊o的單身貴族生活。係，我又唔拘呀！^___^ 琴晚呢個feel 都好重，就係想要呢個感覺。依然好抗拒拍拖，實在太煩人啦。都係一句，鬥智同傷神。
世界就係咁得意，兜完一個圈，眼前人原來早在起點等緊自己。^__^
今日上上落落唔知幾多次，當減肥！^o^ 唔該晒，阿Mark！冇法啦，錯多幾次，做多幾次我先會記得點做。anyway, thanks so much~~~ 之後幾單大鑊o野又要煩住你啦！講開又講，開始有點頭痛，o的貨又未ready，但已經唔可以再拖，我再諗唔到藉口……唉！祝君幸運，願聽日返到，update o左個數啦，阿門。
每人做事背後都總有佢o既原因，或者可以解釋到點解我唔多喜歡問人o野。呢一點都係睇《衝上雲霄》Sam 的一番說話得到啟法。「有心做的話，有咩問題解決唔到？解決唔到只係一個藉口。」坐定定食飯之際，Issac 複述返Sam 同佢話的說話，好有同感。「有心做的話，有咩解決唔到？解決唔到只係一個藉口，半途而廢。」^__^
琴晚做到Sam 轉到顧客關係部做，碰巧給他遇見黃紀瑩與龍老太會面，黃紀瑩被龍老太話到眼濕濕，到最後喊。呢一幕絕對深深體會，但我唔會再俾自己咁o既！positive, cheer up~~~冇o野唔得！yeah~~~ ^o^ 自從Sam 轉o左呢個部門，我就慢慢學，細心想想自己工作要注意的地方。~~~《衝上雲霄》正呀！好多啟法。^_______^
貓貓話假以時日轉咩工都好，都會覺得o個o的工算得係乜，邊夠呢份CS辛苦。^o^ 幾認同，正所謂「吃得苦中苦，方為人上人。」
乜我呢期真係好開心咩？個個都咁講o既？^____________________^
好忙呀！但我又甘心喎……犯賤！^o^ 好驚，Martin 竟然識講「bye bye」，一大清早真係俾佢嚇死！^.^
Sidney 識我時間尚淺，Yancy 同 Fanny 佢o地好清楚我唔多鐘意講o野，但玩時係好癲同埋好任性。
今日好早走，約o左舊同事返學校影相，好難得大家就到時間，唯欠芬姐，其已身在美國，美中不足。聽說芬姐透過食肉減肥法，成功在一個月內減掉二十磅。wow~~~簡直係我o既表表者呀！我足足肥o左四磅，點算？~~~我唔想再肥呀。>.< 不過食肉減肥法，主要食紅肉，咁即係我唔得啦。唉~~~ >.< 我要食少o的，唔好咁為食。
興姐（我以前個頭）話買o左畢業禮物俾我o地，唔知係咩o黎呢？乜畢業要送禮o架咩？um……不過俾面正正經經影一張相已經係最好o既禮物。唉~~~到家下未真正同細佬影過，佢死都唔肯影。再唔影，我真係覺得好遺憾。
愛死今年又一城的聖誕樹，白白藍藍的，很美麗。^.^
呢期勁想要一份禮物，朱古力。睇《衝上雲霄》睇到發癲添！ ^_^
想送份大禮俾兩位大人，計劃中……同細佬商量下先。
終於正正常常咁工作，總覺得這樣才能使自己充實。
我似茱迪亞伯特？咁邊個係長腿叔叔？^o^
我要捍衛我o既小花lum……well，嚴格o黎講，係兩位大位捍衛小花lum，佢o地花o既時間同心血o係棵小雛菊絕對多過我。為o左防止個花lum又不了了之倒下（一直懷疑係咪麻雀作怪，因為周不時有麻雀飛入騎樓。），Daddy 已經用竹籤圍住棵植物，希望呢粒花lum 生生性性咁開啦！
任關佩英︰「人生係面對不同挑戰。」「人生係認識自己，面對自己，接受自己，清楚自己……」呢兩句說話，正是我對人生下的定義。
今日都好清閒，有點悶~~~我已經放慢腳步了。
做Annual appraisal，大有進步呢。~^.^~ 不過呢，我要好好控制我o既情緒，太情緒化啦，要好似John 咁always motivative。Keep 住準時返工。~~~May 講中，又或者我太表面啦，順意時，我會做到個task好好。唔多順我意時，拖得就拖。要改啦~~~唔可以再咁小朋友啦！
要plan 定幾時放假~~~復活節？好想去旅行呢。
如果我係雪枝的小時候，你同我都會笑到爆肚。^__________^
話時話，我覺得成套話劇有兩個人真係演到入型入格，o個兩個阿媽……睇電視o既阿媽同離婚o既阿媽。
有時，我會好相信自己o既第六感。當然啦，o的histroy 都好影響o既第六感。^o^ 說真的，我有點兒意外。原來上星期六要我見那個重要的人是Karen。^.^
我真係冇諗過駕駛飛機前o既準備係咁多~~~真係好多。
區議會選舉議席已經麈埃落定，自己所屬選區的結果令我出乎意料。二十三歲，社區主任，前線成員擊敗了在本區服務多年，經驗豐富的港進聯成員。
雖然短訊只有短短數十字，但字裡行間給我無比的歡樂和關心。
短訊一︰「dear fd life is too short to be little try your best to gain a better future i always support u all !!」女@11/14/2003
短訊二︰「嘩！恭喜晒呀！我呢兩日入左camp，我聲呀…所以唔打俾你啦。不過真的登你好開心，奸爸爹呀！」Shirely@7/6/2003
短訊三︰「Thanks my friend」Eddie@6/25/2003
短訊四︰「今日考試加油，俾心機」Ricky@6/21/2003
