呢期o的單唔知係咪peak season，張張單都話急。一返去就打仗，先開個outlook，少則四五個，多則十多二十個，睇到一個一個未開o既貓貓都呆晒！

落單、追單、同客social咁又一日啦~~~今日好鬼瘀呀！>.< hehehhehe……瘀到爆呀！

本來今日可以早走，但想file 埋o的貓貓先走，廢事聽日一鑊過咁甘……holiday mood 呀，仲邊有咁好心情執丫。^_^ 係時候執o下板板，貼滿紙仔……清清佢先，next la！

今晚冇端端齊人食飯，一鑊過KO埋佢。hahha，我o地咁多個都要加油！ ^_^

有筆者批評港式中文唔要得，仲要廣告字眼用呢o的，外國同內地人都睇唔明。我認為，每個地方都有其地方語言，港式中文的出現有什麼稀奇？尤其是將其應用於廣告中。廣告作用是將訊息傳播來提醒大眾，要達到目標或預期效果，廣告創作人必須考慮廣告的對象、文化等等因素而創作。我真係唔覺「酒後咪駕駛」有問題，簡而清，況且呢句忠告擺明俾本地人睇。外人睇唔睇得明關鬼事咩？

要好好recharge ~.~，聽日一返去就要覆貓貓。

以同樣一個無聊理由著到較為靚靚返工，所以今日有乜單物單係Urgent、大鑊o野都係好心平氣和咁做……連佢o地認為會因為咁而斷估會勞嘈o既客，我都可以安然無恙渡過，仲可以有講有笑。…… ^.^"

一開個mailbox，十幾廿個貓貓，睇到呆晒。

Lunch時，叔叔話好鐘意見到我o地喎~~~成日笑！hahahhah………開心又一日，唔開心又一日，做咩要唔開心呢？o岩o既，o岩o既！笑~~~~ ^_^

或者琴日睇Grace Chan 點樣覆個國語人，我有樣學樣……起碼o個兩個台灣客明我講乜。hahhah……我今日普通話有進步呀！起碼冇咁多「er……」hehhehehe……加油加油！

唔知係咪聽日月尾，又或者覺得自己真係做o左好多，又幫到人，今日特別開心。^_^ 雖然做到八點半先走，我都甘願！hahhah……如果唔係May 好人、同事好人的話，都費事做咁夜。越夜越free，一路做，一路同Maggie、Kathleen o係度嘈！hahhahah……原來做到2030有廿五蚊飯錢喎！ ^o^

返咁多日工，今日最開心……亦都係工作上、知識上賺得最多o既一日。^_^

我唔係唔想擺私人o野，但我太清楚自己會越擺越多，做o野會極度不方便。都係清o的好，最多貼下相相……下個月先啦！唔理呢o的住。

我呢個係一個唔錯o既好位，起碼附近o的人夠活潑，唔會悶死我！

有唔少數字統計o的老闆對大學生o既評價，好記得城大生俾老闆印象係唔錯。今晚我都可以證明到………八點幾，仲有人默默耕耘。

今日唔該May 暫時幫我搞掂死八婆！……成個大細路咁~~~ 「好眼訓呀~~~」激壞！^o^

有時真係俾波仔激到唔知好嬲定好笑，明知人o地認真地趕貨，仲撩人玩！已為人父啦，仲玩？！hhahahhahahah……

原來o個o的牌牌（通常掛o係衫褲、出門未俾錢會"do do"o個o的）都關自己事。唔做唔知。^.^

Keep Smiling~~~~ ^_^

琴晚突然好想玩tatoo，真o既就唔好啦，一世~~~唔o岩我呢個三分鐘熱度！ ^o^

為o左隻蝴蝶，著裙返工。亦都為o左搞堆麻煩單開心o的，扮靚少少~~~

食完飯，俾Grace Chan 召喚……唔通我做漏o野？惹到咁高？好彩都算係小事一椿，佢仲教我好多關於hang tag 同 Tab o既o野。又賺o左啦……呢o的算唔算product knowledge？ ^o^

一放工即閃銅鑼灣搵女，o係十蚊店行o左陣，再join 老鼠、祖兒、仔食飯。仔一到，佢心情好似唔多好……之後緊係鬆晒啦！席間，大家share 自己工作情況、趣事。我o地咁多個要努力，努力。

呢期好似冇咩氣為工作而嬲，麻木o左？唔知呢？只不過我覺得心情唔應該由個客控制我。大不了發完一陣嚕囌、SRLB後繼續做。 ^_^

有冇壓力？冇就假，但相對開始時候少好多，至少知自己開始做o的乜，冇咁徬徨。

我o地係青春小伙子。hahhahahah……目標明確，但係點行就真係要再諗諗。至少我已經踏出第一步。加油！ ^.^

Seline o係開頭教 Fanny 做o野時，建議佢買個錢罌，做錯一件事就入一次錢。假以時日，再睇睇個錢罌有多錢錢就知自己錯幾多，改善o左幾多。 ^o^

呢期喜歡用「搏殺」、「recharge」呢o的字眼。停用「捱」……亦都希望唔想再用。

各位，加油！吃得苦中苦，方為人上人。

慣o左每朝都要大動作郁一郁，拉拉筋先會返工。但Daddy 成日話我唔好咁大動作，仲建議我認認真真學太極。……我都有學過o架！不過唔記得晒之嘛！佢都莫非想我學完教佢…… ^_^……不過呢，我咁大動作完之後先真係會醒o的o架！hahahhahah……忽發奇想，參加下夜晚太極班都好喎！^_^

冇o野做搵o野做係最慘，時間過得特別慢……好彩晏晝多返o的o野做。^_^

腸胃悶悶地，乜mood 都冇！見到死八婆個email都冇乜火，覆完就算。

自己對手頭上工作有一定認識定係o的客o既國語真係好清楚，呢期國語人電話都聽得明，雖然我都唔係講得好好，但至少人o地明我講乜。^o^

或且慣o左早睡早起，九點幾已經彈o左起身。不過咁，成屋人都係食飽飽之後又訓過…… ~.~

我就比較貪睡，訓到兩點幾起身食飯睇波。

又訓過……都唔明訓咁多都仲可以咁眼訓？~.~

一路食飯，一路睇報紙，咁o岩睇到一個食人狂。好奇心驅使下就將成篇報導睇晒，但睇完之後就乜胃口都冇……連最愛吃o既蕃茄汁今晚慘遭冷落。

腸胃依然唔係幾舒服……

話做細就一定會多人鍚，矜貴o的。但係俾錢俾屋企都要公平o的，係呀，我擺到明係o係呢方面唔妥我個妹同媽咪！媽咪寵壞佢，正一賺錢買花戴。到時出事，唔好怨我o地冇勸過！冇幫佢。

