多謝Sidney 的小風鈴呢！風鈴係我o既至愛 ~^.^~ 但仔話唔好亂買，所以見到o的好鬼精緻風鈴，眼看手勿動。~.~ 掛o係個board 到先！^______^
好不容易將六十多個貓由一個早上清至十多個……好彩都係easy job。
2003 的最後一日，來一個小小的總結。今年畢業，我的畢業可算是幾經波折，最後都可以順利畢業。畢業後，真真正正進入這所社會大學，真真正正體驗到現實中的待人接物和工作模式。今年所學，所體驗的一切一切，使我獲益良多。o係度真係要多謝身邊一班好友~~~
好多o野以前一直好想做，但一直俾好多籍口俾自己冇做。不過，Anthony 事件不斷提醒我，坐言起行。於是，我助養了第一個小孩；積極儲錢去旅行（自己同請兩位大人）；改壞脾氣。
拆返今年二月二十三日寫給自己的一封信，本打算上個月行完畢業禮拆開。因為忘記擺放的位置，所以前些日子執拾時找到。短期目標已經達到，長期目標仍需努力。最重要的是自己要懂行珍惜和享受現有的一切，我諗自己算做到掛。^____^
2003的我，總算過得不錯。我要活得一天好過一天，將開心感染到其他人。好好充實自己 ^o^ 亦希望你o地身邊每一個日日都過得開開心心。
闊別多久的上堂感覺。^__^ Axapta 好似幾好用，自由度大，但 authorization 仲未介定得清清楚楚。
梅艷芳走o左！預言應驗？
優婆，生日快樂，日日快樂！去年o係新加坡機場弄到哭笑難分，希望你今年都過得難忘。……不經不覺咁又一年啦！
雖然 vendors 都會放假，但自己做好晒心理準備—多o野做！事實上，今日好快做晒就返屋企。
um……似乎我需要搽些護膚品來淡化面上的雀斑（查實我都唔知係唔係雀斑）了，但我絕對唔會避開陽光，我冇陽光會死~~ ^.^
基本上，今個星期也算放假。only 一、五、六返正常，聽日上堂，後日早放，大後日放假，依然好鬼 holiday mood。
凱莉，thx for ur xmas card. 好鬼得意。yup, 我覺得去邊都係自遊行係最 perfect，睇得徹底o的，玩得徹底o的。^____^ 各有各的一套旅行理論，所以我甚少與Daddy 執著誰對誰錯，只是互相分享。
觀乎多個預測，肖羊人士明年運程不錯，驛馬星動。驛馬，旅行是也，亦有轉工之意。兩樣都有就 perfect lu！健康也蠻不錯。^o^ 愛情大豐收，well，星座同生肖運程係咁講的，一切隨緣。^.^
假期的最後一天，不禁想起明天的工作，一大堆。…… @.@
今天在家好好休息，整下o的相相，咁又一日啦！去睇下~~~
人o地個細仔都咁大個，時間過得真的很快。^___^ 但我想問，做o左人o地老婆之後會加速老化麼？~~~ 咁就真係oh no 啦！有時我會諗，我同佢併埋一齊時，o個一刻會幾得意，大家都差唔多大，但經歷係截然不同。^o^ 希望佢兩個囝囝聽聽話話啦！^___^
今日同媽咪澳門一日遊。一早起身……七點多……同返工冇分別，訓都未訓醒。@.@
上船冇耐就訓，好tired~~~由於真係隨意行，冇諗定行邊，於是今日五個鐘o係澳門南方渡過。我同媽咪都鐘意穿街過巷咁週圍去，再加上今日勁好天，行都行得開心o的。地圖，well……我都冇乜用到，憑記憶、口同埋巴士紙咁就玩o左一日啦。^___^ 行到酒吧街附近，真係勁想o係度hae 一個下晝。^o^ ……搵日坐o係赤柱o的茶座hae 一個下晝先至得。
今日終於明白咩叫「夕陽無限好」，鹹蛋黃真係好靚，好迷人啊！^o^
同媽咪一致認為澳門係翻版廣州。^.^
回程時，都係大訓，實在太tired。臨落船一刻問自己︰「咁我算克服暈船浪未呢？」……無從稽考，next time la。
