31/8/2003 (SUN)

相架總算是大功告成，沒有白費那些材料。^o^

自從Talie教曉我AV、TV和其他功能，我便常常左拍右拍，但技巧有待改進。

晚上與仔女、大興吃飯，再陪女逛逛電器店買她的鎖定目標。

原來把指甲弄得光亮叫做「拋光」，今天終於買到「拋光」工具，無須給別人八十五大元了。^_^

八時起床，與媽咪大埔墟半日遊。

住了近廿年大埔，今天首次參觀文武廟。只知道外牆修葺過，內部裝潢擺設保存很好。將近開學，看見不少母親與其子女來拜神。^.^

歸家途中，看見一個小朋友手執白底紫邊的桔梗，我即往花店買了一束回家。它，真的很漂亮。^_^

於Daddy協助下，替怕醜草、小雛菊搬新居繼續生長。

Yancy和Fanny 說我任性，我不否認亦不承認，我只是做自己想做的事。^o^

真的要再說一次，生產部實在是一個魔術師，一晚時間便變出了三十多萬貨。於此事中，May 同 Kathleen 替我擋晒所有o野（尤其是Grace Chan ……），我真係唔知同佢o地講咩好，好感激佢o地咁幫我。我呢個做細唯有俾心機做好o野報答佢o地。

因為六月的樣本沒有與貨分開，一併送去約旦。唯有寄望多做的一批貨還沒被扔掉，誰知，事與願為。只好將所剩無幾的給她吧，再跟個電話賠個不是。電話倒沒有，實在太多訂單要趕及早上完成。還是我想逃避呢？不要得！

十二時許，Kate 和 Karen 提醒我要鎖好抽屜，為這個防火演習準備就緒。hhahah……我倒沒有聽聞有公司真的會安排防火演習，感覺就像中、小學生走火警吧。^_^

May︰「你唔可以逃避o架喎！」正想自投羅網之際，六月來電。抱怨一定是有的，但很溫和。希望不是暴風雨前夕…… ^.^

下班後，與哥利、Dee、西、仔聚一聚。Dee 帶我們去了一個環境、格調不錯的lounge，可惜人多，轉移「Moon」聚腳。我覺得Hawaii Island 這個酒名不太貼切，因為夏威夷給我的感覺是陽光與海灘，應該帶鮮艷的顏色才是。^o^

之後再轉去阿基常去的地方繼續下半場，繼續閒談大家的工作近況。慶幸自己遇上了John，工作上或多或少也受到他的影響。

趁自己尚有犯錯的機會，好好從錯誤中學習。

在長島冰茶、Around the world的催眠下，半醒狀態歸家。路過天橋時，不忘對天望一望光亮的火星。

今晚很舒服，很舒服。

非常忙碌的一天，一直與玫瑰、六月糾纏。有時候，同伴們的鼓勵可以將自己由谷底拉上來。非常感謝May 同 Kathleen，要不是他們，我會大發雷霆。謝謝啊！~^.^~

沒有波仔的一天是很苦，今天的時間不太易過，因為他的後備幫不上甚麼忙。明天肯定有不大好看的貓貓。shit~~~

明天絕對是一個不太容易過，非常忙碌的一天。加油吧！

歸家途中遇著兩名教師，聽罷他們的「感慨」真的無名火起。哪個老師不想自己的學生表現良好？哪個老師不想自己的學生乖巧？要是每個學生天生出來是個天才，要老師幹麼？老師的其中一個職責是教導學生，即使他們如何笨拙，如何頑劣，也要盡力去教，盡自己本份。怎可以將所有責任推卸給學生？我替現在和未來的教育擔憂。

看見火星了，比金星還光亮。^o^

堆積如山的工作，這是淡季嗎？Maggie 說是。

午飯過後，三個人鬥摺小玩意。相機和尿布真是一絕。^_^

人家和自己也是替人打工的，為什麼要生氣呢？我學懂了。^.^

雖然藝術應該創意無限，但是不應該嚴重影響日常生活，甚至滋擾他人。

本來與媽咪協議一星期最多帶兩次午飯，誰知她主動增加一天。是否那些讚美說話奏效呢？每次我也會向她提及同事對她的稱讚。 ^o^

不知不覺已是初秋，陽光不再是炎夏般燦爛，而是帶點感慨、浪漫。

第一次聽到死八婆聲音，原來與我想像的並不一樣。^.^

不知是否已開始了淡季，工作少了許多，有點不習慣。^.^

高迪也找到工作了，KT，再稍等我們那餐，三人夾錢吃餐好的。我提議到西貢海旁新開張的餐廳，那兒是開揚設計，有時會有現場樂隊表演，氣氛應該會不錯。（我會覺得有點似上次在鯉景灣般熱鬧）不過，那兒並沒有空調設備。