諗住星期六冇咁多人返工，遲少少先出門口，結果都係要睇住幾架車飛站。雖然係咁，心情依然靚靚，holiday mood大晒！

返到去想快快手手清晒email o既工作，三個鐘話咁快就過。因為今日突然太多urgent o野，冇理到條死八婆。

原本一點可以返到大埔同范老師一齊等位，但因為高迪同Talie 咁o岩o係附近，於是一齊食咖喱屋。唔知佢o地今日casting 點呢？ ^_^

兩點三先返到大埔join 舊同學，大家都冇咩點變。第一眼見到才子有o的出奇，感覺好面善，I mean 佢好似另一個人。係呀……馬高呀。 ^o^ 話時話，我真係好驚搵唔到佢o黎，話晒我拍晒心口話一定搵到。好彩佢同黃sir 真係有緣，咁o岩琴晚online……

大家相聚自不然講返往事，說說大家的狀況。最感到意外是有同學已經結婚生子。^_^ 人各有志，但我志不在此。

五個人，當中三個係文人，四個人從事教育工作，所以不少話題都離不開這些話題。我都好耐冇真正留意過中學教育發展，聽返黃sir 同范老師講o的學校計劃，我同才子︰「……」事實上，我o地都係企o係學生角度諗o者！邊個唔想計劃成功同有效，但適得其法先得o架，唉……這就是教育？

總覺得黃sir歧視BBA 人，我真係好想駁佢……冇佢咁好氣……但我會證明俾佢睇唔係所有BBA人都係好似梁生咁短視。^.^ 人才重要，自不然教育有一定o既重要性。經濟o的惡劣都好，都唔會大覆度削減有關開支。……唔知係咪同自己讀過HR有關。我會向住自己目標進發。

一飲就飲到五點，本來打算由我o地四個人請佢，點知佢話我o地出糧時逐個逐個請佢。^_^ 好！

今日才子講到話o係HKU in 教育文憑時，當中問到佢最影響自己o既老師係邊個。佢未講，我o地都估到。我o既選擇係Miss Luk，我份人就係咁衰，要聽o的難聽o的說話先會激發自己去做，去衝。可能佢冇在意呢o的說話，但係我會好記得。而家我做到啦！^_^

我係咪較為異類呢？當個個女仔話要美白o既時候，我就偏偏想晒黑。晒唔黑都唔係一個mainpoint，最重要係天朗氣清，自己心情都會靚好多，感覺自己健康好多，舒服好多。cool 到爆呀！hahhahahah…………陽光與海灘呀，好掛住~~~

o係附近兜o左陣就返屋企，好tired。

計過數o架啦！過多三個月呢，小雛菊先開花（……~.~）。過多半年，係半年，棵怕醜草先會開花……（到時真係可以開到花嗎？出年一月，嚴冬喎！@.@）之前同Daddy 講開，佢話橙o的種子真係可以種到。 唔知係咪天氣熱得滯，我︰「不如咁啦，種西瓜啦！消暑呀！」媽咪︰「西瓜變得大大個點種呀？」hehehheh……最好有埋哈蜜瓜。唔講種荔枝樹已經好俾面o架啦！

想做一樣好無聊o既o野，但應該會係幾開心同舒服。main point 係我願唔願意咁早起身。 ~.~

記得琴晚自己想寫乜啦︰第一次見到Daddy 笑到咁甜。hehheheh……不知不覺，佢挨到我o地牛高馬大，出身。 (~ ^ . ^ ~)

我o地四個會唔會食物中毒呢？大家咁橋都係呢一兩日腸胃不適。~.~ 今日lunch 好靜、好呆……

呢一兩日都冇乜Daphne 消息，May 叫我聽日要call 佢喎~~~ 都好！速戰速決。

開始同附近o的同事混熟，有o的係我師姐。^o^ 特別鳴謝Kathleen，因為近水樓台，所以我成日煩佢，但佢又好好耐性教我！唔……如果公司provide 唔到一個mentoring scheme or training for new employee, it is the best way to find the mentor by yourself. 我搵到啦！^_^

從May 同伯友電話傾談中，我推測佢係細女or獨女……「整乳鴿丫，整好o的喎！唔講住啦，好忙呀！」

呢度o既supervisors 係好有energestic & easy-going，自己不知不覺被感染。唔知係咪全部，但至少May 同 Seline 係。 ^_^

「三管齊下」持續，再加發燒……整日都係呆呆滯滯。

總覺得今個禮拜o的時間過得好快，特別忙於工作o既時候。

總覺得仲有o野未打……係咩呢？醒唔起。

結果，佢都不留情地一走了之。

話就話八號搏佢唔使返工（返少一節都好丫！ ^o^），但都要一早起身睇個市。ready go to work la！

「若颱風離開香港後，員工應恢復上班。條例規定如八號颱風於上班時間一小時內除下，則該工作時段無需上班。」八時十五分，天文台發出三號強風訊號……要返！~.~

琴日大暑，例牌有冬瓜水飲，一口氣飲兩大碗。今朝一早個肚勁痛……我係寒底。

帶住「三管齊下」—肚痛、頭痛、傷風出門口……

一如往常搭巴士，改掛後o既情況同平時都冇乜特別。

唔知係自己唔舒服定係好焗，真係頂唔順，好想嘔………結果o係大老山隧道入口落車抖一陣 ~.~

返到去公司，乜痛物痛大肆發作……早知晏晝返啦！睇埋醫生先返…Per guidelines in English，係可以一點半先返。。

今日整日都係不在狀態下工作，好tired，好辛苦。

每次見到Daphne條死八婆 email，不由自主地輕輕講一聲︰「SRLB！」

今日唔該晒Seline。 ^_^

呢個颱風名幾難記……依然風和日麗。

自己又唔多鐘意睇報紙，唯有襯返工途中聽下收音機知下天下事。

如果唔係就巴士，我諗都唔會有時間俾我做下運動。……而家覺得行上八層樓都唔係好辛苦o者！係慢慢行，阿婆速度。^_^

午飯過後，大家熱鬧地討論八號風球返工情況。唔知大家係咪諗住隨時掛呢？（雖然大著晒白衫。 ^_^ 一路睇衫，一路研究人o地o的質料。我諗呢個都算係買 / 睇衫o既樂趣。 食雞期間，研究聽日使唔使返工，我同碧琪當然唔多想返啦！^o^

