豬豬妹，生日快樂。（係咪好想殺o左家姐呢？o係度咁叫你！hhahahah……冇辦法啦，你係我細妹喎！ ^o^ 家組祝你心想事成。）
今日係寶貝妹生日…雖然唔係正日，但總算都係二月最尾一日。 ^_^ 雖然我o地三個都大個晒，但點唔得閒都好，始終要搵返一日時間同屋企人慶祝，雖然簡單，但係好開心。難得齊人喎~~~ ^_^
罐黃水仙終於開齋啦~~~唔知開唔開到花呢？好似o的媽媽咁望住小朋友長大咁。 ^o^ 我要影低佢o既成長過程。
今日阿漢問起點解叫「斷線風箏」…風箏一斷o左線就會週圍飛，唔知會飛去邊，令人難以捉摸……而我就係咁反叛、任性，鐘意四處闖，冇人知我想點，自己都唔知…… 此名出自山楂…… ^.^
不過呢一隻斷線風箏已經搵到目的地，可以o係o個度暫時歇一歇。 ^_^
呢個世界有冇神？um…細個o既時候，我信有。但而家大個o左覺得有，但又覺得冇。不過，諗深一層，當自己相信有神存在o既時候，往往係自己最懦弱o既時候。我會幾buy Daddy o既睇法，神o既存在都係心安理得，有個寄託，係一個信念，有就有，冇就冇。 ^o^
仔終於榮升broadband 一族啦，下次send file 都唔使咁耐。
呢期勁鐘意《我的驕傲》同埋《My way》。
前幾日Jan 同我講起咁快又半年……唔知係咪搞過莊o既人都會特別感慨？ ^o^ 個死仔包仲話我第一次約佢唔清唔楚咁，冇辦法啦，趕時間，得我一條友call 你o地十幾個，係咁o架啦！ ^_^ um……組媽都希望你o係呢三年大學生活都可以好充實咁渡過。
今日同Toby講到男女平等問題，曾幾何時，我好天真咁相信有平等呢樣o野，但現實話俾我知係唔會有—平等！無論性別、種族、階級等…
究竟而家Garrick o係唔o係日本？if so, 又話今晚食飯？ Hahahhahha………
今日正係上一個鐘，真係唔多想返…… >.<
放o左學，同仔女、大興去o左旺角食飯行街。
死啦，呢期肥o左好多呀~~~ >.<
為求玩得安心o的、放o的，呢幾日要加油！yeah~~~
P.S. calling！阿漢，你病好未？^O^
一早prepare o的料 present……總算都完o左啦！但o的時間真係勁趕，明明仲有兩分鐘o架！ >.<
呢期打電話搵唔到我，都應該o係CSC啦~~~近視唔深至怪！ >.<
有桃花眼係好定唔好呢？真係見仁見智啦！^.^
有人話香港人有兩文三語o既能力（算係掛？）相對o個o的西方人係一個優勢，even 英文被認同係世界通行，不過，乜唔係西方人除o左學英文之外，仲要學法文、德文其他語言咩？
成日就o係CSC 渡過……終於七點多KO o左 IM ppt. ^_^
我都話我唔適宜借錢錢俾人啦，都冇數計……好彩佢o地都係有良心o既人。 ^o^
正如之前所講，去camp、行山上o左癮……所以我同個仔都好想短期再去多次。仔仲提議話設一個基金買camp 裝備，呢個提議唔錯呀，如果我o地之後真係可以keep 住去，唔需要次次都係行到好辛苦o個隻，可以露營為主，幾個人對住夜空嘆咖啡、傾下計都唔錯。……不過主要問題係，我o地出o黎做o野之後，仲有冇時間同閒情逸至去做呢？ ^.^