同媽咪買完船飛，慢慢由尖沙咀步行至旺角，再o係旺角專程搭車入去深水步食豆腐花，好味道，豆漿唔太甜係最perfect。
買唔成袋……睇唔o岩 >.<
伊朗大地震，矇矓中聽見有二萬人死亡，腦海中不斷想起《唐山大地震》中一幕又一幕驚心動人的情況。願主保祐，阿門。
休息日。……唔想同人迫，我最怕迫。@.@ 今年過的聖誕節是這幾年來最開心的，感覺是這樣告訴我的，尤其是昨天呢。開心 ^___^ 諗諗下，今年第二次同山楂你o地一齊道過呢。有一年好似話o係基屋企玩，自己鬧情緒，冇到。去年平安夜同你o地o係Multi room 玩，玩到「白雪紛飛」。^___^
睇o左《魔盜王》，無預期中咁好睇。我一直相信人無完美，我o地每一個人都係亦正亦邪。^__^ 天才與瘋癲都係一線之差。 搵日睇埋《Legune》先……
轉數快同有責任。^.^
Connie 個肚越o黎越大啦，原來Yancy 同我一樣認為做大肚婆係好幸福。~^.^~ 我o地兩個傻o左啦。^o^
Talie，補祝你二十三號生日快樂。希望你日日都咁開心！搵到自己方向。 ^___^
IT都唔知係咪有心留難O的人，搭正四點，server 「單」o左……當大家滿心歡喜地set out of office 時，hang o左……去到將近五點半都未得……唔理啦，「準時」收工！五‧點‧半。@.@
放工後，同七友、和仔、小文、David、兔仔食百人一株，再睇套《鬼咁多大屋》。可能太tired 啦，一入去就捱落張chair……清楚地記得那四個石像的合唱。^___^
再到呼吸交換禮物。唔知係咪趕住開張，所以室內設計仲爭少少。^___^ 而Talie 呢個壽星女亦用了她的茶具煲滾（？）她的第一壼茶。
歸家途中，遇上一位男士。早知唔多口搭o嗲，但職業病，有問必答。……由等車到落車都係不斷講o野，我tired 到趴街，唔好叫我諗咁多o野！我真係俾佢煩死。一落車，一個箭步飛返屋企……雖然我覺得咁做一o的禮貌都冇。@.@
今年收了不少禮物，朱古力居多。這幾天，我把一盒又一盒的朱古力收藏肚中，雖然我已放在當眼處與同事分享，但實在太多……仲未清晒！^o^ 而文具方面，琴日xmas party 抽到專放紙仔o既別緻tray 仔，實用。短訊方面，基同沙律不約而同祝福我日日開心。你o地真有我心，我一定會日日開心，要將自己開心感染到其他人。hehheh……多謝咁多位o既聖誕禮物！^___^
一放工，同Sidney、Fanny 行旺角買禮物。多人到爆…… @.@
我第一個助養o既小朋友係將近兩歲，斯里蘭卡的小男孩，這個小男孩和我有點相像的是，大家眉與眉之間有一粒墨。^o^ 想想怎樣溝通先……圖畫。^__^
其實申請助養小朋友過程中發生一段小插曲。話說自己已填好表格，時間關係，胡亂黏上一個郵票便把信信寄出去。過了幾天，見還沒有回音，心想是不是寫錯了地址，還是貼不夠郵票。……地址應該沒錯吧，copy and paste。郵費不足？扣起了？最衰自己唔記得寫埋From 邊度，肯定自己貼少了一毫子。本來午飯時間想打電話問個明白，但一直忘記，直至今天，終於收到有關回覆。^.^ 我，真的很大頭蝦。^o^
謝謝Kathleen 的朱古力（最愛！^o^）和貓貓的聖誕禮物包。^___^
er……點解個個都話我咁開心？^___^咁唔好咩？如果自己可以將開心感染埋其他人更加好。
聽日扮靚靚 ^.^
快快手手做埋o野，準時四點走返屋企做節。
發夢見到一串手掌般大好靚o既粉紫色的花，我的守護花，個夢好似係咁講。
晏晝同豬豬妹逛尖咀，佢就大豐收。行，反而唔tired，但一見到人多，我精神上真係好tired。@.@