今晚唔知點解好有holiday mood，當正自己聽朝唔使返……唔願訓。

勁驚尋人冇乜消息。而家等時間、地點就搞掂啦。^o^

每次大風大雨都諗︰「究竟o的麻雀會匿埋邊呢？」

今日May 大假，所以早放。麻煩了Selin水 ^_^

最憎o的客未搞清楚就週圍吠，仲要越搞越大，之後一句Sorry 就算！……頂佢個肺！算……受人錢財，替人燒災。辛苦我附近o的人要忍一忍我爆粗。……Maggie 同家芙蓮話遲o的會慣喎。

諗定今個星期六有乜節目，Emily 一個電話問我今個星期六返長週有冇問題？唔通我話有咩？ ^.^ 加油啦，王欣。

Maggie 同家芙蓮極力推介《海底奇兵》。Maggie︰「你睇o左魚魚未呀？」我︰「魚魚？咩魚魚呀？」（心諗︰魚樂無窮？！）Maggie︰「海底奇兵好好笑呀！劉青雲同毛舜筠勁好笑呀！」

冇錯，人應該要多方面思考，但要o係適當時候諗適當o既o野。

傳聞兩個中學同學返o左何記教書，hahhahah……首領講得o岩，幾搞笑下！傳聞係真o既！恭喜賀喜。但係個感覺真係好搞笑！唔知黃sir、Miss Wong、Miss Luk 個感覺會又係點呢？hehehehhe……我要尋才子，黃sir 最想見佢，希望我搵到「乙水」佢開心啦！ ^o^ 一個二個對我寄予厚望，好大壓力添！^o^ …… 同個同學研究點教佢o的學生，我完全以一個少少壞學生角度幫佢諗。係！而家o的小朋友真係迷途中的羔羊，唔知人生目標係乜。可能佢o地有乜要乜，根本唔需要諗咩人生目標。……唔，咁我自己呢？仲係咪迷途中呢？我諗我應該近出口啦！

聽日大戰Daphne，沉著應戰。正一麻煩客，仲要係大客。頂！頂！頂！同你死過！

yeahyeah~~~三仔「九母」有工開！今晚好消息一個接一個，開心死！

唔知點解琴晚到今朝返工覺得好大壓力……

May 同 John 有個共通點，always energestic。所以每朝見一見佢，傾一傾偈，自己都精神o的！ ^_^

同Fanny 研究過，星期日最想留o係屋企，星期六會係一個活動最佳日子，平時冇乜必要都唔想應酬。

週圍去似乎仲要一大段時間；進修真係要好睇時間……有排先達到自己目標。加油！加油！

聽下歌，icq，訓下覺又一日。

同自己講過，公私分明，但發夢呢家o野我真係控制唔到……頂！~~~~~想有一整日私人都唔得？ ^o^

萬千寵愛在一身。有人天生就係俾人痛鍚，有人要後天先可以 ，但切忌低裝。

「娶了你已是我的成就。」(~^_^~)

Yanci 講得o岩，三個鐘好易過！人少o左一半有多，但亦都好熱鬧，因為個個都holiday mood。 ^_^

今日冇乜input，所以都少o的output，一點就閃得啦！

有時我會俾阿May 搞到哭笑不得，今朝入去俾佢check 文件，佢睡眼惺忪，就o黎趴o係desk同我講︰「好眼訓，唔做得唔得？」我︰「………o下？hahhahhahah……快o的起身啦，仲有一粒鐘咋！」^_^

諗住同高迪佢o地去榆景灣玩，但高迪又唔去，自己又想recharge，最後都係返o左屋企抖抖。大興話返工、放工、休息呢種生活好悶，唔……我唔擔保自己將來會唔會咁諗，但而家我覺得咁o既生活都幾舒服，仲有energy就 搵fds 玩都幾好。

頭先睇o左亞視時事節目，覺得自己真係好好彩。

節目中講到︰「大學生眼光要遠，初初唔好咁介意回報，先o係技術層面汲取知識……」o岩o既，而家經驗要緊！

搞完一大輪，終於順暢地玩MSN messeger，好玩過icq！正！KT冇介紹錯。 ^_^

期待周杰倫新碟，yeah~~~

唔知係咪耳濡目染，連發夢都見有人倒董，仲要係o的小朋友攀山越嶺去倒董！ ^.^

往往諗住六點多走得o既時候，o的o野就不斷咁o黎！由其是Happy Friday，頂……真係乜都唔想理，一走了之，但又盞第二日一早煩。所以七點幾走已經習以為常。

一幅眼鏡就盡顯Fanny 心情同workload。hehehhehe……

雖然仍然有錯，但錯少o左，開始上手啦！Great~~~ 下個星期開始要對外啦！ ^_^

係我眼花，定係事實，May 住大埔？！

仲有三個鐘又一個week 啦~~~ time to recharge la！

死啦！唔知係咪玩得多，玩到棵怕醜草攣埋……但佢o既莖真係好幼！唔…… >.<

一個無聊統計︰

出門口（5層樓）+ 返工（8層樓）+ lunch（8層樓）+ 放工（8層樓）= 29層樓

um……keep 住咁做，當做運動。^.^

文件開始堆積，咁先似樣嘛！雖然忙，但忙得開心。 ^_^

俾May 踼爆我本身曲頭髮，係時候要整整啦。 ^o^ 雖然佢係我上司，但好多時間我o地都係冇大冇細。應該係咁講，佢仲冇大冇細過我o地。

唔知係咪上過莊關係，我覺得人o地所謂「OT」都係小事一椿，冇乜所謂。七點走都覺得ok……希望我可以keep 到呢個心態。

哥利棵五彩辣椒要快高長大呀，我都想睇下佢係點樣。

係喎係喎，我o地o個時有冇人買到蕃茄仔玩呀？

生命就係咁得意。唔好睇少一棵小小的植物，朝早一個樣，夜晚又一個樣。我o個兩棵又唔同o左樣啦，怕醜草多o左兩塊葉仔（但佢條莖好鬼幼，真係支撐得住？），小雛菊強壯o左好多。佢o地咁健康，都係多得媽咪，我只係睇o架咋！ ^_^