短訊五︰「傻妹，我而家都明白到你果陣o既感受…兩邊都要兼顧真係唔容易，但係我相信我o地都有一個難忘o既回憶，嘻嘻！」沙律@4/4/2003
短訊六︰「你鐘意的話，機會多的是。」KT@4/4/2003
短訊七︰「願您在2003 年的365天，天天開心，8760小時，時快樂，525600分，分分精彩！新年快樂！」和仔@1/1/2003
短訊八︰「新年笑哈哈，日日誇啦啦，讀書頂瓜瓜，多錢多到嘩嘩嘩！」女@1/1/2003
短訊九︰「恭喜你已經完成任務登陸香港。很冷呀，著多件衫呀！」女@12/29
短訊十︰「家姐，我訓啦！坐穩機呀！仲有玩得開心d呀！我會努力嫁啦！唔好掛住我呀！影多d相呀！真係訓啦！再見！」私家豬@25/12/2003
短訊十一︰「Aiya, so how's your exam? Add oil for tomorrow ones also... Being a fairy may be hard, nut tomorrow you will be a kie again, :)」高迪@19/12/2003
難得一日可以訓晏o的，緊係訓盡~~~一點先蒲頭。
十分鐘，由屋企到投票站，再由投票站返屋企。細佬今年冇去投票，我問佢點解唔投，我認同佢o既說法，既然唔清楚侯選人o既資料，而又唔可以投棄權，無謂胡亂投下一票。
成個晏晝都係玩賽車，好耐冇打機呢。hahah~~~我好勁呀！我竟然可以fight 低細佬妹。不過，臨尾都係把持不住，連輸幾場。私家豬仲話，輸o左要對街外（樓下係一大班助選團）大嗌︰「XXX（某候選人），我愛你。」頂，幾場都係我輸，不過我懶貓。~.~
講開車，我覺得駕重型車量o既人好勁，好叻。每次o係馬路側邊，又或者自己企o係司機位附近，見佢o地o係一條咁狹窄o既馬路九十度駛入另一條狹窄馬路，我覺得好勁。^.^
凡事兩面看，阿Q精神另一面會唔會係樂觀呢？一直未曾欣賞過魯迅的《阿Q正傳》，很想看看。
一個頗準的星座解說，看一看。^_^
還記得數天前的問題嗎？^__^ 答案是︰"Darling, I love you." 其實，這故事可反映一個人的應變能力。媽媽的情緒受到周遭環境，而爸爸則將這個局面扭轉，由他作出主導。不要看輕這四個字，這四個字足以改變了很多東西。我同Fanny 就真係被動o的，諗都唔諗︰「我o地離婚」，而Yancy 就話︰我愛你，又爭一隻字。我好愛你，無理由咁牽強。」佢係o岩o既！（冇hints 話係英文。）
狂追貨， 趕得切~~~下星期仲有其他單要跟，一個又話Garment 到（我唔急咩？我都想快o的清晒o的單，奈何咁o既capacity……），一個用US sales 大我o地……都係一句，做到就做。
今日創下有史以來自己返長週的記錄，直踩到四點半，我諗以後唔會再咁癲o架啦！事緣薄餅即將轉system，上上下下每人都要幫手update 13pages (45 a/c per page) list，下星期三要完成。本打算做夠五版就走，但又忍唔住做多一版，做下做下，結果做晒，o個時先知四點半~~~ 做到眼花，o的字勁細，自己又要刻字上去，相信近視又有進賬。雖然呢個工作好似好無聊，但又學到少少o野喎。至少不精於打長途電話o既我（o岩o岩做o既時候更甚）真係學到唔少o架！Coutry code + Area code + tel……62+2+xxxxx (Jakarta, Indonesia), 91 (India), 82+2 (Seoul, Korea), 39 (Italy), 886+2 (China, Taipei) <-- actually 我專登搵呢個code 睇下佢點編法，result 就係咁啦。
琴日唔記得打添！話說有個客話要o黎拎貨，佢問我邊個站邊個出口落車。由於剛剛與她重覆了一次拎貨地址，我便順口答︰「San Po Kong Station, Exit A.」放下電話不久，總覺得有點不對勁。……是Diamond Hill。幸好，對方找對了路。
之後走o左去九龍灣，第一次逛，諗住同仔佢o地食埋飯再出去尖沙咀。點知……算啦！不過呢，我見到好多小飛象o既產品，勁想買呀！如果米奇再係咁o既形象出現，恐怕小飛象會取代他的地位。大大隻小飛象真係好得意呀，不過只有看的份兒。
還有時間，由油麻地慢慢步行至尖沙咀。只要不是下雨天，一到海傍，我總是被彼岸的夜景（嚴格來說，是那五光十色的燈光）迷住，真的很漂亮。
七友再加小文、兔仔、和仔捧Talie 場。《我們是這樣長大的》正如它的簡介「當中包括你我都可能一同經歷過的事」，一幕又一幕的情景彷彿在腦海中又再浮現。《離婚》內的爸媽對話，我也曾深深體會過，不過也是很久的事了，一切已成過去，我也不想兩位大人再有這些對話。作為旁觀者的子女，那個想自己的父母整天吵個不是。最觸動我的一段是《尋父》，小時候與長大後的雪枝與母親在同一個場合有著兩種不同的態度。我想很多人也是這樣吧，有時回想一下，自己很不孝，人家出於關心、愛鍚自己，自己卻…… >.< 想知道甚麼是「愛，無私奉獻」，想一想，看一看自己的父母吧。我不大懂得看話劇，但整體來說，我喜歡換場，場景與場景的交接並不見得突兀，反覺流暢。Talie, GOOD JOB~~~ enjoy the show, thanks!!!.