無論小事化大，抑或大事化小，總會構造出一個意想不到的藝術。

《Two Towers》內之史麥戈很像《Harry Porter》內的Dobbies. ^.^哎呀，經哥利提點下，應該是這樣寫的。《Harry Porter）內的Doobies 很像《Two Towers》內之史麥戈，因為Dobbies 的造型是以史麥戈為藍本。

縱然自己有多渺少，但也不可以輕視自己的力量。

樹人真的很可愛，愛死它了。~^_^~

「人類害怕死亡是因為捨不得身邊的一切。」from《大逃殺2》。為何人這麼怕死亡？害怕它前路茫茫，不知往哪裡去？或是不捨得自己所擁有的一切？

最近，很喜歡《愛我別走》。

<~~ 高迪，認唔認到後面盞燈呀？^o^

飲完茶，同媽咪買埋送，做o左一陣勞作仔，又訓過……

仲未識得好好利用Flash 同埋 Dreamweaver。 >.<

一煲粟米羹，三個口味，服o左媽咪！

一放假就趴街，食無定時……結果肥返！

今朝冇乜o野做，清o左好想清好耐o既eamil、tray。

一放工即入西貢兜一兜，諗住去o個度新開o既餐廳食晏晝。唔知係咪o岩o岩開市呢，冇乜氣氛……結果o係附近行o左陣，又搭車返屋企。

阿基、Talie、KT睇大逃殺，我又出去join 佢o地。今集真係有o的不知所謂，一o的都唔貼題。血腥？暴力？我又唔覺喎，甚至同一般港產片o個o的真係無得比。

如果呢個世界只有對與錯，黑與白，咁呢個世界唔會有咁多問題、paradox。

呢期勁玩呢個蝴蝶tatoo，但好似到今日先有人發覺。^.^ 太子爺同貓貓都以為隻蝴蝶係真。傻啦！tatoo一世o架，玩唔起。 ^_^

今日好快做完o野（May 話咁又做o左兩個月，做o野快手o左好多。hehhehe……如果無快到，咁我就真係好不濟啦！^o^），可以準時放工。但見May 未走，又唔想走住。^o^ 佢成日都話tired，我就o黎俾佢呢個「咒語」咒中o架啦！hehheheh……一放工，佢就龍精虎猛，咁又o岩o既，有得玩喎。

將近六點走o左，竟然撞見小文。都預o左o既，話晒佢住o係附近。^_^

今日先發現大磡村有好多怕醜草。^.^

o係荷里活行o左陣就返屋企。唔知係咪而家知搵錢不易，見到鐘意o既o野都已經忍手唔買。……成日提醒自己o的錢錢要去旅行。我o地三個諗過o架啦，一個禮拜帶兩日飯都慳唔少，向我o地個旅行大計行前一小步。^.^

hehhehe……今日o的乳豬好好味呀。^.^

Fanny︰「你媽咪煮o的意粉好好味呀！」我︰「我今朝都有講過，但佢話唔好讚佢喎！佢唔落搭，廢事日日為o左我餐飯而煩喎！」^o^ 唔係講笑，雖然唔係咩特別菜式，但我媽咪整o既意粉一流。^_^

原本聽日會帶肉絲炒意粉返去，點知自己唔記得帶個盒盒返屋企。>.< 唯有望Fanny 媽咪整大兜o的，Yancy帶多o的送。^o^

唱下歌、Sharing、Killer，咁又玩到五點多。呢o的尷尬位訓親就不得了。KT、Talie同埋我就選擇唔訓……返工就真係知味道！~.~

以前覺得塔羅牌好邪，唔夠膽玩。但今晚出於好奇，由Talie 為我占卜。開頭我以為佢睇過我日記先有咁o既推測，但事後佢同我講呢排忙都冇睇到。三張牌可以話講中晒我而家心理、現實狀況，第四隻牌就唔知啦，我o既未來。^.^「自信可改變未來……」事在人為。

六點幾閃啦，四個人等車之際真係可以企o係度都訓著。本來我o地諗住出到去食早餐，然後各自各返工。奈何最終得返兩個女仔……同Talie o係麥記食飽飽後，我o地帶住非常疲乏o既身軀返工。

返到去，已經好好「打理」自己心理狀況然後開工。頂！點解我要同呢個Martin煩人一齊做o野。擺到明串佢~~~~

May︰「你對眼紅晒。」我︰「琴晚冇除con。」May︰「做咩唔除con 訓呀？」我︰「琴晚都冇訓覺……去o左Ocamp。」May︰「雖然後生o者，唔使咁玩呀？快o的滴完眼藥水俾返我啦」我︰「係…… ^_^」（真係老囉，只係一晚已經係咁……）