豬豬妹同Sidney 好鐘意扯住人o地衫袖行，佢o地好似o的小朋友扯住媽咪衫尾咁。^.^ 佢o地欠缺安全感？
睇《冇炭用》，要是中七學生或者其他人不太明白甚麼「結構性失業」和「週期性失業」，相信他們聽了黃子華的解說會絕對它們的分別。^____^
臨放工，打電話俾高迪，佢話tired，本來想同佢o地去呼吸hae……取消！但自己又唔想浪費個晏晝，想入赤柱……
衡量過後，都係呼吸，況且我都未試過o係晏晝hae……結果Ricky、KT、高迪同埋我最後都o係呼吸聚一聚腳。KT，我就係咁一時一樣。放o左工，要free 下嘛，想做就做。^o^ ……藉口，掩飾，乜都好啦，隨意嘛。^.^
講真，放o左工，晏晝o係o個渡睇下書又好，聚一聚又好，真係好舒服，o的時間好似停o左o係度咁！o個一刻，醒o係Fanny 話o係Library、博物館做o野o既人與世隔絕。…… ^___^ 舒服。o個杯津子咖啡好好味呢~~~
之後行完尖咀，再折返佐敦食燉蛋，之後各有各行。tired 到爆~~~食下食下都可以訓著，爭o的鬆手飛隻spoon。@.@
大學生，我認為大學生唔係大晒，乜都識（學海無涯是也）。但就o係外人眼中我o地係咁樣，標籤效應乎？有時我會覺得，其實學識都係前人o既經驗而得出，每個人都可以學到，唔一定要入到U先學到。分別在於應用、技巧與表達。o個一刻，我只可以回應Mark 一句︰「唔係呀化？你玩我咩？你待人處事好過我好多喎……」有些時候，實戰往往比書本上的知識還重要。而我便欠缺了這些，我反而要向他多多學習呢。^___^
急救班full 晒……>.<
《衝上雲霄》大結局沒甚麼大驚喜，其實自Vincent 死後，也沒甚麼好看了。
今日都容易o的過日子，唔使悶。^o^
諗住做冬先會早放o者，平安夜同除夕都可以提早收工。^__^ 真係Merry x.mas 同 happy new year 啦！只要vendors 手下留情的話，咁就真係可以準時四點收工。^.^
放工後，陪碧琪拎相，再申請埋圖書證。之後諗住兩母女可以撐檯腳，但今日撞到太多熟人，一齊熱鬧……冇去幾個月Rice，o個度又多o左好多o野。一入門，「咦？John？彈琴？」再行近o的，唔係，人有相似o者。一首又一首o既歌，再加埋有人現場演唱，正如女話齋︰「賺到幾多？」
又一城好鬼熱鬧，今晚買o左對耳環俾自己。^.^
「我琴夢發夢見我同你一齊去聽人唱歌，你身邊仲有個男仔。」Maggie 認真地對我說。^___^ 我急不及待問個男仔係咩樣，好奇嘛……hahhah……唔好講笑，通常人o地夢見o個o的都會變真，我就試過好幾次，感覺幾得意o架！自己夢見o個o的通常都唔會成事，解夢專家係咁講的。
「對唔住」呢三隻字真係好難開口，但又想認錯，於是寄o左張卡say sorry~~ 幾驚波仔收唔到，今日firm o左收到lu，舒服晒！^___^ 我唔可以再錯多一次，我唔想大家日後面阻阻，我絕對唔想再多一個遺憾。It's time to learn how to say sorry. ^.^
一直好想同油王say sorry，但我冇勇氣。我亦想衷心感謝佢教曉我唔可以無理取鬧（雖然而家都有，但少o左好多啦），但……都冇勇氣。@.@
呢期公司好多同事生BB，我成日好奇佢o地有幾多時間陪到BB呢？好似波仔咁，囡囡得6個多月大，但成日OT好鬼夜，邊有時間同囡囡玩呢？^o^
今日Grace Chan 講o左好多關於Garment 同 Quota o既o野俾我聽，又袋錢落我袋啦。^.^ 佢一路講，我一路諗返S&P隻game。^___^
高層人士走晒去上堂，顯得有點兒靜局。年尾都冇咁多單落，悶……搵o野做下消磨o左一個上晝。
琴晚吹過濃，搞到個頭好似剪到勁碎，個個都話係咪剪o左頭髮…… ^.^