KT話擇友好嚴。我諗緊，究竟我有咩可以俾人作為學習對象呢？又或者我真係一個很不錯的人？………唔知！ ^o^

16/7/2003 (WED) 好忙，忙到癲！

一早起身，望下o的花花草草。掂下o者，成棵訓低o左……o下？唔係掛，咁就玩完？……嚇死我，詐死o者！ ^o^

好眼訓~~~ >.< 返工前一晚都係十點好返屋企！

勁忙呀，死人Daphne 講極都唔明，係我同May 的英文差定係佢理解力低？忙o左我成日都係跟佢張單。

開始明白自己做緊o的乜啦！hope 以後少犯錯啦。不過第二個sold-to 又要錯誤中學習啦，都係好「生」。

仲要覆返US o的同事email，要大體……之後仲要不斷覆，覆，覆。

忙，但值得o既！學KT話齋，有o野做好過冇o野做。

May 算係唔話得啦！thanks~~~~ 加油，加油！

掃把頭同長頸鹿辭職，高官地震。

好眼訓……今晚訓飽再做過。~.~

15/7/2003 (TUE) 酷熱……

大興，生日快樂！ ^o^

睇怕我就o黎養成一個習慣，就係返公司前先o係附近晨運下。說實在的，唔想咁早返去住。 ^_^ 今朝四圍蕩時，撞到死仔包。^.^ 今年一齊影相啦！

我幾乎當每日都係考兩份AL Paper，所以時間好似特別快過。

今日接埋第二個sold-to 啦，好多o野要留意……好彩有個師姐（都係City 仔女）照住。我諗我會慢慢上手的，當然，我都想快，但欲速則不達。

又係國語人，不過今次嘗試聽同講（自己都忍唔住笑），好彩個客都仲明我講乜。

放o左工，襯住今日last day o係學校podium 梳化區開大餐，當然啦，有secure 叔叔問話同落薄仔。高迪佢o地仲爭住俾學生證人o地抄添，以作留念。

直落唱K……KT講得o岩，有幾可我o地可以咁多人happy 呢？雖然唱得o個一陣。 ^_^

高迪同文仔黑o左好多呀！^.^

P.S. 到而家為止，我都未習慣寫美式日期。……希望順順利利過到probation 啦！

P.S. 咁又一日啦，好快星期六。 ^_^

唔係morning call Ricky，訓多三個字先起身。 ~.~

唔想再遲到，八點就o係巴士站。其實我真係好想影低朝早o既吐露港同埋獅子山（黃白時的獅子山都好靚o者！），好靚呀！……搵日啦！ ^o^ 仲有半粒鐘剩，o係附近晨運，順便搵下Daddy 講的美食中心。終於搵到啦，頂~~~十分鐘呀！來回二十分鐘，四十分鐘食……等我o地食厭 o個幾度先換地方啦！

由於May 今朝要開會，冇乜o野要跟，於是就努力地執返好晒o的email……勁多！好難想跟多幾個sold to 會係點~~~ ^.^

晏晝陸續有來，總算有板有眼，雖然都有錯。…… 唉！我又擔心接到普通話電話……口啞啞。話說今日有個普通話人打電話o黎，但我聽得明佢搵幾個，又聽唔明佢講乜啦……好難聽！最後要麻煩其他同事幫我。長貧難顧，…………學，學，學！

呢排做到六七點先走，冇所謂啦！KT同Ricky 講得o岩，冇錢做SU 都肯做到超晒時，呢o的算得係乜？hahhahah……我有少少enjoy。 ^_^

今日我試o左一樣o野，埋首做o野前笑一笑，最好keep 住笑，能量好似多好多，動力又好似多好多喎！hehehhe……聽日再試下先。要好似阿John 咁有energetic 做o野。 ^o^

歸屬感係唔係真係咁重要呢？ ^.^

米奇杯投入服務lu！ ^_^

唔……o係圖書館捉e因、podium紅綠燈、podium捏捏樂，聽晚有得玩就最好lu！點tired 都死返o黎玩！玩盡佢！

今日邊度都唔想去，想留o係屋企。

一早起身食完早餐又訓過，訓到兩點幾。

同細佬o係度勁聽歌、heir。佢有佢打機，我有我整貝殼。講o左好耐o既o野終於實行o左啦！唔……我真係好想黏到成隻門都係貝殼……不過而家只得o個一行，等我有機會再執下、儲下貝殼先得。 ^.^

yeahyeah~~~ 棵怕醜草玩得啦，雖然依然好細棵，但係你掂下佢都有反應。COOL~~

同細佬各自整o左碗雪糕食（o係屋企食雪糕，再加音樂，簡直至高享受。）。o係屋企踱踱步、蹦蹦跳、跳咷舞，咁又一個下午，一個好舒服的下午。

「手機收到一通曖昧留言，不斷地說︰『我愛你！我愛你！我永遠愛你。』但因收訊不明，她無法分辨出，那到底是愛人甲或是情人乙，還是昨晚荒唐一夜情的路人?。她不斷重覆聆聽，但她不曉得，她究竟是想要知道留言的人是誰，還是希望能聽到有人不斷重複對她說︰『我愛你！我愛你！我永遠愛你……』」《你們 我們 他們》幾米。

原本應承今日賣旗，但因為手手問題，都係走o左睇醫生。呢個醫生好好多，希望o的藥都有效啦！唔想隻手成世「鞋十十」。

等拎藥時，睇健康節目。嘩！食得多，坐得多，仲有食高脂肪食物會好容易患呢個糖尿病。>.< o下……咁我點算呀？佢仲話蘋果型身型o既人比啤梨型的更容易患上。

睇完醫生，仔又未返，閃o左入去拉記睇下有咩戲。好多戲呀，仲要係幾update，最緊要有我至愛o既小忌廉同埋飄零燕呀！cool 到爆呀……好想好想煲晒佢 ！但其實最想一口氣睇返Band of Brothers。 ^o^

一個從來唔會買旗的人走去賣旗，我諗你有好深體會。其實香港人算幾慷慨，每人一兩蚊，成百幾萬人咁數，個數字真係幾可觀。^.^

食完飯，兩母子返o左學校研究指甲。完全係技術問題，經個仔一修，嘩！好「令」呀！…… 記住，記住，係要用陰力。thanks~~~

跟住再出去佐敦搵Gallant 同 Ada拎返個result。說實在的，我真係冇乜把握兩份卷Pass。仔都係……臨上去時，佢無端端講︰「如果兩科pass 晒就買個腰bag 獎勵自己。」我︰「…… ^_^」點知我o地兩個都一Q中晒！我都覺得出奇。Gallent 話唔知係咪包場考會易o的喎！ ^o^