《破產》飾演細妹一角的演員總覺得很面善，但不肯定。完場時，坐在一角看演員感受和簡介。對了，Phoebe 是也。有一刻衝動著住高迪件袍與她合照，但沒有勇氣，害怕人家把我已忘掉了。人與人之間怎會疏離？我想定是欠了點勇氣，欠了點信心。
往年對聖誕節提不起興趣，更莫說盼望它的來臨。不知怎的，很想快些聖誕節，可以休息，可以去玩。還有一個月的時間~~~咁又一年啦！
都係好清閒，做到六點多就走。暴風雨前夕通常都係風平浪靜……只要Indonesia 就o黎放完假，我就忙到趴街，狂追貨。
唔知係咪得閒得滯，突然想整靚個spec （唔……查過字典，呢個字又似唔係咁用，但確實平時都好似係咁用……算！），想整齊同靚。但最後都係清o左o的account o野先算，點樣死都咬反生呢？~~~ 聽日再續。
Fanny 成日覺得May 好嚴，我又冇咩特別感覺。但今日o係某個email 個draft 寫o左「Good！」開心到飛起。^______^
Lunch 走o左去「泰棧」食，唔錯！我鐘意杯香葉豆漿，最緊要唔係好甜。o的咖喱都唔差o架！仲有o個碟前菜呀，真係菜喎，炒得好好味~~~下次食，四個人嗌兩set 都夠有突。
而家私事上用好多email，一來睇返自己forward 返俾自己o既o野，二來睇你o地熱辣辣o既「新聞」。有時我會諗咁多forward o既貓貓會唔會係返工人士帶頭呢？^.^ 如果你o地想我forward o的得意o野，又或者無聊o野，又或者好有人生意義o既o野，pls let me know.....
今日就玩o左呢個心理測驗，都幾準。^.^
【你現階段的心情狀態】自覺生活環境過份嘈雜，想過獨立自主的生活。
【你所需的情人個性】有文化氣質的浪漫派。
【你對待麻煩和處理的方式】借力使力解決問題，但有的時候過分壓抑。
【你容易適應新的改變和環境嗎？】很容易融入新環境，樂在其中。
【會成為第三者嗎？】你不容易成為別人感情的第三者。
【對情人的最大要求】責任感（跟你談戀愛非得為你負責才行）。
【你的戀愛困難在】隨遇而安，有時太沒個性與自信。
【面臨分手的態度】不愛我就算了，天涯何處無芳草。
【對於分手的對方】不問電話的人，絕情到底，一分手，最好死不相見。
今日好鬼清閒，全日Inbox維持十個以下貓貓。襯咁空閒，清下o的credit，dispute……極度paper working~~~五點九收工。
唔知係咪唔慣咁早返屋企，聊豬豬妹行沙田新城市中心。目的想買衫、買鞋獎勵自己，亦都想望下幾米書簽呢（newsgroup 話西田有！）。最後，兩姐妹一袋二袋o係大埔中心拎住一袋二袋返屋企，肥死~~~~~ ^o^
今晚無端端諗起自己去年同幾個組女同胡杏兒影過相，地點烏溪沙……記得o個時有人同我講吳鎮宇都在場，不過好早走o左。諗下諗下，o個時會唔會拍緊《衝上雲霄》呢？於是即刻開返o的相睇，無錯，佢係蘇怡，Zoe。^__^ 如果早o的行過去八的話，我o地可以同Sam哥拍影留念呢！咁又一年啦！
我行我素？唔知呢……都係想做返自己，令自己舒服，但又傷唔到人。細路女？我唔否認，但工作上盡可能表現大個女。雖然o的同事都係當我細路女看待，大家都係咁高咁大。都唔知係唔係好事，點都好啦，被人鍚算係一種福份。
可‧卡‧因‧好一個XX漢（希望我日後keep 住都係打XX漢啦，但人都會有錯手o既時候。我盡可能小心啦，私隱嘛……呵？^__________^）
好一個無飯家庭。無飯主婦就聽得多，但無飯家庭我真係今日見識過。似乎我o地真係可以諗諗Fanny 提議，搵日佢媽咪煲湯，Yancy媽咪整魚丸（自己手打，勁彈牙！），自己媽咪啦喎，梗係肉醬意粉呢！俾Sidney 感受下住家飯的味道。^o^
Kathleen 拎o左近兩年Annual Dinner o的相俾我睇，兩年都係九龍灣搞，似乎又真係唔錯喎。好開心呢~~~嘩！而家Paul 朱副超好好多，令佢更加型呢！Kathleen 同Kathleen 都冇咩變到。唔知今年點呢？^.^
下星期一要做appraisal，又要做功課，諗定自己出年目標同plan……最想o個o的唔出得街，真係度清楚o的先。從Sidney 口中得知，辭職並不是一件易事呢。聞說有同事多次辭職，但被公司多番挽留。當然啦，佢有一定能力先至咁留佢啦。^.^ Sidney 講笑，我o地四個人一下子話走就走，薄餅會點。雖然唔會令佢執，但至少會帶俾佢唔少麻煩。因為o的客o既preference係自己日積月累得知。