難得早放，一早返o左學校拎相走。人o地真係影得好鬼pro 呢！睇返當日session，再冇o個一刻興奮o既感覺。或者已漸漸習慣工作，對於上學上堂這些事再沒有當初強烈的感覺。又或者咁講，如果唔係呢份工，我諗冇咁快適應。我總算遇上貴人吧。 ^________^
商務又唔同o左樣，但咁樣都幾靚。^_^
上晝忙得閒，又再執靚個spec，今次執一執o的layout……慢慢執，得閒就執。靚靚……
晏晝回復一般工作o既繁忙程度，舒服好多，o的時間都容易過。^__^
唔可以再重蹈覆轍，雖然可能係小事，又或者其實係一件大事……我唔想再有多一點內疚同遺憾。~~~ 點解有時「對唔住」呢三隻字咁難開口？^.^ 唔講週身唔安落，一定要講。
講唔出，唯有寫……總算可以安安樂樂訓覺啦 ^o^ 眼訓~~~ 以後唔可以咁小朋友啦~~~
oh no……齋搽胭脂會容易有易斑，咁豈不是要搽埋粉底先得？好大工程o者！呢期有點兒無聊，成日覺得北方人塊面紅卜卜好靚，所以今日搽了薄薄一層的胭脂返工。~^.^~
今日好靜局呀，一個二個清假。
希望今次學急救可以成事啦！^__^"
幸福，在於自己，而不是別人給予的。 ^__^
今日訓飽，幫指甲扮完靚靚，又訓過……訓到街都冇出到。
Yancy 前日冇端端同我講︰「做夫婦o既o野真係好得意，嗌下嗌下又做成夫婦。」我︰「我屋企兩老絕對係一個好例子。嗌下嗌下又就o黎廿五年！^___^ 呢o的或者係緣份呢！」今日晏晝，媽咪︰「我都唔知點解嫁o左俾你。」Daddy︰「我都唔知點解要娶你。」兩個o係度耍花槍……~^.^~ 冇佢o地咁好氣，繼續食飯，好想講句︰「佢o地o個刻一時衝動，不過呢o的就係緣份，冇原因。」^___^hhahhaha……
薩達姆被捕。
有時唔係唔想俾電話俾同事，但我唔想放假時會諗o係公司o野。
好想買褸，好想買褸……但買唔成。>.<
入o左西貢韓國燒（？^.^）。始終都係要路過返工地方，仲要搭同一架車，真係有點兒無奈。不過呢個係入西貢最快方法。
逛o左陣貓貓店（之前成日路過，但冇入過去），裡面o的人俾我一個好優哉游哉o既感覺。其實，生活就係咁簡單，我都想有一日係咁呢。^.^ 不過基講過讀咁多書而追求簡單生活，咁做乜讀咁多書呢？um……我唔記得有冇駁過佢，但我認為越簡單o既生活就越難求，人讀咁多書唔係要將難題解決嗎？
琴晚一下子狂dl幾米wallpaper，目的要《向左走向右走》icon。達到目的。星期一send 俾Sidney。dl 到《幸運兒》時，幸運與不幸運只是一線之差。
聽返KT講佢老細。或者我o地睇o既角度唔同。你講得o岩，你老闆有一定器度。但我會覺得你老闆諗o野好正面，佢唔係著重眼前利益，而係放眼未來。可能咁諗會係吝嗇，但在商言商，做老闆又好，高層人士又好，就算「薯仔」又好，呢一種態度係一定要有。
山楂，我呢個保姆已經唔可以成日o係你身邊照顧你，take care~~~我相信每個人做o野都有佢個原因。唔好亂諗咁多o野啦~~~
Mark︰「你阿"女麻"（即係Grace）鍚唔鍚你？」我︰「你問得咁奇怪o既？」……我諗係佢o的女都會錫掛？
五分鐘又五分鐘，半個鐘都o黎緊，大興都就o黎變雪條。Kate︰「你仲唔走？五分鐘好耐啦喎！樓下好食風……」@.@ sorry~~~
原本諗住同大興去o個間o野食Pizza，最後入o左西環開飯。
坦白講，at this moment 對自己呢份工又愛又恨。
兜兜轉轉，等車等到成粒鐘，返到屋企都差唔多兩點……倦~~~
p.s. 勁開心，幾米座檯曆。擺返公司俾Sidney 羨慕下先。^.^
Thx, Seline. ~^.^~ and thx u guys!!!