亦都因為咁，呢期成日行o既舖頭都係行山用品o既店舖，發現好多得意o野，同埋而家先知道揹開o個個背包係專for 戶外活動用，仲有 35L 咁大……
快o的到5月份啦，可以到番 yu。 ^_^
P.S. 呢期Cool 個封面好靚呀，因為有米奇老鼠！ ^o^
P.S. 幸福o既笑容係唔需要錢買返o黎！ from 旺角MTR外的一個盲婆婆……
雖然訓得o個四個多鐘，但自己都覺得充足電。五六點左右又起行。經過石澗上去「四疊潭」，然後徒手攀上「千絲瀑」。好多地方望過去好似行唔倒，但其實天無絕人之路，只要自己肯踏出一步，路就o係你前面……路係人行出o黎。 ^_^ 全程最有成功感o既一刻係第一次自己徒手攀上個小石山，然後再望返落去，你會驚見自己可以爬到上o黎！
之後o既路程都係好舒服同好容易，石屎路一條。
Solo 時間，靜思已過，同埋為自己set 目標，我set 好o左啦，你呢？我相信我o地每一個都會履行到自己目標。大家都要為自己目標努力，唔理係短期定長期。當我o地再拆開呢封信o既時候，大家都可以見到自己達到目標。 ^.^
沿住萬宜水庫行返去北潭涌，好明顯我係唔識煞掣，一路行，行，行……都唔見o左尾添！但係呢，當你一個人行下行下，週圍望下，無咁多人聲o既時候，個感覺真係好好。 ^.^ 難得有一刻清靜！
到北潭涌啦，今次o既Field trip 亦都正式完結。
返到屋企驗傷，左膝瘀晒（好彩仲係冬天，用長褲遮下，否則又俾兩位大人鵝……）同擦傷，右腳踝腫晒同勁瘀。 ^_^ 有時我覺得自已真係唔知死字點寫……
好想再試下新o野，我想玩水，但我唔識游水（又o係度俾藉口自己）。唔知將來我有冇機會、體力去尼泊爾、青海咁o既地方攀山涉水呢？ ^.^ 我鐘意o個種新鮮感、挑戰同埋成就感。
到目前為止，我覺得tough 都係行石澳，雖然都要行石澗，但沿路都係冇乜石屎路。同埋馬鞍山，break o左一兩次，連行八個鐘、爬下懸崖，入黑冇燈先落到山。 ^.^
P.S. 今次Field Trip，我覺得LuLu 真係好叻。 ^_^
P.S. 當你迷失方向時，試下行山，你會慢慢搵返絛路出o黎。
P.S. 傷風清晒，大自然係最好良藥。
P.S. Final year 好正，試o左好多o野！
P.S. 劉青雲真係好黑，吳鎮宇比我想像中友善好多，但我睇唔到黃子華喎！ ^.^
P.S. 切記操之太急，聽下人講……
之前試過攀山涉水o既Field Trip，所以今次旅程都冇乜特別深刻o既體驗，比我想像中舒服好多，不過始終都好享受，因為總有o野我係未試過。 ^_^
諗住訓醒冇傷風啦，點知個情況仲好似嚴重o左添！好彩今日行山，應該好快冇事。
起點o係麥理浩徑二段，終點o係北潭涌。沿路經過赤徑、大浪坳同埋好幾個山頭。記得仔未出發前問︰「你諗住聽日行快定慢？」我︰「快，不過都係depend。」結果全程我都係行快，尾程o既時候仲要玩大拋離，熟我o既人應該都見慣不怪，唔熟我o既人好似阿John 咁，John︰「阿欣，你趕住返屋企？」或者自己冇耐性同埋好勝，跟本唔想墮後，但事實上咁o既速度行我覺得好舒服，你叫我就住就住，我實死俾你睇，肯定會抽筋！ ^_^
