<-- 呢樽魚魚似乎多過頭添！ ^_^係咪經濟影響呢，總覺得冇乜新年氣氛咁。
以為晏晝冇乜人o者，點知維園一樣都係咁多人。維園真係有熊貓……捱埋今晚就有覺好訓啦！女 ^_^
Shirley 對細佬妹好得意呀！尤其是細佬，有佢o係度真係唔會悶！hahhahah……仔都俾佢激到紮紮跳！^O^
見到對得意o既狗男女呀，不過一百蚊對唔多底……仲諗住送俾細佬添！
暫定年初五去阿John 度拜年。^.^
有時要遷就下老人家，但有時亦都要為自己爭取。um……或者人多真係好辦事，好似我o地三兄弟姐妹咁，一齊作反，Daddy 都奈我o地唔何！hahahhaha……
睇o左套《Behind the enemy》，都幾好睇。但點解之前唔覺有呢套戲上演過o既？
一個二個都未能抽離丁常旺呢個角色。hehehe ^_^
如果堂堂Personal Development 都係咁上就好囉！好好玩呀，同理體驗o左唔少o野！
‧顧及別人感受，尤其是自己partner。
‧無論任何情況，溝通係最重要原素。
‧團隊精神，最重要係大家互相信任同扶持。
‧勇於嘗試。
‧失敗乃成功之母。
‧集思廣益
諗住睇一點九冇乜人睇，點知都幾爆。眼訓得滯，《Catch Me if You can》睇到中途就訓著o左，不過都可以睇尾段，都明個故仔講乜。但係冇我想像中咁好睇。 ^_^
Page One o的Cake 都可以接受，不過真係好鬼飽，好大件呀！
夜晚，去食甜品buffet，不過食唔到幾耐，我就覺得到好膩……
同外藉同學仔做功課最唔好之處係言語問題，佢o地難堪之餘，亦都產生o左唔少誤會。今晚收到Rahat send 俾咁多個同學仔o既email，我即時reply 佢。唔多唔少我都明白佢感受，所以我對自己今朝o既表現有o的失望。……
P.S. 謝謝ViVi 的禮物，靚靚同埋好鐘意呀！我細妹都話呢個音樂座靚呀！ ^_^
都唔知第幾晚訓O左三個鐘，真係好tired，如果唔係媽咪叫一叫，我就一定唔知醒返學！
條魚魚真係bye bye lu~~~ 最後都係要由細佬幫我手…… 阿門！
結果上o左一整日都係訓……好好好眼訓…… ~.~
LuLu話上Employee Practice 都幾灰，不過今日稍為將搵工o既信心稍為回升。或者讀BBA係一個唔錯o既選擇。
係時候要執下份CV啦……
細佬真係買o左套喇叭返o黎……出o黎做o野係唔同o的！hahaha…… ^_^
今晚終於可以早o的抖！ ^_^
原本今日要影相……點知又要搞hall o野，冇影！ >.<
第一次買六合彩，不過唔中。咁又係，邊有人好似我咁買法！hahhahaha…… ^o^
夜晚睇大興、仔有份參與o既節目，overall 唔錯，但我覺得o個段結局篇可以放到最後先播。而我最鐘意幻燈片《陳強、周輝》呢一段，故事唔算有乜特別，但係我鐘意個feel……同一個畫面可以製造唔同o既故事，因為A，所以C。又或者係因為A而產生B，最後而產生C。其實現實生活都可以咁睇，好似以前細個成日話人O地聰明，所以考試考得咁好。但係又有幾多個知道呢O的學生除O左聰明之外，仲要勤力讀書先至考得好成績呢？ ^_^
真係唔得……好眼訓！眼完套O野已經唔識得俾反應啦！
由於靚妹話我咁對待條魚魚係虐待，所以拎返屋企。……點知拎返屋企，佢無反應，諗住倒O左去……但係細佬話，聽日先算啦！
廿三歲啦，唔知廿七歲會點呢？^o^
Locker 養魚魚邊個話唔得？ ^.^ 唔錯唔錯。
寵物版o既宜家都幾意，o的錦鯉勁肥大……hahaha ^_^
《麥當勞奇遇記》
睇完金魚，去麥當勞抖一抖。剛坐低o既時候，一切風平浪靜。當仔同哥利食O野o既時候，我就問仔︰「仲食？o岩o岩食o左無幾耐。」隔離檯o既太太就講o野啦，開頭覺得無o野，o的老人家係咁o架。但係我覺得佢係同咁我講o野，但係我冇一句聽得入耳，只係見到仔同哥利o既神情有o的古怪。原來佢講︰「唔好靠男人呀，要食就自己買……佢o地 no production no income……」隨後，佢o係銀包拎o左四十蚊俾我買o野食，跟住我「o下？」o左一聲。仔︰「太太，佢識得照顧自己o架啦！你收返埋o的錢先啦！」我猛咁笑，hahahaha……太太︰「女仔要斯文o的。」靜晒……我︰「太太，我食o左o野出o黎o架啦，你袋返好o的錢先啦！」……袋返好o的錢錢後……仔問我o地︰「我同唔同呢位太太傾計好？」轉個頭，仔︰「你係咪外國返o黎o架？」……原來太太major finance，隨後話題都係同o的商界有關……邊間U畢業都係一樣o者！……傾下傾下係時候要去香港仔，同太太say o左 bye，太太都好瀟灑say bye，真係好瀟灑。 ^_^ 話時話，呢位太太年輕時應該唔簡單，至少佢會係貪靚一族，睇佢o個對紋眉同呢個年紀仲有幾靚o既皮膚。
次次搭72，都係好難搵到條龍尾……勁多人呀！
真係好耐冇行過山啦，真係好想快o的到下個星期……我的第一個wild camp。 ^_^