跟住同呢三個大朋友tea，啟發o左好多o野。我要俾心機！^_^

前幾日日記咁打過︰「女仔係咪真係比男仔容易搵工呢？」Gallant︰「而家o的男仔無志氣。」…………完全冇諗過呢個係一個原因……不其然又諗起某高官講過的一番說話。

tea 完後，再行去旺角。呢期仔不斷刺激經濟，買o左件Columbia 衫、Karrimor o既腰bag。……慳o的啦！ ^o^……我自己都買o左米奇杯同幾米《你們 我們 他們》，唔錯，唔錯，會心微笑。 ^.^ 「小女孩天生就有一種本事，可以一眼識破小男生的技倆。不過呢，她們又聰明地練就了另一套功夫，假裝不明白小男孩到底在玩甚麼把戲。」

hehhe……怕醜草同埋小雛菊都健康地成長，有時我覺得棵怕醜草正好反映我呢個人。^o^

伊斯坦堡好靚，好熱鬧……電視所見。o個個藍色清真寺好靚呀，藍得好靚，o的瓷磚花紋都好鬼靚。

哥利，生日快樂！ ^o^

頂……明明四個字的車程，搞到我以後都係提早成粒鐘出門口。話說今日睇住三班車走，第一班車送車尾，冇所謂啦，時間多的是。第二班車飛站，第三班車飛…… >.< 等到八點七終於有車，返到去都已經九點一……未夠一個禮拜就遲到……>.<

好啦，今日唔知點解好雄心壯志埋頭工作，或者俾KT 琴日話過下，所以都係乖乖地努力學習做好自己的工作。當工作忙到唔忙o既時候，咁又一個上晝，時間真係過得好快。

晏晝又走返琴日o個間食，o個度o的服務簡直一流。唔好睇佢餐廳仔咁「up」「得」，o的staff 勁好人，慇勤，今時今日咁o既服務先至係o架嘛！Fanny 問阿叔點解咁好服務？阿叔︰「而家有份工做好好o架啦！慇勤算得係乜呢？況且服務人係應該要咁。」由於琴日o的飯真係多得好緊要（兩碗有多，我諗…），今日特登叫佢o地少o的飯，但依然都係食剩。乳豬好好味呀……好鬼脆，o的雞又滑喎！

晏晝又努力工作中……面對一大堆email真係發癲，係時候要培養下自己點處理e-documents la！部電腦個network 都唔知想點，一時開到，一時print 到…… Joe 搞o左幾次都係咁……煩死！不過，最後都安然無羔啦！但e-fax 返自己依然未解決，Lisa 話應該得o架喎！諗住用第二個方法send 返自己時，Lisa︰「欣欣，出o黎玩多次！」我︰「係！」……都係唔得呀！ too bad！ 好彩呢間薄餅o的設備真係唔錯，仲有其他方法做到同一樣o野，雖然麻煩o左o的。 ^_^

一路做，一路學，May 陪我做完為止，雖然佢性子急，但佢好有耐性教我。Thanks！仲有其他同事。今日Happy Friday，照理上佢可以一早走……我都唔好意思添！佢︰「唔識就要問，識o既就唔使我教啦！唔明問我，知唔知？」（我會記得，下個禮拜應該繼續狂問！ ^_^）唔……溝通由自己做起，要主動。其實我前後左右o既人都唔係好cool o者，至少我有問題，佢o地都肯答我，幫我。

今日收返o的email reply 返o黎，有少少滿足感，覺得自己對於呢份工作有少少belonging。如無意外，下星期會再跟多個sold to，May 事先聲明，會更加忙。我會努力的。

o係公司擺放幾多私人物品 = 對公司有幾多歸屬感。前幾日鬧情緒，杯都唔想帶。唔……不過呢，我諗我都會帶返去。睇下聽日出街買唔買到心水杯啦！ ^_^

或者Holiday mood 啦，今日放工都未覺得tired。唔……如果有一日半的假期，我都係情願留o係屋企。

heheh……我高估o左自己添，以為放工仲有精神玩……真係唔得啦！ >.<

用o左個半鐘時間玩指甲，都係做唔到仔o既效果……係未夠經驗定係馬虎呢？不過呢，指甲真係滑o左好多呀！^_^

原來幾條毫不起眼o既線仔都可以出賣公司機密……嘩嘩！我真係唔知！^_^

聽仔女佢o地話，一早同阿May 返我自己情況，佢跟返，我就慢慢由最base 開始做起。

今日總算有個概念，跟o左好幾個email，麻煩o左正在忙碌中的Katherine 教我點用direct fax 同fax。而 May當然煩佢仲多啦，唔明就問，email as icq！做人主動o的好！

隔住一塊板板的同事臨放工時，開始我o地o既第一次對話。冇記錯的話，應該係同一team……佢︰「仲唔走？有得走就好走啦，遲o的冇得走啦！」我︰「我會o架啦！」^_^ 實驗證明一板之隔與一巷之隔比較，前者溝通差過後者。

佢o地三個都開始實習啦，佢o地都係慢慢來……我都係！都係慢慢o黎好o的……

放工啦，雖然依然諗緊仲應唔應該做，但係冇琴日咁強烈。見到o的搬貨工人，其實我比好多人舒服好多啦！辛苦？唔辛苦就唔使請人做啦！……um……我又擔心啦，如果有客打電話o黎點算呢？英文仲可以，但普通話死梗喎！我真係驚自己應付唔到！

依然覺得壓力真係好大……o的deadline 迫到唔迫！真係shit！ >.<

科技發達確實令溝通更加方便，不過又顯得人與人之間距離越來越遠。這是四日中最深深體會到。

快o的放假啦………一來想抖抖，二來想睇下雙手，到家下都未好返……>.< 唔通成世要「鞋十十」？我唔制呀！

今朝屯門的嚴重車禍真係死得人多。~~~

仲有呀！真係要好好學下Outlook 點用啦！……o的email 真係煩死人，真係想一o野delete 晒佢，但又唔可以咁做。

到而家，說真的，都係睇錢錢同返工地點份上keep going，因為計埋計埋真係幾可觀。

from 一個心理測驗，呢句好中︰「你脾氣變化無常，有興趣時，能認真踏實做下去，一旦失去興趣，就會對所做的事感到莫明其妙，予以放棄。」……我o既EQ低到離晒譜。>.< 要改！