夜晚o係一個沙灘（大灣）踱步，o個度even 夜晚唔開燈行，你都大可以好放心行，同埋大奔走。夜晚已經覺得好靚（even 睇唔清楚附近環境），同埋feel 到o的沙好幼，我相信朝早會仲靚，藍天白雲加碧綠海水。 ^o^ 真係super！適逢佢退潮，佢退潮個範圍真係好大，差唔多成個沙灘退o左出o黎！ ^.^ 我睇過啦，露營人士都話o個度露營都好o架，不如我o地下次去o個度（上o左癮！）。
第一次行夜山，冇乜特別，但我都係享受日光日白行山，起碼可以週圍望下o的靚靚景色，唔係正係望住條路咁悶。夜晚行真係好小心，否則真係跌倒。我就係因為冇留意前面有梯級，就咁仆o左一o野（第二朝先覺有血漬同條褲穿o左個窿）同埋扭一扭，扭o個一o野，我真係好怯，仲要行，扭親行唔到點算，起返身，隻腳仲好似唔知點咁，但都要試下行唔行到……up 下 up 下又冇事咁行。但係一用右腳o既力支撐自己時，真係想爆粗。 ^_^ 所以話呢，「人唔跌唔大。」所以凡事唔好操之太急，細心o的、腳踏實地好。
hehheheh……今次旅程最開心o既事係可以望住星星訓覺，自己好似蓋住星星被訓覺。yeah~~~ 今日o既行程唔算辛苦同埋覺得……有o的悶。不過，今日學識o左用指南針。^.^
訓到十二點幾先起身，但我見DiDi 仲四圍走，究竟有冇訓到覺？ ^_^
跟住同個女去買Bag，仔諗住最終要到銅鑼灣買，點知最後都係o係旺角KO 埋。
死啦，我好似有傷風添！>.<
點解次次想睇演唱會都會同其他o野撞到正o架！聽日有得睇尾場都冇得去……唔制呀~~~我想睇Eason 呀！ >.<
可樂+薑治傷風？第一次聽咋~~~
仔話相中o既ViVi 好似 Yuniko 呀！ ^_^
一大清早去眼科醫院，有o的可惜。
諗住o係CSC做埋個ppt，點知呼呼大睡。結果o係上Korean 韓前四十五分鐘，返o左屋企訓覺。
訓到八點幾先至肯起身出去……真係好眼訓呀！ ~.~
今晚試o左個November Sea Breeze 同埋好重椰汁味o既飲品，但都係Sheltering Sky 好飲！ ^_^
好耐冇見過DiDi ，佢好似肥o左，但依然都係好鬼得意同熱情。
tired 到趴街~~~結果上IM都係訓，早知唔返。上EP，臨尾都係要訓。
石磨坊o既芒果芝麻撈河好特別，o的「河粉」幾得意好味。 ^_^ 至於腰果糊都唔差，夠滑！
Date: 18/2/2003 (P.S. Ken's Birthday）
Venue: 北角東寶小館 & Inn side Out
Attend: 今日主角‧Ken、Jando、哥利、Dee、西、碧琪、Mandy、Shirley、Ivan、Toby、Toby 女朋友、Garrick、仲有自己。
仔，生日快樂！
今日由朝忙到晚，十點返到學校見Olivia，但我唔覺呢個briefing 有乜大作為。吃過第二頓早餐就開始馬不停蹄做IM，一做就做到三點半收工。當我o地努力之時，身後o既仔開房設廠印o野！ ^_^