開完會，再出去飲o野，飲到三點多走啦……tired…… ~.~
返到屋企，將《麥當勞奇遇記》同兩位大人、靚妹講，靚妹個回應係同仔、哥利一樣—太太俾男人拋棄。
係時候真係諗定o的對白應付o的左鄰右里、親戚朋友。「讀埋呢年畢業啦喎，諗住做乜呀？」「拍拖未呀？」……
謝謝各位的禮物，一條來自新加坡的孔雀—魚魚，hand-made 的木牌，第五十位新住客—米奇老鼠，同埋咁多位的祝福。 ^o^
原本諗住今日上深圳，但由於安全問題，最後打消念頭。都好……有得抖！玩o左成晚要抖抖！
之前應承過媽咪幫手入貨，訓o左三個鐘就陪佢行。一時興起想飲茶，o個籠五式燒賣真係唔錯。^_^
食下，行下，玩下，兩點又訓過……好眼訓呀！ ~.~
一訓就訓到五點幾，原來o係我訓覺o既時候，細佬同媽咪將屋企o的窗抹到立立令，搞到我乜都無得做……>.< 跟住，執自己房。間房原來有四十九個住客，唔係，係五十一，連埋我細妹……自己望落去都覺得有o的過份。hehhehe……
唔知Shirley個頭整成點呢？ ^_^
yeah~~~以後唔使再局限o係旺角、尖沙咀玩。銅鑼灣、灣仔亦得，有車直達返屋企！ ^.^
九點返去聽talk，唔係，原來係九點半，自己搞錯o左，結果o係CSC print 下 notes。
上半場都仲可以頂得住，但下半場no la，全程釣魚。
釣完魚去南山飲茶，好好味o既蝦蛟呀！ ^_^
三點多去o左香港仔幫手，時間又唔經唔覺咁就過o左五點，而我o地個新加坡工作圓滿結束。 ^o^
飯局PizzaHut 搞掂！
之後，再同阿心、Shirley、Mandy、家誠、Ken去唱K預祝我同仔o既生日。一唱就唱O左七個多鐘，之前餓K癮都補晒。而今晚，仔轉O左好幾個髮型，而我都係最欣賞，Shirley 幫佢整O既阿旺Look。hahhahahaha… ^_^
琴日行完宜家，今日又行，好鐘意睇佢o的product、擺設，想像下自己將來有屋點佈置……好簡單，睡房想擺張床褥就算，Daddy話o徙位，正如仔所講一樣。最好成屋都係藍藍地，好似氣朗天清o既藍天o個隻色，唔……要有好多cushion，可以東攬西攬，hehhehe…… ^o^
楊千嬅先後有《向左走向右走》同埋《照相本子》，唔知之後會唔會有《月亮忘記了》、《地下鐵》、《我的心中每天開出一朵花》呢？ ^o^
以為好清楚自己，但再諗深一層，又好似唔係喎！對住Personal Develpment o的問題都有點摸不著頭腦，不過都好，借機會從新認識自己。 ^_^
Mr. Coni o既 開波呢……呵呵呵！不過我都唔好得好多！ ^o^
都好耐冇計過數啦，雖則我話唔鐘意計數，但係計到o岩o既答案係好有滿足感，但問題係，今晚呢條問題真係…… >.<
唔好亂咁應承人做o野！自己煩！>.< 唉~~~
有心的話，是不會忘記。既然已忘記，又何必重新記住。
真係好想試下養樽魚魚，上面浮住一枝candle都幾得意。唔……其實我最想o係locker 養魚魚。hahah…… ^_^
<-- 呢樽魚魚似乎多過頭添！ ^_^
自從去完旅行之後，生活已變得健康o左好多，但大興話︰「咁都算呀？？」算o架啦，相對以前o黎講。
台灣之旅原班人馬將於未來十一個禮拜繼續出發！ ^_^ hahhahahahh……
一如上星期三上完堂打波，我諗之後都唔會有o的咁o既機會啦……功課要開工啦！
今日簡直係Dog's Day，學校見到狗醫生，好得意呀！hehhehehe……去南山村食飯，見到一隻好鬼的色o既BB 狗呀，都係好得意o架！
飯氣攻心，結果堂Employee Practice 都係迷迷糊糊咁過o左！
阿John 話五月份去「潘餘」3 day Experiential Development Training ，幾吸引o架，但問題係o個時一個二個考晒o的校內校外試未呢？
John 認得我係BBQ 收數o個個，但我肯定佢唔記得我係乜名。well organize??? 唔係呀嘛？ ^_^
我又唔知幾時參加過世界兒童基金會o的活動，失驚無神收到好靚靚o既信！最記得係收過一對筷子！ ^o^
Daddy 又唔知第幾次投訴我o的健康自入大學越o黎越孱弱，成個藥煲！ >.< 我都唔想o架~~~
麥當當猛谷呢個至尊魚柳包，o個個包除o左多o左塊菜同貴o的之外，我唔覺有乜特別啦！不過佢o個個喜氣洋洋一大班小朋友放風箏o既廣告好正！
一個good people management practices係要顧及五方面，Recruitment & selection, offer of employment; Training; Safety and Health at work; Employmer-employee communication; Termination of employment。而每一方都要考慮三個因素︰Employee oriented, Law abiding, Equal and fair.