臨門一腳又撻Q，結果都係死死地氣做埋佢，May 又要「乙水」我……sorry~~~~

開始覺得工場係一個好神奇地方，你唔會知佢幾時俾到貨你。^o^ 失驚無神話俾你聽o的貨已ready，但係有時佢o地又拖到o的貨耐到唔耐。

食完飯，就完全昏迷~~~~~~~~~~~~真係好tired~~~~~~~~~~~~~~~~~

琴晚做o左一樣好無聊（？）好stupid（？） o既事，衝動地打了一個貓貓給賭組各人先訓得安樂。或者呢期Ocamp日子令人緬懷…… ^_^

為o的貨追到頭都痛，o的泰國客講極都唔明。Martin（當然唔係shipping o個個啦~~~正一衰人！）一句「豬兜」搞到無咩心情說笑o既我都哈哈大笑，佢一口氣覆晒佢o地email，只是中途搭下「嗲」。

為o左入camp，完全係加速前進。多謝Jane 俾面~~~ 下次有機會幫你再睇緊o的個期補數。

入黑落雨，好無奈。我一直唔主張o係巴士上面大肆食o野，但係今日真的迫不得已，同Talie 大大啖食墨魚丸米同魚餃皮麵（幾好味喎！）。當然我o地都唔會咁大肆張揚，盡量保持車廂清潔。^o^

去到已經係situation game，基本上今次入去純粹抱住一個observer 心態。所以呢一晚o既一事一物總勾起好多怡紅院回憶。好開心~~~好touching~~~我自問未必再有勇氣玩Trust fall。一個螢光圈圈看似簡單，但由女人幫自己戴上，呢個圈圈已經變得再唔簡單，一幕又一幕開心感動o既情景又重現眼前。

自從返o左工就已經冇掂過部DC，再加上呢期睇到勁多好有feel o既相，更加想週圍影。

琴晚同Talie講開紙製相機，我真係好鬼好奇。睇到用呢o的相機影出o黎o既相相效果都幾得意。^.^

聽日一入去先搵女人，講過會做o既！

仔話佢條黑波子生o左好多魚BB，但聽講買o左無幾耐咋喎，咁快？買大送細？hahhahahh……^_^

放假應該好開心o既，但係一返到o黎對住五十個貓貓就真係由天堂跌落地獄。o的貓貓係唔會停o係度等你做，今日前後七十多個貓貓……剩返廿三個冇乜咁重要聽朝覆。聽日早o的返去做o野先，早o的放工，早o的入去。

好彩阿Mark 細心o者，否則送錯貨就趴街，仲要係條死八婆。鍚晒佢！ ^_^ 環顧我o地三個o既日常合作伙伴，我配搭係最好，可以同大家都認同係大好人o既波仔同Mark合作真係無憾呀。^.^

講返歸屬感，說真的，冇乜~~~~過o左三個月先算啦。呢度只不過係一個訓練場，Times up o既時候，我會走。三人行總覺得怪怪的。~.~

雖然今個星期五話就話有一個鐘聽供款，名義上有一個鐘break。但我就真係冇咁幸福，做少一粒鐘即係叫我遲收一粒鐘。不過咁，都係呢句，我寧願你俾o野我做，好過冇o野做。否則我會覺得o係公司冇乜用處咁。

小學o既時候，旅行前夕會興奮到訓唔著。估唔到而家我都會，一諗起有得入Ocamp玩一晚，琴晚真係開心到訓唔著。^_^ Crazy？我不得不否認。^.^

橋唔怕舊最緊要受，但係用完一次就好啦！會悶o架！尤其是對住o的水秤座人。^_^

《向左愛，向右愛》沒有想像中的好看，但劇情有少少意外同臨尾來個少少感動位。

我真係好想睇《假如愛有天意》~~~~~~~ ^.^

攤o係梳化，聽住《沙灘》，眼前係一個藍天碧海o既沙灘，仲有一把紅白間的太陽傘……訓著o左！

「在快速生活找到一些從容，在複雜世界擁有一點天真。我喜歡這樣的感覺，我只想要簡單的快樂。希望和你一起擁有，輕輕鬆鬆的享受。常常歡笑，我的老朋友。」《我喜歡‧陶吉吉》

通常越住得近約會地點就好大機會遲到。 ^.^

同Ricky 食完飯，同埋好滑o既豆腐花。說真的，我真係好耐冇幫襯過。 ^_^

之後返學校見喪組爸爸媽媽。等我數下人先……謙、忠、Natalie、Paul、鋒、蘿、懷恩、Heidi1、Heidi2、Phobe、雞騰（值得推介 ^o^）、俊、Elsa、Phyllis（唔識串！）Helen（一個女仔去o左歐洲一個月……羨慕死我啦！>.<）、自己。……有冇數漏呢？……仲有爸爸媽媽Melo 好波、Pinky 好波、高迪、David。

途中見到好多熟人……女人仲話︰「終於見到你啦！」，好彩冇講到組媽…… ^o^

之後o係「製衣廠」返工，我係包裝部同事……等埋佢o地搞埋手尾，走o左去「米」食飯，一入到去，感覺怪怪的，只可以話「米」係一個較為層次高少少、室內設計幾特別o既Food Court。