又唔記得打添~~~話說有一日趕住開會，路過隔離部門，見到面前一個女人（？）著住條mini 百摺裙，高boot，咁基本上都冇咩問題o既。只不過對眼再向上移時，一件緊身衫（好緊），紮住兩條半截辮（o的小朋友成日紮），行前多兩步，偷望下個樣……(~o~)呆o左陣。 自此之後，我都幾留意呢個人o既衣著打扮，今日係一棵翠綠的菜。
台慶開頭都幾有睇頭，但去到中間……唉！勁抄。如果大家有睇過網上流傳o既日本扮o野大賽的話，就一定認同我o既睇法。「影子」同「打乒乓球」抄到足，仲要衰過o的大賽中o既參賽者。
睇埋來年有咩電視節目做，又係抄。《水滸無間道》真係食正《無間道》個勢拍。這便是創新？
呢三年無線有唔同主題o既XX狂奔，來年唔知係咪財政緊拙，係就係狂奔，但係就鬥快跑上天壇大佛、中銀……
今晚有《衝上雲霄》睇，有o的唔慣。
小雛菊前後有四個花lum。第一個，開o左少少，就不知就裡死o左。第二個，好似俾人冰封o左咁，一直再冇長大。第三個，今朝仲滿天歡喜期待開花，已微開o左好多。返o黎時，Daddy 同我講聽日會剪o左佢，影相留念就好影啦。o個一刻幫佢影遺照時，真係好想喊。到o個一刻，我先知道佢又不明不白「dump」o左…… >.< 暴走……第四個，我已經唔再奢望佢會開花啦~~~Daddy 話仲有機會開花，冬天啦~~~~
唔知你o地有冇睇過呢個故仔呢？某天早上，媽媽o係廚房忙著準備早餐，小朋友同爸爸o係餐桌等食。爸爸正專心睇佢o既財經版，小朋友就百無聊賴搞桌上o既o野。咁o岩o個日，爸爸唔舒服，媽媽拎定藥水俾爸爸帶返工飲。小朋友見o的藥水咁得意，o係爸爸同媽媽留意唔到o既情況下拎o左枝藥水返學。小息o既時候，小朋友好奇心驅使下就飲o的藥水。無幾耐學校通知爸爸媽媽去醫院，其實呢個時候佢o地個小朋友已經唔o係度啦。爸爸去到醫院，只見到媽媽抱住死去o既兒子痛哭。原來o的藥水有好大o既藥力，飲得多的話會死人。成年人飲少少就已經好足夠，但小朋友就飲o左大半枝……爸爸走過去，同媽媽講o左一句說話……你o地估下係咩？4 個字，英文的。範圍？唔……我都唔知點俾，試下。^__^
今日冇乜脾氣，定係已經賴晒皮？^o^ 由得o的客催、話……我又何嘗唔急o的貨出o黎呢？
以為Linda 返o左美國，失驚無神話要開會。都係一句，求人不如求己，千祈唔好咁倚賴，否則剎時間要到，都唔知o係邊度搵料吹。仲要好好記性~~~ 又過o左關。
琴晚o個集《衝上雲霄》殺出個童話式的日本故事，我就覺得好好笑。或者正如高迪所說，咁o既安排係刻意，襯托Zoe 的天真吧。不過，我o地三個第一個反應︰「o下？hahahhah……」^o^ 劇中的朱古力禮物總覺得很面善，想不起。看過了今晚這一集，Mr Tong o係意大利猶豫買唔買巧克力俾Zoe 時，終於醒起係咩啦~~~金莎朱古力。雖然唔係百分百抄，但都係同出一轍。sweet sweet~~~ ~^.^~
開始覺得生活有點乏味，想讀下書，或者搵o的世藝學下，乜都想做。讀書就真係要等耐耐少少啦，要儲錢錢。仲有好多o野想做，例如想旅行（好想請兩位大人去旅行呢，全程包晒！唔使佢O地操心。當然啦，我自己都好想周圍去。）。最緊要係還錢錢，keep 住而家咁洗錢，但人工就不斷大加突加（發夢！^o^），咁就perfect 啦。
極度唔想返工，好tired，上星期o的手酸痛完，又輪到對腳~~~
返到去都未訓醒咁~~~ zzzZZZZZ ，真係好tired。得返個殼做o野！
今日May 冇返，快快手手清埋o的o野就走。繼Ocamp第二日，今日係第二最tired。長命工夫長命做是也。
今日唔知點解口淡淡，走o左去飲汽水。Kate︰「Yan，你飲凍o野？你咳喎！Karen Lam 你話下佢啦！」我︰「口淡淡，想食o的甜o野。」Karen︰「Yan，唔好飲！」我︰「Karen，我同你一人一半丫！」（佢都係咳o既！）Karen︰「你賭賂我？」我︰「hehhehe……」舒服晒。
11/17 後補
好天氣。^__^ 再加上有咁多fds，心情都特別靚。^__^
由於相約高迪與大興他們的時間太相近，要周圍走，但我非常樂意呢，希望你們不要介意吧。開心，開心。