雖然經濟學角度話多o的消費可以刺激經濟，但係政府咁洗錢法我覺得無謂、多餘，未起屏障都已經有人話會影響景觀，好啦，當就o黎起好晒啦，政府又話要拆啦，真係多鬼餘！不過都好，都可以稍微緩和下7.2% o既失業率。最緊要係可以睇返靚靚o既吐靈港。 ^_^
又俾Daddy 話我唔關心社會時事呀，我都想關心，但好悶呀~~~ >.<
曾經話過唔明點解有外國人影o的公共屋村，我都唔知有乜特別。雖然新加坡有八成人都係住公屋，所以見慣不怪，但係佢o地o個o的屋design 唔會好似香港咁，o黎o黎去去都係o個幾款，同埋佢o地外型真係幾討好o架！所以仔為佢o地亦都影o左唔少相。
台灣都應該有公屋，但我都唔知邊o的係，不過我諗唔會好似香港o個o的咁鬼高，話晒都係地震帶，唔可以起咁高。
點都好啦，香港另一特色就係呢o的蜂巢屋村啦！ ^_^ 唔怪之得o的外國人要影同埋好奇啦！ ^_^
好耐未試過對住部機咁耐玩隻《夢幻西餐廳》。
都好耐未試過同人o地ICQ成日，無錯係成日。之唔係Shirley 囉！ ^_^
原本諗住九點起身，點知一訓就訓到三點先起身。
前幾日，媽咪話想染髮，佢話唔想染黑色，想染o的紅紅地、啡啡地……唔知係咪呢件事影響，搞到我發夢，竟然見到一向怕痛o既媽咪左邊耳穿o左耳窿，把夢中o既我嚇呆。
冇諗住今日會出街，但女話想買鞋，出去陪佢，點知又係一個「突然」，最後轉移陣地O係西環打邊爐，無行街街。
食完飯再去飲o野，試o左個Around the world，可以接受，我諗細妹會好鐘意呢杯o野。 ^_^
Shirley 係一個好得意、容易相處、care o既女仔……my feeling ^o^
回程途中，聽到一首好得意o既日文歌。
今晚真係好開心。
以前，我講過討厭人戴面具做人。唔知係咪經驗所得，我覺得戴面具做人唔係問題，因為每個人都有好多種性格，面對唔同人、唔同場合，自己會以另一個身份出現。咩身份都好，每一個身份都係自己。其實邊個先至係真正o既我？我而家都搞唔清，只係相信飾演o個個身份感到舒服時，o個個先至係真正o既我。
P.S. 一個粗製濫造、還需要多加改善o既PROFILE，已睇得啦！
P.S. 仲有LINK亦都可以睇到啦！
P.S. 終於搵返「夢幻西餐廳」，yeah~~~
終於買到對新高跟鞋啦，仲要比之前o個對冇咁高添！yeah!!!仲買埋對Kicker 過年。今個月真係……唉……
Current Topic……唔……我諗都OK o既，不過都幾金下，五五分佈！
一路做功課，一路等食飯。
好耐冇見過Jan，而家呢個頭咪幾好睇，精神爽利，靚仔好多添，無咁滄桑呀！
好耐冇見過女人啦，以為佢唔記得我添！好彩佢仲記得我係癡癡地o既組媽，^_^。好！既然佢出到聲，一於約下班仔女食飯先！
o的Self-helping 書真係可以一睇再睇，每次o既感受都唔同。
今晚同仔女、Jando Pizza Hut 食飯，食完之後週街逛，行到百老匯……唉！今時今日o既服務態度唔得o架！雖然係要打烊，但係o個種落閘放狗咁樣打烊，似趕客囉，唔鐘意人o地逗留多一陣咁。呢期，猛播呢個宣傳旅遊業廣告，香港人好客之道，如果o係百老匯睇完呢個廣告，之後佢二話不說熄燈打烊，唔知個遊客會點諗呢？（諷刺！）
今晚話題絕大部份以Johnson 為題，呢個係funny guy o黎o架！都唔算係guy 啦，點都好，佢個心境好年青，好玩得（可能玩得癲過你同我！）。仔唔講唔知，佢係senior executive……佢個款唔似！人就係咁，永遠都有個perception o係度。有時呢個perception 蒙蔽o左人o既一雙眼，睇少o左好多o野，諗o野唔夠全面。
even 你清晒o的o野o係垃圾桶 and delete all，但一樣會有程式將呢o的o野搵返出o黎！
下次要交soft copy 功課真係要小心o的，唔伯一萬，只怕萬一有個古靈精怪o既programme check 到有抄襲之嫌，咁就麻煩！話說呢個咁o既programme 英國有，係真唔係真又好，都係小心駛得萬年船。
人成日話做唔到呢樣，做唔到o個樣，結果乜都冇做到。其實好多o野要做o左先知個成效，做o左未必真係可以做到預期效果或達到某目的，但係唔做o既話就一定失敗。到而家，我依然堅持一樣o野，正所謂經一事長一智，恕我粗俗講句，「唔仆街唔大！」
人成日俾好多藉口俾自己，結果搞到乜都做唔到。有時，我會覺得我o地每個人最大o既敵人係我o地自己。
唔記得邊個講過，人生有三分二時間（好似仲要多o的！）係訓覺。充足睡眠確實重要，但係當你有一個質素良好o既睡眠，訓咁多有鬼用？o徙時間！所以，由此起我會擅用我o的時間，要知道一個早上真係可以做好多o野！打波啦、睇書啦、meeting fds……做o左一個禮拜啦，唔知可唔可以Keep 住呢？ ^_^
好多好多書想睇……7 habits 啦、don't give u more excuse（類似書名！）啦！
P.S. 想拍拖唔俾人知，千祈唔好o係旺角、銅鑼灣人多地方出現。 ^_^
同ViVi 食完飯，諗住睇埋戲返學校上堂，但Catch me if you can未上畫，冇咁好耐性睇Loard of the ring2，雖然細佬極力推薦。結果o係CSC坐o左三個多鐘，諗住print notes，點知班女仔……唉，早知我print 先啦！真係激鬼氣o個一刻。
上完堂，撞見碧琪佢o地。大興話去買西裝，我同碧琪又一齊去睇！結果碧琪都買o左條裙，而Olive 就睇中o左對高跟鞋，我都想買呀，但可惜係咪我要求高得滯，搵o左年多都未買到！>.< 唉！我想要一對高跟鞋，唔係咁難呀？