快o的星期二啦！~~~~~~~~~~~玩唔到三日，玩一晚都好！ ^_^

沙律，生日更快樂！^_^ 

一返到去收到一個好突然o既壞消息，o岩o岩丟低o左o既顧慮又再湧返出o黎！

基本上冇乜時間俾自己亂諗o野，因為今日張desk冇一分鐘係可以見到光。換句話說，今日張desk 完全俾文件吞噬。清完又有……直至放工時先稍為可以重見天日。

下星期一個inbox……唔敢想像，肯定有問題多多o既yoyo、Tina、Miss Chen、Amy、Stephen、Ling、Fiona、Jane……唔諗啦！放假中。

有時搵波仔、Mark 追貨時，自己本來忙到心煩都俾佢o地激到笑餐飽。^.^ 呢o的算唔算苦中作樂？ ^.^ 不過調返轉頭，佢o地成日會問我做咩咁鐘意笑。「笑多o的唔好咩？hehehhehehehh……」

女︰「John 話唔好咁容易受人影響。」o岩o既，但係做人有o的危機感好o的。杞人憂天？又未致於o既，防範於未然o者。「做好自己本份」。

夜晚去o左阿基度。tired 到一入屋，好唔客氣訓o係梳化度 recharge。高迪，一個禮拜o者，咁都唔算好耐冇見呀？和仔就真係好耐冇見啦！^_^

食完pizza，睇埋電視閃……要返屋企recharge！~.~

快o的聽日啦~~~我要玩！

「那馬路天天都擠塞……」好塞唔塞，今日先塞，仲要唔知點解。始終都係避唔開「遲到」。

幾經辛苦先將百多個email塵歸塵，土歸土之後，一早開機就十幾廿個……>.<最憎收到咩annual leave、sick leave、traffic jam 呢類o既 email，搞到inbox 個list 勁長，望見都冇心機做。繼我話呢，薄餅最好list out 一個table 仲好啦！

Miss Chen似乎真係好識引人發笑。Recptionist︰「你個客好好笑呀！快o的聽啦！」係呀，真係幾好笑o架！但唔知佢追起貨上o黎會點啦……真係唔知！記住聽日搵波仔先。但佢同事Tina 單o野真係有點兒棘手，記住啦！同台灣客要用最最最簡單o既英文溝通，最好跟返個電話啦，咁就一定無事o架啦！應該。 ^.^

一口氣覆埋YoYo o個三個貓貓都已經將近七點，聽日一早返去又要預o左有十多個……五點半後的email都已經有五六個，再加埋美國o個o的…… ~.~ 聽晚最遲一定要七點走。 ^_^

多謝Garrick o既帶契，睇到陶吉吉o既表演。Many thanks. ^_^

今次演唱會正如佢所講係一個純音樂o既演唱會，真係好正，無論快與慢。當然至正之選依然係《愛很簡單》。如果今晚演唱會係不設座位應該會玩得仲開心，因為有好多節奏強o既歌，令人好想跳舞。因此，前面o個「三炷香」企o係度我都冇乜所謂，因為我都好想！ ^_^ 但又怕失禮於人，始終唔知人o地底線去到邊。如果我自己今晚一個人去，我都會禁不住企o係身一齊跳呢！ ^.^ 其實，除o左欣賞表演者的表演，投入都好重要。 ^_^

開頭我會覺得陶吉吉與周杰倫o的歌路真係好似，但而家一聽就知好唔同。係兩種唔同風格…… ^.^ 不過佢o地都係我呢期o既至愛。

不知不覺聽o左兩年多o既陶吉吉，完全係因為大佬o既推介。

一係唔o黎，一o黎就不斷咁o黎。玩我咩？！但我又想搵定條後路……人，真係矛盾。

咁快又星期三，返工時間真係特別快過。

一大清早上o左一堂人事課，貓貓同Kathleen分析公司架構俾我聽。我諗冇新人好似我咁快頂撞高層，我都只不過係講事實o者！踩到上頭殼頂都唔反抗，呢個唔係我！

好彩而家最常接觸o既同事都唔會係麻煩人，最緊要大部份都唔係女人。總覺得女人真係煩人、八卦，真係避之則吉，我係女人都係咁話。

呢期勁鐘意同台灣客傾電話。每次同Miss Chen 傾電話，佢都會教我講普通話。^.^ 我︰「我會問問我們的生產部門的程度。」Miss Chen︰「進度，跟我說，進度。」我︰「hehhe……進度。」Miss Chen︰「我想你緊張吧？」 ^o^

May︰「唔好俾佢o地蝦你啦，做完o野好快o的走啦！」^.^ 仲有你o地咁多個支持我嘛，我做得到。 ^_^ 有你o地o係度，我安心好多。所以我真係好怕返短週…… >.< 一個二個都放假。

今朝突然好想o係假期keep 住做o的有意義o既事 -- o係孤兒院做義工。唔想將自己困o係一個世界，想睇下，感受下另一個世界。但我可以點做呢？邊個有頭緒呀？^o^

另一方面，放工後好想學下其他o野，想同Fanny 一齊學陶瓷，但我又想學跳舞。但我又想持續進修……唔……都係等everything settle down 先再理啦。