要影班相的關係，被迫換上了一條裙，想大o的動作都唔得。勞煩了眾人扶我落去呢，尤其係小文啦！~~~ 瘀到爆！hahhaha……結果玩穿對絲襪，呢個我都係返到屋企先知。不過值o既，冇你o地o係度，我又唔會玩到咁癲！著住條裙爬上爬落，仲要係大石上面。hehehe……我好記得有個Uncle見我o地玩得咁開心，同我o地影o左張相。
o下？我變面玩到出神入化？hahahha……唔怪之得呢期多o左咁多皺紋啦！冇理由張張相都一樣嘛。^o^ 開心，開心。
三點多，高迪佢o地大部份人都要走lu。咁我搵返大興佢o地影，難得恤閣人士齊人嘛（算係掛，爭一個），影返夠本。^_^
再去走班相，John 帶埋佢個囡囡o黎，好卡娃兒。佢怕醜？o下……John 一定係講笑！再影個人照……er……我真係好難正經呢，結果影到set B（即係坐書房）最後一take，扮了鬼臉呢！攝影師也顯得無奈，鬼咩我拆佢招牌喎！hahhahahha……
渴o左成日，兩部汽水機都係得個睇，仲要俾阿漢睇到我踢汽水機……oh~~~冇法，求生係咁o架啦！
之後，再落樹記開飯，真係好耐冇o黎過呢度食飯。席間，笑Ben 同我o地睇掌，我唔敢話百分百準，但講中八八九九。難得高興日子又齊人，開懷暢飲，如果聽日唔使返工就好lu，飲到半醒都底。現實係殘酷o架，聽日係星期一，weekday，唔輪到我飲到咁癲。
又一城影完，再到哥和路皆公園heir下，咁又一日啦~~~總之一個字︰「正！」
返到屋企整理下o的相，點知越整越high，搞到聽日想自己day-off。知道嘛，o的酒去到呢個pt，最好大覺訓。zZZzzzzzzzZZZZZZZ
今日點滴
今日真係好開心~~~ ^_________^
多謝你o地咁多位呢~~~~
今日日間活動時間，兩小時。
好想睇返BC session o既ceremony。^__^ 都係vice 之故。佢一上台就向校長揮手，全場矚目。佢o係電話中傳來的「奸笑」可見佢好滿意自己o既表現呢！hahhahahh……最出位係你啦。佢拎master 已經係咁，唔通佢拎PhD真係會o係台上扭pat pat，又或者踩前面o個個人件袍尾？hahhahh……我真係唔敢想像，佢乜都做得出。^o^
我從來未真正見過一個人為偶像這樣瘋狂，我自己也未試過。我認為鐘意還鐘意，但唔應該花咁多時間做一o的不切實際o既事。sorry~~~我真係覺得這些舉動實在太瘋狂，唔應該係一個成年人會做o既o野。或者這些說話你覺得不中聽，所以從來你打電話來，我沒有說過，默默聽著。難得有東西給你迷上，聽著你那愉快和天真（噢~~~我想不到一個更加貼切的形容詞來形容你這個大男孩）地訴說，我也替你高興。不過，我多麼希望你這個大男孩快些找到一個愛你的女孩呢。^_^
我覺得女人大肚時唔係最靚，都會係好靚。Connie（Yancy 個頭）就係一個人辦，三年抱兩，呢個係第二胎。生BB係咪真係好痛呢？Yancy 話唔開刀生都要打針~~~ 好痛~~~但我覺得生BB係一件好得意，又好神聖O既事。
突然醒起若干年前的新聞主角—肥花……但係咩新聞呢？我記不起了。
夢，神秘的。但願那一刻是真實的，因為我看見你們很快樂……很掛念你們，尤其是那最心愛的。夢醒後的那一天，我總會精神奕奕地工作，彷彿你是我的能量棒。當我感到徬徨無助的時候，你總會在夢中出現，或者這是日有所思，夜有所夢，但你的出現總算令我心情平伏了不少。我沒有把年份好好記著，所以我從來不大清楚你離開我們多少年。唯一可以令我刻骨銘心的是那年的一月十三日正是星期六，是我最想在每年的月曆除掉的日子。碰巧，許志安的《優先擁抱》在這時間推出，所以這唱片和MP3在家的播放率不高，為的只是不想記起那一天，不想哭。
夜闌人靜，淚兒悄悄為你留下。我想︰「時間真的可以沖淡一切嗎？」
今日都係不在狀態下工作，好眼訓~~~眼訓還眼訓，都要做到八點多先走，費事夜長夢多。
時間越耐，o的高層人士逐漸蒲頭。原來阿Boon 係咁o既樣，都係成日見，但唔知乜水。開會商討如何增加Target o既生意額，我覺得自己好似上緊……唔記得o個個course 叫咩名，總之玩game設廠、控制成本、發展。
唔……但咁樣撼法真係有用嗎？硬拼？可唔可以換轉一個角度同人o地爭呢？
Kate佢o地輪住o黎同我講天氣乾燥要我飲多o的水，事實上，我而家返工o既飲水量比以前多o左，雖然最多都可能只係四百多毫升。「Yan，飲水啦！」~~~噢！再咁飲法，飲到水腫，hahha……