ViVi幫隻pooh pooh改o左名，叫Honey Pooh，非常貼切！^_^
頭先沖涼先醒起一o的重要日子（重要日子竟然可以唔記得！>.<），原來不知不覺你離開o左兩年，或者時間真係可以沖淡一切，但點都好，唔理你離開o左幾耐，我總會記掛住你！
返830，夏天都話好o的，冬天就慘囉，凍到唔想起身……
International Management o既 Priceilia 教學方法有待相確，但佢教o個o的topic 都幾吸引……斷估我都唔會drop o架啦！
上完堂，打squash……唉，我打squash o既手勢係絕對唔健康—反手。
食下飯、print 下 notes、去拉記（第一次非考試時間坐定定溫書，不過溫半個鐘，訓半個鐘…），然後再上堂。我諗今個 sem 會有好多時間聯誼、打波，唔錯，唔錯。
上呢個Employee Practice，冇乜訓過覺，不過好多o野要記……十二個人做Project，都係第一次。
忍唔住手，結果買o左件長褸、一條半截裙同埋一條頸巾。唉……大減價……
中國人？
有人話香港人冇乜國家觀念、民族觀念，我都覺得係，因為我自己本身都係。我唔係唔承認自己係中國人，但係當人o地話到自己似日本人或者唔係中國族裔人o既時候，我都會暗暗自喜，我諗你o地都會試過。你話崇洋，崇乜崇物，當有人問到我係咩人o既時候，我唔會答中國人、我會好爽快答我係香港人。或者歷史背景做成咁掛？
呢期百病纏身，咳到我死，仲要加埋傷風。食乜藥都冇用。 >.< 我想以毒攻毒，食朱古力止咳，但係……我又唔想繼續肥……
好彩大興提醒，否則就無端端返學……仲要係830。
留o係屋企係唔會餓親，今日真係anytime 都食緊，好有罪惡感，所以搵大興打波。
睇返o的相相，咁就十多年啦……希望過多幾年，我o地三個都可以自己照顧自己之餘，又可以照顧埋兩位大人，咁佢o地o個時就得到回報，享下清福啦！ ^_^
森美小儀有個環節好搞笑，係幫一個暗戀人聯絡被暗戀o個個……撮合佢o地。我同家姐都覺得似整蠱人多過幫人。當呢pair 男女知道彼此心意之後，佢o地面對面各自拎住個電話同森美小儀傾電話……之後係點？我都想知！um……不過，我諗都在所難免都有o的尷尬！ ^_^
女話上minor 時見到「我」！圓圓o既頭、膠眼鏡、衣著都好似我……但我今日冇出過門口喎！ ^o^
開學日，已經走堂啦！
唔記得晒o的韓文……上堂都唔知做乜！ ^o^
傾o左一陣麥記，再上呢個Personal Development，因為山楂o既關係，所以只係上o左頭尾兩個鐘。 ^_^
阿漢話我個夢好白痴，好好笑……唔知幾時再發埋o的咁o既夢呢？真係好搞笑……笑醒都好！ ^_^
開學前唱K，例行公事。 ^_^ 帶埋靚妹去玩。
唱完K之後，行廟街。靚妹同我講睇相有學生優惠……唔係呀嘛……真係唔行唔知，又係喎！學生優惠20蚊。hahhaha……睇相呢o的o野信則有不信則無。^_^
發o左一個夢，只記得零碎片段……
上半場（其實好耐之前見過，sad ending），有一對男女，應該係情侶……女o既去o左一個好靚o既地方，一個好靚o既綠油油平原，對出係一個好靚o既海……跟住，又有一個人，唔記得男定女，正係記得女跟住佢o係度撕緊一層層薄膠……o係間屋仔度，男仔撐住個就o黎倒下o既木架，一邊撐住，一邊叫個女仔將o的好得意o既狗仔（好似有六隻）搬出去，搬出去之後，唔見晒o的狗仔，女仔好著緊，但佢又似乎知道佢o地會去邊，搵佢主人，亦即係o個個男仔，女仔跑得好快……o係街上搵返o的狗仔……某處爆炸，心知不妙……
下半場（新鮮熱辣出爐），過o左好多年之後（我諗……） ，有個細路仔 拎住三同皮禮士糖，唔小心撞親人整跌晒 o的糖，被撞 o個個大人幫佢執返o的糖糖……澡堂……兩姊妹 o係街上面遇到一個男仔……一齊食飯……打邊爐（not sure，似係打邊爐，但個爐又好似唔多似……sure o既係好和風feel！），跟住，家姐食 o左一舊o野，然後講︰「我感覺到嘴裡面有一粒幸福，又或者呢粒係痱之。」（好奇怪的對白！）……男 o既就夾 o左舊類似豆豉鯪魚俾家姐食……sweet sweet……個feel 係此情此景同上半場 o既男女有關係，但有乜關係呢？唔知……
夢就係咁得意，未必可以用常理理解！ ^_^ 記得好耐之前夢見上半集，係喊埋出o黎，但今次發埋個下半集就笑o左出o黎（細妹講……我都唔知……），咁呢個夢事實係好sweet sweet！ ^o^
我都唔明點解我細妹同媽咪成日發惡夢……我o的惡夢真係一隻手數晒都仲有剩，一係唔發，一發就係開心夢。 ^_^
入去香港仔搞埋事後o野！好少人呀~~~好彩我o地o個組都有三個人……不過我係乜都唔理，拎o左阿金本Harry Potter睇，所以今日入去都係睇相、睇書、見下人！ ^_^
之後再同阿女佢o地食壽司，28蚊有一個唔錯o既火窩。 ^_^ 由於人多得滯，我同個女遷徙數次至可以同大興、Olive、哥利、Ashley 坐埋一齊。
食飽後，原本打算返屋企……好tired ~.~ ……點知因為一個電話（同我通過電話o既人，你o地o既名已經o係o個個車箱響晒朵啦！）去o左第一城……山楂新居入伙，唔想到都要到一到。去到新居，玩o左個新UNO，多o左幾隻 function 牌，但又少o左隻DRAW 4，同埋多O左部發牌機，不過部發牌機似乎對Eddie情有獨鐘！hahhaha………一禁，好多張呀！ ^_^
o係呢度都要恭喜山楂，拎獎喎！付出o左咁多係值得o既！ ^_^ Sandra，恭喜，恭喜。