好明顯保險真係好等人用，隔o左成三個月o既 application、又放過一次飛機，依然繼續搵我interview，我決定繼續放飛機。 ^.^

其實，我覺得自己係一個幾無心肝，唔多識關心身邊人與事o既人。^o^

應承陪你睇戲我實睇o既，我唔會賴帳，傻瓜基！^_^

呢期發現公司有個類似Sammul o既物體，嚴格上講，佢對眼好似Sammul 水汪汪。 ^.^

個inbox 俾我一下清到七七八八，好鬼free。

盡可能我會公私分明，我絕對唔希望一星期七日會同公司扯上任何關係，好反感。

今日諗住1800走得，但臨門一腳撞柱。我只可以向呢個Jenny 報以一個「SRLB」，唔好話報丫，送都得，送多幾個都冇問題。我諗過o架啦，o的email 一句起兩句止，睇唔明就電話，最多我打返我o地傾o左o的乜。長到唔長o既貓貓我都覺得好鬼累贅，純粹符合客顧所求。「客人永遠是對的」……切記切記。咁我都唔俾咁多意見啦，佢o地o岩晒嘛！唔好話批貨做到中途撻Q先向我呻，事前聲明o左，我都費事理你。向Sales 投訴啦！

好啦，戒「頂頸」……客人永遠是對的。仲有，「己所不欲勿施於人」。

假以時日，我絕對有理由相信自己可以投考演藝。尤其是聲音演出。

今日多謝Kathleen同埋貓貓。 ^_^

希望May聽日好返晒！^o^

膽心死，棵小雛菊無端端死下死下咁，仲斷o左塊葉，好鬼心痛。>.< Daddy 話佢缺水，我唔夠膽挑戰佢……我即刻幫佢淋水之餘，又叫媽咪幫我買泥整返實佢。另一方面，我諗都差唔多時候要移盤，不過星期六先！希望小雛菊冇事啦。 好擔心~~~~

By the way, 蘋果種子亦都開始種啦！真係會發芽？ ^o^ 好期待……

相比之下，我鐘意周杰倫舊年拍o個個123廣告多o的。有feel 嘛！ ^.^

今年PAS會滿城風雨？某朋友的預言……Per the history of this girl, it will be true.

原來何記請o個三位新老師我都識，兩個係我同學，一個係我師妹。全部都係校友。

陶吉吉……快o的星期四啦。

Lunch 後，不斷打「思益」。Grace Chan︰「試下用個紙袋……」我︰「o下？」Grace Chan︰「我個仔話望住盞燈就冇事……」我︰「望住就得？！」離開佢間房時，停o左！ ^_^ 唔通望住盞燈真係得？定係「o下？」有用呢？hahhahah………

哎呀！俾阿May 知我喊添，瘀死！ ^.^ 「俾個客鬧之嘛！小意思啦！做人堅強o的！」」……我都知！但原因係咁簡單就好。be strong, be strong.

似乎recharge完之後，感覺好好多。

Cat 日日同我打氣，「你要俾心機，加油，加油！」Kathleen、May、波仔同Mark 又成日幫我，我要努力！

好想打波呀~~~

天氣悶熱，待在家中。本應到外邊逛逛渡過假期，但不知到哪裏去。旺角和銅鑼灣也沒甚麼特別，人多擠迫，平日還迫不夠嗎？很想去西貢，但又不想這麼早起床，難得一日可以遲起床。

有時不知道將自己安置於何處。很無聊。

ready for planting 蘋果樹，Daddy 陪我癲，係佢提議先！佢話會出苗o架！襯而家仲有陽光，搵下先。

Ricky，sorry~~~放飛機！

唉！我就係唔知邊個打邊個先問個goalkeeper 係邊個。我又唔知有兩個落o左場，適逢仔答我時重播緊上半場……我想讚o既係下半場……得啦！而家真相大白lu！^o^

「遺忘了我倆過去，有許久已不見。然而這最愛季節再收到你的信，從異國遠處寄送這串風鈴來贈我，已久的情懷彷彿帶到今天。」《風鈴‧盧巧音》

三個鐘好易過。一個月過後，人始終有o的改變o既，至少而家遇上普通話人，自己會堅持用返普通話，正所謂活學活用。

琴晚o係雜誌睇到有個床舖好鬼得意，於是今日一放工就走去對面（exactly 返工對面）搜尋目標。搵o黎搵去都搵唔到……>.<「搵咩呀？我幫你搵啦！」「唔該我想要……波仔？」「係呀，你搵咩呀？」我一眼見佢手上o既戰利品，就話啦︰「我就係想要你呢個款呀！」……yeahyeah~~~咁就俾我搵到啦！唔該，波仔呀！返工幫我追貨，放工幫我搵床舖，hahahhahah……(^_^) o個個女o既會唔會係佢靚靚老婆呢？我聽唔清楚佢介絕添。 ^o^