第一日實習，理論永遠都係理論，做到先知頭知路。但May 一下子就俾o左個客我跟……一大堆紙，先file，冇問題！filing 都係我在行。enter data都ok……但實在太多，做o左成個早上。下晝真係要跟返o的客email……shit！多到阿媽唔認得，又要盡快覆，o的email 未睇晒，知o的唔知o的咁覆住先。由於仍然實習階段，所以out 出去o既o野都要俾阿May 睇o左先……一路做一路嘆氣，係大嘆氣，what the hell？1730放工時間，想走……做多一陣真係唔想做落去。成個下晝，腦海裡面不斷係咁諗︰「仲做唔做落去好？o岩唔o岩我做？好大壓力，好辛苦~~~聽日quit啦~~~」1750閃，同阿May 講跟唔到，佢問我︰「係咪趕住走呀？」我︰「係呀！」放低o的o野俾佢跟返就閃。

仲有，今日成日都係心跳得好緊要。壓力好大……日日聽住附近o的keyboard 聲，我真係好驚……快到痴線。

回校途中，心情一直不佳，苦惱樣子真係畫到出腸。Rachel 同 Fanny 叫我忍下，努力o的，唔好quit……唉~~~ 希望佢o地聽日做時唔會好似我咁啦！

等仔女、大興、哥利返o黎時，就bilibala 講晒出o黎……舒服晒！o岩o既，要反映下……但問題係呢份工係咪真係o岩我呢？唔係o既話，我真係一早quit，唔揹咁多o野上身。或者咁講，我唔願意揹呢個擔子，唔想承受呢個責任，太重啦……一下子太重啦！

今晚女請食飯，THANKS！希望我堅持到，下個月輪到我請食飯。

Rachel 提醒我o地三個要堅持儲錢，否則就會好快出現財政問題。我會o架啦~~~ U都試過啦，都係量入而為。

TODAY is really TIRED~~~HARSH. 勇往直前O既我去O左邊呢？信心，去o左邊呢？唯有咁同自己講住先︰「睇錢份上，堅持落去罷啦！」（雖然我知咁諗唔多應該o岩！）

今日都係返去上堂，勁多o野記，希望做時慢慢上手啦！

終於見到自己supervisor 啦，佢叫May。簡直係一個豪爽之人呀！由於卡卡未整好，呢兩個禮拜都要人手簽走。本來1730就可以走，但搵唔到 May，開著部腦等佢……冇端端有人後面同我講︰「做咩仲唔走呀？」我︰「等阿May。」佢︰「我咪係囉！超，簽名咋，簽完好走啦！」我︰「哦！」我鐘意，hahhah………補充一句，佢係靚女一名。^_^

聽Yanci 講，聽日會開始「實習」，有o的驚驚，所以今晚都刨返呢兩日notes 先！

努力加油！努力加油！^o^

本來想帶隻Pooh Pooh 杯返去，但媽咪話太大隻喎~~~諗住放工去買米奇杯，睇唔中……聽日放工買，順便去宜家買埋Cushion。

自從睇o左KT日記之後，已減少飲凍o野……留返quota 食雪糕、生果。我o的同事話吳君如同埋曾華善之前講過凍飲會大肚腩言論…… ^_^

我諗過o架啦，如果星期六放工心情靚靚的話，咁就搭小巴入西頁玩！cool~~~

怕醜草好得意呀，返到o黎合晒葉喎！我媽咪話晏晝仲見佢兩塊葉仔撐開o架！

陶吉吉演唱會呀~~~正！……不過冇得睇！ >.<

P.S. 唔知你o地有冇呢個感覺呢？返o左兩日工，我盡可能減低發生錯誤o既可能性，一來唔想俾個AM睇到啦，呢兩日都係佢train 我o地。二來我又唔想輸俾人喎，換句話說，要面子！ ^.^?三來，我唔想做壞學校聲譽。講到底，都o係度讀o左三年，都有少少歸屬感o既！ ^_^

P.S. 仔，好好prepare 啦！^.^

或者真係緊張過頭啦，發夢見自己八點三仲o係屋企……原來只係六點……嚇死我！搞呢搞路出門口。又早o左成粒鐘返去，去o左附近晨運一個圈。

仲有三個女仔同我一樣都係今日返工，Fanny, Yanci同埋 Rachel，不過我o地就跟唔同supervisor，唔知我o地幾時先見到自己個supervisor呢？o黎緊呢一個禮拜都係training period，好多o野要學，要記。原來一個牌仔、barcode 係有好多學問。o的 system 好似幾易用，不過都係要實習下先得！ ^_^

lunch 同佢o地三個去附近食，o個間茶餐廳o的o野又唔錯！

o個度o既 environment 真係唔錯，Grace 同埋 Emily 好俾心機、耐性教我o地。臨走時，埋返自己位，週圍o的同事都好nice nice……印象中有Cat, Kate。^o^ 而OA team leader Lisa 姐都好好人！

yeahyeah~~~可以著成平時咁返工啦！背心、牛仔褲、波鞋……今日對鞋刮到我丫！>.<

本來真係想返屋企，好痛呀！但係個仔又o係學校等緊……死返去學埋點磨甲，好神奇呀！hahhaha……不過我諗都會好似你家姐咁求奇喎！等我「lum」下我細佬先……^_^

食完飯，再陪佢以一百五十多元有找o既價錢買o左對拖……抵到爛！

返屋企啦……媽咪話棵怕醜草真係怕醜得制啦，種子埋得好埋……佢發芽啦！好開心……期待我玩怕醜草的一刻。

押後廿三條二讀……應該一早咁做啦！

P.S. 我諗都係聽下個仔話，慢慢佈置自己地頭……我想搬Mickey 返去，不過都係遲少少先啦……先搬個cushion 同杯杯。

P.S. 補多句先，縱合四人意見，我o地認為薄餅o既HR係好好人，我唔知蔡小姐係點樣，但係in我o既Sally就真係好好人同埋好靚！ ^o^

P.S. Rachel o係我o地咁多個中最有工作經驗，唔……過o左幾年，我又會唔會變成咁呢？成熟得o黎，好似冇o左工作o既熱誠。……唔知呢？或者我o地初出茅廬，冇咁深體會，冇咁多顧慮。……但我唔想變成咁……