我想平淡生活，但係我又係咪甘於咁平淡呢？ @.@
又醒起一o的o野……
導遊Jackie 有一段時間住過香港，有一次佢搭巴士唔小心踩親人o地隻腳，但佢正係識得講一句廣東話︰「唔該晒！」，佢以為呢句o野百搭，於是佢向被踩親o既人講︰「唔該晒！」o個個人都唔知好嬲定好笑。
um...「我感覺到嘴裡面有一粒幸福，又或者呢粒係痱之。」hahha……隱約記得呢個咁搞笑o既對白出自夢中o既我，係食緊o野（好好味！好似食到o個陣味！ ^.^），一路食，一路笑住講。 ^o^
呢幾日日記終於寫返好晒，o的相upload 晒！……係時候抖抖… ~.~ 早抖！ 0640
Eddie 話佢聽到o的不尋常聲音？但我覺得唔會係o的鬼鬼囉！學Iris話齋，樓宇結構問題o者，正如波子聲，其實係o的鋼筋縮脹時候發出o既聲音。 ^_^ 唔好再疑神疑鬼啦，你估o的鬼鬼咁得閒煩人咩？ ^o^
麥當當開工啦，不過仲需要一晚時間決定做邊個topic。組員︰Ivy、Iris、家鈴、Cody、碧琪同埋我。
o係CSC逗留o左一陣，同大興行尖沙咀。結果，兩個人o係I.T.買o左件o岩心水o既衫衫。之後，同碧琪食飯，三個人又o係度作一個小小sharing啦！我真係好期待睇碧琪同佢o個三十個（表）侄仔侄女o既相，謝謝碧琪的手信啊！ ^_^
乖女冇乜黑到，都好！唔知仔點呢？^_^
原來我仲有好多o野未寫，唯有記得o的就寫返o的啦！
o係台灣見到一o的車寫住「姊妹」，咁就恭喜你囉，咁都俾你見到！我就連續見到兩架啦！呢o的車相等於送殯車。點解叫「姊妹」？導遊話︰o的阿伯死o左，佢o的屋企人希望佢死得開開心心，就會搵一班人嘈之巴閉熱鬧下喎！ ^_^ 架車車其中一面可以拉落o黎做舞台，車o既外型幾colourful o架！
除此之外，仲有好多廣告車，車身大小同一架van 仔差唔多。不過，以地產廣告居多。
o係香港，通街通巷都見人拎住電話傾計，但係o係台灣又唔多覺喎，我都有o的意外。而且，MRT仲將頭尾兩卡嚴禁乘客使用手提電話，O係月台同埋呢兩個車廂貼O左O的字句提醒佢O地熄機。
成日聽人講「檳榔西施」，原來有故仔喎！話說有條村，檳榔o既生意都已經飽和，為o左增加自己收入，A君諗到聘請個女仔返o黎賣檳榔啦，果然有效喎！then，跟住又有人效法佢，最後，檳榔生意又再次停滯不前……之後，A君諗到另外一個方法，就係要o的女仔著少o的衫去賣，搏人同情。又俾佢行得通喎！o的人見到個女仔著咁少衫，自不然就上前幫襯下啦~~~生意又有好轉啦！當然見人好時，自然就有人跟啦，結果又造成呢個穩定局面……A君再諗辦法，於是叫o的女仔賣檳榔再著少o的衫……亦都因為咁，o的女仔著到好似冇著衫咁搏同情。不過，此情此景都好難再係台灣見，因為陳水篇立令要佢o地著返多o的衫喎！以我所見，少極都係超迷你裙同埋bra top（十一、二度著成咁~~~） ，不過又真係幾靚喎！ ^o^
一覺訓到兩點幾……凍到唔想起身！
唔記得O左約o左人傾Project……S‧O‧R‧R‧Y！完全係holiday mood，乜電話都唔接！
咁多個sem break 最開心係呢個啦！ ^_^
今年施政報告提早o左，有o的唔慣。不過我仲未知得好清楚今年董伯伯份施政係點，只知道佢今次要within 一個鐘講完佢份施政報告。今日睇個答問大會，都對今次施政都有個概括了解。教育方面，有人問到點解香港o的大學唔可以好似牛津咁收外國學生。我想講，香港o既大學學位有限，人才固之然重要，但係都要顧住自己利益，如果你話增加多o的學位而收多o的留學生，我都覺得冇問題。但係o係學位渴求之下收多o的留學生，咁本地學生點算？
新加坡……相相>> from 王欣 >>CLICK IT
台灣……相相>> from 王欣 >>CLICK IT
台灣……相相 >> from Ashley >>CLICK IT
分兩小隊，大興、Olive、Mr Coni同埋Tracy 先去呢個西門町買土鵝做手信。而我同哥利、Ashley就晏少少join 佢o地。
搞掂晒後，我o地三個到o左附近一間名叫三媽臭臭窩o既地方食早飯……好正呀！NT90一窩唔錯o架……叫o左兩窩，食得好鬼飽呀！^o^ 食飽就上路……經過多日o既進貢，行李亦都相對變大，加重…… >.<
搭最後一程o既MRT到台北車站……好多人呀！
之後，O係呢個天成飯店join 返Mr Coni佢o地。
哥利話︰「襯自己仲細，住下o的無咁靚旅店都唔錯。老下先住o的貴o既旅店。如果一開始就住靚靚，第時好難接受o的差旅店。」贊成呀！哥利應該係先苦後甜o既人。 ^_^
搭旅遊巴去機場，聽返某位太太講，o個日浸溫泉o的環境麻麻……咁我o地唔試都唔係好大損失。^_^
到中正機場啦~~~1600something離開台灣……
一上到機，一個二個都開始打機。而我咁爛玩，快手o的食完飯又再繼續……
之前見過好多次藍天白雲，今次見埋好大個蛋黃，好靚呀!!!唔知黎明時份會又係點呢？ ^_^ o係上面望落去，香港真係幾靚！ ^o^
一落機，打電話返屋企報平安，但媽咪把聲好意外咁……冇理由o架，上次我返o黎都係咁啦，有乜好出奇？
同Tracy搭巴士……上次好tired，一上車就訓o左……原來回程途中都睇到好多好靚o既香港風景，今次補數，不過，過o左青衣又訓過……
返到屋企啦，媽咪第一句係︰「乜你唔係9號返咩？」唔怪之得佢頭先聽電話咁意外啦！之後，Daddy 打電話返屋企，佢又同媽咪一樣好surprise……既然兩位大人係咁，細佬妹又點會唔surprise，個個第一句都係︰「咁早返？」跟住，細佬又問我︰「下次去邊呀？」似乎當o左我唔o係屋企住咁~~~hhahahhaha~~~um……可以的話，想去絲綢之路、西藏、揹背包去歐洲（深深受某位阿sir 影響！）……不過呢o的都係遲o的先算啦！總之有錢錢、有時間我實會週圍去。