《月亮忘記了》成為我呢期至愛，盞燈當然係我至愛之選。wallpaper都係佢，icon 又係佢。
《我們的畢業照之HRM篇》1‧2‧3‧4‧5。特別鳴謝高Ben。 ^o^
一起身，手臂勁酸痛，唔知係咪一抽二抽之故~~~好似做完刻烈運動咁。^o^
返到去，六十多個貓貓，速讀加理解再加結合，，清走一大半……真係麻煩Mandy，終於有人見識過我o的客有幾煩。頭腦唔多清醒，都好難理解佢o的單。
Lunch同Yancy 佢o地講返琴日o既環境，好鬼開心。佢o地都就快，Fanny o係紅館行畢業典禮呢。不過，佢o地HKU就唔似我o地咁有得上台，雖然半分鐘都冇。^o^
o的藥真係勁……好似半昏迷狀態工作~~~今日出奇地可以早走休息。
再睇相相，真係好開心。^__^
一直好奇o的動物紀錄片點拍，今日終於有機會啦……真係人力物力都唔少。最緊要係幕後工作人員的心血。
一大清早，拿著一杯熱烘烘的綠茶，真的很幸福。
還以為今天可以遲少少起床，最後還要比平時早起十五分鐘。
一切準備就緒，與兩位大人回校。今日同阿漢好鬼有緣，如果唔係媽咪話要睇四不像，我諗都未必見到佢。^o^
講真，我幾驚上堂時趴街，你知我啦，乜都論盡過人。^o^ 唔趴街都怕撞到o野，又或者跳o左個step 冇做，例如點頭、握手。好彩，一切順利進行。輪候上台一刻，我們這些主角雖然沒有單對單的服裝指導，但總算有個阿姐幫我o地整理衣裝上台。如果佢係媽咪就好lu~~~
由於Daddy 冇訓覺o既關係，完禮即走啦~~~佢好tired 呢，放o左工都冇訓過，佢已經好俾面啦！無機會同你o地屋企人影添！^.^ 而我順路同佢o地歸家睇埋醫生，再出去。
今日整個下午便是和大興他們拍照，很多人，很熱鬧呢！謝謝Judy、Jan（嘈醒o左佢~~~你好鬼俾面，錫晒你！hahahh）、肥草、Almen、David 同埋阿漢（講o左一定會同你影，就一定影！ 最搞笑係你係我今日同o的fds影o既相相o既一頭一尾出現喎！^o^ 好！呢o的咪係首尾呼應囉！記住你個assignment 都係咁喎！努力！）
唔好講笑，花，係一束花真係等於抱住個初生BB周圍走，抱o左一個鐘多，我已經覺得好tired~~~ 難為Daddy 抱咁耐。男仔 / 男人，你o地將來送花俾女友時，諗清楚係邊個mainly 拎花。係好鬼死重。
幾驚今日自己會感動落淚，所以只係搽o左透明的睫毛液，咁就一定唔會做花面貓。出奇地係冇乜特別感慨。
o的藥實在太強勁，頂唔順之下，趴o左o係張desk 訓~~~好眼訓。~.~
如果今日係星期五或六就好啦，咁今日就一定會盡興而返。我唔多想返工~~~好掛住返學o既日子。
以為今日可以避過見US sales，避唔過。好彩都係交待o左幾句咁又可以leave。^.^
冇諗過Daddy 會送花俾我，感動。~^.^~ 今晚心情異常緊張呢，好似聽日出閣咁（大興話誇張喎~~~ ^o^）！講真，咁大個女真係冇咁緊張，even 放榜都未試過。
或者緊張所致，眼前已有兩張guest tickets，但偏偏搵唔到自己o個張，足足搵o左兩個鐘……先發覺我自己o個張同兩位大人的一齊，頭先仲掂過添！好低B呀！^.^
跟住開始又擔心呢樣o個樣，真係緊張得過份呢。不過有KT 同 Talie o既意見，我都定o左好多lu。
心情有點複雜~~~怎說好呢？興奮，緊張，開心，擔心。
不知道薄餅聘請男CS有一套他們的標準，他們總是給人的感覺很柔弱的。我甚至會覺得自己比他們粗魯、氣力大……how come？
Paul 朱（薄餅的老細）的一個字令Yancy 心情好多了，最衰o的死人客，事無大小燒到最大o個個，迫住o係一個不大合情理的情況下幫佢完成工作先安落。話時話，開始明白差唔多個個女同事都話老細靚仔，佢o個種靚唔係真係靚，用「型」會比較貼切o的。唔……高大版的張同祖（我唔記得個名……）Sales o個邊得一兩個見得下，一個似陳鍵鋒，俾人一個感覺好小朋友咁。一個係翻版中田，勁似！至於其他，經我o地三個研究完，Johnny 個樣係唔錯o架！雖然成日俾我o地話，甚至乎係鬧，都係……忍……Mark 係專搞笑，但係一個好幫手。【可見lunch 話題其實可以多不勝數】
0125 訓覺，保持最佳狀態。^__^
天氣涼……好涼……
不在狀態下工作……倦~~~