呢期成日活躍於港島區，今晚一班人去o左北角東寶小館食飯，o個碟炒飯好好味呀！唔知乜名堂，但我知有好多薑！ ^_^
本來諗住去Eureka，但早收。唯有遷移到Inn side Out，不過都好，多o的地方俾Shirley佢o地玩。亦都因為咁，Garrick 亦都成晚講o左好多句︰「我唔o係度。」 ^o^
今晚試o左個Sheltering Sky，幾好味！賣相都好靚o架！
終於的起心肝執書架，結果由六點幾執到成一點，清o左兩大袋垃圾。執到悶悶地，再點算下由入U 到而家o既卡數，足以夠我交一年半學費，簡直離普。亦都因為知自己大使，所以我都係堅持一張卡就夠啦。 ^_^
Promise vs Delivery。
有好多同學仔曾經一齊上過堂，但你之前又唔多覺，隔o左一段日子先玩相認。我仲以為Samuel 係讀marketing 添！ ^_^ ……今晚笑得好辛苦、流晒眼水，又project 自己個頭啦、通輯呀、廿四小時通關……唔係，係廿四小時通姦。
而家唔係正係LT-1 靚囉，原來LT-4 都唔錯O架！
ViVi、和仔，生日快樂！ ^_^
唔知第幾次post la...但每次睇親都有唔同feel，咁你呢？
人與人的相遇就像是一個隨機抽樣。在不同的時間空間之中，彼此相遇。
有些時候，你會發現你一開始最看不順眼的人竟然是你的好友，因為你發現了他的好。
有時候，你根本不想去認識一個人，因為你覺得無趣。後來你卻發現他是你想要認識的那種人。
有時候，你非常喜歡一個人，但是你知道你們根本不能在一起。
愛你的人，你不愛。你不愛的人，卻是那樣的愛你。這複雜的習題卻又如此的跟著我們，解不開，算不清。
人家說在對的時間愛一個人，你是幸福的。在錯的空間遇到一個人，你是痛苦的。
有些人你就是有一種一見如故的感受；有些人你怎樣就是說不上幾句話。
像是一部公車，大家在這一站上車，又在另一站下車，事事總是充滿變數與未知。
曾經感情很好的朋友，即使感覺還在，可是大家都有自己的事情而疏離，所以大家要珍惜每次偶遇邂逅。因為你根本不知道錯過了這次，你跟他會在哪個空間再相遇。也許，這是你們唯一一次的相遇。
from somewhere……
P.S. 年初五o的相相呀！影咁多，最colouful 都係呢一次啦，好靚！ ^_^ CLICK IT!!!
我覺得人生有好幾個checkpoints，好想o係呢幾個checkpoint 做一o的特別、有意義o既o野，um……我諗可以話係一個轉捩點，但我已經錯過o左兩個checkpoints，我寄望自己o係廿七歲俾一個surprise 俾自己。
坦白說，我對自己即將畢業後o既前途有點迷茫。 ^.^ Where will I go???
本來想買條「大紅鼻」寄養o係個仔度，但又好似唔襯佢o個幾條波子（條魚魚真係好似吞o左粒波子咁）、乜斯物斯咁……都係等埋個女一齊買。 ^_^
「將軍彩」呢條魚魚好過癮，一見到另一條魚就會起晒「桿」咁，好過癮。 ^o^
P.S. 謝謝Shirley 的星星！ ^_^ 擺埋個女護身符到先。 ^.^
~~~條線唔知飛o左去邊………冇相睇……死啦！唔好俾細佬知.........