呢期食晏，推理遊戲做伴菜，玩得不亦樂乎。天馬行空類，絕對是Yancy o既專利。hahhaha………裸男係天使？hahhahah……
講返琴日先……
話說韓國人o既單已經落o左成隻月，但貨都出。對方已出最後通牒，否則我o地咩Garment。ready date 一推再推，推到琴日先得。Suppose 所有o野琴日一早搞掂，正係俾貨到shipping 咁就得。已經安全起見，一早返去提完又提，長氣到老人院都唔收我o個隻。1730，貨仲包緊。What the hell??? 人o地shipping 收到貨又要準備，但DHL又要趕住收貨。唔急就假~~~o個一刻真係好想鬧，好想爆粗，我已經盡量控制自己情緒，留返條路俾自己，我唔想大家日後難做。even 鬧都無補於事……唔鬧，唯有自己死忍，谷住，谷到喊，仲要俾阿Mark 見到。佢專登拎住疊單教我點做（actually 呢o的o野唔應該佢教我點做，佢只係負責shipping o野，但Seline 又幫我搞緊第二單o野）~~~ 佢見到我嗚咽咁講電話，呆晒！@.@
隔o左好一陣子，自己稍為冷靜下來。跟足Mark o既指示做……shit~~~運費USD 1200！我諗呢個數平時Grace 係唔會簽。Mark︰「唉~~~ 1200呀，小姐。Ken 已經幫你做靚條數俾你好做o的。」Seline︰「o下？1200？……小數目啦！」May︰「佢竟然咁順攤簽？」……搵佢簽名，好歹都講返咩事丫，雖然佢都會知。未講，佢食住條蕉同我講︰「傻女，唔使喊喎！呢度做o野係咁o架啦。尤其是而家係peak season 在所難免。o係度做一日就等於出面做三日。」~~~~眼淺，忍唔住掉下幾滴眼淚。~~~~真係唔夠堅強。唔記得之前邊個同我講過，呢份工頂得順的話，其他工已經難唔倒自己。唔通係咁o既道理？^.^
七點多，一切總算settle down~~~最後把守o既Mark 已經安排晒，終於可以安心放工。
食o野真係可以令人開心多o的。貓貓佢o地搬o左好多o野食o係我張desk~~~energy 返返o黎啦！一路食一路等走貨。Thx so much！
有好多o野仲想寫，但筆墨難以形容。呢個經歷我會好好記住。^o^
雖然今晚唔係月圓之夜，但係今晚o既月亮特別光亮，特別靚。仲有好多星星添！^___^
冇諗過「在此一日，如在外三日」呢番說話會俾Yancy 咁大回響。希望我o地都加油啦！第六個月啦~~~
已收「水費單」~~~五年。
上了寶貴的一課，有很深的體會，tired~~~聽日後補。但今日呢一度一定要多謝兩個人，many big thanks to Mark and Seline. They help me a lot and a lot~~~ 我知Mark 就o黎俾我激死o架啦！但應該我會死先囉！俾o的客激死！咁我死o左冇人會激你o架啦。阿門。@.@ 果然係我o地眾同事o既好哥哥，好助手呀下，只會教，唔會鬧。^.^ Seline 都係一個好正o既supervisor，「要堅強o的！」May 唔o係度，佢o地兩個係我最強o既後盾。Thanks again~
終於confirm 邊個係Eric Ip，仲有邊個我想見呢……同我有關係o既人都應該蒲晒頭，等等先，仲有Chris，如果佢o黎香港visit 的話，八下係咩人都好！^__^ 希望佢仲未俾我激死，留返條命仔o黎香港visit。^___^