P.S. at this moment, 對薄餅幾好印象，最緊要係冇乜階級觀念。^_^

好掛住BB，佢o係度就好啦！~~~~~~~~~

琴日冇見幾個鐘o者……小雛菊高o左好多……今朝一訓醒望下佢，嘩下……真係快高長大……好想佢快o的開花添！（心急添~~~^_^）

臨訓前o係度諗︰「女仔係咪真係比男仔容易搵工呢？」

last day la……呢個暑假算係賺突o左！因為冇諗過會有暑假。出街逛逛先…… ^o^

真正明白山楂著衫返工的苦惱……背心又擔心人o地話乜話物，我又唔想著得咁lady（即係叫我死？放工點去玩？），我又唔想casual 得好似去街咁……所以今日左行右行幾tired……買齊啦，斯文得o黎可以返工同出去玩。

原本諗住去仔o個度學修甲……但太太太tired，要改期。又原本諗住等埋碧琪放工就開飯，同一個原因………返o左屋企抖抖。

一個二個都ok擔心我唔知醒，因為我實在太爛訓啦。接二連三的留言都是提醒我早o的訓，知醒呀！hahhah……多謝你o地咁多個呀，我諗第一日返工，我會早過鬧鐘起身。hehhehe……

聽日要醒醒定定。好緊張添~~~唔知聽日會點呢？……

其實，要同屋企人交待一o的o野o既時候係好需要勇氣，但講完之後又會舒一口氣。舒服好多！^_^

P.S. THANKS 高迪呀~~~ ^_^

「無心插柳柳成蔭」真係有~~~ 訓都未訓醒接到電話請我，O個個人一聽都話︰「o岩o岩訓醒？」hahahha……這個好消息令我開心到醒晒！終於有o的o野做下啦~~~ 仲要係冇臨時先去in o個間。唔錯，如願意償，待遇比我要求的還好。THANKS THANKS！ ^_^

收o左線先記得問Dress Code, Sally Li 話Casual wear 就得。我︰「咁係咪牛仔褲都得呀？」（開心地問，係就好啦~~~cool）Sally Li︰「第一日斯文o的好，西褲啦~~~第二日先變身啦！」我︰「哦……」

有o的o野唔記得打埋落去同你o地share……唔記得係女定老鼠講︰「interview 時，要當自己係一件product，要hard sell 俾個客。」o岩o架！in o左幾次，我都不斷提醒自己要hard sell，仲要好有信心咁sell。

臨完場時，Grace Chan︰「我諗呢份工唔多o岩你，因為呢份工主要都係聽電話、email 去 entertain 人，唔多見人…… further questions？」我︰「咁我覺得溝通唔一定要face-to-face，電話、email都係同人接觸o既方法。而且你頭先講過，每個客都唔同嘛，咁即係考應變，我就係鐘意有呢個挑戰……」Grace Chan︰「好啦，仲有冇問題？」我︰「咁我幾時知result？」（心諗︰頭先咁答會唔會串得滯？）Grace Chan︰「下個禮拜HR同事會通知你……不過你機會大o架啦！」我︰「係呀！thanks ar！」（好彩冇事……心諗佢呢句都係敷衍了事o者…）

仲有呀，真係要好留意、清楚人o地講乜，咁先真係有得駁咀，應該話可以盡情借題發揮sell 自己 ^_^

兩位大人聽到之後都好開心，佢o地贈我五字︰「唔好怕蝕底。」OT 就OT，唔好講人工啦！我會記住o架啦！

我要努力，加油！^o^ 我真係好開心呀！hahhaha……

Violet 講得o岩，俾o的耐性，我o地兩個都有offer la……開心死！^_^

返o左學校heir……陪打波、睇埋文化展、路過六樓、再o係Sports Complex 嘆報紙，陳方安生依然迷人。^_^ 之後，再落南山tea，tea 完再返CSC，最後明將做終點。 ^o^

琴日等面試時，o係荷里活廣場逛，途經一間書店，睇o左一本出自唐君毅先生的書about 人生。其中一篇係關於工作，我記得佢話，每個人都有唔同特性，even 好多人都做同一份工，但其實自己o個份工已經有別於人。愛自己的工作……

你o地俾o的耐性，唔好心灰意冷（我試過，一下就好啦，唔好一直頹），份工隨時到手。加油！ ^_^ 等你o地餐飯呀~~~

有o的緊張添~~~

P.S. 沙律，下星期加油呀！ ^o^ 等你開飯……hehehehh……

P.S. 前幾日搵小雛菊粒種子，搵唔到……今朝見到啦，開始生長啦~~~未死得，不過棵怕醜草就真係有O的危啦！ >.<

勞師動眾搵interview 地方，原來係咁鬼近。 ^_^ 早o左成粒鐘去到，o係附近商場搵o左間好細o既Cafe 飲杯Mocha，仲有我至愛的Canon D minor……一絕。

我諗下次in 都係早極都十五分鐘前去到好啦……搞到in 我o個位小姐陣腳大亂。 ^_^

好快搞掂，但勁耐先下一場，回家抖抖先。原本最後一站係炮台山，好彩o個個人好手尾打電話通知我請o左人，我即刻搵路點去新蒲崗。我一直以為新蒲崗係好遠……點知四個字的車程到……heheh，thanks 高迪啊！你講得o岩，even 鑽石山地鐵站落車再轉的士都應該唔會跳錶。 ^_^

做o左份written test （a-level 中英文作文），分別同兩個人in。我諗自己都算幾好彩，到而家都仲未遇到好鬼串、「in」尖o既interviewers。個個都好kind，或者咁，所以表現都冇咁緊張。 ^_^ 唔緊張另一個原因，可能就係practice makes perfect 吧！如果呢度in 到就好lu！ 正！

in o左幾次，發覺幾樣o野。佢o地都唔多睇大學成績……所以有人話咩hon 都冇所謂，總之畢到業就得啦！^o^ 第二，環境因素真係好緊要，否則你唔會知自己英文係可以出口成文……… 第三，普通話真係好緊要，亦都因為咁，我真係接受唔到自己現有o既普通話水平。第四，一封application letter 最好send 多幾次，好似抽獎ticket 咁，越多越大中獎機會。事緣今日同Ricky 講起，先知佢都又apply 呢份工，佢工作經驗多過我好多，成績better than me la﹐但佢冇得in…… ^.^

in 完之後，返去同高迪佢o地玩下，食下又一個下午……我而家先知大富翁係可以咁玩……Ricky, 我個坪洲呀~~~~ keep 住晒人o地o的地方。

俾妹公仔嚇死……都唔係好差o者！真係俾佢嚇死。 ^o^

愛情令人盲目？um……我認同！但係盲目o既同時可唔可快o的清醒？……maybe it is one of the reason why I am proud of 許先生。 ^o^