緊張，很快行禮了，哎呀……係行畢業典禮。^o^
天黑黑，真的不想出外。但各人的時間真的很難遷就，迫不得已在這種天氣下拍照，然而係請唔郁細佬，遺憾。
本以為回校拍照便算，結果Daddy 提議往龍翔道觀景臺拍照。我不明所以，但也沒心情反抗，反正在這種天氣下拍攝也拍不到甚麼。原來這觀景臺的景色真的不錯，最緊要是學生宿舍就在腳下（要是你住過宿舍的話，這裡算是一個不錯的選擇。）。在這種天氣下拍照，它不下雨已幫上了忙。或者相機在前，人也活潑了起來，整蠱做怪，即使與兩位大人合照也不太正經~~~沒法子，拍照不是要開心的嗎？^_^我周圍郁，蹦蹦跳跳才是最開心呢，所以我今天也是casual look，方便我大動作嘛。至於正經的一刻，留待星期三吧。^o^
六時許，天黑了。去黃埔食飯，本想到鼎泰豐吃飯，但實在太多人了~~~在老趙搞掂。
後記，今天的主角似是兩位大人呢，我倆姐妹替他們重拾拍拖時的回憶，hahhaha……充當他們的攝影師。
有相睇~~~早知唔鬼笑啦，沉默o的好！hahahha…… ^__^
KT, 生日快樂。^__^ 說真的，我還以為明天才是你的生日呢。
早上，總算平靜渡過。
下午，大雨，回家作中場休息。
晚上，與今日的主角慶祝。那間小圓山令我想起台灣之旅吃過的東西，或者自己實在太揀飲擇食，我在台灣不是吃了很多東西。那些豬血糕、甚麼內臟我滴口不沾……真的接受不來。^.^
接著，在PARIS ZONE品茶、品咖啡。那個女店員很像Lo……記不起名字了，是新加坡一行認識的。
怎麼今晚會勾起那麼多旅行的回憶呢？^_^
每人有不同的經歷，自不然有他的道理。
8/11 後補。
第五個月的第一天，為了好好紀念這個日子，並且慶祝我們三個還可以生存下去（雖然已經死下死下咁~~死唔去。），與Sidney一齊為我們這個大日子賀一賀。或者這份工作真的留不住人，我們三個更不用說吧，在這日記提過不少，原來Sidney也是！Fanny 和Yancy 她們想做空姐，Sidney 想做導遊（原來未做這份工以前，她是導遊的，牌也有了，小小年紀帶團，總覺得怪怪的。hahhah……怪不得她常常教我們講泰文、韓文啦！），而我因為近視度數實在太深……算！空姐已與我無緣。我寄望酒店~~~我笑說我們要稱霸旅遊業。^__^ Sidney 提過做導遊的最高境界……恨死隔離~~~在公，週圍去計劃行程。在私，當環遊世界，免費旅行。一個月去幾round~~~怪不得她十分想做導遊，即使人工真係低到~~~
以前一直認為左吉右凶，但又唔知幾時我轉o左tone，變o左右吉左凶。唔好話唔順邪，左眼眼尾跳，真係衰o野o黎，準到不得了。臨放工一刻，頻跳… ~.~ 下星期再續啦。
"You get a cold?" 韓國人，"..."我明佢講乜，但一開波就咁問，我都俾唔到即時反應，於是佢半鹹半淡的普通話問︰「你感冒？」我︰「是啊！」一時轉唔切channel，後補一句「yeah.」韓國人︰「辛苦你了。」我︰「o下？不辛苦……」寒喧了，又追貨期。
晚上，與女、大興他們吃飯。席間，大談工作近況（絕對苦況居多），也談談畢業禮的準備。我嘗試問過自己︰「轉工，我係咪一時衝動呢？」五個月都開始啦，我諗唔會係一種衝動。都係一句，轉工是遲早的事。我再問自己︰「我係咪真係咁唔捱得苦呢？郁o的就話轉工…會唔會太過兒戲呢？」um……我仲未有答案，可能我真係唔捱得，少少苦都已經苦口苦面。定係自己個心唔o係度呢？雖然冇諗過呢份係長工，但都要俾個心出o黎做o野……仲未諗得通。
之前一直想買幾米扭蛋，今晚終於買o左，仲買o左兩個，不過都唔係自己心目中想要的，本想豪氣地買下一套，但是店員說沒有……>.< 可幸的是，我們的五個扭蛋也沒有重覆。今晚完全明白「此地無銀三百襾」的道理，就是這個原理令女明白幾米扭蛋當中的竅門。^_^ 不過呢，那些公仔的接駁位真的很差勁呢，要握細佬幫手呢！若果有那兩個《月亮忘記了》的公仔便好了，放在你們送的燈旁，蠻好看。一大一小，相映成趣。
飯後去玩了一個小玩意，是一個闊別多久的小玩意。曾幾何時，我也沉迷這個玩意。貼紙相……好玩極了，總算令我們三人開懷大笑，放鬆。
今晚本想逛逛鞋店，想買VANS，私家豬說買其他鞋款試試看，我便是貪VANS易襯衫。再者，看過了多本雜誌的介紹，已有心頭好，很想買。但街上實在太多人，我不能忍受，於是到了附近一間書屋看看書，還買了一本書，想不到我會有齊他的每一本著作。