返去同兩位大人食lunch，唔知自己幾時變得咁多o野講？ ^.^ 對住佢o地bilibala~~~乘機向佢o地撒嬌。

本想行宜家，但係最後o係大埔中心逛。買o左條褲俾自己，買o左件衫俾細佬（仔，你成日好奇我用錢都用唔完咁。其實係因為我細路 ^.^），好想買過對VANS，但係冇對睇得上眼。

今日見到呢期最靚o既金黃色，可惜冇帶相機……真係好靚！夕陽下o既景物真係別有一番韻味。

以前一見hang tag 即剪即扔，而家會剪低o左慢慢研究。Nike o個個已經見慣見熟，一見就up 得出個item #……職業病發作！^.^ size stripe 都唔放喎，但係我唔明要整咁耐。

其實，由第一日開始返工已經好驚，唔係驚自己做唔到，而係驚間公司真係會無良用完自己三個月就踼自己走。杞人憂天？危機感強o者！所以迫自己學，點煩都要學。份工o岩唔o岩自己？經過一個月，肯定自己鐘意對人多過對死物；鐘意Build up 關係多過維持關係（自己作風）。份工o岩唔o岩仲言之尚早，過多一個月就可能會知。……其實我都好鐘意呢份工，同事好，上司好不在話下。雖然日日真係同時間競賽（challenge），同個客鬥智鬥力（係呀！真係要鬥力，為o左個客批貨真係要走上走落。）

迷失o左自己？亦都因為迷失o左自己而積極搵返出路。

自己要對逆境負上責任。

三個都係同一個阿爸阿媽出，但係性格可以話係好唔同。我呢個做大o既係最聽話o個個，我都唔聽話o既話就真係激死佢o地啦！不過係有限度地聽話。

重播。我好欣賞中港聯隊o既Goal Keeper……終於有人答到我佢係國家隊。

兩位大人鐘意哨牙仔鐘意到出晒口。貪佢肥得靈活呀！hahahhah……

魯爾‧http://myhero.sporthk.net/closeup/kiss/kiss.html

今日心情好複雜，正確o的講呢期唔知做乜鬼，連Kathleen 都忍唔住問我做乜咁呆？係咪做得辛苦？……一時忍唔住，眼淚又唔聽話喊o左出o黎，嚇親佢……我唔係辛苦，呢份工真係唔算辛苦，係煩o者，但預o左！喊o既原因我真係搞唔清楚，或者我嬲自己做得唔夠好，我嬲自己成日煩住人。又或者Kathleen 對我實在太好，一時感動。又或者喊係唔需要原因。

嗚咽地哭著覆email，尤如一個小學生哭哭啼啼，不情願做功課。幼稚？我唔否認，我只係社會大學o既初哥（又俾藉口俾自己！）。身旁的Kathleen 則不斷安慰，眼淚更加不受控……千祈唔好對我咁好，我會好內疚。

心情稍為平復，就想食o野（lunch 都冇胃口食）。雖然係區區幾塊毫不起眼o既餅乾，但係唔知點解味道特別甜。多謝Kate…… ^.^

歸家途中，心情依然忐忑不安。係時候需要心理重建……

我絕對唔希望自己帶o的唔開心o野返屋企，所以返到去已經盡量唔去諗，專心睇波。

估唔到自己都會認到咁多球星喎！今晚不斷向媽咪、靚妹推介魯爾呢個好老公。yeahyeah~~~~ 媽咪︰「呢o的老公絕晒種。」我︰「o下？咁我即係冇行？ >.<」

雖然我唔多識睇波，但係我覺得呢場波真係好好睇，或者有球星o係度掛？又或者因為中港聯隊入o左波，皇馬先起勁咁踼，球迷o既福氣。

結果係2:4，皇馬贏兩球。

7/8/2003 (THU)

高迪，生日快樂！

次次去親太子爺度食飯，都係少幾蚊。Fanny 話咁就要食多o的啦，積少成多。 ^_^ 今日我o地見到個老細 lu。

從Grace Chan 口中得知Martin 係巴基斯坦人，但可以講到一口好流俐o既廣東話。我諗佢普通話都唔錯，因為我同佢都要接觸唔少台灣客。唔知佢又係乜樣呢？^o^

今日Cat 同我講，話我住o個幢樓有個仔仔物體……又高又靚仔。冇理由我唔知o架喎！或且我o的出入時間不太正常掛？但我會去求證。

范老師無端端話我成熟o左！依然都係咁開心……說真的，佢咁講我真係有o的意外。成熟？我諗少少都有o既……可以o既話，我寧願自己係一個細路，扮晒低B。 ^o^ 係可以o既話……

用盡腦力……今晚要好好recharge。~.~

今日終於知邊個係阿Mark 同 Stephine，都係同我差唔多大。 ^_^ 唔怪之得Stephine 每次見到我都會笑啦……有o的似被點相o既感覺，驚o架！hahhahhah…… 自己又唔識，但佢又對自己笑喎！^o^