最難忘的禮物……一顆毫不起眼的朱古力卻帶著很多說不出的心意。 ^_^ ……The right people do the right thing at the right time, so am I. ……「我從來無後悔過。」 ^.^
MPF望落好複雜，但又好似好好玩喎！係時候俾心機讀好佢去考試，拎多張cert都好丫……死啦！其他科乜都未讀過，mid-term 又o黎…… >.< 書架又未清，o的書堆到都唔知堆埋邊度好！勁多！
假設你就o黎死，你最想多謝邊個？你最掛住邊個……"Learn how to live, and you'll know how to die; how to die, and you'll know how to live." Morrie said. 不過前半部份learn how to live 仍然有待參透。 ^_^
今個禮拜真係好唔正常，多晚都係十二點前訓覺，但第二朝起身仍然覺得好tired，自問已訓得多同埋訓得好，點解會咁o架？唔通真係有渴睡症？唔係掛？ ^.^
有時我會覺得上Personal Development 好似睇緊心理醫生。o係o個5分鐘真係諗o左好多o野，但好多o野都係圍繞住家庭，……唔會真係俾人批中我會做師奶呀！ ^_^
我覺得香港o的細路特別矜貴，行山咁小事都覺得好似做苦工咁（或者佢o地第一次行掛？），唉~~~如果要當兵操一操會唔會好o的呢？再唔係一個二個都要做童軍，學下o野！如果唔係第時大個就覺得做乜都辛苦。
呢幾日唔知做乜好鬼眼訓，even 好鬼早訓都係好眼訓。~.~ 仔話我有渴睡症喎~~~但大興又話我呢幾日可能悶……我都唔知…… ^_^
三仔「九母」去買魚缸，最終仔買o左。我同女決定遲o的擺低o的魚魚o係o個度寄養。 ^.^
覺得幾米o的書出得太多，太商業化……今日睇佢o個本《幸運兒》完全無feel，之前睇佢o個o的作品真係好有feel，但今次睇總覺得爭o的o野咁。
如果我畢o左業之後就嫁人，你o地會點睇？crazy？yes, I'm crazy!!! ^_^ 我都係妙想天開下o者！hhahhahah……
終於趕晒所有日記啦~~~
未試過探病會係咁嘈，未試過探病會係咁開心，仲要有o野「送」喎！你o地見過用聽筒聽MD未？我就見過啦，hhahahhaha……
希望安仔快o的早日康復啦！
前幾日講過話，人越大就開始識得孝順父母，其實，我覺得仲會識得點同佢o地溝通。自從入U 之後，同Daddy 傾多o左好多o野！ ^_^ 媽咪不嬲都多o架啦…… ^_^ 今日同佢話有個同學腸胃有試入o左院（俾著我以前，我係唔會同佢講o架！費事俾佢訓話！^_^不過唔知點解有時又好鐘意聽兩位大人「娥」！），之後，佢又開始同我講唔好食埋o的古靈精怪o野，飲酒唔好溝o黎溝去……當然啦，我做唔做又另一回事啦。
有時覺得自己Daddy 同媽咪好鬼得意，都已經半百o架啦，結婚廿多年，但仲好似細路仔發脾氣咁，玩冷戰，過一兩日又冇事。或者就係咁先至可以到白頭到老掛？hahhahaha……媽咪成日都係咁講。^_^ 佢o地兩個真係簡直係鬥氣冤家，有時我都係唔係幾明點解佢o地可以一齊咁耐？ ^o^
勁tired……上o個兩個鐘韓文都係訓覺，勁唔好意思……
一上完堂就返屋企訓，又虛度o左一日。
夜晚，出o左去同仔佢o地飲o野，第一次o係QuarryBay 飲，o個間East End 都唔錯。今晚試o左個Singapore Sling，都唔錯。^_^
講到做o的有意義o既事，搞到我好想助養小朋友。^o^