都話阿Mark 有求必認o架啦，shipping 數好人的話，首推Ken 同 Mark 啦！^o^ 既然神仙開到口，等我得閒幫Mark 添o的神油先。^o^
要判斷下屬的成熟程度，須考慮以下幾方面︰
「愛是分享，愛是支持，愛是滿足。」^___^ from 《TV Magic》廣告。
冇乜特別o野要做，或者早有準備，幾大件事都變成小事了。
Ewan，新同事（好似就o黎過probation)。我、Fanny、Yancy仲有其他人同佢食第一餐飯，亦都係最後一餐。^__^ 有一刻，自己也有衝動離開。不過，記起Sam的一番說話，心情平伏了，可見明星效應是多麼厲害吧！不敢想像這時期不是播《衝上雲霄》，而是播古裝片的時候，我的心態又會否這麼積極呢？
Vincent 終於死o左，但冇預期死得咁震撼（都唔知咩心態？ @.@）。喊，眼淺。雖說不上Vincent 和 Sam 的說話是經天地泣鬼神，但那些不加造作，普普通通的一字一詞也可以觸動人的心靈。
希望將這最有意義的一份聖誕禮物送出去，也是給自己的最佳聖誕禮物，實行自己多月前提過的願望。^__^
馬高話我大過女，識諗好多。好多o野都係訓練出o黎o既~~~ ^.^ 人總要長大的。
熱播古巨基《必殺技》、《任天堂流淚》、王力宏《你不在》。
出奇地一早起身同私家豬、媽咪落街食早餐。
er……中「獎」o既機會率係偏高？ (~.~")但我信自己福大命大。^___^
好唔想返工。
下星期將會忙到趴街。@.@ 都已經冇乜火啦，收晒~~~ Sam 哥︰「人家的意見是令自己和公司不斷進步。」
放o左工之後，走o左去染髮，最緊要順路經過公和（我絕對不會再幫襯其他分店的，都是北河街那間總店最完汁完味），飲杯豆漿同埋滑到不得了的煎釀豆腐。^________^
very tired @.@ 全程染髮都係小睡片刻，已經唔理個頭會俾人搞成點。當然啦，染過幾次，先至會有信心咁俾人舞啦！^o^
由於呢期食得太多油膩o野，決定慢慢行出太子搭MTR，全程只是用了十五分鐘。um……究竟o係荔枝角點樣行過去旺角呢？另外，九龍塘可以行到去新蒲崗？小巴就見得多啦。
今日行街完全隨意。o係太子上車，到灣仔行「玩具街」。呢條街聽得多，但我係未行過。聽細佬講o左大概位置，自己就亂行亂撞行到過去。唔知係咪自己未行勻晒呢，始終睇唔到，搵唔到自己想要o既o野！又或者人多得滯，迫下迫下又miss o左o的o野。我正係見條街勁多聖誕飾物買，令我決定今晚一定整返棵聖誕樹出o黎。
腳仔軟，人又tired，結果一返到屋企黏住張床……實在太幸福啦！^.^
呢幾晚o既《衝上雲霄》猛播《怎麼捨得你》，搞到自己心癢想聖返o個隻碟。最後，同媽咪第二次重溫張學友演唱會，我始終都係鐘意佢o的舊歌。所謂舊歌係《有病呻吟》之前o個o的歌。
聖誕樹都整好lu~~~不知不覺裝飾聖誕樹已經成為一種習慣，我都唔記得屋企幾時開始擺聖誕樹。^o^
以為今日會好清閒，清閒到週圍搵o野做。~~~正所謂暴風雨前夕都係風平浪靜，中o左好多個頭獎…… @.@ 好彩今日冇乜單要落，可以專心做。
結婚，我真係好唔排除閃電結婚，又或者唔結婚。唔正止私家豬同你o地咁認為，連相識不久o既同事都係咁話我，估我唔到。唔通水瓶座o既人會俾人咁o既感覺？所以呢，鬥遲婚的話，賽果真係好難估到喎！^o^