自從o個個trip之後，Sally 好似同我講多o左o野，至少行出行入都會同我hi 下，bye 下……有機會搵埋佢一齊食飯先。

Cat 同 Kate 計過lunch 條數，千幾蚊真係可大可少o架！搞到我真係好想帶飯食。

呢期學放貨……麻煩Mark同 Ken lu！ ^.^ 終於分到邊個係Martin 同 Mark。

蟬鳴……仲以為自己聽錯，但都唔會阻到我訓覺！ ^_^

好似肥o左…… >.<

「一寸光陰一串金」、「一字千金」……深深體會。

睇完個女o既日記有所啟發。大學係社會o既縮影，多謝過去三年給我甜酸苦樂的人，使我能夠應付工作時綽綽有如。辛苦？仲未……壓力？一定有，但我handle 到。 ^.^ 大家都要加油！

成日都唔記得多謝呢幾個人，雖然佢o地都係例行公事，但都係要多謝下o既！鬼叫我o的客咁多問題，我又要成日搵佢o地！開頭以為追單同出貨係一件好容易o既事，但自從o個個trip 之後先知道係好唔簡單。唔怪之得唔係時時刻刻搵到波仔啦！Mark 同 Ken Pang（Shipping 大佬，其實我覺得個個dept 個頭頭都好平易近人！）又係大好人，有時我唔記得release o的貨，佢o地都會提我o地呢o的新人，教我o地點做！hehehhe……有時我知自己會激死佢o地，弄得他們哭笑不得！^o^

我好想見下成日通電o既同事，好似Stephine、Kit（我估佢o地都係同我差唔多年紀）、Joe、Mark（有時我覺得好似差唔多年紀咁，但有時又覺得佢似三十多歲人喎！）、Ken（坐得呢個位，肯定過三十！……把聲好鬼成熟）^_^

同時，我又想見下麻煩客Lavie（又煩又串，但我串得起！所以溝通係冇乜問題。Kathleen 都好奇我可以同佢咁urgent o既時候，仲可以咁好傾！ ^.^），我又想見下o個條死八婆……不過都冇乜機會啦！台灣……又想見o下韓國客Chloe……其實我個個都想見，出於好奇……

有時見到o的hang tag 真係好鬼靚，想據為已有。琴日有個客退貨，個牌牌真係好靚，問阿May 可唔可以keep 一個，佢話冇問題……做書籤都好嘛！真係好靚！ ^_^ ……都係一句，一個吊牌仔o既誕生過程係殊不簡單o架！ ^o^

有衝動想一次過睇晒《The Classics》、《我的野蠻女友》、《向左愛‧向右愛》。

今朝做下做下突然頭暈，嚇死我！Fanny 問我係咪壓力大喎！唔係丫……urgent o個o的都過晒！ 冇咩大壓力。

我唔鐘意下雨天，但有時o個陣雨味係好舒服。

你o地仲記唔記得自己o係西貢時寫過o的乜？我只記得一部份……好想快o的十一月，睇下自己完成幾多個目標。

今日臨走時，清下個板仔……想貼相相……不知不覺我學識o左好多o野！ ^o^

今晚聽《愛情陷阱》o既鋼琴前奏，突然間記起何光熹彈的《給愛麗斯》。^.^

「鐘意一個人唔一定要拍拖，見佢開心己經好足夠。」

依然係琴日的日記。

細佬買o左好多戲返o黎，好多我都想睇，但冇mood 睇~~~只係好想訓覺休息，但係夢見自己工作o既時候又醒o左……我只係想要少少私人時間都唔得？>.<

我都好想快手起貨，但係懶……user friendly o既時候，又做唔到自己想要o既效果。真係唔可以兩全其美？……其實呢個世界永遠都有trade-off。

Yelly 個hp 越o黎越靚，越玩越pro呀！o拿，你快o的學多兩度「散」手，好讓我從中偷下師嘛。

邊個先係真正自己？其實我而家都搞唔清楚，又或者我已經搵到但我唔知……或者咁講，自己過得舒服開心，問心無愧，呢個就係真正自己。at this moment，我覺得自己好幸福。 ^_^

「本來討厭下雨的天空，直到聽見有人說愛我。」~~~ from 周杰倫《妳聽得到》

今朝返去真係打仗……no next time, many thanks to May and Kathleen。

忙到唔想食晏晝，even Grace Chan 話要食飯先得，否則手尾長，但係真係冇乜胃口食。

忙忙忙，忙到八點多先鬆……聽日再續吧！加油！^o^

出奇地，竟然《愛情懸崖》不斷o係我腦海中徘徊。……總覺得呢首歌似曾相識。

究竟係同一個人拍拖定係同佢成家人拍拖呢？ ^.^

3/8/2003 (SUN)

我放鬆唔到，發夢都見到自己不斷工作。訓醒，一諗起聽日對住o的客、堆積如山的文件就心煩。 - _-"