雖然食o左個好飽o既飛機餐，但媽咪話有蠔油雞翼……我又點可以唔食呢！仲有我至愛o既蕃茄汁……結果都食o左碗半飯……肥死！ ^.^
o個o的玻璃擺設亦都安全到步。 ^_^ yeah~~~
而我同大興決定為呢次旅行之旅做個hp…… ^o^
雖然去o既地方唔多，但我都係最鐘意香港。 ^.^
台灣之旅尾兩天啦……
o係附近搵o左間丹堤咖啡室食早餐，好舒服……不過o的咖啡種類就少o左o的，同埋o的咖啡冇咁滑，but呢個不失為一個好地方o既。 ^_^
食飽之後，搭MRT去呢個中正紀念堂。去到大堂門內，我O地依然bilibala……個staff 想話我o地，當然啦，要肅靜o既時候，我o地會靜（我諗係o係o個一刻我o地最靜！ ^.^）。影完相，再去睇館內其他o野！算係巧遇掛，唔係一位老伯講起，我o地唔知o個幅字係o個位九大多歲老人家所寫……如果我有一手咁o既好字就好啦！>.<，當然我o地唔放過呢個影相機會啦！
睇完，我o地再去呢個袖珍博物館。經過呢個銀行區、shopping 區，幾經辛苦先搵到呢個袖珍博物館。你可以話係模型手辦o既展館…… ^_^變態o架，雖然細，但都好真呀！最記得係o個部電視機仔（真係好細呀，闊唔過6cm，高唔過3.5cm），真係work o架，播緊Bugs！ ^_^
o係o個度見到好多靚風鈴，查實係九份都見有……但仔同Mr Coni話風鈴唔可以亂買，唉~~~又得個望字！ >.<
跟住去o左鼎泰豐，未試過香港o個間，不過呢間唔錯。服務ok，o的o野食都好好味！我鐘意o個籠小籠包呀！^o^
四點多，黑晒天，又落雨……唉~~~
下一站係路過呢個國父紀念館，由於同中正紀念堂o既性質差唔多，我o地純粹o係o個度影o左相就算啦！去到o既時候，咁o岩係降旗，個個都o係度肅靜，唯獨我o地七個人咁唔認真，繼續行，繼續講笑。
路過後，我o地去呢個京華城。Mr Connie問路，俾人問o左一句係咪日本o黎，佢當堂開心到爆！ ^_^
o個度每一層都有個主題，其中兩層分別係張曼玉街，Cinderella Street 。開頭以為呢個商場好high class，但係當發覺到有呢個Giodano時，又自不然降級了。呢個商場個設計好得意，好似個陀螺咁……總覺得o個舊o野有佢用途。^.^
之後，再搭的士去饒河街夜市，好多o野食o既地方，我覺得好似廟街咁！ ^_^ Ashley 佢o地試o左個胡椒包，佢o地話好好味呀！ ^o^ 之後行下食下……自己又鬧情緒啦！自己一個人行得好快，唔理佢o地……sorry 呢！大興話呢，一個人行o既時候，會有人聊你，佢就試過啦。我都有兩窩，兩個都係女仔，不過我諗唔同性質o既！ ^_^ 而大興佢o地o個晚亦都試o左個藥燉排骨……我就避而遠之啦，好難聞呀！ >.<
回程，哥利佢o地買o左檳榔試（Wendy 話食檳榔同食煙一樣令人討厭，同埋都係下流食品！）。哥利話食o左會high 喎！唔係呀~~~咁樣一舊o野就high？^o^ 聽返佢同大興o既試食經驗，有點兒恐怖，都係唔食好o的~~~望下就算啦！
執拾好，我o地三個人都係訓唔著，不斷煲電視……睇完呢個烈火雄心2，有少少肚餓，同Mr Conni落去7-11買O野食，似乎我O地真係眼闊肚窄……以為O係香港睇唔到《無頭東宮》結局，呢度補數，點知係尾兩集……又係冇得睇！ >.<……之後，我都不知不覺咁訓著o左lu！
第四天留意到︰台灣係勁多咖啡館，隨處都可以搵到。的士司機話我o地去得少地方喎~~~佢話呢個時候去？？山（唔記得啦，第二高啦！）可以睇到雪。同埋台灣仲有好多o野玩！佢又建議我o地再o黎多次台灣，夏天去的話，可以去呢個台東玩，多水上活動玩。
七點幾起身，準備今天o既一日遊。
九點先到忠烈祠睇呢個升旗禮同埋衛兵之換。然後再到呢個圓山大飯店，呢間大飯酒果然係五星級大酒店（睇佢個靚靚佈置同氣派），唔少來訪台灣o既名人都會o係度住宿。去到呢度，天氣真係好靚o架！藍天白雲幾舒服呀！ ^_^
往九份途中，經過呢個毛家村（無記錯的話……總之有個「毛」字啦！），o係度飲o左杯靈芝水、蜜糖水。靈芝有分呢個天同地，功用多（講就多，實際有冇唔知！）。而話說呢個天生紅靈芝only台灣有！至於蜂蜜，o個位大姐姐話胃病都有用。本來想買呢個蜂蜜mask俾靚妹做手信，但呢間o野好似落閘放狗feel，死都唔買。七個人唔買o野，坐晒o係度睇相。 ^_^ 再跟住去o左維格食品有限公司買呢個鳳梨酥。
繼續趕路去呢個九份，個天好明顯係灰晒o架，我都當堂灰晒，邊有人想旅行落雨？唉~~~到啦，落得勁大雨。食o左一小碗三粒唔同味道o既好彈牙肉丸，好味道！跟住又試埋o個度o既牛肉麵（大興佢o地話好味，而我o個碗餛飩麵都唔錯o既！），除此之外，我同Mr Coni 同Tracy 試埋呢個薑汁豆腐花，好好味呀！未試過咁食法…… ^o^
食飽就周圍行，細果一個二個都一袋二袋。o的麻薯真係好好味呀！早知買多幾包派啦~~~仲有係，我o地買o左枝靚靚陶笛玩，唔知我o地幾時可以練到o個位人兄咁呢？（學過吹笛的應該容易上手！）
臨走時，七個人撐著傘狼狽搵呢個九份Checkpoint—悲情城市的牌。非常應景，悲情城市+滂沱大雨…… ^.^
由於天雨關係，改o左去睇故宮。導遊話唔去故宮即係冇去過台灣……樓高四層（應該係！），底部三層係睇古物。咁多件古物最記得呢個翠玉白菜（珍妃嫁妝，好靚呀！呢棵白菜象徵呢個珍妃係青白之身），仲有o個o的盒類似手飾盒（俾皇帝擺小玩意！），同埋o個隻靚靚蝴蝶錶。 ^_^