呢期真係去得香港島o個邊多，有少少熟落啦！ ^_^
七點起身，依然好鬼大霧。落去洗碗，牛牛一家大細出o晒o黎，好得意呀！ ^_^
執晒o野，又玩o野啦，玩呢個……唔知乜名啦，總之係踩繩啦！睇你Trust 唔 Trust o的 Groupmates，我都有份玩，真係難為o左佢o地啦！ ^_^ 繼呢個Trust Fall 之後又另一個大傑作。
「承諾」︰答應。我諗玩咁多o野，我未試過好似今次咁認真玩……或者唔應該講玩，係諗！每個人都要對自己同埋其他人許下承諾，諗o左好耐，許乜好呢？GPA 過2.8？快o的搵到工？……um……我覺得呢o的無乜好承諾，諗下諗下搞到自己眼濕濕，Shirley 一講佢個承諾，我真係忍唔住喊o左出o黎！之前我一直話要改晒o的壞脾氣，但係而家都冇乜進展。身邊有好多好多朋友鍚自己，但自己成日對佢o地發脾氣，自己都頂唔順，我真係好想自己對佢o地好o的……同埋自己三分鐘熱度o既性格成日搞到同o的朋友關係都係短期合約，唔會放好多心機同時間落去。或者就o黎畢業，真係好想同班大學朋友keep 住，keep 到老。我真係好希望自己由呢一刻開始好好珍惜而家o既朋友。「我要改晒o的壞習慣，我要珍惜而家o既朋友。」
最後一次debriefing，我發覺自己有樣o野做得唔好，就係唔識得欣賞人同表達自己。o係呢方面我真係要好好繼續努力。
呢次行山俾我想像中舒服好多，不過自己都係冇鬼用，咁都抽筋，仲要係大脾，痛到我丫！好彩訓o左晚就冇事啦，不過就覺得自己扭親腳啦！ ^.^
同人玩打交，打到唔見o左八達通、學生證……你個死Toby，因住輪到你下次唔見o野！收埋我o的o野…… >.< Anyway, Nice to meet U! ^_^
仔︰「你唔見o左o野會唔會好心痛？」我︰「唔會，不過睇下唔見o左乜啦！如果係相o既話，我會好心痛，因為唔可以再影返。但八達通、學生證呢o的唔見o左可以再補領返，唔會心痛。」
幾鐘意同唔同人做一樣O野O個種新鮮感，雖然開頭會陌生，但係慢慢會熟落。就好似我同Shirely、Mandy 咁。 ^_^
繼阿瑪、保姆之後，又做o左人o地o既奶媽、那媽！hahhahahha……咁下次做乜呢？hehehheh……
*誓估唔到而家用開個bag 會係咁大容量！*
*我諗我真係克服o左搭長途車啦！yeah~~~唔知等唔等同克服埋搭船呢？* ^_^
*其實，仲有好多o野想寫，但唔知點表達好……*
直落唱K，Garrick 頻頻返香港，有時我會覺得佢冇去日本。 ^_^
「出面落雨、大霧，行乜鬼山，可唔可以改行程？」「濕淋淋去乜鬼行山，又唔係未行過……」o岩o岩離開枕頭，兩位大人就不斷勸我唔好去Wild Camp。一貫做法，「哦！」同先斬後奏。
今日o既第一站係國泰城，其實我對呢個trip 有o的失望。先聽一個Talk，我同女都認為個Talk 都 ok，但我唔明o的人點解會訓，個講者仲成日問我o地附近有冇人訓覺。……Attitude 問題！
講者提到equilibrium o既副產品係Innovation。要o係一個飽和o既市場突為而出，唔諗o的新o野有點會吸引人買自己o野。……「危機」呢個詞語真係好正，有危就有機。
睇佢o地o的Training room，就諗返上個sem o既 Training and Development 自己組搞o既 course。
兩個鐘咁就過o左去，總覺得好似冇乜得著。
回校時間比預計早好多，所以飲埋茶先去行山。
講開犯太歲，今年我就真係犯啦！o的堪輿學家話帶馬o既o野就可以冇咩事喎！……仔女話我乜都唔使戴，因為我本身係一隻「馬」。ahhahhahah