都好耐冇睇過港姐，真係不堪入目，同埋好似好兒戲。

開頭覺得《以父之名》冇咩特別，但係扭大喇叭，beat 夠強勁，漸漸喜歡呢首歌。

或者廣告效應，同埋本身鐘意R&B多o的，所以《妳聽得到》係《葉惠美》成隻碟o既最愛一首歌。

《三年二班》係一首好得意o既歌，冇諗過乒乓球聲都可以同音樂有如此融合的配搭。

《梯田》，睇歌名好似冇咩特別。但細聽之下，係對人類自私的控訴。

《東風破》，好有中國味的一首歌。

《晴天》、《愛情懸崖》都係R&B 作品，但我都係鐘意《妳聽得到》。^_^

整體上，成隻碟唔錯，音樂變化多O左！^O^

講返琴日先，未講完。lunch 走o左去食意大利o野（其實似係食家庭式西餐多o的！），最欣賞個pizza o個劈醬汁……好味！酸酸甜甜~~~~整體上，o的食物唔錯。如果時間多o的，地方大o的，坐耐少少會更加好！^o^

結果，今日都係冇返到去。一個字，懶………星期一先搏殺！

晏晝同媽咪去染髮。原來白頭髮係女人大忌，hahhaha……我依然都係染返深粟色。染完之後，再同佢o係附近逛一逛，然後分道揚鑣。

一個人百無聊賴走o左去尖沙咀o個間米奇老鼠，不礙如事，只是多o左間cafe……沒甚麼大驚喜，反而仲有o的失望。

同基基o係Shooter食飯，現場播緊皇馬。眼見o的女仔對碧咸如此熱情，我第一個反應︰「o下？！……」有點兒丟臉。其實，碧咸真係靚仔嗎？我又唔覺喎！媽咪仲話成個佬咁o既款邊度靚呀？o個個咩雲仲好過佢啦！ ^_^

食飽飽後，去睇《戀上你的床》。比我預期中好睇……劉青雲勁呀！hahhahahha……「莫斯科馬戲團」……hehhehehheheh…… ~^.^~

「我只係需要一個識得教我過馬路o既人，冇o左你，我唔知前面條路點行。」~~~ from《戀上你的床》

再去o個間占卜feel 吧飲o野，安仔佢o地後join，Algie（唔記得咩名啦！）又送我o地小食。可能佢o地去得多啦，真係搵唔到原因唔繼續幫襯……^.^

所謂「完美」，永無止境。除非有一日你想停低o係度，滿足現況。

學識多o左，見識多o左，豐富o左自己，自己個世界亦不知不覺咁複雜化。當呢個世界越o黎越複雜，自己就越想追求簡單生活。

我依然相信有簡單o既愛情，雖然機會好細，但我亦都希望自己有幸成為其中一個。

除o左屋企人，我仲唔可以冇o左邊個呢？暫時冇！

其實，我仲係好介懷o個件事 @.@ 諗返都覺得自己好傻，不知不覺呢種拖拖拉拉o係心坎中烙了一個深深的印。但我亦都多謝佢，佢教曉我做人要爽快，鐘意就鐘意，唔鐘意就單聲。

憎同恨只會令自己辛苦，咁又何必苦了自己？如果唔係在意呢個人，根本唔會憎恨佢，亦都可以睇到佢對你有幾重要。

乖女摘o左好多粒星星陪我訓覺……好靚，好靚！thxthx~~~~~~~~ ^.^ 其實前幾日應該要講，但又唔記得o左。

Nice night~~~

0525，好耐未試過咁早訓覺……好眼訓~.~

返去默默作戰，有點呆滯……以後真係第二日放假先去應酬。

晏晝失驚無神話工廠遊…… 頂佢個肺，唔忙都唔遊，又冇得say NO！三個鐘咁就過o左，o的email 一來就十幾廿個，朝早o個o的未做完再加埋呢堆真係「杰」！唔想堆，諗住做埋先走。九點幾，o的同事迫我走啦，佢o地話夜o的會黑晒，睇唔到o野……thanks thanks 佢o地。唉……聽日想放假都唔得，妖！最衰個tour 安排不當。

今日真真正正見到o的hang tag點出世，見過Martin、Candy（多次電話，今日先見其人），對於自己工作清楚好多……但我都係想投訴安排不當囉！

咁多個新人，我o的單都算係最趕、最多……

叔叔話我同Fanny 唔係兩姐妹，都會係親戚。o下？hhahahhah………似樣喎！Fanny︰「叔叔，其實我同你都係親戚。」叔叔︰「你都係姓瘳？」Fanny︰「嫁俾你個仔咪係囉！」

今晚要好好recharge，聽日清好o的o野，KO埋o的麻煩單……預o左email 一出，國語人一定投訴。忍…………

今日已經盡力控制情緒，逐一逐一KO。接電話前粗口滿天飛，接電話時笑住咁講……精神分裂？

諗起堆email想死，我都唔明自己有咁多！成日形住聽到電話響……精神衰弱？~.~