睇完o的文化氣息咁重o既故宮，去o左一間舖頭睇貔貅，通常o的公司會放隻貔貅，用途好似招財貓咁，一句講晒，幸運物……不過有公「九母」之分，公通常都會俾人擺出o黎，「九母」通常放o係陵墓度。之後，有個堪輿學家話十三係一個好數字，李家「誠」、「萬」「歲」「爺」；而四都係一個好數字喎！十係最唔好呀，「疾」「病」咁都係十畫……真係得啖笑！之後，佢仲幫我o地睇下個名，o下？乜我咁都算十三劃呀？……你話可信程度又幾高？^_^之後，堪輿先生又同Olive、大興傾，大興就呢……唔講啦！都係得啖笑。
去呢個御泉。我o地冇浸到，o係出面抖抖……好認同哥利講法，露天溫泉至有feel。^_^
最後，我o地又重臨呢個士林夜市。同尋日比，簡直係兩樣。好靜呀，或者今日唔係假期吧，冇咁多人，冇咁多小販檔。導遊極力推介我o地食呢個棺材板，其實香港都有得食，或者始終隔離飯香，所以覺得呢度好味o的。 ^_^ Mr Conni 提議食呢個臭臭窩（到家下都唔明點解要加埋「臭臭」呢兩個字），我o地再行入呢個市林夜市，相比尋日靜好多……搵到啦！但係唔知係咪我o地睇錯價錢，所以冇食。去o左西門町食呢個韓式火窩……都ok 好味o既，除o左有一窩叫做泡菜火窩真係覺得似係韓國火窩外，其餘我就唔覺啦！
同樣，今日o既西門町冇早兩日咁熱鬧。
第三天留意到︰nil~~~跟團，都冇乜好發現。唔……不過，佢o地o的橋整得好靚！仲有，原來鳳梨o係台灣帶有祝福o既意思，所以當有新舖開張時，o的人會送個紅色菠蘿o既燈籠俾店主恭賀佢，就好似我o地o係香港送花牌俾人賀佢o地開業大吉。而鳳梨酥係去台灣必買o既手信亦都係因為呢個原因，將祝福帶俾人。……台灣同新加坡一樣，冇乜垃圾筒，但係相比下，緊係後者乾淨o的啦！
一覺訓到大天光……實在太tired la!!! ~.~
原來台灣o的麥記o既晏晝套餐1030有得買啦！本來搵唔到位，點知有位伯伯讓位俾我o地七個……原來佢都係香港人，三十年都冇返過o黎……難得遇上，我o地就o係度聽故仔……當然啦，行程緊迫，我都冇咁好耐性聽落去，醫肚先！o的麥樂雞都唔同香港o既（maybe localized o左啦！）……另外一段奇遇‧當我們遇上這女孩。話說買o野食o既時候，從後有人問︰「你o地o係香港o黎？」……食完，個女仔問我o地去邊。我o地話去呢個地熱谷睇溫泉，於是乎呢個女仔話順路就好熱情帶我o地去……途中，佢就好似做o左我o地個私人導遊咁，講o左好多台灣o野俾我o地聽。而佢自己本身係香港人、台灣住、美國讀書（好似Garrick！），好nice o既 Wendy。 ^_^…… 捷運有五十個站，有o的站真係專登整出o黎方便旅客，好似呢個新北投、動物園（木杉線？）呢o的站。o係呢個新北投落o左車 ，先去呢個溫泉博物館……有o的好似成個迷你泳池咁！ ^o^ 之後去到呢個地熱谷附近，大興佢o地先o黎試試呢個「豬血糕」等小食（for me，我真係冇胃口食！好核突呀！ >.<）。跟住，我o地去浸腳……超級舒服呀！之前對腳點酸痛都冇晒lu~~~嘆完之後，o係呢個so-call 公園兜o左一大圈，o的硫磺味ok 濃，黃色的……有時o的大煙吹埋o黎，成個仙境咁，好靚！ ^.^
行返落去，小橋流水成為我o地o既佈景板。
Wendy話︰「拍拖旅行幾好！」for me，唔錯o架！ ^_^
Wendy 有事要走先，我o地自己去淡水玩啦~~~
到啦到啦，不過好凍呀！車站對出有好多賣小食、手工藝品o既攤位（我諗呢o的攤位平日唔會有！），Mr Connie 、Tracy、大興、Olive試o左個「鴨肉卷」，好大舊。以Mr Connie o既經驗，兩個女仔share一個「鴨肉卷」係好飽o架！而我同Ashley、哥利就免費試o左麥芽糖同麥芽餅（好好味呀！不過如果齋食的話，記住預備一枝水，因為都ok大枝同埋會食到好「漏」）。之後我o地就行o左入個「市集」，都係好多o野食同埋有好多得意o野買。唔買唔買，結果買o左自己心頭好，的的式式o既玻璃小擺設。而大興亦都o係度有佢o既收獲。而Mr Conni 同Tracy就試o左個薑汁豆漿（exactly 唔記得啦，但一定唔係撞奶！）。而我o地一行七人買o左冷帽，實在太凍啦~~~
Wendy極力recommand 我o地去紅樓。先上山，後嘆茶o既滋味真係幾好。行o左百多級樓梯，上到頂見到山下o既市集，遠處o既大海（無認錯的話，應該係淡水河。）勁靚，而紅樓呢個地方真係唔錯，又一個攝影好地方。o黎到又點可以唔入去試下Wendy提到o既玫瑰茶、Tiramisu。裡面o既佈置真係好靚o架，樓高三層，um……點講好呢！總之個feel 好好啦！上到最頂，雖然好凍，但我o地都係選擇o係出面嘆茶、食甜品。Wendy 冇介紹錯，o的茶好香，好味，我比較鐘意玫瑰紅茶，而玫瑰茶都唔錯o既！我覺得呢o的茶唔使落蜜糖、檸檬都好好味。至於Tiramisu同Cheese cake都係一絕，而我o地就特別欣賞呢個Cheese Cake，好好好好……正呀！ ^_^ 或者人多，聽唔到o的music。我諗如果夏天o黎呢度都唔錯，吹下海風、嘆下茶、睇下書、聽下音樂幾好！……仲有呢，我覺得呢度都幾o岩情侶o黎o架！ ^o^ 走o既時候，已經係入黑啦（台灣同香港都係冬天，不過呢度就好早入黑，好唔慣！）入夜，紅樓又另一個靚靚景！