雖然呢個Wild Camp 只不過兩日一夜，但得到o既體驗同感受係好多好多，需要時間慢慢細嚼、回味。或者第一次玩o的咁o既o野先至會有咁多feelings，但點都好，我真係好enjoy 呢個 wild camp 所帶俾我o既一切……
等我細嚼完，先再post 返！ ^_^
「下一站係彩虹站…」心情有o的緊張，擔心自己膊頭痛，因為今次個背包重過去台灣時候多多倍，o係台灣我都話背到痛，何況今次仲要背住佢行山！除此之外，又擔心自己會抽筋，平時都冇乜運動，再加上真係好鬼耐冇行過山，始終有o的擔心。同o的groupmates 只係見過一次，所以都係好陌生。
到o左西貢，Mandy 簡介過後，每人要估計自己o呢個行程得到幾多分，我覺得呢個分數除o左反映自信同埋對自己能力肯定，亦都可以幫自己set 一個目標去達到。
開始上山啦！一級又一級o既石級真係好似行極都行唔完。由山腳望上去，你會覺得前面好似冇路行，但正所謂「路係人行出o黎」，只要你肯行，你會不知不覺行到好高。開始行o既時候，行到喘晒氣，喘氣唔緊要，我最怕抽筋。行下行下，行順o左啦，開始四圍望。仔講得幾o岩，行山都可以睇到人生百態。我同Shirely 一齊行，我揀行石級，雖然辛苦，但我覺得安全，而Shirely 選擇行泥路（的而且確，行泥路係舒服o的！ ^_^），大家目的地一樣，但所選擇到達目的地o既道路係各有不同。 ^.^
五點幾，到達營地。洗碗o既洗碗，起營o既起營（下次我要試下！ ^.^）。煮飯始終唔係自己強項，好彩有大廚阿泰（佢扮阿旺好似o架！佢o係今次行程帶o左唔少歡笑俾我o地。）同埋教練o係度，o的o野都唔錯o架！
之後，玩「Night Line」同埋「黑夜獨行俠」（not sure 個名啦！）由幪眼o個一刻玩Night Line，唔知點解會係好放心咁玩。雖然Ocamp 都過類似o既o野，但係今次真係玩得好放心，或者兩者性質有o的唔同掛？ ^.^
我斷估唔到自己可以o係無電筒情況下於黑夜中，一個人行叢林。開始o既時候，我真係有o的怯，平時黑媽媽的地方要自己行我都唔願，何況玩呢個「黑夜獨行俠」？但係冇理由唔玩o架~~~好衰女o者！開始o既時候，我真係可以話乜都睇唔到，好驚……之後習慣o左o的光線，望到o的沙反光出o黎o既路，開始定少少行，為求自己心安，心裡面不斷唱歌，一步一步咁行，唔夠膽跑，我驚前面o的路凹凸不平，搞到自己趴街就無謂啦，一路提醒自己︰「腳踏實地。」。本來以為自己可以定落o黎，但過o左B仔記o個關後，我又迷失方向，完全睇唔到路，要四圍摸，說真的，o個一刻係好驚好驚，好彩摸下摸下又摸返條路出o黎……或者驚魂未定，成日覺得身邊有o的人影o係度。最後，可說是順利完成。^.^ 事後，先知道我o地經過兩個墓地。
我發覺一o的好得意o既o野，o係呢個「黑夜獨行俠」終於會有強烈燈光照射，每個人o的反應都好唔同。我見到，但我無即時跑過去，因為覺得個終點唔會咁stright forward 跑過去就得，都係一步一步咁行。但Shirley 就話︰「諗都唔諗就跑o左過去。」同一樣o野，但每個人諗o既o野都好唔同。 ^_^
已經十一點幾啦，越夜越大霧，乜星都睇唔到，好彩頭先食飯都有數十粒o係頭頂。 ^o^
Debriefing後，一個二個食埋糖水就訓覺…… 已經兩點幾啦……
我覺得夜晚行山好似舒服好多。 ^_^
住Hall o既手續總算完成o左七七八八，安樂晒！