突然想起我們年頭給自己寫的信，十一月十二日（只是給自己設定一個時限）是時候再看看這封信了，看看自己兌現了多少。
今朝好鬼凍？~~~話說今朝搭車返工，有個傾緊電話o既男仔坐o係隔離。我一路恰，一路八下講咩。咩test、short question，呢o的名詞簡直係令人懷念。不過，重點係「我而家o係大埔墟同大學之間o個段路，如果你搭火車o既話，你會望到我。」……氣溫驟降~~~好肯定佢同緊女朋友傾緊電話。
Lunch 時，我o地三個o係度畫自己o既「心電圖」。佢o地兩個一直認為我都係above average，但我畫o既係o係谷底徘徊。點都好啦，四個月啦，今日滿四個月啦，我o地仲未死得，雖然都甩頭甩骨，聽日我o地食餐好o既。^__^
May︰「以後你再唔記得畫，每次請我食一包薯片。」……今日︰May︰「叻喎！記得畫喎！」我︰「我唔想害你嘛，咳成咁o既款。」
講返航天先，一直唔記得寫。其實楊利偉呢個中國太空人成功上太空，又o黎香港訪問呢o的新聞，我真係冇咩特別大興趣或者感想。只不過喚起細個時候睇過中國航天展同埋「長征五號」（好大o架！）。
「Merry Christmas」Kate's email. 「o下……而家先十一月頭喎！」Yan's email. 「我要做第一個同你o地講Merry Christmas o既人。」Kate's email 「咁做人就要有頭有尾啦，你要做埋最遲同我o地講Merry Christmas 的人喎！」Yan's email.
yeah~~Mark 話我進步o左呢！無法，去到呢個位要識賴皮，發爛渣。
「跟你抱著，未等於愛上。不再抱著，未等於不想。」《西關大少》主題曲。
緣份需要時間配合。錯過，只可以嘆有緣無份。
自返工以來（頭幾日training 不計），我o地三個今日終於可以一齊放工啦！算係做滿四個月的獎勵吧。^o^
琴晚睇返第五集《衝上雲霄》，面試例排會問︰「點解要做……」馬德鐘︰「點解你要做飛機師？」馬國明（婆婆媽媽的那位男學員）︰「我o地成家同公共交通工具好有淵源，我老豆做巴士司機，阿哥渣地鐵，阿叔渣電話，表哥渣渡海小輪…」馬德鐘︰「咁你做飛機師，係咪想全家稱霸海陸空？」^_^
今日晏晝同貓貓佢o地飲茶，一如以往，成檯o野，好快清。我都係第一次飲茶問人拎discount……其實我好想介絕佢o地食o的有特色o既o野，但係次次聽親佢o地講都係buffet、打邊爐，我都唔知開唔開口好。
食完飯，唔知做乜，一直咳，咳到喉嚨痛~~~聲都沙埋，都唔知搞乜鬼。
話咁快下星期行禮啦，興奮。^_^兩位大人又著我快o的買花，放工先算啦。
心情好了很多，或者冇咁多奪命追魂call，又或者May o係度我定好多。
今日May唔舒服，所以好早走。我，六點多都走lu。
今晚《衝上雲霄》裡面隻熊人即時令我想起唔知邊個版本o既《神雕俠侶》（好似係古天樂…）裡面o既水桶神雕。另外，今集o的花靚到爆呀，好似紙摺咁，雖然未至於多到變花海，但係五頻六色，一叢叢的，靚到爆。^__^
提不起精神工作，心裡盤算著自己的工作前途，更加強勁「不做」的信念。我再找不到任何藉口讓自己提起勁工作，完成找不到丁點兒成功感，滿足感，總覺得每事徒勞無功。
May今天沒上班，不理三七廿一，甚麼也不理，早早回家，難得可以早歸家。工作？明天吧，長命工夫長命做。
走，是遲早的事，但是我不知道自己可否待半年這麼久。繼續找些前線工作……
不想上班。
今日訓，訓，訓。
睇返琴日o的相相，私家豬話我咁active。無法啦，畢業正日先影得正正經經，仲有幾round 要影，點可以一本正經呢？悶死~~~~高迪，高迪，我o地要影四不像。
有新相~~~下次都係乜都唔教，留返photoshop 玩，咁就多o的o野玩！
兩日啦，仲未settle 好自己。好唔想返工，好掛住返學o既日子。唔返工得唔得？我仲可以撐到幾耐呢？頭先晏
訓飽去影相~~~
今日熱到爆，影到成身汗。今日個妝算係我o既極限~~~化妝實在太煩人啦！雖然只係影o左三個多鐘，但已經tired 到不得了。
尾站係CCIV，咦~~~綠色唔係social work 喎~~~砌唔到彩虹喎！因為呢個素未謀面o既social work 同學仔，演變成交換卡片的序幕，場面幾搞笑。
畢業相first round 完。