之後，我o地去o左士林夜市。呢度仲多o野食，街邊固之然有，舖位亦有，而且仲好集中，因為呢度有個美食中心。假日關係，人生人海。我o地七個人為o的罐頭植物而瘋狂，結果一個二個都o係度大出血。 ^.^ 唔知道我可唔可以成功種棵怕醜草出o黎呢？又唔知道罐頭水仙同菊花趕唔趕得切新年開呢？ ^o^
迫完後，再去士林夜市美食中心搵食，ok 多選擇，好多舖頭，最後我o地決定食鐵板燒，呢個鐵板燒唔錯o架！ ^.^
食完再行一行出面o的攤檔，俾對龍吸引住，幾經爭扎，決定將佢o地帶返香港（真係唔難拎都唔拎！）。
今日行o左好多路，個個都tired la，係時候back HOME。
返到去，我第一時間show晒o的戰利品……勁開心，但同時又苦惱緊我係咪可以安全帶佢o地返香港呢？ ^o^
第二天留意到︰好多7-11，真係擺明係你左近。仲有好多屈臣氏，都係同7-11咁，行唔夠一條街又見啦！仲有呢，我覺得電單車大晒，明明係行人路，但都會失驚無神殺o左架電單車出o黎！Wendy話，Starbucks o的咖啡咁好味，因為加o左o的o野，好削胃。佢個friend o係o個度做，試過用pH紙試……酸到飛起呀！
明明媽咪講過樓下有巴士直達機場，搵唔到……>.<（之後Tracy話有o架喎~~~佢仲o係o個度搭出o黎！總之約埋啦！）跟住，就拎住一大袋o野行去火車站……重死！好彩都唔係多人。九龍塘轉車……返工時間，唔多人就假，結果係要迫到第三班車我先上到。太子、荔景、青衣……輾輾轉轉坐呢個機鐵到機場……出發都已經咁啦~~~唉！ ^_^ 不過，都好彩冇遲到。
1155，走lu！（藍天白雲o既配搭真係好靚！）
1330，到達中正機場，o係上空，見到一大片o既田地。
1430 something，到o左盟城酒店（o係台灣，酒店=飯店）附近。第一個大挑戰就係我o地眼前o既大馬路，一個二個推住行李過呢條咁o既大馬路。未o黎前，已聽聞台灣交通混亂。我地真係體驗到啦，明明係綠燈都仲可以有車行o既……唉~~~講返酒店，呢間o野望落去都好有歷史咁，但都住得幾舒服o架！ ^o^……我覺得好似廣洲o的環境。
放低晒行李，我o地出發lu。
首先係要望清楚地圖，然後戰戰競競咁橫越多條馬路（相信我係唯一一個過馬路咁嘈o既人~~~始終都係有o的緊張，因為唔知幾時會有車駛過o黎！）去搭捷運（Metro Taipei，類似香港o既MTR）。最平票價係NT20，最貴係NT60（冇記錯的話！）。嘩！係幾米呀~~~個個都好開心呀！張車飛有幾米O既作品，好靚！我O地又點會放過呢？結果我O地好似o的細路仔潛機，對住部售票機不斷「餵錢」，務求儲齊一set「地下鐵」。講返正題，好啦！我o地由呢個民權西路出發到西門町，台北車站勁多人……鬼咩，四條線o既匯合點。一出閘，依然係人頭湧湧……今日係星期六，唔多人至奇。呢度可以話類似係旺角、銅鑼灣，衫褲鞋襪、食肆、車你檔都可以滿足各位！（不過呢，導遊Jacky 話唔好o係度買衫喎~~~同香港差唔多，或者香港仲要平o的！）。台灣真係有好多小食，擺到成街成巷，好似有呢個花枝卷啦、熱狗、冰糖葫蘆、水餃、香腸……不過檔仔數目多，但賣o黎賣去都係o個o的o野食，價錢都係一樣。 ^.^
o係西門町見到有外國人街頭表演，仲要唱緊周杰倫o既《爸，你回來了》。雖然我唔知佢咬音準唔準，但我都覺得好surprise呀！ ^.^
之後，我o地再去呢個書局街。唔多識行，好彩有個靚靚女仔帶我o地去……都有收獲。^_^
再返去西門町食飯……台灣o的麵o既湯底似乎有別於香港，後者清湯，前者一pat o野咁（我唔多識欣賞啦！）。
tired la~~~ back HOME！
第一天留意到︰台灣冇乜雙層巴士、交通極度混亂（for me, 係極*infinity）、有o的似香港，有o的似廣州、勁多電單車，週圍都見…
算係有個雛型o係度啦~~~慢慢再執！^_^ 呢度所有o野都係自己一手包辦，有少少成功感。 但總覺得……返o黎先算啦！ ^o^
第一次用Dreamweaver做hp，好多o野需要再慢慢摸索，ok 易用同好多o野玩！ ^o^
係時候收手……要執o野去玩！ ^o^
整極都係咁，真係唔鬼想整…… >.<
終於搞掂晒保險、卡數，咁就可以放心去旅行啦~~~不過仲未執o野。
《流星花園2》……我仲以為自己睇緊o的音樂特輯。
結果一至五都要返學，想調都唔到我話事……算數！不過係時候要溫返o的韓文，否則，我真係上堂唔知做乜。^_^
兩位大人又話我處事唔夠靚妹唔夠圓滑，成個細路咁，三兄弟姐妹最大唔透係我。媽咪仲話我出發o個日，靚妹講︰「o下？家姐就咁出門口？帶齊o野o架啦？」……我承認自己唔想長大，但都係揀人o黎蝦…… ^o^
1/1/2003 (WED)
大昏迷十多個鐘，絕大部份時間係對住部電腦整o野，媽咪都忍唔住問︰「你對部腦成日唔tired？」其實幾o架，但係我想個新hp 快o的出世。自從學識o左整hp，每年都整一個俾自己做新年禮物。但係整極都無新鮮感…… >.<
終於睇埋《哈利波特》，都ok la……不過好似第一集好睇o的！ ^_^
之後，去幫襯公和食豆腐花，但係個價錢同我之前食開相差好遠呀！唔通分店多o左，賣貴o的？但o的料同份量唔見佢有增加喎~~~
前幾日o既diary 仲有好多好多o野未寫……
‧要多謝阿金啦，俾我打足五日。 ^o^ um……叫我唔好成日打人？都得o既，間中打下啦！
‧仲有仔啦~~~我呢個大頭蝦真係乜o野事都可能會發生，如果冇佢跟住，我真係好難想像會有乜事發生喎！例如未上機唔見passport啦，機票啦…… ^_^
‧不得不提o既細佬同家姐啦，見到佢o地兩個就好似睇返自己同細佬細個o既時候……好正！
希望我呢個大頭蝦o係台灣一切順順利利。 ^o^