「究竟王欣你而家諗唔諗住結婚呢?? (係咪會答我如果搵到個你鍾意o既，佢又好就你又唔會綁住你o既，你就會諗....) 哈哈~~~~~~~~」from山楂。hehheh……bingo！咁邊個男仔咁扺諗呢？^___^
話時話，原來有唔少同事結o左婚。真係唔似，成個小朋友咁！^.^ Karen Lam 就係最佳例子啦！佢老公一定好鍚佢啦！^.^
今晚Vincent 對Sam說的一番說話，很感人。
綠份是抽象的。沒對沒錯。
今日好悠閒咁過，得閒到慢慢執靚個spec、sample仲有時間剩。都係一句，冇o野做時，時間過得特別慢……幫貓貓落單。
終於買到對新鞋~~~yeah~~~係一對短筒VANS。對VANS 情有獨鐘，主要原因是舒服。買咁耐終於買得成啦~~~ ^__^
今日較為清閒。^__^ 都係暴風雨前夕，希望o黎咁呢兩日都平安渡過啦！May 放假呢！
今晚走o左去打邊爐，Bonnie 個男朋友做o左是晚七星伴月o既月亮，不過都唔係好好做，因為要有gentleman 風度嘛。下次試下蕃茄湯打邊爐先，幾吸引！
通常Karen Lam 或者貓貓叫到o既飯局我都會去，皆因呢o的咁o既聚會都會係訊息交流站，而我通常都係做聽o個個。^o^ 八到唔少o野o架！
我覺得今年燈飾真係有點兒那個，尤其是大富豪對面有個聖誕老人派錢，側邊o個兩隻都唔知係人定馬騮。雖然聖誕老人派錢可以應景，但遊客可能會覺得香港人好吝嗇（雖然我都覺得係）。
冇o既時候就恨有，有o既時候就怨，呢o的就係人o既天性。有時我都幾難理解薄餅點分配工作 (^___^") 有o的人o既account 正係做晒main CS，呢o的就真係做到趴街。有o的就只係做groupmates，但又恨做main CS，話晒年資都長啦！而我？就一半一半，所以at this moment 我覺得工作量係OK！同埋角色唔同，處事態度都好唔同。^.^
好鬼飽，肥死！再跟埋聖誕大餐，唉~~~~我唔想再見返o個個數字。^o^
冇o野做係會養懶人，晏晝勁眼訓……冇o野做，悶死我。~.~
《衝上雲霄》係一個sad ending？too bad……事實上，呢個世界係冇完美。
其實養大一個小朋友都算係一個事業。~^.^~
好想玩《環島行》，冇數錯的話，應該係短週。但想搵人陪呢，Fanny 同 Yancy 應該有興趣，問題係，我放假時，佢o地返工。點好呢？靚妹又要考mock，我真係好想玩呢。
隔離個同事終於返返o黎啦，有o的唔慣添！我都估唔到自己仲可以再見到佢。^.^
話咁快又十二月啦，快o的聖誕節啦！雖然未必去玩，但都好希望呢個節日o既來臨。^__^ 講開聖誕節，點可以唔提聖誕老人呢！細個我信有聖誕老人……算唔算係信呢？半信半疑啦！有一年聖誕，我好認真寄o左張聖誕卡俾呢位老人家。過o左幾日，竟然有回覆，開心到不得了……雖然呢位老人家係郵政局，但至少呢個善意大話令不少小朋友樂上半天呢，他們的願望和心聲並不是沒有人理會的。^.^
今日Fanny 行禮，我相信佢今日好開心呢！聽日輪到Yancy 啦，希望佢唔好仆親啦！^________^ 佢o既擔心同我一樣呢，hahhahah……
極力推介王力宏《你不在》、《你和我》。
落下雪，應下景先。^o^