我要慎言~~~~~ hahhah……今日一電真係好warm……冇諗過！而家o既關係相對做工作上partner 好好多。真的，真係可以同你乜都無聊一番，唔使再就住就住。

當初離去說是任性也好，不負責任也好，只是對自己有一個交待。至少，我覺得自己的選擇是沒錯。有一點遺憾的是眼見值得自己信任的朋友幹得不開心。或者你說得對，我已是局外人，說話自然豁達…………朋友，大局為重，辛苦你了。

諗住返學校搞掂所有o野，點知……冇拎到o野返去，o係CSC 逗留了一陣，就走o左去又一城、旺角逛逛。

歸家途中，用一百蚊上o左一堂普通話課。

話我小人之心又好，乜都好，地主之誼盡可能不涉及利益瓜葛。其實乜人都係！^o^

幾經辛苦終於搵到華匯，麻煩了各位。

聽日靚妹放榜，我都有少少緊張。

今日真係超級開心……同埋真係好悠閒捨意o既一日。

呢排咁好天氣，拎返o個兩罐出o黎種。媽咪話o個兩罐o野好似發o左「毛」……唔……過一排都未出芽先扔啦……我真係唔捨得呀……我至愛的怕醜草同埋小雛菊。^o^

上次種o個罐黃水仙，日日都係陰陰天……唉~~~~點知呢兩種……都唔知做乜，我整之前真係超級好天，好啦，settle down 啦，個天密雲，玩o野呀？本來大好的心情，期待陽光興海灘的心情大打折扣。……好彩，臨出門時，佢終於肯出o黎同我玩遊戲啦！yeah~~~

記得上次去赤柱下雨天，今次唔同啦，風光明麗，勁靚呀！^_^ 四點多，兩母女o係市集悠閒地逛了一回，我諗都係第一次同個女行得咁慢……因為冇乜人，慢慢行，cool~~~

我o地買o左條沙灘褲，好colourful……然後o係女o既慫恿下，買埋對拖。兩母女一邊食住雪糕，一邊行去聖士提反灣……有種偷得浮生半日閒o既感覺。

慢慢行，影下o野，去到目的地。好耐冇去過啦，我諗都有六年啦……人唔算多，兩母女急不及待換上剛買下的戰利品，於沙灘漫步。

女搵到個corner 位避太陽，我就完全同陽光玩遊戲，拎住部相機左影影，右影影，feel so GOOD！…… 點知有個長氣的救生員︰「使唔使我幫你o地影相？」我︰「唔使啦，唔該。」再一陣，「做咩你o地唔落水呀？」女︰「驚麻煩到你。」將近六點，救生員服務完結的廣播也播放了，佢又叫我o地落水，女真的想講︰「玩o野呀？……」唉~~~~ hahhahhah…… 佢想保飯碗，猛咁叫人落水……仲要係唔識游o個o的。

將近六點的聖士提反灣，夕陽餘暉……咁講唔貼切，陽光依然猛烈。^_^ （我愛夏日長！）

再慢步回市集，搭車出o左去銅鑼灣……頂！人多車多，同頭先完全係兩回事。兩母女按奈不住，折返西灣河等仔開飯。

o係半月灣渡過了一個下午的仔，晒黑了……但我又唔覺得好明顯喎~~~ o係堤岸館食完飯，沿海旁去佢屋企。（我今晚先知西灣河同筲箕灣是如此的近。）

原本三仔「九母」飯後做mask、整con。由於不想打擾葉家五小姐，整完con就閃啦！唔……長輩是不可欺的……佢o地係好好記性。^o^ 所以呢，高迪、KT、同阿聰，我老豆好記得的，讀乜，住邊仲記得好清楚……HAHHA……

衛斯利俾白素素話佢講廢話，葉家五小姐︰「呢個咪就係何……。」hahhahahha……

自從與Yelo同學交流過後，迫使自己學好普通話。然而事隔五年，普通話一o的進步都冇，仲要退步。好彩仲聽得明人o地講乜……hehhe……幫到人真係好開心o架！又學多o左幾個字的發音啦！

落地唔夠一日o既拖鞋慘遭橫手，經過一輪搶救，情況尚算穩定。^.^

努力send ，努力in，份工隨時在手邊。

終於畢業啦，放下心頭大石。

今日至「lum」精選︰LuLu︰「都好啦，hope 我既old莊員 (你地)，all 都有 hon 啦 ^_^ ~」

容忍唔到laod 得咁慢，請大家容忍下呢個不修邊幅的畫面啦。^_^ and that's why I called this as 催生日記……迫住o黎……

睇返新聞，平民總理的一舉一動搞到我眼濕濕……「一身平民裝束的總理甫入屋，先輕抱女童名慧及輕吻她的兩旁臉頰，並問小女孩名字，舉動親切。之後，溫家寶從郭先生手中接過吃奶後已熟睡的小翔星，再坐在沙發，以微笑慰問身兼母職的郭先生。」「你的夫人過世了，我們心裏都好難過、我特意來看望你……（你的）孩子將來會好有出息，你將會告訴他們，他們生下來就經歷了一場磨難。」節錄自《明報》。

<-- 呢幅相相真係好sweet sweet~~~

我都衷心祝福郭先生一家生活快樂，小朋友聽教聽話。唔好令郭爸爸擔心。

我怕人多，更不要說在公眾假期外出……算唔算心理病呢？^_^

對於今年的七一回歸，我並沒有很深刻的感受，只記得今天的七‧一遊行是我懂事以來的第二個大遊行。對上一次的大遊行是六四。

前幾晚那間塔羅牌酒吧叫做「L．G centro」，Bar tender—即係o個個請飲o野的姐姐仔叫做Ellgy。

臨走前，平民總理話︰「香港是中國的香港，香港是香港人的香港，香港是面向世界的香港，香港的明天會更好。」

P.S. 沙律，乖~~~ always beside u.