幾認同Ivy 的一句說話︰「人越大就會識得點孝順父母。」細個o既時候，成日覺得父母唔准咁、唔可以咁，你會覺得佢o地好討厭。但漸漸長大，你又會覺得佢o地o既出發點係為自己好，說真的，邊有父母唔鍚自己仔女。 ^_^
出發前的最後準備，心情好緊張呀！ ^_^
滿心歡喜以為有得睇Eason，不過都係一場歡喜一場空。好彩都係一陣o者！ ^_^
單身一族同埋有家庭o既屋企個feel 同埋擺設係唔同o的。
下次玩「射龍門」，唔好俾阿John 做莊，勁邪呀！ ^_^。已經係A同K o架啦，但咁都中柱！
阿John 整o左咖喱雞同肉骨茶，我比較欣賞前者，好好味呀！後者都唔差，不過我稍嫌太鹹！ ^o^
John 依然係一貫做法，萬咁迫人飲酒。 ^.^ 終於明白Daddy 話︰「都唔明啤酒有乜好飲。」唔……啤酒又好似相對其他酒難入口，但係到目前為止，我覺得最難入口係紅酒。^.^ 呢一次係我咁大個女飲得最多威士忌的一次，由溝汽水變齋飲加冰都ok。其實呢……我真係好想買幾枝酒返屋企扮bartender溝酒同細妹飲！（Daddy 見到實話，溝酒無益！hahhaha……）
一直認為拎住紅酒杯個柄（唔知叫乜啦，總之就係支撐個杯o個枝o野！）係正確姿勢，但原來係拎住杯底（唔係杯身個杯底）先至o岩！學多樣o野！
之後，一行十多人去仔屋企。都係o個句，第一次玩o個個UNO 機 o既人o既反應真係好正！ ^_^ 今晚終於有人Draw 14 啦！
玩到一點幾走啦，唔知係o的酒發作（咁遲？ ^o^）定係真係唔舒服，個頭好痛呀！ >.<
我有預感今年將會係多事之秋，不過都慣啦！ ^.^
十二點先訓，訓到夜晚七點先起身。
仲有幾日Wild Camp，心情有o的緊張。^o^
去到Ivan 屋企，真係有一刻衝動想儲錢置業。^_^
每個人對住部UNO發牌機o既第一個反應唔同，同埋好鬼正，玩下玩下，大家對佢開始有o的熟落啦。
Shirley 對細佬妹要早走，但細佬想打機，無奈敵不過父母。記得好多年前，表弟妹想留o係我o地屋企過夜，但阿姨、舅父唔俾，佢o地點喊都冇用，結果都係扁住咀走。^o^
先後一口氣睇o左楊千嬅同TWINS演唱會，再睇埋另一個版本o既結局《無間道》……都係香港o個個好睇好多。
好耐冇玩過o既魚蝦蟹，同埋好似好複雜o既大細今晚現晒身。原來魚蝦蟹莊家易蝕錢，大細就贏多多錢。 ^_^
今次學多個玩意—Bridge，好好玩呀！
驛馬星動同紅鷥星動，我會揀前者，可以週圍去。
《隔離位係古惑仔》都OK 好睇，不過臨尾有o的GTO feel，我同細妹都一致認為個男主角都幾靚仔……佢個學生look。
大佬曾幾何時講過《觸不到的戀人》睇到喊，搞到我都想睇下幾touching，不過到今晚先睇……唔錯，唔錯，真係touching。 ^_^ 唔知點解我睇親全知賢o的戲都係同時間交錯有關o既？ ^.^
呢幾日不斷o係屋企睇戲，先自發覺有o的戲之前我係未聽過、見過宣傳，但睇又幾好睇，好似《Behind the enemy》，一套唔錯o既戲。雖然橋段同平時o的戰爭戲差唔多，但係橋唔怕舊，最緊要受。希望呢個假期可以睇埋《Bourne Identity》同埋睇多次《Minority Report》、《Saving Private Manz》。 ^o^
大年初二，例放煙花。不過放咁多次煙花，我最難忘係97年青馬大橋放o既瀑布式煙花，真係好靚！ ^.^
對我來說，農曆新年只是一個假期，沒甚麼特別！ ^_^
《Spiderman》又幾好睇喎！細個都好似有睇過Spiderman o的卡通片，但完全唔知佢講乜，我而家先知道Spiderman 個來歷。